ماكرون....help plz

[dr.'3roor]

قوه حبيبااااتي الحلوييييين

ابي اسوي ماكرون شفته وحييييييييل تشوقت

يا ريت وحده تساعدني و اتقولي شلون

واذااا في احد عنده طريقة بليييييز بليييييييز بلييييييييز

 

[موون]

لعيونك الوصفه


ماكرون بالشوكلاته

100 غرام شوكولاتة غامقة مفرومة
140 غرام طحين منخول (دقيق)
½ 2 ملعقة كبيرة كاكاو بودرة
50 غرام زبدة طرية
80 غرام سكر
1 حبة بيض
1 ملعقة صغيرة فانيليا
1 ملعقة صغيرة بيكنج باودر
كمية من الكرز المعسل أو من القطر
كمية من السكر الناعم لتغطئة حبات المكارون
½ ملعقة صغيرة ملح

1. تذوب الشوكولاتة المفرومة والزبدة
2. ينخل الطحين، الكاكاو، البيكنج باودر والملح
3. تخفق حبة البيض مع السكر والفانيليا جيداً
4. يضاف عليها مزيج الشوكولاتة الذائبة مع الزبدة ثم المكونات الجافة .
5. يجمع المزيج ويبدأ بتشكيل كرات إما باليد أو بملعقة
6. يوضع في وسط كل كرة حبة أونصف حبة كرز (إختياري) ثم توضع في السكر الناعم لتغطى كلياً وتوضع في صينية مغطاة بورق خبز
7. تدخل الفرن المسخن على 350 درجة فهرنهايت لمدة 12 إلى 14 دقيقة لا غير
8. تخرج وتترك لتبرد

النصائح:

1. إذا كانت العجينة جافة قليلاً يمكن إضافة اليها ملعقة أو نصف ملعقة كبيرة حليب كي تطرى قليلاً
2. يمكن حشو الكرات بقطعة شوكولاتة أو حبة مكا داميا (نوع من المكسرات) للتغيير

 

[أحلى همبه كويتية]

تفضلي

بسكوت ( ماكرون) طريقة الشيف اسامة



​

المقادير
​

3 بياض بيض

3/4 كوب سكر بودرة

1/2 كوب دقيق لوز (منخول)




للتزيين



مربى فراولة أو توت

شكولاتة داكنة سائلة

فستق مجروش




الطريقة
​

- يُسخن الفرن لدرجة 130 مئوية.

- يُخفق بياض البيض في العجان

الكهربائي ( بواسطة المضرب)

على سرعة مرتفعة حتى يتماسك ويُصبح مارنج.
​

​

- يُضاف السكر البودرة مع الإستمرار

في الخفق لمدة دقيقتين حتى يتداخل مع المارنج.

- يُضاف دقيق اللوز تدريجياً لخليط

المارنج مع التقليب بخفة بإستخدام

ملعقة خشبية ( أو اسباتولا)

حتى تندمج المكونات، مع مراعاة

عدم المبالغة في التقليب

حتى لا يخرج الهواء من الخليط.
​

​

- يُوضع الخليط داخل كيس حلواني

ذو طرف أملس ( غير متعرج)، ويُشكل

داخل صاج فرن على هيئة دوائر صغيرة.

- يُخبز بالفرن لمدة 15 دقيقة،

مع مراعاة عدم فتح الفرن أثناء

مدة الخبز، يُترك ليبرد قليلاً.

- يُزين بغمس طرف الوحدات

داخل شكولاتة سائلة ثم تمريرها

على فستق مجروش أو تُلصق

وحدتين بقليل من مربى الفراولة

أو التوت ( ليأخذ شكل البيتي فور).
​

​

​

- يُرص فوق طبق التقديم ويُقدم

مع الشاي أو القهوة.



منقول ​

 

[أحلى همبه كويتية]

***** Macarons *****

​

​

كلكم طبعا تعرفون الحلا هذا وما أظن يحتاج أشرحلكم كيف طعمه رهييييييييييييييب , اليوم بوريكم كيف تسوونه وإن شاء الله شرحي راح يكون واااافي وماتواجهون مشاكل إذا جيتوا تسوونه، وإذا واجهتوا مشاكل لا سمح الله أما موجود و شفت مشاكل كثير و قريت عن مشاكل كثير و إن شاء الله نقدر نحلها .​

الماكارون نوع من أنواع الحلويات الفرنسية المشهورة جدا، غالبا يكون غالي شوي وتلاقونه متوفر بنكهات وألوان كثيييييرة وتقريبا أي نكهة في بالكم يمديكم تسوون منها ماكارون ولو شغلتوا عقلكم شوي بتقدرون تسوون نكهات من تأليفكم . فيه محلات حلويات أختصت في هذا الحلى وفيه كتب كاملة أنكتبت مافيها شي إلا وصفات ماكارون . أول ما يضبط معاكم إن شاء الله بتدمنون عليه وبتقعدون ما عندكم شغل إلا تسوون ماكارون وصارت معي أسبوع كامل وأنا ماعندي شي إلا أصلح ماكرونات .​

الماكارون غير الماكروون أو (macaron vs macaroon ) طبعا الأول هو الفرنسي الثاني هو الأمريكي و اللي يجي مصنوع من جوز الهند وفيه شبه بسيط بينهم بس طبعا وش جاب لجاب الفرنسي نكهته شوي معقدة و تحسين فيه تشويق في كل لقمة

.​

الموضوع راح يكون مقسم إلى أجزاء أبدأ أول شي أشرحلكم عن الماكارون وبعدين بوريكم كيف تسوون الطبقة اللي برا وتعدلون عليها حسب رغبتكم، وبعدين بسويلكم حشوتين وأحاول أساعدكم تسوون حشواتكم الخاصة .​

بصراحة الماكارون موب سهل مررة بس بعد موب صعب مرررة شوي تدريب ويضبط معاكم. ​

طيب وشلون تعرفون الماكرون الزين من الشين ؟؟؟ بالعربي وش لون تعرفون إذا ضبط معاكم ولا لأ ؟؟​

​

هذي صورة مقربة جدا جدا ،ماعليكم من اللون داري لكم عليه بس تراني والله موب نصراوي . أول الشي الجزء اللماع اللي فوق إسمه القبة والمفروض يكون لماع وناااااعم مافيه مطبات أوكييي . الجزئ اللي تحته إسمه الياقة وبيني وبينكم هذا أصعب شي في الماكارون لأنه موب كل مرة يطلع معاكم وبكترهون عمركم أحيانا تدوروون على السبب. اللي تحته صحن ماعليكم منه .​

خلصنا المقدمة الحين الجزء الثاني .​

أول شي الأدوات :​

تحتاجون ميزان يفضل يكون ديجيتال زي ما قلت عشان ما يقعد يخرب معاكم أحسن شي كل شي يكون بالجرام و أي وصفة في كتاب بتلاقونها بالجرام لأن الماكرون حساس شوي في الوزن .​

الشي الثاني تحتاجون كيس حلويات هاذاك اللي تحطون فيه شي وترعصون من ورا ويطلع ولازم يكون له راس ساده ١ ونص سم عرضه تقريبا أو أكبر بس ما ينفع براس نحيف وما ينفع بالأشكال نجمة و كذا الراس لازم ساده .​

الشي الثالث واللي غالبا موجود في كل بيت منخل أو مشخل أو مشخله أو شخالة واللي عنده إسم زود يكتبه تكون فتحاتها صغيرة.​

الشي الرابع هو ورق فرن أفضل شي النوع اللي إسمه Parchment Paper مرررررة مشهور ومايلصق عليه شي طبعا هو موب ورق زبدة زي ما يسمونه الناس ، ورق الزبدة غير وله مشاكلة وموب ورق الشمع بعد لأن بعد له مشاكلة . ورق الزبدة ممكن يسوي مشكلة هنا كون الدهن و البيض ما يمشون مع بعض دايما

. ورق الشمع عبارة عن ورق مغطى بشمع بس مع الحرارة الشمع يذوب ويعطي نكهة شمع في الأكل . ال parchment عبارة عن ورق مقاوم للحرارة مغطى بسيليكون وهو المستخدم في أغلب محلات الحلويات حاليا .​

لو قدرتي أو كان عندك silpat أو سلبات وهو عبارة عن سجادة سيلكون للفرن ما تنشال من الفرن دوريها فمحل أغراض حلويات زين والمفروض تلاقينها تسهل وتوفر عليك كثييييييييييييييييييييييير وإستخادمها في أي شي يلصق مثل الكوكيز مثلا صدقوني أشتروها ميب غالية وتعيش فترة جدا طويلة ولو تعودتوا عليها منتب مستغنين عنها وهاذي صورتها مع باقي الأدوات . ​

​

لاحظوا الراس عريض .وهاذي السجادة اللي أقصد أطبعوا الصورة ودوها محلات وإن شاء الله تلاقونها .​

المقادير جهزوا ٣ ورقات عشان تكتبونها تراها كثيييييييييييييييييييييييرة :​

​

شفتوا وشلون كثيرة .​

110 جم بياض بيض بدون أي نقطة صفار ، على حرارة الغرفة يعني إفصلوا البيض وخلوا البياض برا ساعتين كذا ولاتخافون بياض البيض ما منه خطر أمراض . يمكن تقولون غريبة شوي بس يفضل تفصلين البيض وتخلينة برا الثلاجة ٢٤ إل ٤٨ ساعة عشان يتعتق بيعطي نتايج أفضل . ​

ليش ؟ لو سويتوها بتلاقون إن البيض صار أثقل طبعا اللي بيسير هو إن الموية تتبخر من البيض و الموية وحدة من الأشياء اللي تخرب المرانج وكل ما قلت الموية كل ما كان المرانج ثابت أكثر .​

125 جم لوز بدون قشر مطحون ناااااااااااااااااااااااااااعم جدا جدا ( ومشخول ، منخول ) طبعا الوزن بعد الشخل لا تحاولون تطحنون اللوز والله مشوااااااااااااار والنتيجة دايما سيئة أفضل شي إشتروه مطحون جاهز . كل ما كان اللوز أنعم كل ما كان الماكرون أنعم من فوق.​

225 جم سكر مطحون مشخول بس .​

30 جم سكر عادي ​

رشة ملح​

ونقط عصير ليمون بس نقط وإختياري.​

ألوان أكل حسب الرغبة يفضل تكون بودرة عشان ما تغير نسبة السوائل للجوامد .​

لو سمحتوا لحد يألف مقادير من عنده الأرقام تمشون عليها بالمملي ، طبعا اللوز هو الأصلي ،بس يمديكم لو تبون تبدلون شوي من اللوز بمكسرات ثانية سادة ماتكون محمصة ولا مملحة ولا شي بدلوا مثلا ( فستق مطحون ، بندق ، جوز هند ، عين حاشي إلخ..) ​

طبعا ملخص الطريقة هي إننا بنخلط اللوز و السكر بعدين بنسوي رغوة بالبيض ( مرانج فرنسي ) وبعدين نخلطهم مع بعض وآخر شي بنحطها في كيس الحلى و نصبها على صياني الفرن .​

الحين نجي للطريقة بالتفصيل :​

أول شي نخلط السكر المطحون مع اللوز بالشوكة إلين ما ينخلطون زييييين .​

بعدين بنسوي المرانج الفرنسي ولا يهمكم الإسم تراه بيض وسكر . في إناء معدني لو سمحتوا معدنييييي لحد يستخدم بلاستك وتأكدوا إن الصحن نظيييييييف البيض عشان ينفش صح لازم يكون في معدن ويكون بعيييييييييييييد عن الدهن أهمممممم شرطين . لو ما عندكم معدن مررررة إستخدمي قزاز غير كذا لا تسوينه في بلاستك . ​

ليش ؟ لأن الدهن يمنع بياض البيض إنه ينفش صح ( وعشان كذا تتأكدين إن مافيه ولا نقطة صفار كونها مليانة دهون ) غير كذا لو فيه شوائب بعد تمنع البياض ينفش ، طيب وش علاقة البلاستك ؟ البلاستك ما يتنظف ١٠٠ ٪ وممكن يكون معاه شوائب أو دهن هذا السبب الأول ، السبب الثاني هو إن تركيبة البلاستك تشبه الدهن و هذا بعد يمنع البيض ينفش صح . ​

حطي البيض و الملح و الليمون في الصحن وإخلطيهم على سرعة عاااالية إلين ما يسير رغوة بعدين إبدي صبي السكر العادي موب المطحون شوي شوي بعدين حطي الألوان لو تبين أنا مستخدم هنا أصفر ، بعد ما يوصل الخليط لمرحلة منقار الطير صدق والله هذا إسمها وقفي. وشو منقار الطير ؟ بالعربي إذا رفعتي الخليط مفروض الأطراف توقف زي كذا .​

​

الحين نجي للمرحلة الحاسمة و الأصعب وهي المرحلة اللي أغلب الناس يغلطون فيها الخلط .​

إستخدمي ملعقة مطاط زي حقت الكيك وصبي السكر و اللوز على البيض على ثلاث دفعات شوي شوي حركي الخليط وتأكدي إن كل اللوز إختفى بعدين حطي الدفعة اللي بعدها وكذا إلين ما يخلص اللوز . الحين هنا الخطوة الحاسمة متى توقفين خلط ؟ كل ما تخلطين كل ما يسير الخليط سايل لو خلطتي أكثر من المفروض موب صاير عندك ياقة لو خلطتي أكثر من المفروض موب صاير الوجه ناعم ؟ طيب وشلون تعرفين ؟؟؟
إرفعي الملعقة وشوفي كيف يطيح الخليط المفروض يطيح من الملعقة شوي شوي ما يكون سايل وينقط لا المفروض يكون شوي جامد . لو لقيتوا نفسكم شاكين إخلطوا أقل أضمن من إنكم تخلطون كثير ومع الخبرة بتعرفون متى توقفون .​

​

الحين عبوا الكيس وصبوه في دوائر حجمها حوالي ١ - ٢ سم وهي تكبر شوي يعني خلوا مساحة بينها شوي عشان ما تلصق في بعض . إذا جيتوا تصبون صبوا في مكان واحد وخلوا الخلطة تنتشر بدال ما تحركون راس الكيس عشان تطلع الدوائر مضبوطة. اللي ما تعرف للكيس زين ترسم على ظهر ورق الفرن دوائر وتقلب الورق وتستخدم الوجه الثاني اللي ما عليه حبر . بعد هذي النقطة مع الخبرة تتحسن صدقوني ما قد في حياتي إستخدمت كيس الحلى بس مرتين وضبطها الحمد لله .​

​

بعد ما تصبونها غالبا بتلاقون فيه راس طالع من الحبة من فوق زي اللي في الصورة إضربوا الصينية من تحت شوي إلين ما تروح الرؤوس .زي كذا بعد هذي تتحسن مع الخبرة مع الوقت بتصيرين تعرفين تصبين بدون ما تسوين أي رؤوس .
طيب لو ماراحت الرؤوس وش تسوين ؟ تبللين إصبعك بشوي مويه وتضغطين الحبة شوووووي شوووي .​

​

الحين الخطوة الأسهل شغلوا الفرن على حرارة ٣٢٥ فهرنهايت أو ١٦٠ عادي ولو الفرن حقكم من النوع اللي يجي فيه مروحة ورا تأكدوا إنها طافيه . بعدين خلوا الصياني ٣٠ دقيقة تقريبا عشان تكون قشرة اللي بعدين بتساعد تطللع الياقة .​

ملاحظة : لو كنتوا تسكنون في مكان رطب يعني جنب بحر أو في جبل وكان فيه مطر أو ضباب مثلا ( داري موب في السعودية

) من الأفضل إنكم تخلونها تنشف ساعتين قبل ما تحطونها في الفرن .​

حطوها في الفرن لمدة ١١ دقيقة تقريبا في الرف الوسط ، صينية صينية لا تحطون كل الصياني مع بعض . بعد حوالي ٥ دقايق بتطلع الياقة .​

​

ونلاحظ الياقة و القبة الناعمة .​

طبعا لو حاولتوا تشيلونها بتتقطع خلوها تبرد إلين ما تصير سهل تنشال من الورق .​

 

[أحلى همبه كويتية]

الحين عاد الجزء السهل ......

غالبا ما يكون الماكارون محشي طبعا الحشوة المفروض إنها ما تكون مرررة حلوة أو طعمها قوي عشان ما تغطي على طعم الماكرون نفسه يمديكم تستخدمون أشياء كثير كحشوة : أي كسترد ، كريمة مخفوقة ، جاناش ، زبدة لوز ( أي لوز موب شرط فول سوداني ) ، مربى أو حتى زينات الكيك العادية .

الحشوة الأولى هي حشوة الجاناش .

طبعا الجاناش موب " حلى " يعني لحد يجيني يقوللي حلى الجاناش .

الجاناش مستخدم في محلات الحلويات من كبيرها لصغيرها وهو سهل يعني لحد يخاف. غير كذا إستخدامات الجاناش ما تخلص له مليون إستخدام عشان كذا حلو إنكم تعرفونه .

أنا أتمنى إنكم تفهمون الشي هذا موب بس تكتبونه صدقوني لو فهمتو الجاناش بينفعكم كثييييييييييييييير .


بسم الله نبدأ :


الجاناش هو مستحلب قشطة خفق وشكولاته ، ببساطه قشطة خفق و شكولاته مخلوطين بس !!!؟ يفرق في النسب بينهم ، وطبعا غالبا بتلاقون رشة ملح عشان تبين طعم الشكولاته صح ، و يمكن زبدة عشان تعطي الجاناش لمعة بس الأهم هنا هو الشكولاته و الكريمة .

جودة الجاناش تعتمد على جودة الشكولاطة و الكريمة يعني لا تقعطون إشتروا أحسن شي بالنسبة للشكولاطه لحد يستخدم جالكسي ، فليك ، سنكر ترى ما تصصصصصصصلح إستخدموا لندت lindt السويسرية وبعدوا عن الشكولاطه اللي شكلها حقت محترفين اللي تسمونها شكولاطه خام .
أستخدموا شكولاطه فيها ٥٠٪ وفوق نسبة كاكاو طبعا أكثر من ٧٠٪ بتكون نكهة الشكولاته قوية واللي يحب ذا الشي جربوه بالعكس مع الماكرن شوي مرارة حلوة بتسير ترا . بس أنا أفضل لندت اللي مكتوب عليها ٦٠٪ أو ٧٠٪ . طبعا ممكن الجانش يتسوا بشكولاته بيضاء بس ما ينفع بشكولاته بالحليب .

الكريمة أنواع و أنواع ما ينفع دريم ويب ( للمعلومية تراه موب كريمة أصلا كله كيماويات تشبه الكريمة ) و لا الأنواع طويلة الأجل أنا لقيت إن المراعي اللي موب طويلة الأجل أحسن كريمة حتى أحسن من الأنواع اللي مكتوبه بالفرنسي و الناس يحسبونها فرنسي يعني زين .

الطريقة :

في صحن معدني قطعي الشكولاته كل ما قطعتيها أصغر كل ما صار أسهل تذوب وكل ما أعطتك جاناش أنعم .

بعدين سخني الكريمة إلين ما تبدأ تغلي بس .

صبي الكريمة على الشكولاته و خليها خمس دقايق .

بعدين بخفاقة بيض أخلطي الكريمة و الشكولاطه إلين ما يتجانس.

وبعدين حطي الملح و بعدين الزبدة بعد ما تقطعينها ( وتأكدي إن الزبدة دافية ) عشان تعطي لمعة للشكولاطه .

بس ......


أنواع الجاناش :


١ جاناش ثقيل : ٣ أجزاء شكولاته لكل جزء كريمة ( بالوزن ) يعني لو عندي ١٠٠ جم كريمة ٣٠٠ جرام شكولاته .
طبعا هاذا يستخدم عشان تغطون فيه الكيك قبل ما يتزين وبشرحلكم الطريقة تحت .

٢ جاناش وسط : جزئين شكولاته لكل جزء كريمة .
وهذا ينفع حشوة إذا تبغين الحشوة تكون شوي ثقيلة .

٣ جاناش خفيف : جزء شكولاته لكل جزء كريمة .
وهذا ينفع برضه حشوة للكيك والحلويات وراح يكون خفيف وهو النوع اللي بستخدمه هنا.

٤ الجاناش المخفوق : جاناش خفيف يبرد في الثلاجة بعدين تخفقونة بالخلاط الكهربائي إلين ما يسير زي الكريمة المخفوقة .
طبعا هذا ينفع يزين فيه الكيك من فوق و ينفع ينحط حشوة للحلويات .




هاذي وصفة لجاناش خفيف عشان حشوة الماكرون.

٣٠٠ جرام شكولاته غامقة​

٣٠٠ جرام كريمة
ملعقتين زبدة
رشة ملح​

الطريقة فوق وعدلوا الوصفة عشان تسوون باقي أنواع الجاناش لو تبغون.​

طبعا هذا الطريقة للجاناش الأساسي بس طبعا تقدرون تعدلون عليه بسهولة ، تقدرون تحطون أي نكهات تحبونها مثلا لو تحبون النعناع مع الشكولاته تقدرون تستخدمون الشكولاته اللي مع النعناع نفس الشي لل البرتقال أو الفلفل ( صدقوني الفلفل و الشكولاته نكهة ممتاااااااااااااااازة جربوها وشوفوا ) أو تقدرون تحطون النكهة بنفسكم مثلا حطي شوي نعناع مع الكريمة أو شوي فلفل أحمر مع الشكولاته أو قشر برتقال مع الكريمة ولو عندكم نكهات حقتكم حطوها على كيفكم .
اللي يحبون النوتيلا

جربوا هذي حمصوا حوالي ربع كوب بندق في الفرن إلين ما يتحمص ويصير طعمه رهييييييييب بعدين ، خلوه يبرد شوي وبعدين قطعوه زييييييين وحطوه مع الكريمة وهي تغلي . الحين لكم الخيار لو تبون نكهة بندق قوية و يسير الجاناش شوي يقرمش ( جربوها فوق كب كيك فانيلا يميييي ) لا تصفون الكريمة لو تبون بس نكهة البندق صفوا الكريمة من البندق ،بعدين كملوا بوصفة الجاناش العادية .
طبعا هنا قلت بدقت بس أرجع وأقول أي لوز ينفع أي نكهة تشوفون إنها تمشي مع الشكولاته يمديك تسوونها مع الجاناش .​

كيف تحشون الماكارون ؟ شخصيا أنا أستخدم كيس الحلويات لأنه ما ينقط على الجوانب ويسير شكلها أنظف بس لو تبون حطو الحشوة على ظهر الماكارون ملعقة صغيرة تقريبا بس شوي وحطوا الحبة الثانية فوقها ما أظن صعبة .​

الحشوة الثانية والجزء الثالث و الأخير ....​

الحشوة الثانية برضه حشوة جدا جدا سهلة وهي أصلا زينة للكيك واللي يجربها موب نادم صدقوني .​

إسم الحشوة ButterCream أو كريمة الزبدة السويسرية طبعا سويسرية لأنها تستخدم مرانج سويسري فيه زيها فرنسيه و إيطالية . وتقدرين تسوينها بنكهات كثير بس أنا بسويها هنا بالفانيلا . أنا أستخدم هنا عود فانيلا طبيعي والله الصراحة ما أدري وين تلاقونه و اللي تعرف يا ليت تقول من وين. هو موب غالي أنا أشريه من النت رخيص مرة والتوصيل رخيص بعد . على العموم اللي ما عندها ما لها إلا خلاصة الفانيلا اللي تجي سوداء ولو إنها ما تعطي ولا ربع الطعم اللي هنا .​

المقادير :​

بياض بيضتين​

١/٢​

كوب سكر​

عود فانيلا أو ملعقة كبيرة خلاصة فانيلا​

رشة ملح​

أصبع ونص زبده دافيه مقطع مربعات .

​

هاذا الفانيلا وطبعا نستخدم الحبوب السوداء اللي جوا بس​

أول شي نسوي حمام مائي موية شبه مغلية وفوقها صحن معدن بس ما يلمس المويه ، نحط في الصحن السكر وبياض البيض ورشة الملح ونخلط بالخلاط الكهرب إلين ما يسير شكلة أبيض لماع وكأنه مارشمالو سايح . نستمر نخلط إلين ما يسير شوي دافي أول ما نحس إنه دفا نشيله من الحمام المائي . ( للمعلومية بس هذا إسمه مرانج سويسري ) .​

​

​

بعدين نستمر نخلط فيه إلين ما يرجع شوي يبرد وبعدين نحط الفانيلا سواء كانت طازه ولا خلاصة والزبدة مربع مربع إلين ما تخلص الزبدة .​

​

وبس ذوقوا وقولولي وش رايكم . مع الكب كيك رهيييييييب واللي تبي عاد يمديها تسوي زية بالشكولاته و الكراميل و البرتقال و أي نكهة تبي بس ما أقدر أكتب كل شي عاد . ​

آخر شي تحشون الماكرون زي ما سوينا بالجاناش مافيه شي جديد وبس .​

زي ما قلت خوذوا راحتكم بالنكهات و الألوان وغالبا أي شي يمديكم تحولونه ماكارون بتعديل الطرق اللي فوق .​

طبعا طول الفترة هاذي وأنا أسوي و أسوي جاني إدمان على ذا الشي هاذي النتائج .​

​

​

​

​

النكهات المستخدمة هنا : فانيلا ، مربى توت أزرق ، مربى توت أحمر ، كاراميل ، كاراميل بالبرتقال ، زبدة فول سوداني مع مربى .​

​

​

النكهات المستخدمة هنا : جاناش الشكولاته ، فانيلا ، جوز هند ( خلطة سرية معلييييييش )​

إضافة :​

معليش بس هذي شوي معلومات نسيت أكتبها أمس كثير ناس يقولون الماكرون قاسي ؟؟؟؟ قشرة الماكرون تكون شووووووي قاسية بس بس اللي تحتها تجي زي القطنة المفروض . المحلات ما يسوون حسب الطلب موب بس المحلات حتى المحلات الكباااااااااااااااار اللي في باريس زي لادوري وبيير هيرميز ، كلهم يجمدون الماكرون أو يحطونه في الثلاجة وهذا اللي يخلية قاسي .​

لو شريتي ماكرون خليه برا الثلاجة ساعتين على الأقل والمفروض إنه يرجع بالضبط زي ما كان .​

طيب هل الثلاجة عيب

يعني هل تخرب الطعم ؟ لأ بالعكس ، بعد ما تسوون الماكرون وتحشونه أفضل شي تخلونه في الثلاجة ٢٤ ساعة عشان النكهات تختلط صح . بس زي ما قلت طلعوه من الثلاجة قبلها بفترة .
لو منتب ماكلين الماكرون أو كان عندكم زايد جمدوه في الفريزر ويفضل ما تحشونه ، يعني جمدوه وبعدين طلعوه من الفريزير وأحشوه قبل التقديم بعدين خلوه يدفأ شوي .​

النقطة الثانية اللي يبي يسوي ماكرون كبار يمديكم بس صبوها على شكل دوائر كبار وخلوها في الفرن ١٥ دقيقة تقريبا . لو ما نفعت معك أرفعي الحرارة شوي و عيدي مرة ثانية . طبعا كوني ما قد سوويت كبار عشان كذا حلو إنكم تجربون وتشوفون . بس طبعا الكبار يفضل تحشونها بحشوة تكون أقوى شوي ، يعني فواكهة ، توت مثلا + مربى .​

منقول

 

[أحلى همبه كويتية]

ماكــــــــــــــــــرون





هذا شكل اللوز المطحون شريته من محمصه الرفاعي بــ22ريال

الصحن الاول كاس سكربودره الصحن الثاني ربع كاس سكرخشن ونص كاس لوزمنخول

ثم خفقت 3بياض البيض حتي يصبح مثل الكريمه وثم نضع سكربودره مع استمرارالخفق
لمده دقيقتين

ثم نضع اللوزوسكرالخشن على دفعات ونحرك بإستخدام ملعقة خشبية ( أو اسباتولا)
على خفيف من تحت لفوق وتكون من جهه وحده

نضع على الصينيه ورق زبده ونشكله بالقمع ونتركه يرتاح حتي يجف لمده ساعه اواقل
وندخله الفرن لمده عشردقائق او ينتفخ

بعد مانطلعه نتركه يبردونشيله بهدوء ونحشيه على حسب ذوقك

__________________​

 

[جارة القمر]

مشكووورييييييييييييييييييييييييين

 

[dr.'3roor]

يسلموووووو حبيباتي

والله شكلة عجيييييييييييييييييييييييييييييييييييب

بس ابي اجرب اسوي ملووووون

وانشالله اقووولكم شصاار

 

[لبنه بالزعتر]

مافى صور للاسف