مانبــي بنتــج آي ليــش عندج اسبــاب قوليهآ قنعينــي فيها

[الصبر مفتاح]

لاتستغربون من العنوان :eh_s(7):

بدش بالموضوع على طول

بنات ان شاء الله كلنا بنصير امهات واكيد اغلب البنات هني امهات

عندي عتب بسيط على الامهات ليش تحجزون بنات الناس والتالي شنو تخطب وحده ثانيه

انزين وهاللى علقتيها ماعندها قلب ماعندها احاسيس :eh_s(2):

تخيلوا بنات والله العضيم ثلاث حالات اواجهم جذي

من وانا صغيره قالوا فلان لفلانه

ليما كبرنا والتالي شنو بغمضة عين تخطب له بنت ثانيه والا سباب ماكو واخذيلج اكبر علامة استفهام

اول الحالات اثنين اخوان الاول تزوج والله ييسر اموره واول ماخطبت له اتصلت بامي قالت انا شاورت الصبي قال الله يوفق فلانه الى اهي انا قلنا مو مشكله والارزاق بيد الله :yaaaaaarb:

وسبحان الله نسمع من بنت عمه انه مغصوب يتزوج ثانيه وانا اعرف منو ورا السالفه عسى الله يسامحهم ويبيحهم

الحاله الثانيه

اخو الاولاني والمشكله والله يابنات امهم تموت فيني ومرات وايد تقول سئلت فلان قال مايبي الا انا وفجاءه يخطبون له وهم تتصل ترا خطبنا له والله ييسر امور بنتج :nocommint:

والاخير الحاله الثالثه اقصد العاهه الثالثه

من شهر خطب وهم السبب مجهول

انزين ليش تتصلون وتعشمون البنات والتالي شنو مانبيها :080402ask_prv:

انا والله يشهد علي مازعلت هذا حكم الله عـــلي وراضيه فيه

بس الانسان يشيل بخاطره :0bee2e8d89:

أي ليش تسون جذي شنو الاسباب

ادعولي الله ياجرني باللى احسن وافضل منهم ويرزقنـي الصبر على كل شي شفته بحياتي

عمـــري عشرين وشفت اشياء تشيلها انسانه عمرها اربعين سنه والله

فتحت الموضوع هذا عشان اعرف هل في وحده منكم مرت بنفس حالاتي

واللى ماتبي ترد لو ترفع الموضوع واكون لها شاكره

المايك لكم

:eh_s(17):

 

[انا بطة]

الخط صغير مايبين اختي

 

[المرتاحة]

شوفي اختي اذا البنت صغيره المفروض امها ما ترضى بالكلام هذا

مثل بنت اختي عمرها 5 سنين و مرت عمها تقول من الحين حق اختي هذي نبيها حق ولدنا اذا كبروا.. على طول اختي سكتتها و قالت لها بليز لا تفتحين الموضوع الحين اذا كبروا ما يندرى شنو بيكون تفكيرهم.. وكل شي بوقته حلو اذا كبروا يصر خير اما الحين لا تفاتحيني بالموضوع هذا وبس من يومها واهي ما تطري الموضوع

حلاته الام ما ترضى ينقال عن بنتها جذي واذا سمعت حجي المفروض ما توصله لبنتها لين يصر الموضوع رسمي.. واذا احد تحجى ما تاخذه على محمل الجد لين يتقدم لها

واقول للأمهات اللي تمشي و تخطب لولدها تبي زوجه لولدها على مزاجها.. اتقى الله في بنات الناس

 

[متيمة بالشعر]

حبيبتي انتي بعدج عمرج 20 .. الحياة بعدها جدامج ..

كلامج عدل هو شي يحر و يقهر خاصه ان تكرر هالشي بس ما عليه كل شي قسمه ونصيب

وترى وايد اللي جذي من اهما صغار اهلهم يسمونهم لبعض واذا كبروا يشوفون ان مستحيل يكونون لبعض
اشدراج يمكن انها خيره لج ..


الله كريم والله يرزقج بإللي احسن ما كنتي تتمنين ... ويوفقج

 

[Diana *]

عن جد شي يقهر !
و الغلط إن الأمهات يسمون فلانه لفلان فمسكينه البنت تبني أحلامها على هالشي إلي ممكن مايصير !
أنا مريت بنفس هالموقف ...
انت لسه صغيره و الحياة قدامك طويله .. عسى رب يرزقك بإلي أحسن منهم

 

[Angel-Lady]

انا عن نفسي اذا قالو جذي احس انهم يتغشمرون مع بعضهم...

لان الزواج قسمه و نصيب و القرار يرجع للي يبون يتزوجون مو اهلهم

و بالنسبة لي انا ما ايد سالفة ان الاهل يقولون للبنت عن الولد الا لما يتاكدون انه خوش واحد و اخلاق و محترم بعدين يقولون للبنت حتى لا تلهى و اتفكر و اخر شي ماكو نصيب

فلا تفكرين جذي و شغلي بالج بامور ثانيه غير الزواج و ان شالله نصيبج راح ايي لج

و كل الي كاتبه ربنا لنا فيه الخير ان شالله *

 

[ترانيم القصيم]

أتمنّى من كل قلبي إن الأمهات يتقون الله حق تقاته

و يبتعدون عن مثل هالتصرفات آللي بصراحة تقلل من احترامهن لأنفسهن ,,

لا تعلقين البنت لأي سبب كان لأنك ما تدرين عن المستقبل و ما تدرين هل فعلاً ولدك راح يتزوّج هالبنت آللي حجزتيها و إلا لا

حرام عليك كذا تخلّين البنت تتعلق و تفكر و تعيش قصة و حالتها حالة و بالأخير تصدمينها و تورينها إنك ما عندك سالفة !

حتّى لو كنتِ جادّة في حجزك للبنت ,, لا تستعجلين بالتصريح ( من بدري ) لأنك حتّى و أنتِ جادّة ما تدرين يمكن يصير شي ما يخلي موضوعكم يتم

و البنت متعلقة بالولد ؟

دامك مانتيب مزوجتها لولدك الآن ,, أجل وشّوله هالعجلة و تصرحين إنك حاجزتها لولدك ؟ هل المجاملة مطلوبة في مثل هذي المواقف ؟

هذي مهيب مجاملة هذي استهتار و عدم احترام للمشاعر ,,

ما يحس بالنّار إلا رجل واطيها ,, بس هالحركة تعوّر القلب و تقهر ,, و لا تنسون إن فيه بنات عاطفيّات و قلوبهن طايرة

و متشفقات على الزواج من وصلن لسن البلوغ ,, و هالشي عادي ما بوهـ عيب لأنها الفطرة و الغريزة هي آللي تدفعنا لـ كذا !

فلازم نراعي هالنقّطة في البنات ,, و إن مهوب كل بنت تمشي السالفة على خير ,, يمكن البنت تتعب نفسيًا و تمرض و تتعقّد

بسبّة إنك خطبتيها لـ ولدك و حبّته و تعلّقت فيه و بالأخير ما صار نصيب !!

لا تستعجلون يا أمّهات ,, لا تستعجلون ,, اتقن الله في قلوب القوارير !! البنت قارورة مهوب بـ سهولة تتجاوز المحنة ..

البنت كتلة من المشاعر و الأحاسيس المرهفة والله ماهيب ناقصتك أنتٍ الثانية حتّى تعورين قلبها و تنسفين عاطفتها بالصورة المزرية هذي

تعلموا أساسيات الأدب و الذوق و الإحترام ,, و الأهم من هذا فعّلوا مبدأ تقوى الله في قلوبكن !

و أنتن يا بنات نصيحتي لكن ,, لا تآخذن كلام الأمهات بعين الإعتبار !

يعني لمّا تجيك وحدة و تقول أنـا حاجزتك لولدي ,, أبد ما يآخذ غيرك ( ابتسمي لها ) و طنشي الموضوع و لا تفكرين فيه

لأنك راح تتعبين نفسيًا و تتألمين كثير في حال ما تم الموضوع !

حطي في بالك إن إرادة الله عزّ و جل فوق كل شي ,, إن أراد تيسير موضوعك راح يتيسّر لو أجمعت قبيلة كاملة على تعسير موضوعك

و إن لم يُرد الله أن يتيسّر موضوعك والله لن يتيسّر حتّى لو جاهد العالم بأجمعه لأجل إتمام موضوعك !

فـ بالأخير مهما كثرت الإدعاءات و التصريحات و الوعود و العهود ( لن يحدث إلا ما كتبه الله فقط )

لن يحدث إلا ما قدّره الله فقط ! فلا تتعلقون و توهمون أنفسكن بشي نسبة تحققه ما وصلت لـ 100% !!

فلمّا تجيك أم و توعدك إنك محجوزة لولدها ,, لا تآخذين كلامها بعين الإعتبار ,, اعتبريها مجاملة كـ سائر المجاملات لا أكثر !

بارك الله فيك يا عسل ^_^

هوني على نفسك و لا تكدرين خاطرك حبيبة قلبي ,,

و أبيك تتفكرين بهذا الحديث الشريف آللي يريّح القلب من جد ^__^ :

عن أبي العباس عبد الله بن عباس رضي الله عنهما قال: كنت خلف النبي (صلى الله عليه وسلم) يوماً، فقال لي:
"يا غلام إني أعلّمك كلمات:
احفظ الله يحفظك،
احفـظ الله تجده تجاهك،
إذا سألت فاسأل الله،
وإذا استعنت فاستعن بالله،
واعلم أن الأمة لو اجتمعت على أن ينفعوك بشيء لـم ينفعـوك إلا بشيء قـد كتبـه الله لك، وإن اجتمعوا على أن يضرّوك بشيء لم يضرّوك إلا بشيء قد كتبه الله عليك، رفعت الأقلام وجفّت الصحف". (رواه الترمذي وقال: حسن صحيح)
وفي رواية غير الترمذي:
"احفظ الله تجده أمامك،
تعرّف إلى الله في الرخاء يعرفك في الشدة،
واعلم أن ما أخطأك لم يكن ليصيبك،
وما أصابك لم يكن ليخطئك،
واعلم أن النصر مع الصبر
وأن الفرج مع الكرب، وأن مع العسر يسراً".

احترامي و تقديري

سعوديّة نجدية

 

[Lode]

الله يرزقك باللي احسن منهم ..ويرزق بنات المسلمين ,,يــارب
مثل ماقالو لك انتي باقي صغيره والعمرر قدااامك

تمنيت اني مثلك مدري لــــيه !
انا معلقه بسس بشكل ثاني ! عمري 22 وقبل سنتين تقريبا
...جاني خبر ان مرت خـالي تبيني لولدها (اصصصغر مني بسنتين )!!!
ولافيه ولاشي زين يخليني اوافق عليه !!
وشخصيتها واسلوبها عااارفتها ,جديه بهالمواضيع ومو بسهوله تتراجع عن قراراتها
واللي عرفته تقول ((قولــوا لها ..اقنعــوها ))
يعني فيني فيني
معاناتي بكل جمعه( زوارة )تكون موجودة فيها ..
صرت احاسب ع كل كلمه اقولها او شي اسويه
صرت لا ضحكت معها اقول ايه تحسبني (موافقه)
وان سويت العكس بتحس اني (موووو موافقه )وخايفه ع زعلها بصراحه بكم القرابه

(صار الوضع حسااس مو مثل اول ) اوووف بسس
ودي اروح لها اقووول انتي ع عيني وراسي بسسس ولدك لالالالالا:eh_s(14):

>> خليتيني اطلع الحره اللي بقلبي

 

[Pizza Queen]

عبالهم بنات الناس لعبه

انا ماحب هالتصرف

بس انتي توج اصغنونه

لاااااااااحقه عالشقى

 

[سكتلز]

غلللللللللللط ومليوووون غلط هالحركة البايخة اعرف واااايد ناس عشموهم بااولاد اهلهم ثم لصاارت الصااجة الولد يكون مايدري
حتى عن سوالف الحريم فلان لفلانة والي ياكلها البنت المسكينة والولد يختار وحدة ثانية ويتزوجها ويعيش حياتة والبنت تتحسر وتاكل بعمرهااا .. والبنت بعد لا تعشم روحها بكلام اي احد الا ليما يصير شي رسممممي ... وحبيبتي الله يرزقج بالي احسن ان شاء الله والي يسعدج طول العمر .

 

[عبالي حبيبي]

الله يرزقج باللي خير منه

لاتشيلين بقلبج

وهذا اختيار ربج انج ماتاخذينه

وتوج صغيره وبتلاقين فرص احسن باذن الله

 

[ماكواسم2]

خيره لج

 

[manoooram]

حبيبتي توج صغيره و العمر كله ان شالله جدامج
لا تنقهرين ولا شي .. بييج اللي أحسن منه خلق ودين ان شالله
بالنسبة لي كل شي قسمة ونصيب وخيره فيما اختاره الله
وبالذات بالزواج .. لأنه مو لعبة وارتباط بالحياة
وسالفة فلانة محجوزة لفلان ومن هالأمور غلط وأكبر غلط ..
ماله داعي من الأساس تنذكر .. شنو ذنب البنت تكون معلقة ومحيره ويتوقف نصيبها بهالسوالف !!
الأم واجب عليها تراعي لي كبروا (البنت / الولد ) كل واحد منهم له آمال وأحلام بشريك حياته
أنا عندي يوصل الموضوع بأن أهل الريال لا يجاملون أم البنت ولا البنت
أحسن من ياخذون البنت ويلعبون فيها لعب وتنعل ولا اكو تفاهم أو اندماج ببعض
أو تنفصل بأول أيام زواجها من زوجها وهو موباغيها من الاساس مجاملتا لفكرة فلانه محجوزه لفلان وهم صغار

 

[PuPa^^SWeeT]

غلط كبييير



سالفة الحجز هذي مو شي عادي

لأنه مثل ماقلتي يا اما الام

ويا الريال نفسه مايبي يهون


وليش يبلشون الوحدة من صغرها على واحد علشان بالمستقبل يبون يزوجون بعض



لااا ياقلبي


انتي الله سلمج من شي انتي ماتدرين عنه



بس بلغي اللي حوولج لا يستمرون بحلقة الحجز المفرغة هذي



لأنه ماتفيد بشي الا التعاسة

قليلييين اللي تزوجو جذي و دام زواجهم لأنهم مغصوببين

 

[اخت خالتهم]

غلط الوحده تقول فلانه حق فلان بدون خطبة رسمية
يمكن الوحده تتعلق بالواحد وتحبه

 

[pinkoosha]

يا يبا الكلام اسهل من الفعل,, بعد هذي غير سالفه يعشمون البنت وتالي مايبونها,, هالعقليه مفروض تنمسح من الوجود لانه خلاص احنا بمجتمع يعطي البنت حريتها بالاختيار, مافي شي غصب,, وبعدين بنات الناس مو لعبه وانتي مو كتالوج يشوفونه ويمشون,, مفروض امج تعاتبهم,, بعدين توج صغيره ليش مستعيله عالزواج

 

[صمتها ونه]

حبييييييييييبت قلبي الله يرزززقج باللي احسسن ويعوووضضج

خيييررررررررررره وربي ومع الايام بتشووفين

 

[Unusual]

لساتك ببداية حياتك ان شاءالله ربي يرزقك بسيد سيدهم ..

وووووبعدين سالفة الحجز والتحجير لسه عاااايشه ، مابطلوها الناس ..

 

[عادت ذكرياتي]

الله يكتبلج نصيب أفضل ...

 

[الصبر مفتاح]

الخط صغير مايبين اختي

عندي اوكي الخط

شاكرتلج المرور

:eh_s(17):