ما أستاهل أكون أم!!

[La t7atini]

السلام عليكم

بنات انا مادري شفيني
انا حامل وتوني داشه السابع مراجعاتي منتظمة
ومشاكلي بسيطة والحمدلله

مشكلتي بنات بشكلي بوزني
انا متعوده اتكسخ والبس قصير وضيج
جسمي كان حلو وموحد والحمدلله كانت ثقتي بنفسي
عالية بس من حملت زاد وزني وصاحب حملي سكر الحمال
فانتفخت وزني كان مستحيل يتعدا 58 والحين واصله 75
طلعلي كلف برقبتي وباماكن بجسمي ثقتي اندمرت
كرهت اللبس والتكشخ كرهت جسمي ونفسي مو هني
مشكلتي مشكلتي بنفسيتي حيل متدمره كلا اقول
غلطانه الي تحمل باول عرسها< انا توني ماكملت سنة من تزوجت
اف الحمال زفت وييع مو حلو شلةن جذي يتحملون الحريم
ولابعد يبون ورا بعض وللحين ماشفت شي للحين جسمي
بيندمر اكثر وبيخترب و... الخ
عاد هني اخااف اخاف الله يبلاني وماييب ظنا صاحي
اخق اقول الله بيعاقبني وبيخليه يموت ماراح افرح فيه
بيطلع معوق بيطلع ناقص لاسمح الله
بنات شلون اغير تفكيري والله كل مايطري علي شي
اتعوذ من ابليس واسستغفر ربي مادري ليش افكر هالتفكير
مع ان الكل يقولي عادي هالتغيرات طبيعية ولاحينج حلوه
ومومبين الكلف وانتي تبالغين وهذي سنه الحياة
وتقدرين عقب الولادة تصلحين كل شي وتردين نفس قبل
واحسسن بعد < اوكي ادري بس ليش قاعد اتاززم نفسياً
واتعب روحي بهالتفكير شنو الحل ؟!


ساعدوني اتغير والله احس هالنعمة بتنقلب نقمة واتدمر صج
مو بس بافكاري ؟!!


فهمتوني بنات

 

[.،:"$الـعـوبــــة$":،.]

عااااااااااااااادي كل افكارك طبيعيه وماتنلامين ،

انتي نفس حالتي بالضبط حملت من ثاني شهر ،

والحمدلله ياربي بس تعبت نفسيتي حيل ،

مو قادره اتاقلم مع الزوج ولا البيت الجديد ولا الحمال ولا شكلي اللي تغير 180 درجه !

مرات اقعد ابكي من كل شي وعلى اي شي ،

وصلت الثامن قمت اشرب خروع وامشي مشي مو طبيعي من كثر ماانا مو قادره اصبر للتاسع ،

بس بعدين اذا شفتي ضناك بيتغير تفكيرك ،

واساسا الحامل تصير افكارها غريبه واحلامها غريبه وتطري عليها طواري غريبه ،

هذا كله من الهرمونات ،

عادي ياقلبي وعسى الله يهون عليك يارب ،​

 

[مألوفة]

انا كنت نفسج كرهت نفسي وما قمت احب اطالع المنظرة ومن ولدت وشفت ولدي يبته مثل القمر ما شاء الله اسم الله عليه وعقبتا رديت نفس قبل واحسن صح جسمي اخترب شوية بس رد لوني وصار صدري كير اهم شي خخخخخخ. لا تفكرين حبيبتي جذي ما بقى شي وتولدين وبتيبين احلى مولود صدقيني وحمدي ربج وطلبيه كل يوم بس يسهل ولادتج

 

[من ربي حبيتك]

وي حتي انا افكر هل تفكير بس يما. ولا مرا قلت ليش حملت صح وزني تغير وكنت نتعودة البس ضيج بس كل حريم العالم تغيروا بالحمال من ناحية سمار وتعب ةنفسيه غلط
بس والله عادي الحمدلله كافي انج حامل وغيرج ودا الحمل قولي الحمدلله انا هم نفسج والله بس اقول الحمدلله والله يتمم ولا تفكرين وتوسوسين حتي انا اوسوس اخاف البيبي فيه شي يمااااا اللله يتمم لج علي خير ويتمم علينا انشالله تطلعين من الاربعين وانتي زيي الوردة

 

[شقرا كويتيه]

عادي حبيبتي هاذي كلها هرمونات عقب الولاده بتصيرين احلا وضناج بحضنج الله يسهل عليج لاتفكرين واجد تتعبين

 

[miss mama]

نحن السابقون وانتم اللاحقوون لووول. هذي بنت اختي صغيرة تسئل امها. تقولها ماما ليش كل الامهات متان ؟؟؟؟!!!! ههههههه انتي بمرحله تضحيات بفترة الحمال وزنج وصحتج ونفسبتج. الله يقومج بالسلامه وتردين نفس اول واحسن

 

[منو انت]

هذي ضريبه الامومه مافي شي بلاش اهم شي الصحه والعافيه عسى الله يقومج بالسلامه ويحفظ الجنين وينولد متعافي يارب واذا على شكلج وجسمج الله يخلي الرجيم والمكياج وهالسوالف

تعوذي من ابليس واستمتعي بحملج لاتفكرين بالافكار الشينه مو زينه عليييج

 

[زينانه]

تعوذي من ابليس كل مره
وكثري استغفار
خلي كلمة استغفرالله على لسانج
طبعا مو تقولينها بتذمر لا لا لازم تقولينها وانتي قاصده فيها ان ربي يغفرلج تفكيرج ويهون عليج حمالج
والله اغلبنا جذي نوصل لمرحله نشوف اشكالنا غلط
باللبس والشعر واللوك كله حتى حف الجسم اتعييز ادق عالصالون
بس شنسوي هذا الحمال
ونعمه عظيمه من ربي
وديري بالج تتذمرين عالنعمه بالعكس ربي يبي من عباده ان يشكرونه عالنعم عشان يزيهم ويبارك لهم
مو نعيب ونتطنز عالنعمه والله لو تفقدين هالبيبي اللي فبطن لا تبجين سنه جدام
حطي فبالج ان الشيطان هو اللي يوسوس عليج عشان تغضبين من نعم ربج عليج
اعوذبالله من الشيطان الرجيم
واستغفرالله

 

[هيبة ملك]

لاولدتي يرد كل شئ مثل أول وأحسن
اقري قرآن واستغفري
والله يهدي النفسية يارب

 

[بيتي بوب بس كويتيه]

كلنا نفس الحاله
انا الحين بالثامن اطالع ملابسي قبل لا احمل ويضيق خلقي
بس قلت اول ما اولد اروح عند استشاري تغذيه وبمشي كل يوم ساعه لما يرد جسمي
عادي يا حلوه هوموناتج مأثره عليج فحاطه انتي على جسمج

عيل انا مادري شفيني فصلت على أغاني حزينه وفراق وبس ابجي معنه انا عمري ما حبيت وفارقت وريلي مشاكلنا ماتوصل لي هالمرحله

 

[عالمي المجنون]

حالتج طبيعية مليون بال٪

اذا انتي وزنج ما يتعدا ال58 انا وزني كان مايتعدا52 وصار بالحمال 80

ويهي صار مصخرة ومطنزة حق اخواني بس توني والدة ونازلة للحين 9 كيلوات

وبستمر لين ارجع وزني و شكلي و اناقتي ماكو شي من غير مقابل يا قلبي

فترة وتعدي

 

[عيون ملكيه]

حمدي ربج يالغاليه ترا الضنى غالي و لمن تشوفين ضناج بتقولين كل شي يهون بس لعيون هالمزيون

الله يقومج بالسلامه و تبلغين فيه او فيها معاريس

 

[يااسمينه]

نفس الوضع لما حملت اول حمل مسكينه بنتي ..كنت حاابه جسمي ولما حملت ولانه اول حمل ماكانت قااادره اتحمل اشوف شكلي كيف اخترب ..وكنت اطالع نفسي في المرايه واتضايق وانقهر حتى من بنتي الي في بطني اقول هي السبب الي خربت جسمي عاد اذا حملنا مادري ليه اشياء كثييره تختلف وتتغير حتى افكارنا غيير ..وبعد ماجربت الامومه صرت بالعكس لما احمل اولا متوقعه شنو بيصير في جسمي والشي الثاني لاني مجربه الامومه بالعكس انتظر بحماااس هالطفل متى يجي وكيف شكله وشخصيته ..ولما تشوفينه وبعد كللل هالتعب والنفسيه تقولين يستاهل كل هالتعب ..

 

[miss_whitemocha]

عادي يا حبيبتي..انا نفسج من حملت كثر ما كنت مستانسة بس كله كنت أقول إني راح أصير جيكرة و ماراح أقدر أكشخ مع إني بالعادة ما أكشخ بنطلون جينز و شيرت و عنقوص..ههههه..بس حبكت وياي أبي أكشخ لما حملت..من الهرمونات حبيبتي عادي إنشالله تشوفين ضناج سليم و معافى ولاحقة على الكشخة عقب الولادة تكشخين و تكشخين ضناج وياج..ربي يتمم عليج يا حبيبتي.​

 

[روابي الحب]

كل شي يرجع مثل اول واحسن بعد لا تحاتين فتره وتعدي والله من تولدين واتشوفين ضناج تنسين كل شي انا زايده للحين 20 كيلو ووزني كان 58بس انشالله كله يروح والله يتمم علينا وعليج ويفرحج فيه

 

[yasmeen_q8]

حبيبتي بالعكس متن الحمال حلو ويونس اعرف وحده شقولج عصله عصله ستايل الضعيفه حيل وقصيره وجسمها يهبل وعقب زواجها بجم شهر حملت تغيرت 180 درجة بس الكل كان يشوفها محلوة بالحمل والمتن وكانت حيل مفتخره بحملها وجسمها وتلبس ستايل النفانيف الوسيعه القصيره ومهتمه بنفسها كانت تهبل والحين ردت نفس ما كانت كأنها ما حملت لانها اهتمت بنفسها بعد الولاده رياضه ونظام اكل
استمتعي بكل فتره بالحمل وكل شي بيرجع لطبيعته عقب الحمال اخذي راحتج واعتبريها فرصه كل اللي بخاطرج تاكلينه بتاكلينه وكل اللي بخاطرج تسوينه سويه شوفي حليمه بولند شلون مفتخره بحمالها وجسمها وتلبس وتطلع عاادي
بالعكس الحامل لها بهجتها وشكلها وانتي تقدرين تخلين نفسج كيوت وانتي تقدرين تخلين نفسج ويع
تمكيجي عاادي نفس قبل واشتريلج جم نفنوف الوانهم تكون كيوت وبناتيه الوان دلع تبين انج حامل صدقيني بتطلعين احلى حامل

وليش تروحين بعيد شوفي بعد الفنانات الاجانب شلون وقت حمالهم يصورون ويتكشخون ويطللعون بطونهم وبعدها يردون شزينهم

لا تشيلين هم بالعكس باقيلج شوي وتخلص هالمرحله حاولي تستمتعين بكرشة الحمل وشكلج اليديد قبل لا تمر الفتره وتقولين يا ريتني سويت واهتميت وطلعت كيوت بحمالي عشان الكل يقول شحلاتها بالحمال

صدقيني كل فتره بحياتج لها جمالها عيشيها احسن من الهم والغم

 

[yasmeen_q8]

 

[yasmeen_q8]

 

[انجبر قلبي]

بالنسبة لي المظاهر بالطقاق المهم الله يرزقني ظنى افرح فيه و افرح اهلي و هذي نعمه كبيرة الحمدالله يكفي الواحد يحس بالنعمه عيل تعافين الظنى عشان لا يخترب شكلج بصراحة انتي غلطانه كلنا متضايقين من الشكل وقت الحمل بس عادي شي مؤقت مردج انشالله تولدين بالسلااه وتشوفين ظناج وتردين مثل ما كنتي بعد الاربعين

 

[كوكي العسل]

اختي انا زدت بالحمل 35 كيلوووووووووووووو كيلو ينطح كيلو ههههههههههه

وكله بسبب الزلال ومشاكل الحمل وولله اني فترة الحمل الكل مصدوم بشكلي بس انا ماكان هامني

همي يجي ولدي بصحة وعافيه والحمدلله على النعمة ولدت بالسلامة وبعد رمضان ناويه على نظام وان شاء الله الله يقويني وانزل هالوزن هذا ,, والله كريم

انتي اللي تمرين فيه طبيعي بس حاولي ان هالحالة ماتسيطر عليج .. وان شاء الله كلها شهرين وتجيبين احلى بيبي يارب