ما ادري اللي سمعتة صح ولا لأ

[oranGe~Girl]

السلام عليكم

اخباااركم كويتيات

بناات امس اسوولف مع رفيجاتي اني بسوي رجيم وابي ناادي صحي زين

قالت لي وحده شتبين بالنادي الصحي ريااضة المشي احسن اهيا رياااضه لكل الجسم مايحتاج نادي

انتوا شرايكم كلامها صح ولا لأ...؟

وماتقصرون ​

 

[ام آمنه]

هلا والله اول واحده ترد عليك اني واقولك عن تجربة المشي مافي احسن منه والله قبل زواجي كنت امشي كل يوم ساعة بس مشي سريع شوي والله اني نحفت وصار جسمي رووووووووووووعه ومشدود وكنت اكل اللي البي بس مو بنهم كبير بس كنت اكل اي شي يجي عى بالي للامانة انصحك بالمشي ولو ساعة باليوم

 

[ام آمنه]

ونسيت اقولك انك حتى لو وقفتي رياضة المشي ماياثر عليك بعدين عكس الرياضة اذا وقفتيها يزيد وزنك اكثر واقولك عن تجربة

 

[oranGe~Girl]

حبيبتي أم آمنه شرفتي

وشكرا ع الرد الكافي والوافي

داام جذي شكله بمشي والله واحلى شي انه يشد الجسم

تسلمين حبيبتي وماتقصرين

 

[ام آمنه]

الله يسلمك ويعافيك

 

[KG-Teacher]

حبيبتي المشي ماكو عليه بس يبليه صبر شوي يعني لازم استمرار وبعد شهر او شهرين يالله يبين تأثيره على جسمج​

 

[!! غزل !!]

حبيبتي والله المشي روووووووووووعة و عن تجربة انا كنت امشي خمس ساعات متواصله يوميا طبعا تبدين بساعة و بعد يوم ساعتين و جذي بالتدريج وربي اسبوعين بس نزلت حييييل و صار جسمي رووعة و كنت اكل اللي ابي

خلج عالمشي و بتشوفين الرشاقة

 

[ورد وردي]

صدقيني المشي نص ساعة او ساعة باليوم وااااااااااايد زين واحسن من النادي لان النادي يبيله التزام ويبيلة حب للرياضة انا وحدة ماحب الرياضة

بس لاتمشين خمس ساعات والا اربع لان بعدها بتملين خلج بالبداية نص ساعة وبعدها ساعة الا ربع عقبها اذا تبين ساعة

انا ودي امشي الله يوفقنا يارب

 

[vogue grl]

تبين الصج اي كلامها صح المشي حق كل اجزاء الجسم اذ مشيتي كل يوم ساعه مع رجيم + شاي اخضر
راح تشوفين الفرق"

 

[حــواء]

مراااااااااحب بنــات
وقواهم الله خواتي عفيه عليهم وعلى ردودهم .. هذا السنـع

شوفي بنيتي .. قبل 13 سنـه كنت ألعب رياضه
في معهد يوم نسـاء ويوم رجـال . وكنت حابه التقي في مدير المعهد
لأنه فاهم وخبيرتغذيه ومدرب رياضي وبطل الكويت
وحاصل على شهادات احتراف عالميه ودوليه وكويتيه في كمال الاجسام واللياقه البدنيه

المهم ألتقيت فيه وقعدت في مكتبه وكلمته عن الرياضه والتمارين
شوفو شنو قالي .. قالي لعبي رياضه بس بأوزان خفيفه جداً
ولما سألتـه عن السبب بالأوزان .. قالي نص كيلو ولاتزيديـن
وكرري الوزن ولاتزيدين بالأوزان
انزين شنو الاسبـاب , معزمه اعرف السبـب
قالي كل ماتزيدين وزن الدنابل زاد وزنج وحجم زنـدج
والأوزان تكبر العضلات وراح تزيد من وزنج
واذا هديتي النـادي راح تترهل العضلـه
وبالتالي راح تشوفين زندك وافخاذك صارت اكبر ؟؟

وقلت له انزيـن شنو الحل .. قالي لعبي تمارين خفيفه وبأوزان أخف
منها تخسسين المنطقه المقصوده اللي فيها نسبة شحم عاليه
ومنها تفقدين كالوري اكثر وتحرقين الشحم. ولاتنسين التكرار

وقالي معلومه خطيره ؟؟ ما انصحكم في تمارين المعده اليوميه
خلو تمارين المعده مره بالاسبــوع !!


وعليكم بالمشي ويفضل 3 مرات بالاسبــوع
وعليكم بالمـاي ..


وأي ســؤال انا في الخدمــــه ....

والمدرب اسمه كابتــن سالـــم ​

 

[عــاشــقــه]

آلمشي رؤعه

بس يبيله إلتزآم ؤصبر