ماكي والا وسابي؟

[وحدة من الناس *]

قوة اشلونكم بنات

اول شي احب اسأل فيه عن الاكل الياباني

ايشرايكم فيه؟

وشنو طعمه حامض حلو والا ماسخ والا شي غير

بصراحه انقصرت قرصه قويه من مطعم b+f اللي ب360 كان طعم الاكل حاااالي كله فيه طعم حلاو وعسل

فهل هالشي ينطبق عالاكلات اليابانية؟

و بالنسبه لماكي ووسابي

ايهو الافضل

وشنهي الوجبات الحلو وشنهي مكوناتها

لان اول مره اجرب اكل ياباني

 

[Huda.A]

الوسابي نفس زنجبيل صيني لونه أخضر و واااايد حاااااار وااايد
بس لماكي ماأدري عنه هههه

 

[وحدة من الناس *]

شكرا حبيبتي ما قصرتي

والباجي وينهم

 

[غصون ق]

انه الي اعرفه بس السوشي و التبنياكي روعه اذا تبين وصفته من عيوني بس قوليلي على الخاص

 

[Mrs.H]

لا طعمه مو حلاو.. وبالنسبة للمطعمين: ماكي احلى.. لان واسابي عيبه ان الماكي سوشي حجمه كبير فتتوهقين ماتدرين شلون تاكلين،، عموما انا بحطلج الطلبات للمطعمين

اول شي ماكي:
السلطات: سلطة كريسبي (مقرمشة ولذييذة)، سلطة افينيوز (يمكن ماتعجب الكل لكن بالنسبة لي عجييييبة وصلصتها خطيييرة بس شوية السلطة)
السوشي ماكي: (اللي اهوا الدوائر) عيسى ماكي (مقرررمش)، وزاني 2 (مقررمش)، مساري (معاه نفس شيبس بطاطا حلوة عجيب)، يارا ماكي
مقبلات: ربيان تمبورا (ربيان مقلي لذيييذ)

ثاني شي واسابي:
مقبلات: كومبو فوراي (ربيان وقبقب وسبرينغ رول مع صلصات)
سلطة: كريسبي شيبس (غيري الصلصة وخليها سبايسي مايونيز لان صلصتها مانجا الله يديم النعمة)
السوشي ماكي: كرانشي كراب (قبقب مقرمشش) سويت تمبورا براون (ربيان مقرمش) اركتريك رول

 

[تووته البسكوته]

الماكي بلا منازع احلى ي بالدنيا
وبالنسبه حق المطعم يمكن انتي طالبه شي سويت عشان جذي ..لان انا رايح9ه ما طلع لي شي حالي
وبالنسبه حق طلبات ماكي نفس طلب الحلوه اللي فوق بس انا احب بعد تبنياكي سالمون وايون لج 4 قطع سمج مشويه
بس لا تطلبين كل هالطلبات وانتو شويه لان راح تشبعون اهو يشبع وسلامتج ياعسل

 

[وحدة من الناس *]

شكرا يا حلوين ما قصرتوا فديتكم

 

[M!SS.LOBY]

بالعافية

 

[kndora]

ماكي


افكادو سلد ( بدون سلمون )
مارينا سلد
ايدامامي ( فاصوليا مع سوس )

تمبورا وذ سبشل سوس ( اعشقهااااااااااااااا )
عيسى ماكي
كابازومي
مكسد رايس ( عيش )

ولا تجربين ( يارا ) الله يديم النعمه يلوع الجبد

وعليج بالف عافيه
شهيتيني المطعم

 

[M!SS.LOBY]

ااب للافادة

 

[جوك احلى جو]

انا جربت وزاني وجربت عيسي ماكي ترا اكلهم علي ان قليل بس ثقيل مادري ماحبيتهم صراحه عادي ماتسوا هالخبه بس يمكن لان انا ماحب الكل اليباني بس شوفي بقولج رايي صديقتي تقول ماكي احسن بوايد من وسابي