ماكلمت زوجي والسبب!!!

[نوف الخبر]

السلام عليكم
كيفكم ياحلى كويتيات
من زمان متابعتكم اول باول ويشهد الله اني احبكم لبى قلوبكم والله:eh_s(7):
بدخل بموضوعي احس انويفشل نوعا ما
انا ملكت بعيد الاضحى وزوجي دخل القاعه ولبسني جلس يسولف معي وانا ع السايلنت وطلع
بعدو طلب من اخواتو انو يكلمني ويبغى رقمي
وانا قلت مابغى اكلمو
واكثر من مره يرسل اخواتو
وتتوقعون سبب رفضي ليه















انا بصوتي بحه ودايم اقول اخاف ينصدم من صوتي ومايعجبه :eh_s(11)::eh_s(11)::eh_s(11):
يعني صوتي مو ناعم ولاخشن ومبجوح
شفتو كيف السبب سخييييييييييييييف :eh_s(11):
والسبب الثاني اني ماعرف للكلام المعسوول وماعرف ادلع
والرجال يبي الكلام الحلوو ويبي الدلع

والله ساعات اتحسف واحس اني محتاجة اكلمو و اقول ليتني اكلمو
ووانا من النوع الخجول واستحي
قولولي وش اسووي
انا عندي رقمه وهو لا
ساعات اقول بس نتواصل بالرسايل
اللي عندها حل تقولي
ربي يسعدكم ويوفقكم

 

[اخت خالتهم]

رد : ماكلمت زوجي والسبب!!!

ويييه انـا عكسج .. انـا مابي اكلمه لان مستحيـهـ ..
واحس احسـن عشان بعد العرس يعاملني مثل ما كان راح يعاملني بالملجهـ ..
<< ترا لازم تكلمينه لا تسمعين كلامي :ch12:

حلو صوت البحه حبيبتـي ..
و بتتعلمين على الدلع افا عليج ..

 

[اخت خالتهم]

رد : ماكلمت زوجي والسبب!!!

دزيلهـ رساله قولـي .. هلا انـا فـلانهـ .. بس لا تتصل اللحين استحي << بدت العيـاره

اذا تبي شي دزلي مسـج

:eh_s(7):

 

[7noOna]

رد : ماكلمت زوجي والسبب!!!



بحــة الصــوت مو عيب !! ولا غلط !! ولا حـرام !!


لووول انا فيني لتغـه بجم حرف يمووت وناسه لما اقولهم :krkrkr: لوووول يضحك !!
وانا قبل مثلج كنت اخاف لما اتكلم يصيد الحروف الغلط اللي اقولهم و ارتبك بالكلام خصوصا ان اسمه فيه من الحروف اللي لتغتي فيهم هههه كنت اشوفها مصيبه :eh_s(2):

بس هالشي عاااادي ،، بالعكس اهوا مستانس على هالشي

و انتي لاتكدرين عمرج ترا البحه و اللتغه مو عيب ،، والله حده عاادي

اهوا بس اول مره احراج بعدين صرت قرقه ههههههه :ggdw:

 

[!الجادل الصعب!]

رد : ماكلمت زوجي والسبب!!!

مآتدرين ان البحه هي الي تذبحهم ..!

 

[عـآلي سـمآها]

رد : ماكلمت زوجي والسبب!!!

حبـــيبتي مــآ فيها شي خل فيج ثــقه بصوتج

يعني بيضل طول العمر مايسمع صوتج

توكلي على الله دام اهو حاب انه يكلمج

ولا يحط بخاطره استخيري والله يكتب لج

كل خيير حبيبتي

 

[عويتقة]

البحة حلوة في الصوت ريتها كانت عندييييي:bbbiu:

 

[Tulips]

رد : ماكلمت زوجي والسبب!!!

بالعكس الصوت المبحوح حلو

ومن قالج قوليله كلام حلو ومعسول يعني اهو ماراح يتوقع منج تقولين هالكلام لانه راح تستحين منه اصلا بعضهم يشكون اذا سمعو هالكلام بسرعه بالهداوه حبيبتي باجر شوي شوي بيطلع الحجي بروحه

ولا تضيعين على نفسج هذي فرصه انج تتعرفين عليه قبل العرس وتعرفين اطباعه وشنو يحب وشنو يكره وشلون يفكر باجر تنصدمين فيه وتقولين ياريتني كلمته

انتي ابدي بمسج واهو راح يكمل الطريج عنج

 

[! Miss.Q8 !]

رد : ماكلمت زوجي والسبب!!!

بالعكس كلميه علشان تتعودون على بعض من اللحين

والبحه بالعكس وايد حلوة

انتي دزي له مسج اول مره وخليه اهو يدق عليج

واكيد اهو مو ناطر منج كلام معسول لان توكم ما خذيتوا على بعض وايد

 

[مذهــلــه]

بالعكس البحة وايد حلوة بالصوت ..ترى أنا نفسج لكن وايد من المتزوجات يقولون لي ان الصوت اللي فيه البحة يكون حنون ...............

بالعكس توكلي على الله ... ويعني اشرايج بتعيشين معاه طول العمر وماراح يسمع صوتج ...لاتبالغييين :d

 

[$حبيبة عبودي$]

رد : ماكلمت زوجي والسبب!!!

اذا ماكلمتيه الحين تندميييين

 

[شقرديـه عالطل]

بالعكس الصوت المبحوح حلو واايد ويحبونه
والكلام المعسووول ايي من نفسه لا تزهبينه
والله يوفقج حبيبتي

 

[فرابتشينووو]

رد : ماكلمت زوجي والسبب!!!

ما عندج سالفففففه يقوولوووون الصوووت المبحوووح اغراااء :wqedqw: وبعدين مرررده بيسمع صوووتج :eh_s(10):

 

[نوف الخبر]

رد : ماكلمت زوجي والسبب!!!

كل اللي ردو على راسي
فديتكم ياكوتياااات والله
يعني تنصحوني ارسل له رساله

مايقول ذي خفيفه وميته علي :eh_s(2)::eh_s(2): :eh_s(10):

ادري زودتها وماعندي سالفه بس وش اسوي تعبت مابي اتحسف بعدين اني ماكلمته
وكثير اسمع ان احسن فتره هي فتره الملكه :eh_s(16)::eh_s(16):​

 

[lolo~]

رد : ماكلمت زوجي والسبب!!!

خلي عندك ثقه بنفسك
البحه ماهي عيب كثير ناس يتمنوها
واصلا في البدايه ماراح تقولين له كلام حلو بيكون الوضع رسمي بينكم
ولما تتعودين عليه بيطلع الكلآم تلقائيا
وانا افضل ان هو الي يبدآ بـ الرسآيل او المكآلمآت
اشوفها مو حلوه تجي منك آنتي
خلي خوآته يعطونـه رقمك وهو الي يتصل كذآ احسسن
وموفقه يآرب

 

[انيقه جداً]

بالعكسسسسسسسسسسسسسسسسسسسسس

اموت على الصوت المبحوح

وحتى الشعراء فالقصايد الغزليه يتغزلون فالصوت المبحوح

خلج واثقه من نفسج واستاانسي هلله هلله بالدلع هههههههههههه :eh_s(7):

 

[النووف]

رد : ماكلمت زوجي والسبب!!!

من رايي لاترسلين وخليه ينطرج على نااااار

وبالعكس حلات البنت بثقلها وحياها

تلقين كل ليله يفكر فيج يقول متى تتصل !! متى اسمع صوتها ؟!

خليه يقعد على نار الشوووووق

:eh_s(15):

 

[beren saat]

رد : ماكلمت زوجي والسبب!!!

احلى شي الصوت المبحوح

اذا تستحين تكلمينه بس مسجات بينكم ع الاقل
واذا قالج بكلمج قولي استحي لوول وبس​

 

[L A T T E]

حليمة مو احسن منج

تواصلوا بالرسايل وتدربي ان تنعمين صوتج بس مو حيل علشان لا يبين متصنعة ومع الوقت تتدلعين

وترى الاصوات مو مشكلة صدقيني

انتي مكبرة المشكلة

موووووفقة

 

[۞ F A N T A S Y ۞]

رد : ماكلمت زوجي والسبب!!!

خليج واثقة بصوتج ما اتوقع بهذا السوء بس تهيؤات من عندج و اهوا اكيد بيعجبه بما انج زوجته كلميه مره مرتين و بعدين بتتعودين و يصير عادي
و حلو تعرفين اسلوبه قبل الزواج ،، موفقة :eh_s(7):