ماليزيا للمره الرابعه

[حلوى كويتيه]

شلونكم ياحلوين وشخباركم انا ا شتقتلكم وايد وايد واعذروني على التاخر عليكم علشان كانت والدتي تعبانه والحين الحمدالله بفضل رب العالمين اتم عليها بالشفا وان شاء الله محد منكم يشوف مكروه قولو امين

خلونا نبلش امس انا وريلي كنا في مكتب السفريات علشان نسوي حجز لماليزيا على تاريخ 9/7 والعوده بنقعد بدبي 3 ايام يعني للتين بفندق اتلنطس الغني عن التعريف علشان مسوين خصم قوي في شهر 6و7 بس العرض عن طريق الفندق بالانترنت و شركة حجوزات بالانتر نت تعطي اسعار خياليه وروعه بس المشكله على حسب المتوفر عندهم يعني مرات كله فل

اولا الرحله على الخطوط السريلانكيه وهي تابعه ادارتها للاماراتيه ولكم وجهة الرحله
الساعه 7 المغرب نطير لدبي وماننزل من الطياره علشان راح يكون تبديل ركاب بس يعني راح ياخذ الوقت يمكن ساعه اونص ساعه والتوجه الثاني راح يكون على مطار سيريلانكا وراح نقعد ساعتين بالمطار والحلو فيهم ان عندهم غرف راقيه بالمطار وفيها غنفات ذربه وبوفيه خفايف مثل البسكوت والكيك والجاي والحليب والقعده فيه سعرها على الساعه مثلا الساعه دينارين ونص والمطار نظيف وانا رايحتله السفره اللي طافة والتنظيم عندهم حلو علشان كله اجانب رايحين المالديف فعلشان جذيه مسنعين مطارهم المهم قرقت وايد على المطار وخليت ماليزيا بس ماتبون تعرفون سعر التذاكر :dddds: شرايكم بعد مااتغدا ارد اكمل الحجوزات بس ابي تشجيع منكم علشان اعرف ان فيه اوادم متابعين معاي فاصل ونواصل_03BA:

 

[banota]

متابعة لا تطولين وبالعافية

 

[سحــابة شــوق]

متابعين


كملي

 

[حلوى كويتيه]

هلا والله باللي ردو اسعار التذاكر 2 كبار 2 صغار كان 650 دينار ومفروظ اقل بس علشان احنا راح ننزل بدبي بالرده ونقعد للتين على حسابنا علشان جذيه زاد سعر التذكره

واسمحولي الحين راح اطلع عندي شغل وبالليل راح اكمل وياكم انتظروني

 

[حروف تشتكي]

يعني ماشاء الله معكم عيالكم..
والله يتمم اموركم على خير..

 

[حـلا و ذوق]

امين

والحمدلله ع سلامتها والله يخليها لكم ياااارب

ومعاج كملي ..

 

[lolo6688]

زين حلو السعر
بس بليز بعرف فندق اتلانتس وين مسوين عليه عروض ؟
لان انا بالرده بقعد بدبي يوم او 2
فسمعت عن العروض بس من وين احجز ؟

 

[bant_q8]

يسلموووووووووووووووو

 

[حلوى كويتيه]

زين حلو السعر
بس بليز بعرف فندق اتلانتس وين مسوين عليه عروض ؟
لان انا بالرده بقعد بدبي يوم او 2
فسمعت عن العروض بس من وين احجز ؟

تامرين السعر كان 88 د.ك وخذيناه 63 د.ك لليله الواحده بس شغل دلع نفسك
وموقع الحجز من فندق.كوم بس على حسب المتوفر

 

[lolo6688]

فندق.كوم يحجزلج من غير تاكس
يعني اكيد لمن توصلين تطلع الغرفه غاليه
لان انا حجزت حق دبي قبل سنه رحت وله حاجزه بدون ضرايب وطلعت علي الليله زياده 20 ضرايب

 

[lolo6688]

جيكت الموقع السعر 63 زيديه عليه 20% من المبلغ يطلع المبلغ النهائي

 

[حلوى كويتيه]

انكمل الرحله وبعدين نصعد الطياره من سيريلانكا الى ماليزيا تقريبا 3 ساعات يعني نوصل المطار على الساعه 2 الظهر وبعدين انروح الجزيره اللي تبعد من المطار ساعه ونص بالسياره وهذي الجزيره ماطاحو فيها العرب وايد كل اللي يروحون بننغ ولنقاوي وانا اول مره احجزفيها كنت اول اروح حق جزيرة بننغ ايجابيات الجزيره اللي راح اروحلها هي واهم شي القرب من المطار والعاصمه كوالا لمبور يعني ماكو حجز طيران داخلي علشان الروحه لبننغ اولنقاوي وإذا شفتو الفندق اكيد راح ياسركم مثلي انا بعد البحث والتحري عن الفندق والتاكد من نظافته ومصنف 5 نجوم يعني اخليكم مع الموقع علشان تنبهرون نفسي والسعر 32 دينار حجزنا فيه 3 ايام للتين المنطقه اسمها بورت ديكسون والفندق ( افاليون)وهذا الرابط /COLOR]www.avillionportdickson.com/ اتمنى انه يعجبكم اختياري

وان شاء الله باجر البقيه

 

[lolo6688]

الفندق شكله حلوو من الموقع وكافي انه مكان يديد ومحد رايحه يالله جربي وقوليلنا
ناطرين الباجي

 

[حلوى كويتيه]

نكمـــــــــــــــــل الجدول بعدين نطلع على الجبل منطقة جنتنق الفندق (فرست وورلد) واخذو الغرفه بريميوم كلاب افضل من حيث النظافه والحجم ::وفيه 3 طوابق العاب ومحلات ملابس بالفندق نفسه /COLOR]

 

[aLreeeM]

اي سفريات حجزتي ؟؟

 

[حلوى كويتيه]

نسيت لا قول ان فندق الجبل فرست وورلد طلع علينا 27 دينار

 

[حلوى كويتيه]

اي سفريات حجزتي ؟؟

حجزنا من شركة ارابيلا للعطلات بس احنا الي منسقين جدول الرحله

 

[aLreeeM]

بليز عندج رقمهم ؟؟ و وين مكانهم ؟؟

 

[حلوى كويتيه]

نكمــــــــــــــل الجدول نخلص من جنتنق بعدين اروح كوالالمبور حق منطقة صنواي اللي فيها الالعاب المائيه حجزنا الفندق( بيراميدز) لانه يمه السوق بنقعد فيه للتين 3 ايام

واخر محطـــــــــه السكن بشارع العرب وتم اختيار فندق ( برجايه تايم سكوير) وحجزنا فيه سويت غرفه وصاله وطلع علينا السعر 36 دينار بنقعد فيه 9 ايام 8 ليالي ويكون التفرغ الكلي للســوق سوينا الجدول هذا علشان الجناط تكون في التنقل خفيفه اول الايام _03BA: وبعدين اخر محطه تكون متروسه ان شاء الله وعلى المطار عدل :dddds:

 

[حلوى كويتيه]

نصائح​

اولا : الذهاب لاماكن الترفيه مثل الجزر او الجبل حتى الجناط تكون خفيفه بالتنقل

ثانيا: قبل التشري من المحلات الكبيره يرجى الذهاب الى المحلات الرخيصه يمكن تحصلين نص السعر

ثالثا: شرب كوب ينسون على الريج الصبح لكي ولي عائلتك لانه يعطي الجسم مناعه ضد فلونزا الخنازير

رابعا: عدم الذهاب للسينما والمطاعم المزدحمه ويفظل الاكل بالفندق

خامسا: وضع معكم مناديل معقمه صغيره وفي وقت الزحمه توضع على الانف


وان شاء الله يحفظنا جميعا من كل شر قولوا امين