ما أبي الروضه والله ماااااا أبيها سااااااعدوني

[ام شيخ العربان]

مرحبا ابلات انا ابلة روضه وتخصصي بالكليه للاسف رياااض اطفال وهذي ثاني سنه لي بس مابي الروضه لاعت جبدي كل يوم ابجي منها تصدقووون شهر 9 غايبه 10 ايام مرات والعام اخصمو من معاشي بسبب الغياب واصله فوق الاربيعين يوم ولولا اني ولدت جان مكمله غياااب افكر اقعد بالبيت بدون وظيفه
انا ما ابي الروضه قولولي وين اقدر انقل؟؟؟؟؟
في مكااان ممكن يقبلني بشهادتي هذي ؟؟؟؟؟؟
بلييييييييييز جاوبوني​

​

 

[nero]

حولي ادارية

بس حبيبتي اقولج شغله .. ترا محد مرتاح بوظيفته .. لا تتوقعين انج تروحين مكان ثاني تلقين راحه كامله

الحمدلله شغلنا فيه وايد مزايا وفيه عيوب ما انكر .. بس احسن من غيرنا بوايد .. وبيدج انتي تحببين عمرج بالوظيفه

وبيدج تكرهينها .. تعوذي من ابلييس وبذلي الاسباب .. الواحد في بداية طريجه يتعب شوي على ما يثبت نفسه ..

والله يسهل لج امورج

 

[miamy]

اي والله

وضعج نفسي بالضبط بس ماكو مكان ياخذنا اللا المنطقه

ومعاشج ينزل وايد وايد

راح تتعودين ميخالف وجربي تنقلين روضه ثانيه يمكن ادارتكم مو شي

وموفقه

 

[المرام]

ذكريتني بنفسي قبل ,,كنت ابجي من الدوام
بس انا الحين صار لي 12 ...بس تعودت من ثالث سنه
تحملي شوي
خلج من الغياب,,,ترا هو اللي يخلي الاداره والمدرسات حاقدات عليج

 

[تفااحة]

ومنو مرتاح بوظيفتة نبي المعاش ونبي الراحة مايصيير خلاص اذا الواحد مايحب شغلة عمرة ماراح يعطي ويوصل لو يقعد مية سنة والنفسية فوق كل شي خلاص اذا انتي مستغنية عن المعاش واوضاعج زينة خلاص حولي ادارية وانشاللة ترتاحين وريحنا

 

[^ليلاس^]

هذي انا؟ كل يوم ابجي من الروضة تعبت نفسيا كله طبيات

بس خل اصدمج مثل ما انا انصدمت

رحت المنطقة وقلتلهم انا خبرة سنتين وابي احول ادارية

قالوا

من شروط التحويل لادارية انج تكونين خبرة 10 سنين !!!!!!! هني بغيت اموت من البجي

او اداء متدني او مجلس طبي طبعا هالحالتين الاخيرتين مو من صالحنا ان حولنا اداريات لان بالمنطقة بقسمج بيحطون عليج لانج يايه باداء متدني ومجلس طبي قالتلي الموظفه مو من صالحج كلش حتى اعمال ممتازة ما تشملج والدرجه تجيج بالزووووور

هني رديت البيييييييييت وكملت مسلسل البجي

 

[rr202rr]

ابلة روضه هالقرار من زمان احنا تجينا نشره كل سنه اللي يبي يحول اداري ومن شروطه تجاوز 3 سنين
وهالكلام من سنتينن يعني قبل السنتين نوريه افضه التحويل الا بعد 10 سنين
وتأكدي اكثر

 

[fofowa_q8]

تحملي ياوخيتي شتسوين بعد

 

[^ليلاس^]

rr202rr

لان انا كنت بالمنطقه الخميس اللي طاف وسالت سكرتارية المراقبه وقسم التعيينات دزوني لهم

 

[Arosha]

في مكان يصير تشتغلين فيه بس هم يطيج وايد من المعاش شؤؤن القصر الي بشرق ياخذون ابلات روضه

 

[***بنت الكويت***]

امممم اخت اليماني ليش ماتصيرين معلمة تربيه حياتيه ؟؟سمعت ان هالشغله الوحيده اللي يصير تحولين لها بما انج معلمة روضه

ونفس المعاش اتوقع

 

[***بنت الكويت***]

وسؤال انتي قبلا تختارين هالوظيفه صليتي الاستخاره ولا لا؟

 

[ام شيخ العربان]

اسفه بنات عالتاخير ومشكورين عالمرور
اختي بنت الكويت انا بصراحه ماصليت استخاره ومادة التربيه الحياتيه حاولت قالولي ماصير الا تخصص بالاساس يكون علم نفس

 

[الزين 83]

ههههههههههههههههههههه ومن الكم ان التربية الحياتية راحه انا اختي تربية حياتيه وتعبانه السنه اللي طافت كانت بس تدرس تربية حياتيه برووووووحها تدرس مستوى اول وثاني ابتدائي وهالسنه تدرس اجتماعيات وتربية حياتية

اناااااااااااااااا بنحااااااااااش من التدريس

 

[:: SeCRetS ::]

nero

ماابي احبط البنت بسس هم موووشرط تحب الدوام


كاا انا مامدح رووحي بس مااسكة اكثر من شغلة بالروضة واسوي دروس ريادية ووورش عمل ع مستوى المنطقة!


بس ماااااااااااااااااااااااااابي اقعد بالتربية!


وافكر احول ادارية حتى لو يطيح معاشي!!





مدرسة الروضة لو مدرسة متخصصة بشي معين نقوول ميخالف!



بس اهيا تدرس واهيا تلعب واهيا توديهم ياكلون


واهيا تحصي الغياب واهيا واهيا


واهيا مسئولة عن برامج النشاط ويااااااااااكثر الاهيا



اليوم اللي فيه حلقة قبلها بيوووم نحرررررررق مخنا افكار للمنبه


واليوم اللي ماعلينا حلقة نكررف طوول اليوم عشان اللااااااصفي!!


ونفكر بباجر شنو منبهنا!!



يعني تعبببب في تعب!!


يكفي ان شغلج موبحدوود صفج ويوومج الدراسي لاازم يلحقج للبيت

فالله ييعيييييييييين​

 

[ملاك-77]

أأيد اختي سيكرت بكلامها 100% :ggdw:

 

[أستاذة]

nero

ماابي احبط البنت بسس هم موووشرط تحب الدوام


كاا انا مامدح رووحي بس مااسكة اكثر من شغلة بالروضة واسوي دروس ريادية ووورش عمل ع مستوى المنطقة!


بس ماااااااااااااااااااااااااابي اقعد بالتربية!


وافكر احول ادارية حتى لو يطيح معاشي!!





مدرسة الروضة لو مدرسة متخصصة بشي معين نقوول ميخالف!



بس اهيا تدرس واهيا تلعب واهيا توديهم ياكلون


واهيا تحصي الغياب واهيا واهيا


واهيا مسئولة عن برامج النشاط ويااااااااااكثر الاهيا



اليوم اللي فيه حلقة قبلها بيوووم نحرررررررق مخنا افكار للمنبه


واليوم اللي ماعلينا حلقة نكررف طوول اليوم عشان اللااااااصفي!!


ونفكر بباجر شنو منبهنا!!



يعني تعبببب في تعب!!


يكفي ان شغلج موبحدوود صفج ويوومج الدراسي لاازم يلحقج للبيت

فالله ييعيييييييييين​

كلام يشرح الصدر برغم ضيقتنا
والله كفيتي ووفيتي ياسكربت
وياليت احد يشوف كلامج هذا
ويسهل امورنا
لكن تبقى الشكوى لله
انا حاولت اصير مدرسة تربية حياتية
قالوا لي مايصير لازم تخصص علم نفس وثانيا هالتخصص بيصكونه
ودي اعيد دراستي واقعد4 سنين من جديد ادرس فيها ولا ضيم الروضة وظلايمها

 

[بيحار]

مااحد مرتاح بشغله


اصبري وتوكلي على الله


وان جلستي باالبيت بتطفشين

وانا عارفه انه الاطفال مره مسؤليه


بس تحملي وبعدين احمدي ربك انا مااحد يساعدني باالروضه على فصلي واشراف وافطارهم وياالله


تحملي وبتعوذي من ابليس