مالقيت الصديقه الي تفهمني :(

[Mo 9eJ]

مساء الخير جميعا
ومبارك عليكم الشهر
تفضلــــو :68_asmilies-com:




بدش بالموضوع سيده

يمكن مشكلتي تعتبر للبعض تافهه بس صج انا محتاجه *للصديقه* الي مادري متى بحصلها
خل اوضح لكم اكثر
انا وحده متزوجه وعندي بيبي اوكي وطبيعه شغل ريلي انه اغلب النهار بالدوام وعقب مايرتاح يقضي اشغال البيت ويعطيه العافيه اغلب وقته اشغال او دوانيه صج نطلع مرات يقعد معاي شوي بس اغلب وقتي قاعده واهو نوعه مايحب الهذره او الحنه :krkrkr: وولدي ماشالله مع عيال عمامه وعماته يلعب بس وقت النوم ولا الاكل والطلعه يعرفني :krkrkr:
لو بتسألوني عن رفيجاتي القدم كل وحده لاهيه بدنيتها يدقون ولا يدزون مسجات من فتره لي فتره
وبدوامي كلهم كبار :\ انا اصغر وحده فيهم

ودي القى الصديقه الوفيه الي تفهمج
كانت عندي صديقه من معزتها خطبتها حق واحد من اهلي عشان تكون قريبه مني بس بالاخر سيفون طنشت ومشت الي حتى امي وريلي يسألون عنها وينها ماتسأل ؟ :0bee2e8d89: مستغربين (فجاه جذي مزااج اختفت ) الله معاها

ليش صارت الصداقه عمله نادره
:0bee2e8d89: ​

 

[alb7ranya17]

انا نفسج والله وملهيه روحي بالمنتدى واتشرف اكسبج رفيجه بالمنتدى

 

[Mo 9eJ]

واتشرف فيج اكثر عزيزتي
اسعدني ردج والله يعافي المنتدى وصاحبته وشكرا لمرورج

 

[ملفتة للنظر]

ياعمري انتي حاسة فيج اغلب البنات لي تزوجو يلهون..



وانشالله تلاقين الرفيجة اللي تسرج وتسرينها...



تقبلي مروري

 

[جوري الكوون]

mo 9ej انا اتشرف ابمعرفتج واحنا البنات اللي بالمنتدى كلنا رفيجااتج وخوااتج واي شي تبينه انا حااضر

 

[Pink.Barbie]

ياعمري انتي

أنا حاسه احساسك و فاهمتك

مع الاسف

الواحد يقضي عمرو كلو وبالاخير يلاقي صديق واحد بمعنى كلمة صديق

يعني ياكثر المعارف والصدقات لكن الصداقة الحقيقية قليلة والدليل موقف صحبتك الي فجأة اختفت

هالموقف يتكرر مع الكل مو بس انتي لان يكون الطرف الاخر مو مقدر بدرجة الطرف الاول

بس ان شالله بتلاقين صديقة عمرك لا تيأسي

واحنا هنا كلنا صديقاتك

حتى أنا حاليا ماعندي اصدقاء

وصديقتي المقربة تدرس بمدينة غير مدينتي واحنا على تواصل والله لا يفرقنا

بس بنفس مديتني ماعندي واحس بوحده عجيبة

بس والله مهونتها بالامل

اقول بكره بيكون احسن والاقي صديقة

وربك كريم

 

[مجنون حبك]

حياااااااااااااااااااااااااااااتي واللة حاااااااااسة فيج وادري تبين وحدة تفهمج وتفهمينها وتقولين اللي تبينة وانا مستعدة اكون صديقتج اذا حاااااااااابة وانا انطر ردج عالخاص

 

[Mo 9eJ]

حبايبي والله ماتقصرون
يعطيكم العافيه
ونستوووني وانشالله نكون رفيجات وخوات

 

[شمس 20]

صاجه ياقلبي مو بس انتي كلنا انا كان عندي رفيجات بس تغيروا ليش ماادري وحتى لو الوحده متزوجه لازم يكون عندها رفيجات

وعندي الحين رفيجتي ام حمود الله يخليها لي وعسى الله لايغريها يارب

 

[ماريا 2006]

اختي ماكو صداقه صدقيني عيشي بروحج احسن
خليها على الله

 

[راجيةالجنة**]

حبايبي تاملوا خير ان شاءالله راح تحصلون صديقات وخوات ياحبايبي انتوا ويارب يعطيكم على قد نياتكم الطيبة

 

[مهــاوو]

شلووونكم بنات
مو كل صديق ينقال عنه صديق بهالوقت مو كل واحد يقدر قيمت الصداقه وكل واحد يمشي وراى مصلحته
بس صدفه تلقين واحد يفهمج وتفهمينه واتمنى انج تلاقين الصديقه الي تقدر صداقتج

 

[Mo 9eJ]

يعطيكم العافيه حبايبي
طلعت مو بس انا
بس عندي مشكله بالرسايل استقبل بس مادري اذا المستقبل توصل له رسايلي ولا لا :\