السلام عليكم
بنات انا داخله بنك رفيجتي
عشان اقولكم عن الي مضايقني انا دايما اشوف المنتدى بس ماسجلت فيه
واعرف انتو شكثر تنصحون البنات والله يوفقكم يارب
انا و زوجي حمدالله تزوجنا عن حب بعد تقريبا معاناه 4 سنين لين اقنعنا اهلنا لاني من قبيله غير عن قبيلته وصارلنا الحين سنه متزوجين الحمدالله
المهم في مره من المرات
ايام ما كنا نحب بعض
كان زوجي في الزايده بس حمدالله مو خطيره باول المراحل وقاله الدكتور بكره يدخل المستشفى على اساس يسوي العمليه ويقعد 3 ايام و يطلع
المهم الصبح انا لما اروح الجامعه ولا شي العاده هو يقعدني لان يدوام مبجر عالساعه 5 الفجر وانا محاضراتي تبدا 9
المهم انا استغربت ماتصل يقعدني قلت حرام يمكن عشان معطل والظهر بيروح المستشفى بخليه ينام براحته
و استغربت صار الظهر ولا طرش او اتصل لان متفقين يتصل اول مايدخل المستشفى وانا كنت خايفه وابي اطمن عليه
المهم انا اتصلت مارد
اطرش مسجات مارد
استغربت نطرت ساعتين ولا يتصل عبالي اهوه ولا تطلع اخته ( على فكره ايام حبنا ماكان احد يدري ان نحب بعض الا اخته لانها كانت معاي بالكليه وتعرفت عليها وجذيه وعرفت انها اخته بالصدفه وقالها كل شي وكانت مستانسه حيل وتتمنى اصير مرت اخوها و البنت يشهد الله حبوبه وطيبه و كانت بتساعد اخوها انها تقنع ابوه لان ابوه اول شي مايحب الزواج برا العايله بس مع الحنه يرضى)
المهم اتصلت قالتلي انه اخوها انفجرت فيه الزايده في بطنه الظهر وهو نايم لان الصبح قاعد وقال انا تعبان حيل ورد نام وتقول امي جت تقعده عالصلاه وماقعد كان يتعور اتصلو عالاسعاف وجا ابوه و اخوه وراحو المستشفى وقالو حالته خطيره و الدكاتره بيحاولون الي عليهم لان الدم الفاسد تجمع مع دمه بعد مانفجرت الزايده المهم انا انصدمت وقعدت ابجي واقولها طمنيني عليه والله بنات قعدت ادعي واصلي وحالتي مايعلم فيها الا الله بعدها ب 4 ساعات اتصلت عبالي هي على طول رديت قلت هاه شصار رد علي واحد طلع اخوه قالي انه توفى لان الدم الفاسد تجمع بجسمه كله والدكاتره ماقدرو يسون شي انا انصدمت وقعدت ابجي والله يابنات قعدت اقوله كلام مادري شلون مو حاسه بنفسي من الصدمه وقالي انه اخته ماتقدر تكلمني لان كل اهله منهارين وحالتهم حاله وسكر وربي يابنات 3 ايام وانا حالتي حاله مايعلم الا الله
المهم بعدها اتصل رقمه انا استغربت رديت طلع هو حبيبي زوجي دنيتي كلها كان صوتها تعبان انصدمت قلت يمكن اتحلم ولا شي
قالي انه السالفه ابوه سمعه هو واخته لما كان يكلمها عني وشلون لما يطلع من العمليه بالسلامه بيكلم ابوه يقول واحنا نتكلم دخل وقعد يصارخ و يهاوش وحلف على امه بالطلاق اذا عرف انه يكلمني للحين واخوه دخل عالصراخ وسمع كل شي يقول والله قعدت اكلمه واقوله ابيج و كلام طويل يقول لدرجه عطاني كف لاول مره ابوي يضربني وانا اكبر عياله ويده اليمين انصدمت قتله انا الي عمري مارفضتلك طلب واعينك بكل شي وذراعك اليمين بكل شي ترفضلي ارتبط بالي ابي المهم طلع وراح المستشفى و نسى التليفون بالصاله خذته اخته وقعدت تفكر هي واخوها وقالولي هالجذبه وعذرهم ان مايبيون بيتهم ينهدم و زواج امه من ابوه يصير بخطر
المهم بعد ماقالي السالفه وعدني وقالي والله بسوي اي شي لو يطردني من البيت اهم شي اخذج ولاتحاتين ابوي دفع كفاره عن حلفه الي حلفه الحمدالله بس انتي عطيني فرصه شوي لين اقنعه وصج عطينا بعض وقت اسبوع وشي وراح كلمه ورفض و مره ثانيه ورفض لين بعدين حمدالله وافق واقتنع وبعدها انا حمدالله قدرت اقنع اهلي والحمدالله هم اسالو عن اهله وعرفو انهم خوش ناس وماعليهم قاصر
المهم اني فهمته وقلتله واتفقت معاه ماكلم اخته لو شنو ولا لساني يطب لسانهم لاهي ولا اخوها ولا حتى سلام مابي
وقالي خلاص الي يريحج وهم ترا والله يعتذرون منج ويقوليلي خليها تسامحنا ترا والله ماكان بيدنا
قتله مايهمني ولا ابي اعتذراهم لان لو يعتذرون مني لبعد 10 سنين ماراح يجربون الاحساس الي حسيته هال 3 ايام
و شلون مرو علي
المهم
هو تفهم وضعي وتزوجنا حمدالله بس للحين لما اشوف اخته او اخوه ماسلم ولا شي ولا اعتبرلهم وجود
والحمدالله علاقتي بباقي اهله زينه امه حمدالله خوش مره و حبوبه وخواته بعد الباقين حبوبين
الا هذول الا ماكلمهم و امس قالي حبيبتي لمتى يعني والله ادري هم غلطانين وجذيه وبعد اعترفلي بشي وقالي وربي ماكنت ادري انهم قصو عليج وقالولج هالكلام والله لو كنت ادري ما كنت بخيلهم يسون الي يسونه
والله اول ماقالي اخوي انه سوى هالسالفه مع اختي يقولي وربي عطيته كف من قوته تم يطن باذنه الصوت كم يوم ويقول والله
اول مره امد ايدي على اخوي واثر اصابعي بقى بخده كم يوم
انا هني سكت وقتله مابي اكلمهم بس قالي براحتج بس هذا مو حل
فكري فيها
وانا يا بنات ابي رايكم بعد الي سوه فيني اكلمهم عادي ولا كان في شي
ولا شسوي
والله اني اكرهم غصبا عني والله
بنات انا داخله بنك رفيجتي
عشان اقولكم عن الي مضايقني انا دايما اشوف المنتدى بس ماسجلت فيه
واعرف انتو شكثر تنصحون البنات والله يوفقكم يارب
انا و زوجي حمدالله تزوجنا عن حب بعد تقريبا معاناه 4 سنين لين اقنعنا اهلنا لاني من قبيله غير عن قبيلته وصارلنا الحين سنه متزوجين الحمدالله
المهم في مره من المرات
ايام ما كنا نحب بعض
كان زوجي في الزايده بس حمدالله مو خطيره باول المراحل وقاله الدكتور بكره يدخل المستشفى على اساس يسوي العمليه ويقعد 3 ايام و يطلع
المهم الصبح انا لما اروح الجامعه ولا شي العاده هو يقعدني لان يدوام مبجر عالساعه 5 الفجر وانا محاضراتي تبدا 9
المهم انا استغربت ماتصل يقعدني قلت حرام يمكن عشان معطل والظهر بيروح المستشفى بخليه ينام براحته
و استغربت صار الظهر ولا طرش او اتصل لان متفقين يتصل اول مايدخل المستشفى وانا كنت خايفه وابي اطمن عليه
المهم انا اتصلت مارد
اطرش مسجات مارد
استغربت نطرت ساعتين ولا يتصل عبالي اهوه ولا تطلع اخته ( على فكره ايام حبنا ماكان احد يدري ان نحب بعض الا اخته لانها كانت معاي بالكليه وتعرفت عليها وجذيه وعرفت انها اخته بالصدفه وقالها كل شي وكانت مستانسه حيل وتتمنى اصير مرت اخوها و البنت يشهد الله حبوبه وطيبه و كانت بتساعد اخوها انها تقنع ابوه لان ابوه اول شي مايحب الزواج برا العايله بس مع الحنه يرضى)
المهم اتصلت قالتلي انه اخوها انفجرت فيه الزايده في بطنه الظهر وهو نايم لان الصبح قاعد وقال انا تعبان حيل ورد نام وتقول امي جت تقعده عالصلاه وماقعد كان يتعور اتصلو عالاسعاف وجا ابوه و اخوه وراحو المستشفى وقالو حالته خطيره و الدكاتره بيحاولون الي عليهم لان الدم الفاسد تجمع مع دمه بعد مانفجرت الزايده المهم انا انصدمت وقعدت ابجي واقولها طمنيني عليه والله بنات قعدت ادعي واصلي وحالتي مايعلم فيها الا الله بعدها ب 4 ساعات اتصلت عبالي هي على طول رديت قلت هاه شصار رد علي واحد طلع اخوه قالي انه توفى لان الدم الفاسد تجمع بجسمه كله والدكاتره ماقدرو يسون شي انا انصدمت وقعدت ابجي والله يابنات قعدت اقوله كلام مادري شلون مو حاسه بنفسي من الصدمه وقالي انه اخته ماتقدر تكلمني لان كل اهله منهارين وحالتهم حاله وسكر وربي يابنات 3 ايام وانا حالتي حاله مايعلم الا الله
المهم بعدها اتصل رقمه انا استغربت رديت طلع هو حبيبي زوجي دنيتي كلها كان صوتها تعبان انصدمت قلت يمكن اتحلم ولا شي
قالي انه السالفه ابوه سمعه هو واخته لما كان يكلمها عني وشلون لما يطلع من العمليه بالسلامه بيكلم ابوه يقول واحنا نتكلم دخل وقعد يصارخ و يهاوش وحلف على امه بالطلاق اذا عرف انه يكلمني للحين واخوه دخل عالصراخ وسمع كل شي يقول والله قعدت اكلمه واقوله ابيج و كلام طويل يقول لدرجه عطاني كف لاول مره ابوي يضربني وانا اكبر عياله ويده اليمين انصدمت قتله انا الي عمري مارفضتلك طلب واعينك بكل شي وذراعك اليمين بكل شي ترفضلي ارتبط بالي ابي المهم طلع وراح المستشفى و نسى التليفون بالصاله خذته اخته وقعدت تفكر هي واخوها وقالولي هالجذبه وعذرهم ان مايبيون بيتهم ينهدم و زواج امه من ابوه يصير بخطر
المهم بعد ماقالي السالفه وعدني وقالي والله بسوي اي شي لو يطردني من البيت اهم شي اخذج ولاتحاتين ابوي دفع كفاره عن حلفه الي حلفه الحمدالله بس انتي عطيني فرصه شوي لين اقنعه وصج عطينا بعض وقت اسبوع وشي وراح كلمه ورفض و مره ثانيه ورفض لين بعدين حمدالله وافق واقتنع وبعدها انا حمدالله قدرت اقنع اهلي والحمدالله هم اسالو عن اهله وعرفو انهم خوش ناس وماعليهم قاصر
المهم اني فهمته وقلتله واتفقت معاه ماكلم اخته لو شنو ولا لساني يطب لسانهم لاهي ولا اخوها ولا حتى سلام مابي
وقالي خلاص الي يريحج وهم ترا والله يعتذرون منج ويقوليلي خليها تسامحنا ترا والله ماكان بيدنا
قتله مايهمني ولا ابي اعتذراهم لان لو يعتذرون مني لبعد 10 سنين ماراح يجربون الاحساس الي حسيته هال 3 ايام
و شلون مرو علي
المهم
هو تفهم وضعي وتزوجنا حمدالله بس للحين لما اشوف اخته او اخوه ماسلم ولا شي ولا اعتبرلهم وجود
والحمدالله علاقتي بباقي اهله زينه امه حمدالله خوش مره و حبوبه وخواته بعد الباقين حبوبين
الا هذول الا ماكلمهم و امس قالي حبيبتي لمتى يعني والله ادري هم غلطانين وجذيه وبعد اعترفلي بشي وقالي وربي ماكنت ادري انهم قصو عليج وقالولج هالكلام والله لو كنت ادري ما كنت بخيلهم يسون الي يسونه
والله اول ماقالي اخوي انه سوى هالسالفه مع اختي يقولي وربي عطيته كف من قوته تم يطن باذنه الصوت كم يوم ويقول والله
اول مره امد ايدي على اخوي واثر اصابعي بقى بخده كم يوم
انا هني سكت وقتله مابي اكلمهم بس قالي براحتج بس هذا مو حل
فكري فيها
وانا يا بنات ابي رايكم بعد الي سوه فيني اكلمهم عادي ولا كان في شي
ولا شسوي
والله اني اكرهم غصبا عني والله
