ما اشوف عدل و يوم سويت نظاره قمت اصدع منها شالحل!!!

[^^ROSE^^]

السلام عليكم

بنات انا ما اشوف عدل ورحت حسن فحصت عيوني طلع عندي انحرف نص درجه و ثلاث ارباع درجه
وسوولي نظاره
لما البسها اشوف اوضح بس يصكني صداع مو طبيعي افرفر منه ماقدر
اللي احس ابي اخذ راسي واطقه بأي شي من العوار
لابندول ولا مسكن ينفع معاه

فماقمت البس النظاره بس ياربي ما اشوف عدل واحس جنه نظري قاعد يضعف بعد

شالحل؟ وين اروح؟ تهقون اروح مكان ثاني اسوي نظاره ثانيه؟ ولا نظارتي غاليه ب 120 ومنقيه اغلى عدسه على قولتهم هذي احسن شي بخمسين بروحها

ابي ارتاح شوي اقرا براحتي واشوف عدل لان كله مكشره بسبة ان احاول ادقق باللي جدامي فشكلي جني معصبه
باجر تطلعلي تجاعيد بيبهتي لووووووول

ابي نصايحكم منو صارلها مثلي؟

 

[سعادات]

بصراحة الصداع هذا نتيجة قياس للنظرحدث غلط // لابد تعيديه قياس نظرك لا تحطي هذا لنظارة صدقيني راس ينفجر مستحيل تتحمليهم ولا دقيقة شوفي بسرعة طبيب اخر /// رجاءا خبرنا شو قال لك //// الله يشفيك

 

[الفراولة الوردي]

انتي اول مرة تلبسين نظارة
فعادي بعدين تتعودين و يروح الصداع
بس روحي مكان ثاني تفحصين نظرج مرة ثانية (للتأكيد)

 

[Rosa Nina]

رد : ما اشوف عدل و يوم سويت نظاره قمت اصدع منها شالحل!!!

روحي حق الدكتور سلطان المطيري اللي بخيطان ماشاء الله فحصه حلو ودقيق

واذا على الصداع عادي النظارات جذي انا اعاني منهم بس شسوي قضاء وقدر

 

[✿q8.ℓa∂ч✿]

رد : ما اشوف عدل و يوم سويت نظاره قمت اصدع منها شالحل!!!

قلبي عادي اذا توج مبلشه تلبسين نظاره راح يكون شي طبيعي الصداع
انا كنت البس بس سويت عمليه .. بس لما كان يتغير نظري واسوي على نفس النظر اليديد اصدع اول ما ابسها
فا عادي لا تحاتين .. وانشاءالله مافيج الا العافيه

 

[أم@الحلوين]

اكيييد غلطان في قياس العدسه او محل النظارات موضابطها اي محل مسويتها؟؟
ترا نظارات حسن احسن مكان يسويلج اياها مضغوط ومفلتر روحيلهم وخل يسولج فحص

 

[EviL^^GirL]

جربي تسوين حجامه

 

[ii DareeN ii]

رد : ما اشوف عدل و يوم سويت نظاره قمت اصدع منها شالحل!!!

اتوقع مثل ماقالو البنات قياساته مو مضبوطة رجعي له

 

[^^ROSE^^]

انا مسويه النظاره عند حسن على بو احسن سمعه على قولتكم

لا الصداع طول
هي قالتلي ان اول ما البسها بصدع اسبوعين جذي
انا ظليت جم شهر كله صداع اللي احس الناس يتضايقون مني من كثر ما اتنرفز بسبة الصداع مالي خلق احد
ما اظن يعني لا لبست نظاره بظل جم شهر اصدع بسبتها من جذي هديتها

انزين ان رديتلهم وقالولي نفس الشي ان هذي قياساتج شسوي!!
ابي مكان اضمن ان تشخيصهم صح عشان لا اقط 50 ثانيه على عدسات واقطهم ما استفيد منهم
رايحه ماخذه اغلى عدسات على بو ابي احسن شي حق عيوني

انزين حسن مجربين فرع معين يكون اللي يفحص عندهم شغله مضبوط؟
انا بالفنار سويتها وحده فلبينيه فحصتني

 

[Ǥoldɛn ʝɛωɛL]

رد : ما اشوف عدل و يوم سويت نظاره قمت اصدع منها شالحل!!!

انا والله كلش ما اواطن نظارات حسن كلش ><

انا كله بالحارث يفحص عدل و يقول لج اي نظاره تناسبج

والحمدالله كان الصداع عندي يومين و راح بعد مو اسبوعين

وعلى فكره كان نظري -1 من 6

بس الحمدالله النظاره ساعدتني اشوف عدل مدل

 

[فـديـ زولي ـت]

والله مادري آنـآ كنت جذي آول ما فصلتها بس اللحين عـآدي ..,
و بما آنج توج مفصلتها لآ تلبسسينه 24 يعني كل 4 ساعات شيليها و ريحي عيونج ..,
لما تعودين عليها

 

[^^ROSE^^]

لا النظاره فيها شي غلط جايد مو شويه
ذاك اليوم بقرى ما اشوف
جان البسها يمكن ربع ساعه
الله وكيلكم يومين مصدعه يومين
على ربع ساعه
لو هو الصداع مال اللي يعني مو متعوده عالنظاره جان راح عقب ما فصختها
او ثاني يوم يعني
بس مو يومين مصدعه ولا حبه مسكن نفعت

ودي اروح احذف فيها الفلبينيه اللي سوتها لي
والله منقهره 55 دينار بس عدسه و اخرتها تنقط

 

[حمرة ومحدد]

رد : ما اشوف عدل و يوم سويت نظاره قمت اصدع منها شالحل!!!

أهو آلصدآع جذي شي طبيعي ترى أول مآ تفصلين آلنظآرة < من تجربة

بس اذا جآيد حييل حييل وحآسه في شي غلط :gr4uu:
روحي للمستشفى وخليه يفحصج أظمن وأحسن وعقب طآبقي فحص آلطبيب مع فحص المحل اذا أوكي
ومتسآوين يعني آلسآلفة مسأله وقت وبس عشآن تتأقلمين معآهآ لبسي شوي وقطي شوي

أمآ اذا طلع غلط وفي فرق بين فحص الدكتور وفحص المحل روحي للمحل وقولي لهم فحصكم
غلط ووريهم ورقه الفحص مآلت الدكتور :eh_s(4):
ويسوون لج نظآرة ثآنية ولآ تدفعين لهم ولآ فلس زيآدة
لآن آلغلط منهم

​

 

[رحيل المرافيء]

رد : ما اشوف عدل و يوم سويت نظاره قمت اصدع منها شالحل!!!

لاطبيعي اول 3 ايام تلبسين النظارة يكون فيه صداع والم بالعين تالي تتعودين على النظارة ترى طبيعي
دام تشوفين زين يعني الفحص اوكيه
بس يبي لج فترة تتعودين

 

[مزهريه]

شوفي هذا الرابط فيه فيديو لعلاج الصداع. اعتقد انه افضل من الدوا...

http://www.arabmind.net/Medication1.htm

 

[^^ROSE^^]

مشكورين بنات
انا الصداع مو يومين ولا 3
تميت شهرين البس النظارة والصداع مايخف
مو معقوله يعني كل هذا ما تأقلمت عيوني؟؟
انا فاهمه قصدكم ان بالبدايه اصدع بعدين اصير عادي بس انا على طول مصدعه وطولت

عشان جذي مستغربه ومنبطه جبدي عالفلوس

خلاص ماكو الا اروح اخذ فحص الطبيب اوديه لهم
ان شاء الله مو كل شوي اقط فلوس ويطلع غلط
وصج ماقمت اشوف عدل احتاج نظاره
الحمدلله على كل حال

 

[الزيـــــنــــة]

ترا الصداع شي طبيعي اول شي على ما تعود عينج عليها وبعدين خلاص ما يصير في صداع

 

[مظلومة حيل]

رد : ما اشوف عدل و يوم سويت نظاره قمت اصدع منها شالحل!!!

اتمنى البنات يفيدونج
اب اب