مالجه وعندي شوية مشاكل بسييطه .. فيدوني

[حلآوهـ حلوهـ]

السلام عليكم والرحمه

شحالكم حبيباتي ؟ ان شاء الله بخير ..
ندخل فالموضوع على طول .. انا عمري 17سسنه ومالجه عندي كم مشكله او اختلاف فالرأي
اولهم ريلي دوم يقولي ودري عنج المستحى ماراح يفيدج
ويقول اتجرأي بس خلآص طبعا اتجرأت شووي وقمت اقول كلام حب وابوسه ومن هالحركات
والحين يقول تدرين الله ستر وماافترقنا انا ما احب البنت اللي تستحي
ولو على كيفي جان ماخليت فيج ذرة مستححى :eh_s(16):
تدرون شو المشكله ان عرسي يمكن بعد 9 -10 شهور !!!!!!!!!!
باختصار اخافه يملل منيي ولا يقول ياهل ماتعرف شي مع اني خبره بهالامور بس
مايصيير اسوي كل شي الحين شو خليت حق العرسس ؟؟ !! صح ولآ ؟

وفي موضوع ثاني اكتشفت انه يشيش (يدخن شيشه) بس مب وايد يعني ومحد يعرف هالشي بالعايله
غيري وانصدمت طبعا بس كشر خاطري بنفس الوقت قال انتي اللي بتخليني اودر الشيشه !
واعتبريني مرييض لانه هالشي ادمان وابيج اتساعديني لاني ما ابا اضرج ولا اضر عيالنا ودموعه كانت
بعينه ..

واخر شي موضوع الدراسه طبعا تدرون انا الحين باخر سنه ثانويه وقال تفعدين عقب الثانويه فالبيت
سنه كامله عشان نطلع وترتاحين من الدراسه شوي ويكون لنا وقت كافي لان اول سنه بالزواج هي الاساس اللي راح تقوم عليه باقي السنين ,, فمادري احس صعبه اوقف دراسه الجامعه لمدة سنه
واخاف اني احمل مايكون لي خلق اروح اكمل عقب !! وتدرون الشهاده اهم شي فالحياه


^

اي وحده عندها حل او شي تعطيني :eh_s(22): أحببكمم :eh_s(7):

 

[Perfume]

حبيبتي موضوع التدخين المفروض تكونين عارفته قبل الزواج
بس مدام عنده نية يتركه ان شالله تساعدينه
وموضوع الدراسة المفروض بعد متفقين عليه من قبل الزواج
انا ما ايد انج توقفين اول سنة لانه مثل ماقلتي يمكن تحملين او يمكن يغير رايه ويقولج قعدي في البيت لا تكملين
حاولي تقنعينه قوليله مابي اوقف واتعود على الربادة
موضوع الجرأة حاولي تتجرئين معاه بالمعقول وبنفس الوقت لازم تبقى الدخلة للعرس
وبينيله انه الحياء زينة للبنت يعني مو معقولة توج مالجة وتكونين جريئة شي طبيعي تستحين

 

[Zinab BH]

بنسبة للجرئة بعض الريايل مايحبون اللي تستحي و يحبون الجرائة
وانتي لازم تصيرين ذكية وماتقولين استحي ومااستحي لان المرأة
اطلع كل عنفوانها و انوثتها لزوجها عشان مايطلع الممثلات و الاجانب و يتحسر
و يروح لغيرج وبنات بليس بكل مكان الله يعافينا وياج منهم
و التدخين يا حبيبتي اقولج اياها عن تجربة ماراح يقطع لان حبهم و حياتهم هالدخان
بس اهم شي لا يدخن قدامج و اذا بييج من الشيشة خل يتسبح ويعطر روحه
o bass

 

[حلآوهـ حلوهـ]

Perfúme
مشكورره حبيبتي ع المشآركه

Zinab BH
هههه شكرآ ع البشآره =) مشاركتج زادت حيرتي لول

 

[marwa2005]

ادا عنده النية ان شاء الله يودره انصحيه يشرب عصير طماطم الصبح لين مايكره التدخين

 

[الأميرة جوري]

لرفع

 

[منال $]

بما انة النية موجودة انة يبطل يشيش فخلاص الدور والباقي عليكي تساعدية
بالنسبة للدراسة مابعرف حسب اتفاقكم يعني انا براي لو تركتي سنة راح تتعودي عالكسل ويمكن تحملي وبعدها تنشغلي بالحمل والولادة
بالنسبة للخجل خليكي في حدود الطبيعي مرة هيك ومرة هيك
الله يتمملك عاخير

 

[كويتيه مذهله 87]

اول شي الف مبروك الملجه

ثانيا موضوع الشيشه ما اعتبرها مشكله خليييه هو بروحه يتركه ريال كبير ويعرف مصلحته

ومن ناحيه انج تستحين ميخالف ريلج طلب منج هالشي خليج علي طبيعتج هو ريلج حلالج سوي الي يحبه ومرتاحتله

وبالنسبه للدراسه اشوف ماله داعي توقفين حرام تروح سنه ضايعه بس قاعده بالبيت قوليله مافيها شي ادرس واطلع معاك العصر بليل نستانس

 

[حلآوهـ حلوهـ]

يعطيكم العافيه حبيباتي

 

[امـ خــزامـى]

مبروك حبيبتي عسى ربي يسخركم لبعض ويسعدكم

بصراحه احيي فيك رزانتك ورجاحة عقلك وماعليك خوف ماشاءالله فاهمه وتكانه

وزوجك بعد الله يخليه لك واضح انه واعي وصريح ومتفاهم وواثق من نفسه الله يهنيكم يارب

اولا شي جميل انه يقولك على الللي يحبه منك واللي مايحب انت سوي كل شي يبيه بحدود المعقول

وسالفة الشيشه الحمداالله انه قالك ووثق فيك وماكذب عليك وصارحك من البدايه
انت بس اهم شي لاتسمحين له يشيش قدامك ولا يجيبها للبيت

والدراسه مادري انا اشوف مايمنع تجلسين السنه الاولى تتااقلمين مع الوضع وتتعودين على تحمل المسؤليه
وتضبطين امورك بعدها كملي
اما اذا ناويه تحملين لا تتركينها


وموفقه حبيبتي

 

[حلآوهـ حلوهـ]

تسلمون حبآيبي الله لآيحرمني منكم =)

 

[اخت خالتهم]

في رياييل يحبون الجريئة وفي يحبون الحياوية وفي الوسط
دام يحب الجرأه خلج جريئة و اساسا مع الوقت بتزيد جرئتج اكثر واكثر هههههه هواايل


المهم

بخصوص الدراسه قدمي اوراقج حق كورس ثاني ولا تحاتين اذا انتي شاطره ولازم جامعه
دشي كلية تحسين انج قدها


و اذا معدلج يدخلج دورات و معاهد فالسالفه سنتين ونص الا انتي متخرجه
عادي تزوجي واحملي و داومي انا حامل واداوم بس للامانه كورس ثاني بوقف قيدي



و الشيشه قولي ما احب اشوفك تشيش ولا ترضين انيشيش جدامج هذا المهم


وعسى ربي يوفقج و يهنيج مبين عليج سنعه يا حلوج

 

[Um Tuki]

حبيبتي ربي يوفقج و خلي فيج حيى ماعليج منه بس مو الحيا اللي يكرهه ريلج
خلج شووووووية تستحين مو تقطين الحيا مرة وحدة
و عن الشيشة مدام بودرها على قولتج معناته مافي مشكلة

اما موضوع الدراسة ستووووووووووةب
خط احممممممممممر
كلمي اهلج خلي ابوج يشرط عليه ان تكملين دراستج و لان واثق من ريلج زوجج من وقت
لانه واثق انه راح يخليج تكملين و مايمنعج من الدراسة
ترى بتحملين و بتملين الدراسة و بتتعودين عالكسل و الربادة
و موضوع العيال أجليه شوي
اولا عشان دراستج و ثانيا عشان تتعرفون على بعض اكثر و ثالثا انتي توج صغيرة

 

[حلآوهـ حلوهـ]

مشكورينين حبيباتي ع المشآركه

وانا كتبت بعقد الزواج اكمال الدراسه الجامعيه الحمدالله ,,

بس الحين كلمته مرتين ورفض قال اتحملي اي شي راح يترتب على قرارج هاذا

خصوصا ان دوامه شفتات ,, =(

يقول ما راح نلحق نشوف بعضض ولا نيلس مع بعض انتي بالكليه وانا بالبيت والعكس

..

 

[عسل حدي]

للرفع

 

[أشانتي]

ممممممممم طيب اذا هو مو راضي ليه وافق البداية

يقهرني أي حد كدا

الله يوفقج و يخسره لج

 

[حبيبه فايز22]

اب
اب
اب

 

[مناير ...!]

عليكم السلام
ليه ياماما توج صغيره حيل
قدامج مراحل حلوه بالحياه بتفوتج !!

عيالنا ودموعه كانت
بعينه ..

مشاء الله اكيد مو كويتي
الكويتي يدخن بغرفه النوم :krkrkr:

الله يوفقج
والمستحا لاتقطين الحياء مره حلات البنت بحلاها خصوصا هالفتره الي هي فتره الملجه