مايبيني

[يتيمة الأم 86]

بناااات اكلمكم والدموع في عيني ريلي مايبيني قالي اياها بكل وقاحه قالي انا كله طالع من البيت علشان لانسولف مع بعض وانا صابر عشان عيالي وحياتي الخاصه انا حر فيها
شسوي تعبت وانهرت ايحب له وحده وانا شنو بحياته ولي متى اهي معاه تعبت ولله موقادره انا ابيه بس مو قادره ارده واهو حالته من سوء لي أسوأ نايم برى البيت لمدة اسبوعين عند اخوه حبيبته اتقوله لاتنام عندها ميته غيره عليك قريت مسجاتها بنات واسوني خايفه يتزوجها او متزوجها وانا ماادر يماادري شسوي بس حاسه اني قاع اتقطع من داخل الله يخليكم لاتخلوني

 

[ام شووووق]

الله يعينج

حاولي تكلمين امه وقوليها يمكن تحل المشكله

 

[فاقده عزها]

يمكن بنت ابليس مسويه له شيءيصده عنكم وانتي حاولي تفهمين منه السبب اذا مقصره معاه والا لا اما اذا مافيه سبب من باعني بفلس ابيعه بتراب الله يعينج

 

[انا لحبيبي .]

الله يعينك ، خلي حد بأثر فيه يكلمه اذا الموضوع طلع من ايدك

شوفي مين اكتر واحد زوجك بضل معه واكتر انسان زوجك بتأثر فيه وخليه يكلمه ويقعد معه

وان شاء الله الله يحسن الامور ويريح البال

 

[رؤى القلوب]

لا حوله ولا قوة الا بالله العلي العظيم شوفي حبيبتي اذا انتي للحين متمسكه فيه عليج بسورة البقرة وسورة طه كل يوم بنية الأصلاح بينج وبين ريلج وان سبحانه وتعالى يبعد عنه الحرمه الثانية هذا أولا وثانيا عليج بقيام الليل حتى لو ركعتين قبل النوم والدعاء ثم الدعاء ثم الدعاء والأستغفار وأول مايدش البيت اقري اية الكرسي في ويه وانفخي عليه من غير ما يحس

 

[برنسيسة2007]

لا تكلمين احد ولاهم يحزنون محد راح يقدر يغير شي الا ربج لذلك انصحج بحاجه وحده:
لا تكلمينه ولا اتكلمين ولا اتكلمين احد كلمي ربج
ادعي الله في قيام الليل قومي قبل صلاة الفجر بنصف ساعه وصلي قيام الليل وادعي الله الواحد الاحد انه يسخره لج ويحليج بعيونه
ويسكنج قلبه ادعي الله وانتي ساجده خاشعه بين الاذان والاقامه...الحي بالدعاء حتى لو صار ماصار حتى لو تزوجها حتى لو طلقج الحي بالدعاء اكثر واكثر وراح اتشوفين العجب العجاب وبيرجعلج ويتمنى قربج وتملكين قلبه وباذن الواحد الاحد اتصيرين نور عيونه..
لكن يا الغاليه ابنعدي عن المحرمات الله يبلى عباده بذنوبهم محبتن فيهم ليكفرها فيدخلون جنانه...اتركي نتف الحاجبين وتركيب الشعر الصناعي والتاتو وتأخير الصلاة وعقوق الوالدين...الخ
وبشرينا عنج
ولاتنسين في دعائج تتحلي باداب الدعاء واذا ماتعرفين اداب الدعاء اقدر افيدج فيها
اسأل الله العظيم ان يفك كربج ويفرج همج وجميع المسلمين

 

[tbola]

انتي لازم تدخلين ريال بالموضوع يكون فاهم

والله يصبرج يارب

 

[amoona89]

الله يعينج
حآآولي تكلميين احد كبير بالعاائله يكلمه عن الوضع اللي بينكم وانه بيته وعياله وزوجته له حق عليه
عسى ربي يهديه ويسخره لج​

 

[حلوه ولمآحه]

>>الله يكون في عونج ويسخره ويهديه لج غصبن عليه

 

[بدووورة]

الله يهديه اشفيه ليش جذي شنو الاسباب اكيد من من هني ودرب يسوي جذي

اقري سورة البقره حده اسبوع

وشغليها مل يوم بالشقه وكل صلاه ادعي ربج الله يهديه ويتركها

هذا الحل الف بالمية راح يرد زوجج

 

[نفهمها صح]

لا تزعليين محد يطق احد هوو الي يبي هشي
ربي عيالج ولا تحرقيين عمرج
ولا تسالين عنه ابد
واذا احتجتوو شي من اغراض البيت عطيه مسج بس
الي يبيع بيته وعياله علشان علاقه بلحرام موو برجال
طنشيه
واذا انتي مني قدره كلمي هله امه ابووه اذا متاكده بيوقفوون معج
اما اذا موو متاكده لا تكلميين احد لا يرووح ياخذها ولا يشجعوونه عليها دنيا مالها امان
وان شاءالله يسر امرج ويسهله عليج يارب
اها
اذا انتي موظفه ولا يهمج منه​

 

[احساس النعومه]

الله يسخره لج
ومالج الا الله فوضي له امررررررج وانشالله ماراح يردج

 

[ورده الكرستال]

حبوبه عليج بقيام اليل وسوره البقره وكثرة الاستغفار بنيه تسخير زوجج


الله يهديه ويسخره لج

 

[moon-]

انا مثلج ريلي قال ما ابيج لا وفضحني جدام كل الناس وانا ماسويت اي شي موزين اصلا تونة متزوجين وقالي ما ابيج طبعا اهلة كانوا يجيبون البنات حقة صارت حياتي لاتطاق وطبعا وصل الموضوع للطلاق وانا اموت في ما اقدر اعيش بدونة وهو باعني برخص عور قلبي
اللي سويتة قريت سورة البقرة كل يوم موكل يوم اخلصها كلها بس احاول طول ماعندي وقت اقراها وادعي
النتيجة اللي اذوني اللهم لاشماتة صارت لهم اشياء مثل اللي يسونها فيني
وريلي للحيني ما اكلمة بس صرت احس من بعد هذاك الكره صار يبيني للحين ماتراضينة بس انا مرتاحة طبعا حسستة بانة مو مهم عندي واني اقدر اعيش بدونة بس بالصج انا مرتاحة ببركة سورة البقرة وعندي امل كبير
لاتهملين كلامي اقري سورة البقرة واستمري عليها وعاملي زوجج باللي يناسب شخصيتة انا اهملتة لان قال كارهني بس انتي شوفي يمكن هالشي ماينفع زوجج على حسب اهم شي اهتمي بمظهرج لايحس انج بتموتين وتعبانة وهذيك تتكشخلة انشغلي بنفسج والقران
الله يسهل عليج

 

[بدورة القمورة]

الله يعينج الله كريم..

اول شي شغلي صورة البقره يوميا يمكن حاشتكم عين..
و ثانيا ادعي ربج بنيه صادقه وماراح يخيب ظنج..
اكثري من الدعاء والإستغفار,,,

وانتي توج عروس يعني تقدرين تلطفين الأجواء وتسحبينه لج,,,

 

[Tom ♥ Jerry]

.،


:rgewrg: >> هديني على ريلج ! ؛@

شنو هاذا فوق شينه قوآت عينه .، على أنه يخون و آنتي بالعه موس و ساكته !
هم بعد يقولج كلآم يجرح ! ويع ويع هالرياييل يعلهم المآحي


:eh_s(16):


اقولج شي .، مآ يشووووووووووووف شر !
عيشي حق نفسج و عيالج و ريلج جنه طوفه معآكم بالبيت !
قوليله خلاص مو آنته تبي تعيش حياتك .، خلني انا بعد اعيش حياتي طلعات و روحات و ييات
مآلج شغل فيني .، كل وآحد على قولتك يشوف حياته الخآصه
و محد له دخل بحياه الثاني .،

لا تكدرين عمرج و لا مآ يبيج بالطقاق كيفه > عصبت
آنتي اصلا تاج راسه و تاج راس هاذي الوقحه الي مآ تتسمى لو آهيه اصلا عندهآ شرف
جآن مآ كلمت ريال متزوج و عنده عيال و يحب زوجته ؛@ !
و خربته على زوجته " قولي حسبي الله و نعم الوكيل "
و سوي مثل مآ قلتلج ./ عيشي حياتج و لا تسمحين حق اي شخص انه يخربها !
حتى لو كآن هالشخص زوجج .، اذا كآن زوجج مو قد هالحب الي عطيتيه اياه أو بمعنى اصح مو كفو هالحب !
خلاص كيفه مآ يشوف شر .، فراقه عيد صراحه !
لا تقولين آحبه .، ترا اطقج و الله :eh_s(10): .، فكري بعقلج و خلي قلبج بعيد شوي !


انتي بس عيشي حياتج و طلعي و روحي و خليه بالبيت مثل الطوفه
وجوده و عدمه وآحد > و شوفيه بعدين شلون رآح يركض ورآج
لا تسئلين عنه كلش ملش بلش


آن دزيتيله مسج أو سمعت أنج متصله عليج > شدراج انتي
و الله يآويلج .، :eh_s(2): بعض الرياييل مو كفو حب و آحترام
بعضهم تنسينه و مآ تحطين له بال يمشي معآج



:rgewrg:

 

[أم توتو]

عليج بسوره البقره والاستغفار الله يرده لج ردا جميلا

 

[كويتية نايس]

شوفي حبيبتي من الاخر (الي مايبيني ما ابيه)
انتي قوليله بس عليك تحطلي بيت انا وعيالي ومصروف كل شهر وطلقني وما ابي منك شيء وخلك معاها واذا ماوافق قوليله انا ما احللك طوول عمري لانك مقصر وبعدين اذا انتي موضفه خلاص تقدرين تصرفين عليهم وعيشي حياتج بنت بليس لاعبه فيه لعب والريال مايبيج وعلى فكره حتى لو اخذها راح يصير بينهم مشاكل وبتالي راح يرجع واذا ما رد خليولي اهم شيء تاخذين حقوقج

لازم يكون عندج كرامه قوليله الي مايبيني ما ابيه

 

[مشتــآقـه]

.،


:rgewrg: >> هديني على ريلج ! ؛@

شنو هاذا فوق شينه قوآت عينه .، على أنه يخون و آنتي بالعه موس و ساكته !
هم بعد يقولج كلآم يجرح ! ويع ويع هالرياييل يعلهم المآحي


:eh_s(16):


اقولج شي .، مآ يشووووووووووووف شر !
عيشي حق نفسج و عيالج و ريلج جنه طوفه معآكم بالبيت !
قوليله خلاص مو آنته تبي تعيش حياتك .، خلني انا بعد اعيش حياتي طلعات و روحات و ييات
مآلج شغل فيني .، كل وآحد على قولتك يشوف حياته الخآصه
و محد له دخل بحياه الثاني .،

لا تكدرين عمرج و لا مآ يبيج بالطقاق كيفه > عصبت
آنتي اصلا تاج راسه و تاج راس هاذي الوقحه الي مآ تتسمى لو آهيه اصلا عندهآ شرف
جآن مآ كلمت ريال متزوج و عنده عيال و يحب زوجته ؛@ !
و خربته على زوجته " قولي حسبي الله و نعم الوكيل "
و سوي مثل مآ قلتلج ./ عيشي حياتج و لا تسمحين حق اي شخص انه يخربها !
حتى لو كآن هالشخص زوجج .، اذا كآن زوجج مو قد هالحب الي عطيتيه اياه أو بمعنى اصح مو كفو هالحب !
خلاص كيفه مآ يشوف شر .، فراقه عيد صراحه !
لا تقولين آحبه .، ترا اطقج و الله :eh_s(10): .، فكري بعقلج و خلي قلبج بعيد شوي !


انتي بس عيشي حياتج و طلعي و روحي و خليه بالبيت مثل الطوفه
وجوده و عدمه وآحد > و شوفيه بعدين شلون رآح يركض ورآج
لا تسئلين عنه كلش ملش بلش


آن دزيتيله مسج أو سمعت أنج متصله عليج > شدراج انتي
و الله يآويلج .، :eh_s(2): بعض الرياييل مو كفو حب و آحترام
بعضهم تنسينه و مآ تحطين له بال يمشي معآج



:rgewrg:

:eh_s(15)::eh_s(15): معاااهاا مليون %
الرجاال مايبي اللي تعشقه يبي اللس اهو يركض ورااهاا والله انا ماقول من حجي فااضي الحمدلله كله اقرا عنهم وعن شخصايتهم وصدقيني لا عشتي حيااتج واهتميتي بنفسج وعياالج بــــــس شوفي ان مااردلج

 

[أنهار الورد]

لاحول ولا قوة الا بالله ربي يعينج حبيبتي بس كثري من الدعاء وقراءة القرآن عسى ربي ينصرج على ظالمج
ولو ماتغير حاله حاولي تكلمي احد كبير بالعايلة هو يسمع منه اخوه ولا ابوه يعني لا تفضحينه قدامه وتقولين يحب وحده بس بيني لهم انه قال مايبيج وصابر عشان العيال بس لا تستسلمي خصوصا ان بينكم اطفال وانتي شاريته للحين
الله يصلح حاله ويهديه ويرده لج والسامعه تقول آميييييييييييين