ماقصرتوا فرحتوني...

[أمانيQ8]

حبيبات قلبي مشرفات القسم ... ماقصرتوا على تثبيتكم لموضوعي جد فرحتوني وانا بره الكويت تفاجأت وانا اتصفح المنتدى ... ماقصرتوا يابعد قلبي وعساكم عالقوه وانشالله بحط لكم تقارير سفرتي هذي والله يابنات اللي يبي صج يريح اعصابه ويرتح يروح النمسا ... منطقة كابرون عجيبه هاديه وطبيعه فظيعه ونظافه وشراحه بس ادعوا لي اتشافى من جرح العمليه بسرعه خل استانس والله ميته من الالم ومع هذا احاول الهي نفسي:0bee2e8d89: حبيباتي بنات المنتدى وكل من طلب مني تقرير ثاني اقولكم من عيني هذي قبل هذي بس ارجع انشالله وشكرا كلكم وماقصرتوا فديتكم

 

[الطش والرش]

الله يشافيج ويقومج بالسلامة يا رب

يعني تنصحيني نحجز فندق بزلمسي ولا كابرون ؟ انا حاجزة ميونيخ زلمسى وودي اروح عقبهم ميلانو او باريس عندج فكرة شلون يعني بالقطار ولا الطيارة ؟

وتسلمين يا عمري وما تشوفين شر


على فكرة تقريرج عن استراليا روووعة ومبروك التثبيت :ggdw:

 

[طويلة البال]

ماتشوفين شر


تقومين بسلامه ان شاءالله

وجر وعافيه

 

[دهن عود مبخر]

ماتشوفين شر يالغاليه
وترجعين بالسلامه
ان شاءالله


ونشوف تقارير جديده وحلوه​

 

[أساور]

ماتشوفين شر وترجعين بالسلامه ان شاء الله

 

[SRM]

ماتشوفين شر يالغالية وترجعين لديرة بالسلامه
بس هالله هالله بالتقرير المفصل الزين (مو الوطنية ههههههه) ونبي صور بعد

 

[KaNoOoSha]

تقومين وتوصلين بالسلامه انشالله
ناطرين تقرريج لاني بروح النمسا وميونخ وناويه اسكن بكابرون مو زالمسي لاني من سنتين شفت الثنتين كابرون وايد احلى ورواق واهدى من صيحة الخلجيين عموما في زالمسي

 

[A. style]

اجر وعافية انشالله.. وترجعين بالسلامة ..

 

[أمانيQ8]

ياحبيبات قلبي كلللكم الله يسلمكم من كل شي

بالنسبه للغاليه اللي اسألت عن السكن في كابرون او زلمسي انا اقولج كابرون وايد اهدى وحلوه ومافيها حوسة العرب والخليجيين بس يعلهم العافيه الساعه6المغرب يصك السوق والجمعيات 7ونص والسبت والاحد غسلوا ايدكم كل شي يصك والمطاعم الساعه10 اتعزل يعني ضيقة خلق .. وزلمسي مافيها غير هالبحيره بس عاد كابرون اخذوا طبيعه اهي وزلمسي الحين برد برد ومطر ولي صار مطر كل شي عزل عندهم!! هالاسبوع بنروح ايطاليا ونرجع النمسا لان امأجرين بيت لمدة شهر.... والله يسهل
على فكره ميونخ ضيقة خلق كئيبه هذا بالنسبه لي بس الاسواق حلوه فيها
مره ثانيه اله يبارك فيكم ياللي باركتوا لي بتثبيت الموضوع والله يسلمكم ويحفظكم كلكم اللهم امين

 

[SRM]

أختي بغيت اسالج شنو اخذ لبس معاي ربيعي وله شتوي بسافر اول شهر 8 ميونخ يومين ثم كابرون 19 يوم شنو اخذ بما انج هناك وانا معاي ولدي سنه و7 أشهر
ومشكووووورة

 

[ترانيم العود]

اجر وعافيه وترجعين بالسلامه

 

[أمانيQ8]

هلا اختي اس ار ام والله ميونخ عادي الجو فيها اخذي صيفي بس كابرون موووت برد خصوصا عقب المطر هذا احنا متثلجين وقاعدين

 

[أمانيQ8]

الله يبعد عنكم الشر يارب وماقصرتوا عامرور

 

[rawona]

تستاهلين حبوبه ..

والله يشافيج انشالله وتردين بالسلامه ​

 

[أم خالد]

عسى الله يشافيج ويردج بالسلامة أنا بعد بسافر مع اليهال بشهر 8 فينا سالزبورج وكابرون بس متوهقة بلبس اليهال ناس قالولي لبس عادي بس اخذي جاكيتات وانتي تقولين برد موووت يعني يحتاجون اليهال ملابس داخلية (أندروير وجيجي وهاينك ) أفيديني وجزاج الله خير

 

[أمانيQ8]

الله يحفظكم ويخليكم لي كلكم انشالله فديييييييييييييتكم
ام خالد تصوري حبي توني راده على موضوعج وشيكت على موضوعي ولا الاقيج راده سبحان الله رديت عليج جيكي موضوعج اي حق كابرون كثري شتوي متنا من البرد ماهقينا جذي كوتات مطر وشماسي وعلى 8 اكثر يشتد البرد

 

[أم خالد]

مشكورة ماقصرتي توني قارية ردج على موضوعي حطيت لليهال ترينق سوتات شتوية مع اندروير احتياط مع كبوس وتسوس وكوت مطري لكل وحدة (الله يعيني على ثقل الجناط ) بس نبهتيني علشان آخذ لي شي أنا بعد بس هالجو يبيلة دوة وكستنة وبنك لووووووووووووووووووول يبيله اطرش لج على الخاص

ومشكورة يا قلبي

 

[أم دناش]

الحمد لله على السلامة

 

[سنفورة]

ما تشوفين شر حبيبتي وتقومين بالسلامه انشالله
انا الحين بسدني وتوني واصلة من جولد كوست الصراحه استراليا روعه
واستفدت من تقريرج واايد
وناطرين تقري النمسا