ماني عارفه شحط عنوان لموضوعي بس يهمني أن الكل يشارك

[pure feminine]

بدايةً : السلام عليكم ورحمة الله وبركاته



قبل لا أقولكم شنو الموضوع بقولكم شغله عني يا سيداتي وآنساتي العزيزات , انا وحده أحب أقرأ وأُعجب بالناس الي مشاء الله عليهم عندهم اسلوب بالكتابه ..
وودي بيوم من الايام أكون كاتبه مميزه ويكون لي قرآء ( هذا هدف من أهدافي قاعده احاول اوصله بإذن الله )

لــكن عندي مشكله أني ماادري شكتب ؟! يعني ساعات امسك قلم وورقه أو افتح الورد وكلي حماس اني اكتب موضووع
وأقعد احاول وأحاول وأشحذ الافكار لــكن للأسف ماتطلع معاي اي فكره , فـ الي يصير اني اهد القلم أو اصك الورد وأقوم وانا حاسه بغصه :0bee2e8d89:

فـ لذلك موضوعي عبااره عن ( فكره لكتابة مقاله )

يعني الي ابيه منكم :-
1- تشاركون معاي باعطاء فكره حول موضوع معين ( اجتماعي , ديني , شخصية معينه ..... اي نوووع من انواع المواضيع )
2- نكتب مقاله بسيطه حول هذا الموضوع سواء بلغه عربيه مبسطه أو حتى بالعاميه لان ساعات أقرى مواضيع عاميه بس تكون ممتعه وتوصل الفكره بطريقه حلو , ولووو اني أفضل ان المقاله تكون بلغه عربيه مبسطه .
3- نقد هادف وصريح للمقالات المطروحه ( وهذي أهم نقطه عشان نطور نفسنا وتعزز ثقتنا لان النقد مو شرط يكون ذم ساعات يكون مدح ).


**** نقطه مهمه أن كل ما نخلص من موضوع راح نطرح موضوع آخر يعني راح يكون متجدد ..


والمقاله يا بنات مثل ما تعرفوون تكون فقره قصيره عباره كم سطر أنا ما طلبت منكم صفحات
فأن شالله يكون الموضوع سهل .


أخيرا عزيزااتي

اتمنى اتمنى اتمنى تاخذون الموضوع بجديه وأشوف مشاركات فيه .


مع ودي وأحترامي ....

 

[بيــــــــــــب]

ماشاء الله موضوع حلوووو

انا مثلج احببببب الكتابه واقرأ كثيييير

احيانآ يجيني عصف ذهني وافكار كثيره افكر فيها

لكن لما امسك القلم كل شيء يطيييييييييير

او اكتب شيء بسيط ولا اقدر اكمل




يلا نبي نساعد بعض
والف الف شكر لج لكتابه مثل هالمواضيع المفيده

 

[@رومانسيه@]

عادي انا احب اكتب ونفسج افتح الوورد وانسى
المهم تحطين الهدف جدامج
مثلا موقف صار
واحد متضايق تحاولين تحطين موضوع عن هالشخص بس بطريقه الكاتب المميز مثلا تكتبين دافع للتفاؤل والحياة

مثلا شخص مايشتغل اكتبي موضوع يكون ديني وكتبي قصه من قصص الدينيه اللي تعطيه الهدف ان يحمد ربه على النعمه
وجذي واي شي تبينه انا حاضره

 

[lavendar-89]

اختي اهتمامج يعجبني ورغبتج بالكتابة بعد تعجبج بس انتي عشان تصيرين كاتبة ولج قراء لازم انتي تختارين الموضوع وتكتبين بأسلوب مشوق وجميل يجعل القاريء حتى لو ما عجبه الموضوع يكمل القراء لمجرد انتقائج لكلماتج او جرأتج واذا انتي حابة تكتبين مقاله لازم تجمعين معلومات عن الموضوع بشكل وافي وان شالله دام انتي تحبين القراءة معناتها راح تكونين كاتبة لان حب القراءة يولد حب الكتابة وانا راح احاول اساعدج واعطيج جم موضوع عشان تكتبين عنه عندج مثلا

1_ الرقابة على الكتب والمكتبات ساعات تمنع كتب مفيدة الخ
2_ الاطفال والتكنولوجيا لان الحين تحسين ان مافي اطفال وبراءة الكل مفتح باللبن وتلاقين اطفال صغار معاهم موبايل وبلاك بيري ولابتوب بعد
3_ تربية الخادمات للاطفال
4_ الاوضاع السياسية بالكويت
هذي مجموعه من المواضيع ان شالله اكون افدتج وشكرا:balo:

 

[sereen]

مووضوعج جدا حلو ويبيبله قهوة تركيه , بالنسبه لى انا احب اكتب مدونات ال اهى journals
بالتالى صرت استخدم ال blog
لاحظت انى لما اي اكتب بكل اللغات واللهجات , لكن الشاهد انا احب اقرقر واسترسل بالكتابه لان فى احداث وايد تصيرلى شبه يوميه من خلال الاشخاص - الزمن وخلافه بالتالى انا حسيت البلوووج اشبع هوايتى بالكتابه , اذكر للحين بعد الغزو كتبت مقال عن الكويت وكان عمرى بال 15 سنه يمكن ودزيته ونشرولى اياه , اللى لاحظته الكاتب المبدع يطالع دائما الاشيا ء من خلال عدسه مكبرة , يمسك نقطه ويهذر فيها
انزين شرايج مرة الدكتور عندنا عطانا موضوع عن " شلون ناكل التفاح " , ماتصدقين شنوو افكا ر طلعت وتصرفات وفعلا كل واحد غير عن الثانى باكله حق التفاحه
بس ياريت لو يكوووووون موضوعج هذا من خلال البلوج , يعنى البنات اللى حابين ينموووون الكتابه يتجمعووون من خلال بلوج معين ويكتبووون لان مشكلة المنتدى مثل مااننتى شايفه موووضع ينزل او يصير وايد وانا وحدة من الناس بس اشوف الصفحه زادة عن 4 خلاص مالى خلق اكتب خاصه موضوع مثل هذا حلو انج تشوفينه قبال عيونج وبسرعه تلقطينه
يعطيج الف عافيه وناطرينج ياحلوة

 

[StrOnG WoMeN]

البنات ماقصروا
وبالعكس بطريقتج ممكن كلنا نستفيد
من المعلومات
وان شاء الله مع الوقت نشوفج كاتبه كبيره:eh_s(6):
لكن بنهايه الامر يرجع كل شي للاحساسج الخاص بالكاتبه
او حتى المقالات عن طريق شي انتي حب تكتبينه
موفقه

 

[بنت المنصور]

اممممم شوفي هو الطبع يلعب دور هني يعني انا بالنسبه لي مايصير اييي افتح الاب واقول يالله بكتب مابيطلع معاي شي اكيد

بس في يومي كله وانا اعيشه سوا كنت بالبيت ولا طالعه من البيت في مواقف في تصرفات في ردات فعل من ناس معينه

هي تفتح لي باب الفكرة الي ابي اكتب عنها هذا واحد


الشي الثاني انا ما اعتقد انو في فكرة ماتم الكاتبه عنها فانا ما اركز على الفكرة كفكرة انا اركز على الاسلوب اكثر

شلون بتكلم عن هالشغله الفلانيه شلون راح اطرحها ، يمكن انتي ماتعرفيني قلبي بس كتبت جم موضوع هني بالمنتدى

ودايم ابتديه بطريقه قصه ولا تسلسل احداث عشان بالاخير اخلي القارء يعرف انا شنو ابي اصوله قبل

لا يصول لسطر الي انا ذاكره فيه شنو انا ابي من المقال اخليه يحس في الكلام بنفسه يفكر ويستنتج بنفسه كل ما كان

الموضوع يلامس عقليه القارء ولا قلبه ولا اي شي فيه المهم انه يحرك فيه شي راح تكون قرائته للموضوع بشكل

ادق وهو بيكون مستمتع في قرائته وبيرد عليج من قلبه وبيبدي رايه وانتقاده بنفس الوقت ....


انا ماراح اذكر مواضيع معينه لان مثل ما قلت هذول وليده لحظه بالنسبه لي بس انا احب اركز بالاسلوب شلون

راح نطرحه شلون راح نوصله ...


ادري اني طولت عليج يا قلبي بس انا افضل انكم تختارون الموضوع وانا راح اساعد بالكتابه ان شاء وانتي اختاري الي

يعجبج

 

[pure feminine]

مشكورين بنات على تجاوبكم وكلامكم الحلوو

بس يالله ياليت نبدأ صح

أبي كذا وحده يشاركون معاي بالكتابه عشان اتحمس :ggdw:

 

[pure feminine]

مووضوعج جدا حلو ويبيبله قهوة تركيه , بالنسبه لى انا احب اكتب مدونات ال اهى journals
بالتالى صرت استخدم ال blog
لاحظت انى لما اي اكتب بكل اللغات واللهجات , لكن الشاهد انا احب اقرقر واسترسل بالكتابه لان فى احداث وايد تصيرلى شبه يوميه من خلال الاشخاص - الزمن وخلافه بالتالى انا حسيت البلوووج اشبع هوايتى بالكتابه , اذكر للحين بعد الغزو كتبت مقال عن الكويت وكان عمرى بال 15 سنه يمكن ودزيته ونشرولى اياه , اللى لاحظته الكاتب المبدع يطالع دائما الاشيا ء من خلال عدسه مكبرة , يمسك نقطه ويهذر فيها
انزين شرايج مرة الدكتور عندنا عطانا موضوع عن " شلون ناكل التفاح " , ماتصدقين شنوو افكا ر طلعت وتصرفات وفعلا كل واحد غير عن الثانى باكله حق التفاحه
بس ياريت لو يكوووووون موضوعج هذا من خلال البلوج , يعنى البنات اللى حابين ينموووون الكتابه يتجمعووون من خلال بلوج معين ويكتبووون لان مشكلة المنتدى مثل مااننتى شايفه موووضع ينزل او يصير وايد وانا وحدة من الناس بس اشوف الصفحه زادة عن 4 خلاص مالى خلق اكتب خاصه موضوع مثل هذا حلو انج تشوفينه قبال عيونج وبسرعه تلقطينه
يعطيج الف عافيه وناطرينج ياحلوة

تصدقين ما عرفله :/ ساعات اطيح صدفه على مدونات وأقرى شمكتوب فيها بس ماأدري شلون طريقة استخدامها وشلون تنتشر
وودي أقرى كتاباتج اذا ممكن

 

[آبـلـہ نـونـو]

آلكتآبة مو من آهتمآمآتي ، بس آللي آعرفه آنه يبيله جوؤوو هآدي و تركيز هذآ وآحد ، بعدين تبدين تكتبين يوميآتج آو ذكريآت آو موآقف و شنو حسيتي فيه بآلضبط و تكون هآلكتآبآت مثل حآفظه لآسرآرج ، بعدين شوي شوي رآح تجيج آلموآضيع و آلآفكآر ، لآن لآزم تبدين من آلصفر ,,

و عن نفسي آشجع هآلهوآية ، مع آني مآ آميل لهآ بآلمرهـ .!

و بآلتوفيق حبيبتي ،

و عقبآل مآ تكتبين بآلجرآيد و آلمجلآت إن شآء آلله ,,

..

 

[آسفه يا طموحي]

البنات ما قصروا

بس علشان ما تصير مواضيعج قديمه00وباااااااااااااايته
شوفي الجرايد فيهااااااااااااااااا اكثر من موضووووع منها مطرووووووووووووح للنقاش ومنهاااا عنواااااااااااااااااااااااااااااااان ومنها ازمه بالبلد وازمه بالخليج وازمه بالوطن العربي وبالعالم اخذي رؤوووس اقلام وكتبي عليه موضووووع كبداااايه ليما تحترفين الكتابه ان شاء الله
اممممممممممم ومواضيع تصير بينج وبين اهلج000اصرحي راييك الشخصي علي ورق وشوووووووفي الابداع


واذا نشرتي شي بلغيني علشان احط صوووورتي علي الموضووووووووووووووووووووع ههههههه ؛))))



والله يوفقج يااارب حلوووو وانا اشجعج وبقووووووووووووووووووووووه


مع كل الحب0000000000000وآسفه يا طموحي