مايبوني ولا أبيهم،،بس مابي زوجي يطيح بالنص!! والله حيرة

[om MaRyooM]

السلام












يمكن مكان موضوعي بالحياة الزوجية
بس حبيت احطه هني<<<<كيفي :bbbiu: هههههه




المهممممم


بنات بقولكم مشكلتي اللي مالها حل
وابي رايكم






اهل زوجي من اول ماتزوجت واهما بمشاكل معاي

حاولت اسوي المستحيل عشان اصلح الوضع

بس مافي فايدة ... لسانهم طويل واصحاب مشاكل باعتراف ولدهم(زوجي)

واهو للعلم يبيني اوخر عنهم لأن وايد تأذيت منهم

وكنت بنفصل عن زوجي بسبب مشاكلهم

وفي تفاصيل لو اقولكم عنها والله تطقون على راااسكم
(عشان اوضحلكم الصورة...اهما يآمنون بالفنجان وهالخرابيط عرفتو) فإنتو قيسو على هالشي تفكيرهم !!!

ووصلت فيهم مرااحل من كثر القهر والغيرة يشيشون زوجي علي
وشفته قلب علي وكنا بننفصل بسبب كلامهم الـ.....
بس كان سلاحي اقوى منهم .. تسلحت بالدعاء والصلاة
والحمدلله ربي كشف كل شي
وطاحت الاقنعة وانصدمنا
وانقلبت حياتنا انا وزوجي وصار تغيير كبير .. وطلعنا من بيتهم




المهم

وابسط سالفة صارت برمضان اللي طاف (اخر مرة دشيت فيها بيتهم)
كنت اسولف عاادي ولا الحبيبة حماتي (23سنة) يعني اصصغر مني
فهمتني غلط وعلت صوتها علي
وهزأتني بددون سبب

ولا حد تحرك ولا حد جعمها متخيلين

صارخت علي والله لو خدامة جان ماسكتت
يعني باختصار = اهاااانة

طلعت من بيتهم وانا ابجي

وحلفت لزوجي اني ماارجع الا باعتذار

وهذاك يوووم وهذا يوم متخيلين






الحين المهم

صارلي شهوور مو طابة بيتهم لا ابيهم ولا يبوني
بس خالتي احيانا تشره على زوجي علبو انها زعلانة مني

نست ان بنتها قلت ادبها ولا حد تحرك ولا حد تأسف

ياما انهنت وسكت
ياما سكت وطوفت وارجعلهم على حسن نية وترد حلييييمة لعادتها القدييييمة

بنات ماقدر ادش بتفاصيل لأنها لووووية ومابي احد يعرفني
ويمكن ماتصدقونها والله




باختصااار بيطلعون المشاكل من تحت الارض بس لأني اخاف ربي واحب زوجي ويحبني
واهما مايحبون احد متهني بحياته





الحين طبعا زوجي طايح بالنص اساسا

بس اهو رااظي ومايبيني اروح لأن عارف مايتهم


بس ليمتى ؟؟؟؟؟ :eh_s(10):
حيرة والله .. انا مااابي اطب البيت . انهنت فيه جم مرة والله موهاينة علي نفسي


قبل كنت ااقول بس بالمناسبات اروح

بس صار شي جاايد خلاني اقول stop
كرامتي اولا ..:eh_s(4):


حاولت افهم خالتي جم مرة اللي قاعد يصير
بس ماتبي تعترف ماتبي توريني اني الصح


اف زهقت ملييييييييت
لأن مو مخلينا بحالنا والله .. حتى وانا مقاطعتهم اذيتهم بالكلام توصل




ادري ماكو حل

ولاتقولولي روحي لأن هالشي مستحييييل



ابي رايكم

 

[om al ghaleen]

ميخالف علشان زوجج رفعي السماعه وسلمي ع خالتج
او روحي زوريها الصبح يعني اتحاشي حمواتج
وحتى عيالج لا تحرمينهم من يدتهم كل اسبوع خل يزورون مع ابوهم ..
والله صله الرحم لها اشياء ما تصدقونها

انا حاسه فيج بس علشان تكبرين بعيون ريلج
مهما يكون اهي امه وصج مايرضى بالمغثه لج
بس حطي نفسج مكانه ..

ونهايه صبرج فرج

\\

 

[هالة55]

قطيعه من الناس اللي كذا بفهم ليش بعضهم يحبون المشاكل

الله يعينج والله

 

[ماني من الناس]

تكمله لموضوعي

دراما الحموله بارت ٢

انتي زوري امه مرتين بالشهر مع زوجج عشان يشوف شقاعد يصير وحماتج طنشيها ووجودها والعدم واحد ولكنج شايفتها

 

[ياليتهم يشعرون]

الله يعين قلبج والحمدلله انج بعيده عنهم وكل شي. واضح عند زووجج ولو انا مكانج ازورهم بالمناسبات لخاطر عيون الزوج وصدقيني لمن تختصر الزوارت عند هالحد راح تقل المشاكل بس اذا عندج عيال خيروحون مع ابوهم يزورون يدتهم همن قطع الأرحام مؤ حلو وياحلو من نام مظلوم

 

[لمى...]

حبيبتي نصيحه عن تجربة

كلنا جربنا الحموله القشرة وانا مثلج ويمكن تعرضت لمواقف ازيد منج



وكنت اعاديهم وماأجيهم وقطعت عنهم تقريبا .........

ريلي وياي ويموووووووووووووووووت علي ويعرف ان الخطا مو مني

لكن فجأة بدا ريلي يتغير علي احس انه مضغوط احس انه قام يدقق بكل شي

مضغوط من سوء علاقتي بأهله بشكل مو طبيعي حتى لو كان يموت علي بس همن هذيلا اهله ولو شيصير ماراح يفضلني عليهم

ولا يفضلهم علي لكن ...........

صار لما يزورهم ويرد عندي يكون دايم متكدر ويعصب على اتفه الأسباب انا مابي أظلمهم واقول انهم اربع وعشرين ساعة

مالهم سالفة الا انا لأن مو معقولة كل مايروح لهم بيتكلمون علي واصلا ريلي مو من النوع اللي يسمع حق احد

ولايرضى احد يتكلم علي ولا احد يتكلم على اهله فأنا شبه متأكدة ان عصبيته اذا رد منهم بسبب انه ينقهر ينقهر لما يشوفهم

يتذكر سوء علاقتنا انا واهله يصير يحقد علي لأني انا اللي عنده اربع وعشرين

ساعة وانا زوجته اللي المفروض اشتري خاطره واحسن العلاقات طبعا بنظر كل ريال جذي لازم زوجته تسوي....

فنصيحة من كل قلبي انا لدرجة تطورت الأمور الى الأسوء...........

وهني قلت ستوب الا ريلي يتغير علي كل الناس الا حبيبي

ريلي حيل زين معاي ومابي اخسره عشان ناس ماتخاف الله ..........

وصرت ازور اهله كل اسبوعين مرة من ادش اكون مبتسمة وابين اني مرتاحة

مهما سوو او قالو اشياء تنرفز اطنش ولاكأني سمعت شي حتى لو وجهت الحوار لي مباشرة اي وحدة من اهله

مارد كلش على قطاتها وابتسم واسكت والتفت الصوب الثاني ماأحاول انرفزهم ابدا ابدا ابدا لاأتكلم عن ريلي ولاعن شنو يسويلي

ريلي ولاعن اهلي بس سوالف عادية واذا حسيت ان السوالف تبي تخيس ارد اصير زي الطوفة ولاحرف

جذي مدة ساعتين ثلاث وارد بيتي هم ينطبق عليهم المثل اللي يقول الحقران يقطع المصران ماتو من القهر فترة......

والحمدلله الحين لدرجة انهم ملوا مني ماقاموا يحاولون يتحرشون فيني ولايخربون علي ولاشي بالعكس

علاقتنا صارت رسمية ومحترمة .............

 

[Sa7aBa]

اول شي انا احبج في الله والوحده السنعة المتربيه تبين من حتي شاشة الكمبيوتر
بحسب مواضيعج وردورج الله يوفقج ويسهل كل امورج

ارد على موضوعج
دايما احنا نسبق حسن النية ونتعامل على هالشي لانا بنات متربين عالدين والاخلاق قبل لا نعرف حمولتنا او ناس ثانية
هالزمن وللاسف كثرت مشاكله ويفضل الحين الوحده اساسا من البدايه ما تسكن عند حمولتها ولو كانت حمولتها زينة
الزوارات والمنسبات والعزايم وحتي طلعات معاهم كلشي موجود وهالشي وايد حلو
بس في ناس يبين في عينهم وناس لا
وانتي للاسف حمولتج اكبر شي غلط انهم يامنون باللي قلتي عنه الله يستر عليهم ويهديهم
انا ما افضل المشاكل ومدام انتي وصلتي حدج ومو هاينه عليج نفسج و مدام ريلج عارف وعارف سوالفهم وعاذرج في اني ماتروحين لهم خلاص لا تروحين
اهم شي خالتي ولوكانت مو كفو بس دقي عليها من وقت لي وقت سلمي و بالمناسبات روحي لهم ..
لكن اهم شي عيالج لا تقطعينهم عنهم .. لانه العيال عيالهم ولو انهم قشرين لكن هذي صلة رحم وعيالج لانهم عماته وجدته فملزومين يوصلونهم .. مع ابوهم لا راح الزواره يروحون وياه وانتس لا تروحين خلاص

شوفي .. اقولجوعن مرت اخو رفيجتي
تقول رفيجتي ..
مرت اخوي ماتيي الزوارة بس اخوي وعياله ..
مع انهم مو قشرين انا اعرف اهل رفيجتي ناس سنعه وماترض بالغلط وناس محترمه وملتزمة
بس اهي اللي رافعه الجام وتقول اهما مو من صلة رحمي عشان ازورهم .. اخوهم وعيالهم يزورونهم
والاخو نفسه يقول حق اهله
ترا مرتي مو ملزومه تيي وسائلين شيخ دين فيها .. االحموله مو من صلة رحمها فمو ملزومه تروح بس العيال اللي لازم يروحون وذا راحت الزوجة فهذا طيب منها وتؤجر عليه...

وسامحيني عالاطاله
وربي يسهل عليج امورج ويكفيج شرهم ويوفقكن يارب
وطمنينا عليج

 

[هُدوء]

آلله يهديهم
آنتي زوري خآلتج وسلمي عليهآ ، لكن حمأتج لاتعطينهآ اي مجآل تكلمج
يعني تحآشيهآ ، واستخدمي معهآ اسلوب آلتطنيش ولآتردين عليهآ !
وآلله يعينج ،

 

[*E.B.D.A.3*]

ياهلاااااااا بام مريوووم،
اهم شي مريوم شنو رايها بالموضوع ؟؟
خخخخخ ،


والله شوفي ، انتي قلتيها ، احنا بنقاطعهم ليمتى ؟
واهمه اهله ، يعني لا يمكن يطوون صفحته ويمشون لي جدام ، راح يظلون وراج وراج لو شنو طالت المدة ...

شوفي انتي تعرفين خالتج وتعرفين الاوقات الي تصير فيها فاضيه والبيت يكون فاضي ،
كبسي عليها بهالاوقات وخلي معاج كيكه ، والاهم من هذا كله خلي ريلج يكون معاااااااااج
لا تزورينهم بروووحج انسييييييي !!! @@

وخلي الزيارة تصير مرة بالشهر والا مرتين
متى ماحسيتي ان مثلا الكل طالع والا حزت الضحى على بو بتريقينها ،، كبسي عليهم وسحبي ريلج معاج

صار واندبستي فيهم ولقيتي الكل موجود
خلج رسميه لابعد الحدوووووود ... كلامج متكون من :
اها ، ممم ،ايي ، ههههه
بس !!!
وحسبي الوقت نص ساعه وطلعي ،

عن قولت مايتنا ومازارتنا ،
لا دشين معاهم بنقاش ولا تسولفين، الي يبي يسولف ردي عليه بـــ ايي صح
والي مايسولف سكتي ، لا تفتحين اي موضوع ،


هالناس لا تاخذين ولا تعطين معاهم ، خلج صنم صنم

 

[om Firas]

هلا بام مريوم
الله يعينج على هالناس
انتي سوي كل شي لوجه الله
ولا تفكرين ترضين احد بهالشي
اهم شي رضى ربج وصدقين
راح تتصلح الامور باذن الله
ومثل ماقالوا البنات حاولي تروحين حق خالتي
بالاوقات اللي يكون البيت فاضي والاهم يكون زوجج معاج او من فتره لي فتره
رفعي السماعه وسالي عنها وتطمني وان شالله
ربي يسخرلج اهل ريلج وتحلين بعينهم ويحبونج
والله انا من هالشاشه وحسيت باخلاقج الحلوه وحبيتج^_^
مايبتلى الا المؤمن الله يعينج وصبرج حبيبتي
موووووفقه

 

[أحلى البشر]

حبيبتي نصيحه عن تجربة

كلنا جربنا الحموله القشرة وانا مثلج ويمكن تعرضت لمواقف ازيد منج



وكنت اعاديهم وماأجيهم وقطعت عنهم تقريبا .........

ريلي وياي ويموووووووووووووووووت علي ويعرف ان الخطا مو مني

لكن فجأة بدا ريلي يتغير علي احس انه مضغوط احس انه قام يدقق بكل شي

مضغوط من سوء علاقتي بأهله بشكل مو طبيعي حتى لو كان يموت علي بس همن هذيلا اهله ولو شيصير ماراح يفضلني عليهم

ولا يفضلهم علي لكن ...........

صار لما يزورهم ويرد عندي يكون دايم متكدر ويعصب على اتفه الأسباب انا مابي أظلمهم واقول انهم اربع وعشرين ساعة

مالهم سالفة الا انا لأن مو معقولة كل مايروح لهم بيتكلمون علي واصلا ريلي مو من النوع اللي يسمع حق احد

ولايرضى احد يتكلم علي ولا احد يتكلم على اهله فأنا شبه متأكدة ان عصبيته اذا رد منهم بسبب انه ينقهر ينقهر لما يشوفهم

يتذكر سوء علاقتنا انا واهله يصير يحقد علي لأني انا اللي عنده اربع وعشرين

ساعة وانا زوجته اللي المفروض اشتري خاطره واحسن العلاقات طبعا بنظر كل ريال جذي لازم زوجته تسوي....

فنصيحة من كل قلبي انا لدرجة تطورت الأمور الى الأسوء...........

وهني قلت ستوب الا ريلي يتغير علي كل الناس الا حبيبي

ريلي حيل زين معاي ومابي اخسره عشان ناس ماتخاف الله ..........

وصرت ازور اهله كل اسبوعين مرة من ادش اكون مبتسمة وابين اني مرتاحة

مهما سوو او قالو اشياء تنرفز اطنش ولاكأني سمعت شي حتى لو وجهت الحوار لي مباشرة اي وحدة من اهله

مارد كلش على قطاتها وابتسم واسكت والتفت الصوب الثاني ماأحاول انرفزهم ابدا ابدا ابدا لاأتكلم عن ريلي ولاعن شنو يسويلي

ريلي ولاعن اهلي بس سوالف عادية واذا حسيت ان السوالف تبي تخيس ارد اصير زي الطوفة ولاحرف

جذي مدة ساعتين ثلاث وارد بيتي هم ينطبق عليهم المثل اللي يقول الحقران يقطع المصران ماتو من القهر فترة......

والحمدلله الحين لدرجة انهم ملوا مني ماقاموا يحاولون يتحرشون فيني ولايخربون علي ولاشي بالعكس

علاقتنا صارت رسمية ومحترمة .............

ماشاء الله عليج الله يوفقج ويسعدج :yaaaaaarb:
جذي المره السنعه :eh_s(15):

 

[فرس بيضا]

حبيبتي والله حااسه فيج
تدرين ماكوووو حل لمشكلتج
يعني خلييج رسميه لأبعد حد معاهم زيارتج بالشهر مره كااافيه
وام الزوج ترا مو من الرحم وانا متأكده من هالشي
بس انتي عندج عيال ف لازم يزورون جدتهم وعمامهم و مالازم تنقطع علاقتهم فيهم لو مهما يصير
و اهم شي زوجج مهما يكون هذولي اهله وامه جنته وناره يعني كللش لاتجيبين سيرتهم عنده بما انج مو حابتهم
والله يسخر لج زوجج و يهدييهم

 

[عبالي حبيبي]

مع راي الخوات

ابدي انتي بالخير موعشانهم لكن عشان ريلج وامه

واحتسبي الاجر عندالله لانها تعد صلة رحم ام ريلج من الارحام الي ملزومه بصلتهم

ومع ريلج لاتفكينه

موفقه يارب

 

[F.L.O.N.A]

الله يعينج بصراحه ضييييييييييم

انا اقول روحيلها مرة بالشهر او مرتين وحرصي انج طووووووووووول الوقت تكونين يم زوجج ما تقعدين بينهم بروحج يستوحدون فيج ...
واتفقي معاه انكم ما تطولون القعده سلام وقعده نص ساعه وتمشوووون ... احسن حل جذي عشان اي شي يصير يصير جدام ولدها ... وعشان ما تقول انج قاطعتها ...

اما الباجي تحاشيهم حتى سلام شخصي لا تسلمين دشي وقولي السلاااام حق الكل ... بشكل عام

 

[am faisal]

واللة حاسة فيك فية ناس صعب تعاملين معهم وبكل الطرق الطيب او غير الطيب مايمشى واحس المتربية ماتقدر تعاملهم لان لهم احيانا اساليب قذرة يترفع الانسان عنها نصيحة لاجل عين تكرم مدينة روحى علشانة ولا تطولين

 

[عشقك وطن]

لاتروحين ابد ابد


وزوجك راضي انك ماتروحين ولو قالك روحي قولي انت شفت وشفت وانا مابي يصير مشاكل بيني وبينك

او بيني وبين اهلك ولا انا احبهم و و و الخ



ابعدي عنهم وريحي راسك

 

[om MaRyooM]

مشكورين كلكم والله



بنات ترا انا صارلي ٥ سنين معاهم علا نفس الوتيرة

وجم مرة سةيتها اصير رسسسسسسمية وبس مرة بالشهر اروح
او بالاعياد

بس همن ما ايوزووون
كله اقول عشان خااطره
بس ترا عندنا كررامة اي ليمتى

 

[Heart.LesS !!]

البااااااااااااااااااااااااااااب الي اييك منه الريح سده واسترررررررريح بالذات مع الحمووووووله

 

[شادن33]

عمري والله زبيده ثروت لاتزعلين نفسج
بس اولا واخيرا هذولا اهله وانتي ماعليج الا من امه فقط سلمي عشر دقايق وطلعي
عشان لاتقطعين الرحم موزييييين
واجرج مذخوووور عند الله وتاكدي ان اللي يصبر على جفا الارحام ويصبر على اذيتهم له ثواااب عظيم
في حديث للرسول صلي الله عليه وسلم مااذكره يقول جذيه

 

[om MaRyooM]

ماقصرتو

الله يفرج همومكم ويسخرلكم ازواجكم ياارب



شادن
حبيبتي والله لووول
وكلامج عدل