ما اعرف البس .... وين أروح ...(ملابس للسفر)

[رويال ديزاين]

قوه بنات ...

آنا عندي ذوق .. بس ما أعرف ألبس تعودت على العباة ....

و الحين بنسافر ويا قروب .. لأوروبا...


بنات قولولي .... \\\من وين اشتري ملابس حلوه و محتشمه للسفر ..
وين القى القمصان الحلوه الطويله اللي تصير لي فوق الركبه ...

شنو افضل نوع من البنطلونات غير الجينز

من وين الليقنزات الطويله يعني مو اللي لنص الساق ...

و ابي مشاغل أو معارض أحصل فيها هالسوالف العمليه

 

[عذابي غير 12]

زارا ينزل بلايز طويله ذربه

حجابتج من المهلب


الجينزيات السكيني اختاري الوان اكشخ شي



تردين بالسلامه

 

[الدلوعه2008]

حبيبتي عندج سوق المعلم للي بالسالميه وعندج دريم مووول في كله محلات جنبهم حلوويين
وعندج حولي فتري فيهم شتري رخص مو غالي علي فاضي عشان محد بيشوفهم عليج بره لبسي شيء بسيط وعادي بتحسينه حلوه وانتي بره








للرفع

 

[الزيــن عذروبى]

حبيبتى فى عندج اكثر من محل يعنى نفس ماقالت عذابى غير زارا دايم ينزلون اشياء حلوه ريفر ايلاند _ اج اند ام _ مانغوو حده كيووت ودايم

الوانه راقيه البيج الكحلى الابيض واخذى جينز من اج اند ام يكد معااج خاماتهم حلوه وبالنسبه لالوان السكينى الابيض والاسود والبيج والملافع

اخذى الالوان الساده مشجر والاشكال الهندسيه انا شخصيا مااحبهم وجم هااى وست على البلايز ,, وبس موفقه تروحين وتردين بالسلامه اتمنى

انج استفدتى ..

 

[brettey]

السفر اخذي قمصان من سيتي سنتر او من بوخمسه اريح لج ما يسوى انج تاخذين غالي
والجينزات عندج نيولوك او h and m وbhs وديربي جينز الي بسوق شرق كد ومد

 

[بنت الأصايل]

عزيزتي انا منزلة موضوع كامل عن تجهيز ملابس السفر وعندي مجموعة قمصان وشوفي الصور اللي بتوقيعي

وشوفي الموضوع اللي بالتوقيع فضغطي عليه في وايد موديلات حلوة

 

[بنت جنيف]

روحي النقره تلاقين قمصان طويله وخفيفه للسفر

 

[رويال ديزاين]

حبيباتي و الله إنكم تعطوني افكار اقدر أبتدى فيها ....

الأصايل .. شغلج يهبل ... بس صراحه الميزانيه ما تسمح اشتري بو 30 و 20 دينار ...

و لازم اكشخ ىنا بروح مع قروب .. و معانا ناس نعرفهم .. انصدمت يقلدون في كل شي ما عندهم ابداع

 

[- ذ ر بـه -]

أهم شي الذوق

مو لازم غالي

وحق السفر اخذيلج جم تريننق الأفنيوز متروس_ وبمحل بريشكا وايد حلوين وعندهم بعد توب ألوان واشكال حق تحت التريننق

واذا تبين رخيص ماكس اسعاره رخيصه وسنتر بوينت وسوق السالميه الأحمر وايد بنات يلبسون منه وانصدم ان من هناك

وفي بمحل بول آند بير بنطلونات حلوه واسعه تقدرين تلبسينهم مع الشلاحات القصيره الواسعه وفي عندهم الجينز اللي جنه شروال باب الحاره
واخذيلج قميص مبكر هذي الموضه هالايام اللي موديله عادي بسيط و في تي شيرت خامت لاكوست اللي جمه قصير تحته بدي ابيض وبنطلون جينز او قطن حق الطلعه اللي فيها حوسه وايد ( موجود بسوق السالميه الاحمر )

والقمصان أحلى يكونون ساده او مخطط او شوي في الوان لا تاخذين شي في كسرات وحركات ومشير ترس الوان كل شي سمبل

والجواتي لا تاخذين عالشكل

اخذيلج جواتي رياضه فلات ماركه يعني سعرهم فيهم

وجوتي رياضه مبطل من ورا جنه نعال والله نسيت اسمه

وجوتي سبورت

وجم فلات حق المطار وحق الطلعات الباجي أهم شي مريحين

وبصراحه شغل برتي فت وايد مريح وحلو وجوده واسعاره زينه
هالمحل في منه ببلازا حولي

وانصحج بمحل سكجرز skechers حق الجواتي , روحيه أول واحد ( موجود بالأفنيوز فوق ,آخر محل قبل المطاعم, يصير تقريبا قبال محل الالعاب - إيرليار ليرن- إللي لونه أخضر) عنده جواتي رياضه وكروكس وفلاتات مريحه

وفي محل بالبحر سنتر بحولي جواتييه طبيه بس ستايلش جنه اسمه ( نيجيرالايزر ) بالسرداب يم ماكس

وترى البحر سنتر في خوش جينزات حق الكد
وهم موجود بسنتر بوينت

واذا تبين مساعده شخصيه امريني عالخاص حاضرين
ولا يردج الا لسانج
وسلامتج

 

[- ذ ر بـه -]

سوري بس في غلط بالرد السابق


اللي هم موجود بسنتر بوينت
أهو قصدي عن محل برتي فت مال الجواتي اللي ببلازا حولي

 

[دانتيل]

قمصان تقدرين تاخذين من انوتا او اذا تبين فنااتق انصج بالخياط لا تكلفين نفسج و تروحين مشاغل
كارديغان من زارا
جينزات ديربي و مثل ما قالوا البنات

تروحين و تردين بالسلامه

 

[- ذ ر بـه -]

تذكرت جم شغله خل اقولج ياهم وأكمل جميلي

بمكن لاحظتي ألحين
الستايل الدارج بالصنادل المشربكه والصنادر اللي فيهم ربطه الساق ستايل الهنود الحمر وايد حلوين

والقمصان اخذي سماوي وابيض وبيبي بنك واخضر ليموني فاقع وبرتقالي وخوخي واللي منه

واخذي معاج جم جنطه كروس , وحده منهم تشيل عدل يعني ستايلها رياضي وفيها مكان

وخل ريلج ياخذ جنطة ظهر , اللي جنها جيس,( عشان تكدشينه بالسوق ) أشتر وحمل يا ولد


ولا تودين اكسسوارات كبيره وخبه , اخذيلج البسيط اللي جنهم خيوط حق ايدج وسلاسل بسيطه حيل

ونظارة ريبان ردولها بقوه اذا تلوق عليج اخذيلج وحده نفس ستايلها

والساعات سبورت أو بسيطه ما تلق

واذا بتروحين ترانزيت ديره قريبه

لبسي حق المطار نفنوف طويل وفوقه جليه طويل أو تونز وفلات وجنطه شوي كبيره هذي الهبه هاليومين
ويستحسن تحت النفنوف لقنز حق الراحه النفسيه عشان لا تحسين انج مفصخه

وهذا كل ما في جعبتي

وسلامتج

 

[رويال ديزاين]

ذربه ما قصرتي و الله ...

صج نصايحج تهبل و كلها ذرابه مثلج ...

جزاكم الله الف خير ...

بس آنا ما أقدر البس شي أقصر من فوق الركبه بسانتي ... يخنقني ابو العيال ....

إنزين منو يعرف خياط شاطر بسوالف القمصان ...

 

[فوفه 82]

اب ﻷفايده

 

[<miss botamba>]

لا تاخذين جينزات ثقال و احسهم يعتون والصراحه انا ما احب الجينزات العاديه واايد الا اذا سكيني ولونه غامج

العاديين الفاتحين والوساع يبيلهم اصلا حق مو متحجبه مع توب


انصحج بنطلونات زارا او في مثلهم بسوق السالميه و النقره اذا ماتبين غالي مع ان سعرهم جنه 6 مادري 8

وزارا عندهم نفانيف تكون حد الركبه او فوقها بشوي تقدرين تلبسينهم مع البنطلونات


او عندج ريفا و تشويس و النقره عندهم بلوزات اطول

مع انا ما افضل الاطول الشكل بكون مبهذل


واخذيلج تريننغات مع بديات وقمصان طوال

تلقين بالنقره قمصان بيض نفس القصار بوغوله مال المدرسه بس طوال حلوين مع التريننغات

واخذي من h&m شالات وجناط كروس

يصير الشكل حلو


واخذي بنطلونات وساع حيل جنهم تنوره مع الاشياء القصيره اذا زوجج مايرضى

 

[PuPa^^SWeeT]

ريفا


جويس



زارا

انوتا



المهلب محل امازون




قمصان طويلة و راهية و مريحة


راح اتريحج

وادعييلي

 

[فوفه 82]

بتمبا صح كلامج الجينز الثقيل بالصيف ماينلبس حار


بنات وين احصل احصل القميص الازرق المخطط بابيض طويل ليما الركبه