مافي احسن من رجيمي 4 كيلوات بالاسبوع!

[Q8tya.]

بعطيكم تجربتي
:eh_s(9):​

للعلم كل جدولي وحساباتي بالنت سويتها لا من الدكاتره الي انتو مربحينهم وكل شغلهم تجاره بتجاره
والفلوس الي تقطينهم عالدكتور الي حتى لما تدخلين عنده ماتطولين عشر دقايق ...اشتري فيهم اكل رجيمج بالجمعيه ومايي نص قيمة فتح الملف وقيمة مراجعاتج!​

ونصيحة طبية الي ماتحس انه وزنها ينزل وبطيئ تروح عياده ببنيد القار العماره الي فيها عيادة الدكتور النصر الله بس لاتروحله اهو​

في تحته دكتور لبناني مختص بالغدد يمكن الغده عندج فيها خمول ...يسويلج تحليل غدد.. ويعطيج حبوب تنشطها تحرق السعرات الحرارية ..
بس اي غده مادري عاد؟! الدكتور ابخص​

المهم هذا جدول رجيمي​

انام الساعه 12 ​

واقعد 7الصبح .. واشرب خمس قلاصات ماي واحس بشبعه وبعد ساعه تكرمون يشتغل الحمام.. منها تنظفين جسمج من السموم ومنها كليتج تصير نظيفه​

------------------------. ​

عاد شنو ريوقي ​

1-حليب خالي الدسم البنفسجي.​

2-بيبي فروت .. تعرفون القراش الي فيهم فواكه يعطونهم حق اليهال الي بالرضاعه مخلوط بموز وبرتقال مع الحبوب ؟​

وكله 90 سعره حرارية
---------------
غداي​

1- شريحتين توست اسمر بالحبوب اكون حاطتها بالمحمصه وحارقه كل الي فيها هههههههههه ويصير طعمها احلى​

2-جبن شرايح خالي الدسم بالجمعيات.​

3-نص كوب كل من الفاصوليا والجزر والبصل يعني كل نوع من الخضرا نص كوب وكله مشوي على التاوه تخلينه مده وبعدها تيبين ماي فلتر وتكبينه فوقه تشوفين لونه يتغير للبني ..
واذا ماعندج عالمقله مومشكله اهم شي تحرقين السعرات الي فيهم كثر ماتقدرين لما تحسين انه صار مشوي وهذا افضل شي قيمته الغذائيه صفر .​

4-عصير قريب فروت وبعدها انطر شوي واشرب قلاصين ماي علشان الكيربوهيدرات والدهون الي اكلتها تخف نسبتها او تنهضم بسرعه​

الغدا كله مايوصل 150سعره حرارية.​

لذيييذ ويشبببع
--------------​

((تصير الساعه 6 عقب اذان المغرب اروح امشي ساعه ومشي سريع الي بعدها احس الدم الي بريولي يغلي))​

--------------
عشاي
1- حليب خالي الدسم البنفسجي
2-خوختين من الكبار ويشبعوني
-------------
والساعه تسع اوقف اكل بس ماي ..واذا حسيت بدوخه وعوار راس عصير اناناس وتمرتين ومودايم احس بهالشي
-----------------------------​

واانام بليل من الساعه 12 لي الساعه 7 يعني جم ساعه :eh_s(15): بهالساعات هذي واااايد استفيد منها ولما اقعد من النوم احس براحه نفسيه احس هال6 ساعات انجاز واقعد من النوم خفيفه لا عوار ريل ولا كسل ولا عيز والنوم له دور اساسي بالرجيم ..اما اذا بتسهرين ورجيم ماينفع راح تيوعين وتاكلين وتخربين الرجيم وتندمين والاسطوانه المعروفه عقب ماتاكلين ``خلاص ماراح اكل بعد``​

بلا حبووووب بلا دكاتره​

4كيلوات بالاسبوع شتبون بعد​

بس حق الي عندها قوة تحمل وتشوف جدام ..لاتعيشين يومج.. شوفي جدام وتأكدي بالثواني انتي قاعده تنزلين​

ويوم واحد مفتوح الي اهو يوم الجمعه اروح لولو هايبر وعندهم لحوووم ودياي انواع واشكال من التتبيلات متبله وخالصه بس تحطينه عالفحم وكل تتبيله احلى من الثانيه وبنفس الوقت مشوي يعني لذيذ وخفيف وأي كميه تاكلين لانه يوم مفتوح ويفضل سفن اب احسن من البيبسي وانا ماحب البيبسي ...وضروري يوم مفتوح للجسم ياخذ الي ناقصه من دهون وفيتامينات وكيربوهيدرات ومايمتن​

ان شاءالله اكون فدتكم وموفقين يارب​

 

[ام وحش]

شكرا على الرجيم الحلو وشكلي بمشي عليه يعطيج الف عافيه

 

[؛؛حلاوه؛؛]

مشكوووره حياتي

رجيمي يشبه رجيمج وضعفت عليه 3 كيلوات بأقل من اسبوع


بس قبل النوم بساعات مااكل شي

ومن امس مطبقه هالرجيم

الريوق: توست وجبن
او 2 شابوره*
الغداء: 10 قفاش عيش وايدام او سلطه
او 2 توست وجبن او نص خبزه وجبن او تونه

المغرب: كابتشينو وكتكات

او كابتشينو وتفاحه

العشاء : 2 بيض مفيوح او مقلي

او روب وخيار*

او حبتين فاكهه

 

[Q8tya.]

يا ادارة المنتدى شكو منقوووووووووول؟؟؟؟؟؟؟؟؟؟؟؟؟!!!!!!!!!!!!!!

الحين هذا ورجيمي امشي عليه وانا كاتبته وتقولون منقووول واخرتها مسكرين التعليقات لييييش؟؟؟ روحو افترو بالمنتديات كلها اذا حصلتو نفس موضوعي معاكم حق :\

 

[Q8tya.]

Up up up

 

[بــ زايد ــنت]

باين عليه رجيم تمام

انا بجربه من الاسبوع الياي ان شاء الله


ماقصرتي

 

[بدون حبيب]

ونااااااااااسه يبيله الواحد ينظم نفسه يكفي شي صحي اب اب لعيونج*

 

[بدون حبيب]

انا الكل قالي استعملي حليب قليل الدسم عشان خالي الدسم يسبب هشاشه وحبيبتي لما سويتي هالنظام ماحسيتي بيووووع نص الليل او تشتهين ككاااو؟؟؟؟؟

 

[فوز السعودية]

والله رجيمك سهل ومفيد ان شاء الله امشي عليه

 

[حرم_طيار]

ماشالله خوش ريجيم الله يتمم عليج

 

[انين السنين]

الله يعطيك العافية

صراحة حلو والحلو فيه انه نظام طبيعي ومن البيت يعني الواحد يقدر يستمر عليه طول العمر

وان شاء الله بجربه بعد ما اخلص نظام دشتي

وربي يجزاك خير.

 

[^^ROSE^^]

جان زين اضعف هالكثر تمام والله
بس معلومة
اذا حطيتي التوست بالتوستر ماتقل الكالوري ولا شي
بالعكس ممكن تحرقين الفايده اللي فيه
ترى هو مجرد ينشف الماي اللي فيها فخليها مثل ماهي احسن

حتى الخضار طبخيها عالبخار
الكالوري ماراح يقلون بالعكس قاعده تحرقين الفيتامينات
خليهم عالبخار تحافظين عالفيتامينات والالياف احسن

وان شاء الله اسوي قريبا
مشكوره ياحلوة

 

[@ DLOO3TAH@]

خوش نظام

 

[فجر_الكويت]

قواج الله

 

[ام عزوزي&]

الله ينحفنا من مرض يارب