ماهي النصائح اللي تقدمينها لي للخادمه الجديده( صاحبات الخبرة)

[كليرز]

مرحبا خوااااااااااااااااااااااااتي

اليوم زوجي جاب لي خدامه وانا ما عندي خبرة فيهم كللللللللللللللللللللللللش لانها اول مرة

فشنو تنصحوني فيه اقولها القوانين ......الخ وشنو اشتري لها

يعني كل شي عنها


وخصوصا اللي لهم خبرة بالخدم وخاصة الاندونيسيات


ويعطيكم الف عافية

 

[A7la 7la]

من ناحية شنو تشترين لها ,, أكيد صابون و شامبو و فازلين و موس الخ من ادوات النظافه ....!!

يونيفرم حق الخدم.. و ملابس.. .. فراش ..


ومن ناحية شنو تقولين لها ...


قوليلها شنو إنتي تبين النظام يكون ببيتج ... يعني طريقة الشغل .. مواعيد الشغل .. شنو مسموح لها ..شنو ممنوع .. بس هم لاتضغطين عليها حيل .. أخاف تاخذ عنج فكره مو زينه .. و تقوم تسوي لج سحر اسمـاالله عليج منهم .. مايندرى عنهم خصوصآ الاندونيسيات ...

و هم أعرف بعض الحريم أول ماتوصلها الخدامه ... تخليها تروح مكان .. يعني مثل بيت إمج أو خالتج على أبو انها تروح تشوف خدامتهم و تتعلم منها .. و من وراها يفتشون بأغراضها بس عشان يتأكدون إنها مو جايبه شي غريب وياها ....!!


عمومآ أنا أقولج اللي أشوفه من اللي الناس اللي حولي .. بس إنتي و شخصيتج ...



تحيااااااااتي ,,,

 

[أم وضاحي]

شوفي حبيبتي
أنا خبرة بالخدامات
أول شي المشتروات :
ملابس داخلية نظيفة ( لازم ) و يونيفورمات - فوطة حمام- شامبو - صابون - فرشاة أسنان و معجون - فوط صحية
ثاني شي النظام:
أول شي لازم أفهمها أنها تقوم قبلنا على الأقل بساعة عشان تسوي الفطور قبل ما نروح الدوام, و لازم تعرف أيش هو الفطور بالضبط.يعني أيش راح تاكلون الصبح
بعدين لازم تعرف أغراض البيت وين مكانها من منظفات و مساحات و غيرها .
لازم أدورين فيها في كل غرفة و تعرفينها نظام الغرفة هاي شلون
يعني أذا غرفة النوم.. أشلون ترتب السرير و تنظف الطاولة و الحمام عزج الله أشلون تنظفة و تغير الزبالة و غيرة.بعدين عطيها نظام .. مثلا المطبخ لازم يتنظف كل يوم هو و الحمامات .
الثلاجة لازم كل أسبوع تبندهاو تطلع إللي فيها و تنظفها وتتأكد من أن إللي فيها مش منتهي أو معفن.
و قت الغدا إذا كنتي تبينها تطبخ .. متى لازم تبتدي فيه ولازم متى يكون جاهز.
و الباقي راح تتعلمة هي مع الوقت و هي بتشوفينها أتدبر أمورها.
وأي شي ثاني أنتي مش منتبه له راح يجي في وقته و راح تعلمينها.
بس شوفي حبيبتي:
مهما كان هاذي أنسانه ... هاده بيتها و أهلها عشان تشتغل و تسد حاجتها و حاجتهم.
و صدقيني المعاملة الزينه مطلوبه و مهمة .
لا تعاملينها أنها خدامة .. ولازم تكرف و تشتغل سواء كانت تعبانه ولا مريضة.
هذولي بشر مهما كان .. عامليها أنها موظفة عندج .. عليها واجبات ولها حقوق.
لين راحت معاج الجمعية أو السوق خليها تشتري لها شي ..ترى إلا ما يطيح في خاطرها شي و تحط عينها عليج و يشتغل الحسد عاد..وما أقولج تشتري من نفس المحلات مالتج .. لكن وديها المحلات إللي يتيوز لها
أو في الجمعية خليها تاخذ لها شغلة هي محتاجتها أو في خاطرها .. حتى لو كاكاو.ترى والله تجبر بخاطرهم.
طلبتوا أكل في البيت من المطعم .. دايما عملو أحساب إللي عندكم في البيت ..مهما كان.
و دايما دايما راعي الله فيهم.
وإذا شكيتي فيها حاولي تتأكدين قبل ما تواجهينها .. و إذا كان الشي إللي أنتي شاكة فيه جايد... تكت و ياللا باي من غير ما تخبرينها قبلها بأسبوع أو يومين ثلاثة ... لأن بعضهم الشردة ببيزة أو ممكن تسوي شي..
المهم راعيها .. ودايما خلي عينج عليها.

 

[ombaza]

او وضاحي ماقصرت
اذا ماتعرف انجليزي وديها حق احد نفس جنسيتها يترجمونلج
فهميها اهم شي النظافه والامانه
استخيري فيها وانشالله تصير زينه

 

[أحب الخير]

اهم شي لا تسولفين معاها وايد و تطيحين معاها الميانه
خلج سلسه في التعامل و تغشمري بس بحدود
و لا تشدين عليها لا تكرهج
واذا متضايقه او عافسه ويهها ساليها ليش خليها تفضفضلج اكيد بتشتاق حق اهلها او يمكن مريضه و مستحيه تقول
و اهم شي اذا شفتي شي ضايقج او ماعجبج على طول بينيلها ان هالشي غلط عشان ما يتكرر و تحطها قاعده ببالها
و اذا تعلمت على الشغل تابعيها اول باول مو تخلينها على كيفها بس باسلوب حلو بدون صراخ و رفعت صوت مهما كان هذي انسانه
و بين فتره و فتره دخلي عليها و معاج هديه انه اسويها اذا اشتغلت وايد ييبيلها قرشة عطر او تراجي او خاتم لو بو دينار و شوفيها شلون بتصير معاج