مالي الاالله ثم انتوا فديتكم

[ريوفي]

بنات انا زوجي يبيني اسافر معه بكره للامارات وانا ماودي احس اني خايفه من الطائره وهو غصبني الا اروح سفرتنا من البحرين الى دبي وانا احس قلبي يعورني وخايفه ماودي بهالروحه ولا احب اركب الطائره وانا اول مره اجربها نصحوني كيف اشيل هالخوف واطمن قلبي وربي يجعله في ميزان حسناتكم وكم تستغرق الرحله من البحرين لدبي؟

 

[monmon12]

من الكويت للبحرين ساعه

ومن البحرين لي دبي هم تقريبا ساعه ثانيه

عمري اكو ادويه تشترينها من صيدلية بوتس للمطار

تهديج وتخفف من حدة التوتر

يسألي الصيدلانيه على حسب حالتج

وهذا الي فيج فوبيا فلا توسوسيين واايد

ماااكو الا عالفيه

 

[~LiBrA~]

رد : مالي الاالله ثم انتوا فديتكم

حبيبتي لا تخافين وتحاتين ودام السفرة يت لي حد ريولج لا ترفضينها روحي استانسي

والمسافه ماعرفها بالضبط بس حيل اقصيره

واذا خايفه خلي القرآن بيدج طول الرحله واقري منه وانشغلي فيه وانشالله راح يرتاح قلبج وماتفكرين بشي وماتحسين بنفسج الا واصله

وتروحين وتردين بالسلامه

 

[mash mash]

الله يعينك

ههههههه بس اتخيلك مكاني ست ساعات متعلقه بالجو شبتسوين؟؟؟؟؟؟

 

[ريوفي]

الله يعطيكم العافيه ويجعله في ميزان حسناتكم
ان شاء الله بقرا سورة البقره طول ماني فيها وان شاء الله ربي يريحني ويطمن قلبي
ودي مااخاف ولا افكر بس احس غصب

 

[شمس 20]

سافري ياحظي بنات يتمنون السفره وهو قالج ابيج روحي معاه

 

[ابلة لولوة]

اكو احد يحصل له سفرة ومايبيها

الله يهديج

روحي استانسي

 

[brettey]

رد : مالي الاالله ثم انتوا فديتكم

اصلا ركبه الطياره متعه مو طبيعيه احلى شعور وانتي طايره بالجو
في حبوب منومه اخذيها من الصيدليه
والله يحفظكم ويسهل دربكم

 

[Mona Lisa]

رد : مالي الاالله ثم انتوا فديتكم

كثري حبيبتي الاستغفار والادعيه وان شاء الله الا العافيه

 

[ام زاكي]

انشالله مافي الا الخير وستانسي يمكن بعدين يقولج بوديج اروبا بتلغين السفره على شان الخوف تعوذي من بليس وذكري ربج

 

[اطياب طيبه.أم عبدالله]

الطياره متتتتتتتتتعه

لا تحاتين حبيبتي الله الحافظ

 

[إستبرق]

وي سهاله لا تكدرينه اقري دعاء الركوب وماعليج شر بأذن الله
زوجي كل مانبي نسافر يتكدر لما يتذكر الطياره وبالطياره اذا مطبه هوائيه يتحنط من الخرعه ههههه بس عادي مافيه الا الخير ونكون بالجو على ٨ و ٩ ساعات

 

[إستبرق]

وي سهاله لا تكدرينه اقري دعاء الركوب وماعليج شر بأذن الله
زوجي كل مانبي نسافر يتكدر لما يتذكر الطياره وبالطياره اذا مطبه هوائيه يتحنط من الخرعه ههههه بس عادي مافيه الا الخير ونكون بالجو على 8 و 9 ساعات