ماليزيا أو تايلند؟

[رناوي]

مرحبا بنات
انا وزوجي ناويين نسافر شهر8 بس محتارين بين ماليزيا وتايلند
وحابة اسئل الي سافرت حق هالدول اي وحده فيهم احلى وارخص
وشكرا

 

[عاشقة روحها]

أنا ولا مره رحت لهم بس خالتي رايحه حق الثنتين قروب يعني تقول وناسه حيييييييييييييييييييييييييييييل وثنتينهم يهبلون وقبل جم اسبوع بعد راحت وردت تقول رخيصه يعني بس خالي أمس أو قبل أمس راح بيحجز على تايلند ولا الأسعار صايره صلخ يقول حتى الفنادق على شان صارت العطله عاد ألحين بيحول معانا بروح الصين وفي إذا انتي تبين الرخص السنع الصين ماكو أرخص منها انتي لما تروحين هناك تخترعين من الأسعار وااااااايد رخيصه..

 

[ضعيفه وعصله]

هلا حبيبتي
تعالي معانا ماليزيا ..
يمكن نشوفج طبعا ما راح اعرف ان انتي انتي
المهم
انا عايلتنا كلها بتروح ماليزيا ..
و عندنا بعد بيروحون تايلند
بس اكثر شي ماليزيا حياج الله معانا

 

[سحابة خير]

ضعيفه وعصله انا واهلي بعد نفسكم...اخافا انتي من اهلي؟؟

 

[babloo]

تايلند تطلع وعععععععععععععععععععععع عند ماليزيا
بدون ما تفكرين اصلا ماليزيا على طوووووول ... ماليزيا تهبل تهبل تهبل والله عجيبه خاصه انج رايحه مع زوجج واهيا حق جذي 2 وحده وزوجها صدقيني راح تستانسين

 

[أم@الحلوين]

اي والله اهي الصاجه اوخيتي babloo تايلند حسافه الواحد يقط عليها فلوس ماليزيا احلى مو يقولون اسيا الحقيقيه وموفقه بسفرتج اختي

 

[رناوي]

مشكورين على الردود وانشالله بنتوكل على الله وبنروح ماليزيا وبنقعد اسبوعين ياريت تساعدوني شلون اوزع الايام على كوالالمبور وبيينغ ولنكاوي وابي تعلموني على الفنادق الزينه بهالمناطق واكون شاكرة لكم

 

[soli]

هلا رناوي .. حياج الله بماليزيا انا مقيمة هنا من حوالي ثلاث سنوات.. بس يا حسرة ما شفت فيها الكثير .. الواحد لو سافر ويدري انه بيجلس فترة طويلة يعاجز ويقول اليوم وبكرة .. انا بكوالالمبور .. الفنادق اهني مو وايد غالية .. هذا الموقع اتدزين عليه بتلاقين اسماء الفنادق و في الاسعار بعد .. بس اللي اعرفه ان اغلب العرب وخصوصا الكويتين ينزلون بماريوت و اهو موجود باللستة و ن شاء الله تقدرين تشيكين على الاسعار.. و ترى هذا الموقع بيفيدج بكل شي و تقدرين تدزين على المدن الثانية اللي تبين تتعرفين عليها باختيار المدينة من الخريطة اللي باعلى الموقع.. او من الوصلات اللي من ناحية اليسار .. ورحلة موفقة و عساك تستانسين برحلتج..

 

[soli]

امبييييييييييييه نسيت احط الرابط

http://www.marimari.com/hotel/malaysia/main.html

 

[reyad_academy]

مساء الخير يا رناوي
تحية لج ولكل العضوات الكريمات
هذه اول مشاركة لي مكاكم
انا اقولج سافري ماليزيا وانسي تاليند الغير جيدة للعائلة
انا راح اسافر اخر شهر 8 وسافر من قبل سنتين وشفت الزين من ماليزيا ولا شفت شي شين للامانة فهو بلد جميل واهله طيبيين معا الناي
البرنامج اللي مسويته لي هو كالتالي وانشالله راح تدعين لي:-
1- عدد 2 ليلة اول ما توصلون كوالالمبور في منتجع ( سن وي لاقون )
فهو عبارة عن منتجع فيه ملاهي واكوابارك ومجمع بسبع ادوار وداخله
صالة التزلج فراح تريحون فيه وتستانسون.

2- تسافرون الى جزيرة بينينج وتسكنون بفندق ( بارك رويال او قولدن ساند)
فهوم يم بعض وتقعدون فيها 3 ايام
والبرنامج كالتالي فيها : في الصباح عندكم الرحلات البحرية والمراكب والجت سكي والبراشوت والعصر تروح لقمة بينيج الرائعة راح تركبون مثل قطار بس يرفعك للأعلى لآخر قمة بالجزيرة وتشاهدون جمال الجزيرة وفيها قواري ومطعم ووناسة وبعد المغرب وخلف الفنادق تبدأ البسطات بالظهور واللي كل شي موجود فيها من هدايا وملابس وتحفيات شي جميل جدا ولا تنسون تكاسرونهم بالفلوس اللي بـ100 قوله بت20 رنقت مو تنسون - وفيها مجمع كبير ماكو غيره مبين من الطيارة اسمه كومتار وهذا يبيلكم يوم كامل علشان تخلصونه

3 - بعدها تسافرون الى جزيرتي المحبوبة والجميلة لنكاوي واهم شي تسكنون بمنتجع اسمه بلنقي بييج روعة من الجمال وهو عبارة عن شاليهات وكل واحد منهم فيه 4 غرف 2 فوق و2 تحت بس اهم شي انكم تاخذون غرفتك تطل على البحر ( sea view ) مقابل للبحر مو تاخذون على حمام السباحة او على البحيرة انا قلتلج وتقعدون فيها 4 ايام

وبرنامجها هو كالتالي : فيها مجمع ماتحت البحر under water فهو جميل وفيها التلفريك الساحر والجميل بس تراه عالي حيييل ويمكن تبجون شوي بس لازم تركبونه
ويم التلفريك روحي حق الشلالات السبعة لا تطوفج فهي روعة والماي باااارد
والرحلة الثانية اسمها رحلة المنغروف وهي تركبون قارب لترون الصقور البينة التي سمية الجزيرة عليهم ( لنكاوي الضقر البني ) والخفافيش ونهايتها يتوقف القارب عند مطعم على البحر وتختارون السمك او الربيان وهو حي محطوط باحواض على البحر وتاكلون وترجعون بفي متعة هالرحلة
وفيها مجسم كواه ( مجسم كبير على شكل صقر بني كبر البيت ) وتصرون عنده ويمه مجمعات اللي مافيها ضرائب وارخص ما كوالالمبور .

4- اخر منطقة هي العاصمة كولالمبور وتسكنون بفندق بارك رويال او ماريوت وتقعدون اسبوع زين والبرنامج كالتالي : كوالالمبور بها المجمعات الجميلة منها ( تايم سكوير - ميجامول - بي بي بلازا - الحي الصيني أو الشاينا تاون - ماينز تدخله بقارب - لوتن )
والاماكن السياحية هي ( البرجين تون تاور - برج المنارة - حدائق الحيوان والفراشات والطيور كلهم بمكان واحد- وتروحون يوم لمنتجع جنتنج هاي لاند اللي جوه بااااااااااااارد ( اخذوا جاكيت شتوي مو تنسون ) لانه جوها غير عن كوالالمبور وفيها مدينة الالعاب اللي تخلصونها بالليل من كبرها
وبس

فاتمنى اني كفيت ووفيت وانشالله اذا استانستوا ادعليلي

 

[سنبلة]

اكيد ماليزيا مافي وجه مقارنه

 

[رقي]

ماليزيا
نظيفة وحلوة
تايلاند
وصخه خلقا وخلقا

 

[دانة الكويت..]

انا انصحج بماليزيا شكثر يمدحونها

 

[Berlant]

تايلند حلوووووووووووة وايد انا رحتلها مع زوجي و رحت بوكيت ماشفت شي يخدش الحياء ولا مناظر مو زينه بالعكس بالكويت في تفصخ اكثر و غير عن اوروبا ماكو مناظر بالشارع و ناس مندمجه هيهيهيهي كلللللش و عائليه و الله و رخيصه بس فيها شغله وحده صوب البحر كل الناس بكيني اذا ماتبين تشوفينهم لاتروحين البحر بس حللللللللللللللللوة و الله انا كنت متخوفه من هالناحيه و الحمدلله ارتحنا و لو بيدي اروح لها مرتين بالسنه