ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

[ميمي القطريه]

السلام عليكم ورحمة الله وبركااته

انا طالبه ف المرحله الاعداديه (المتوسط) وحابه اعرف على ملابسكم ودراستكم والمراحل الدراسيه والمواد الاساسيه


وحابه اتعرف على النظام عندكم


احنا عندنا ف قطر

اول شي

روضه وبعدين تمهيدي
وبعدين المرحلة الابتدائيه من اول ابتدائي الى سادس
وبعدين المرحلة الاعدادية (المتوسط) من اول اعدادي لين 3 اعدادي
وبعدين المرحلة الثانويه من اول ثانوي الى ثالث ثانوي



وبالنسبه للدراسه الحين صار كل مدارس قطر نظام المستقله يعني كل شي بالانجليزي الا العربي والتربيه الاسلاميه والحاسوب و الاجتماعيات


وبالنسبه لكم بعض الطالبات متحجبات والبعض لا واما عندنا فالبنت من البيت اتجي المدرسه لابسه العبايه والشيله واول ماتوصل المدرسه تدخل داخل وتفصخ العبايه والشيله .وانتو؟


واما بالنسبه للزي فكل مدرسه لها زي مثلا الابتدائي يلبسون المريول والقميص وكل مدرسه غير الزي مالهم والاعداديه ( المتوسط) تنوره وقميص وكل مدرسه لها لون تنورة وقميص غير احنا مدرستنا تنوره بنفسجية وقميص ابيض مخطط بالبنفسجي وكل مدرسه لون اللي عنابي واللي رصاصي يعني الوان اما الثانوية فصاروا نفس لبسكم مريول الكحلي والقميص الابيض وبعض المدارس تنوره وقميص


اما بالنسبه للمواد فهي علوم - انجليزي- اجتماعيات - حاسب - عربي - رياضيات - فنيه - رياضه


والحين انتو شلوون نظامكم وكل شي

واي استفسار انا حااضرة


مع تحياتي :
ميمي القطريه

 

[memo97]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

اممم شوفي احنا عندنا رووضه سنتين بعدين ابتدائي 5 سنين وبعدين متوسط 4 سنين وثنوي 3 سنين بعدين جامعه لوول
وعلى اللبس الابتدائي مريول وردي والاعداديه مريول ازرق فاتح والثنوي ازرق قاامج وكل شي بالعربي ماعدا الانقلش انقليزي

والملابس كيف البنت اذا متحجبه طويل واذا مو متجحبه قصير او طويل هذا شي راجع لها بس بالمدرسه تلتزم المتحجبه بالاحجاب

وبس

 

[نــوره]

^^^^^^^^^^^^

كفت ووفت

 

[M!s$ GoOnA]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

كفت ووفت

بس الزياده عليها احنا مانلبس عبايه بس اللي تبي تلبس

اما المواد : اسلاميه-عربي-انجليزي-علوم-رياضيات-اجتماعيات-العاب - حاسوب آلي << هذيل كلهم اساسيين

اما اللي مو داخلين بالمجموع يعني مو اساسيين : فنيه - علوم اسره ومستهلك ( اقتصاد منزلي ) - دراسات عمليه ( ديكور و كهرباء ) - موسيقى

 

[كـبريااء]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

تكفووون ارحمووني لااتنسون مواد الثاانوي سواء علمي او عااشر الفيزياء الحلوه وكيمياء حبيب الدنيا ورياضيات ياااكاايدهم واحصاء يالي مالك لزمه واحيااء يالروومنسي وفي جيلوجيا ب11علمي<<<<<<<<<<وطبعاا ماي شغل بالمواد الأدبيه

 

[..<< ندى الورد >>..]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

الادبي : تاريخ , جغرافيا , فلسفه .عربي , فرنسي

 

[؟؟دلع البنات ؟؟]

الابتدائيه والملابس مريول وردي فاتح والكم يكون مخطط ابيض بوردي
اولى وثانيه وثالثه ورابعه وخامسه موادهم عاديه منها والي اذكره
اجتماعيات ووطنيه ورسم وعربي وانقلش ورياضيات وعلوم وحاسوب

المتوسطه مريولهم ازرق فاتح حفر ويكون تحته قميص ابيض مخطط بازرق فاتح وحجاب ابيض واذا مو متحجبه مو مشكله لو لبست قصير
4 مراحل
سادس وسابع وثامن وتاسع
موادهم علوم ورياضيات وعربي وانقلش واجتماعيات وتربيه اسلاميه



الثانويه ملابسهم قميص ابيض مخطط بكحلي والمريول كحلي حفر وحجاب ابيض والي مو متحجبه عادي لو تلبس قصير
عاشر << عربي + انقلش+ اجتماعيات+ فيزياء+كيمياء+احياء+رياضيات+تربيه اسلاميه+بدنيه+حاسوب <<كلهم مواد اساسيه

والحادي عشر= ادبي << تاريخ اسلامي + جغرافيا + علم نفس + عربي + انقلش + فرنسي +إحصاء +تربيه اسلاميه + حاسوب + بدنيه

والحادي عشر =علمي << كيمياء + فيزياء +احياء + جيلوجيا +عربي +انقلش + رياضيات واحصاء +تربيه اسلاميه + حاسوب + بدنيه

الثاني عشر = ادبي <<تاريخ معاصر + جغرافيا + فلسفه ومنطق + عربي + انقلش + فرنسي +إحصاء +تربيه اسلاميه + حاسوب + بدنيه

الثاني عشر = علمي <<كيمياء + فيزياء +احياء +عربي +انقلش + رياضيات واحصاء +تربيه اسلاميه + حاسوب + بدنيه

وفي مواد اختياريه مثل ادارة موارد + ضيافه وسياحه
وصحه نفسيه +التعامل مع المؤسسات +تقارير +بدنيه +موسيقى


العبايه مو اجباري
وملابس كل الكويت موحده
باليوم سبع حصص من يوم الاحد لين يوم الخميس
يوم الثلاثاء يكون في نشاط مدرسي ساعه كامله الهده تكون الساعه 2 الظهر
كل الايام الهده الساعه 1:35 تقريبا

وكل المواد بالعربي ماعندنا نظام انقلش بس اتوقع بيطبقوونه قريب وان شاءالله انهم مايطبقوونه لانه احنا عربي وياله نمشي اشلون لو صار انقلش:krkrkr:

وشكرا

 

[ميمي القطريه]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

تسلمون ومشكوورين وياحظكم مدارسكم كل بالعربي الا الانقلش احناا كانوا قبل بس الحيييين لالا

 

[q8ya sh8ra]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

الله يعينكم واحنا ادبي ناخذ فرنسي بعد

 

[ام التكانه]

الله يعينكم مفروض من البدايه متأسسين انجلش مو فجأه ,’ موفقين ي رب

 

[ميمي القطريه]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

شنسووي بعد الله المستعاان يارب

 

[sweet & girl]

قريبتي تدرس بالسعودية والمواد العلمية فيزياء وكيمياء صارت أنجلش بس طبعا مترجمة و الرياضيات صار أنجلش


عندهم تقولي بالأول خفت وحسيتها صعبة بس بعدين صرت أحب الرياضيات طبعا المسائل بالعربي والقاعدات وجذيه عربي لكن


الأرقام أنجلش وعلى الفكرة السعودية ما يبدؤون يعلمونهم أنجلش الا بعد الصف الخامس طبعا هذا النظام الحكومي ومع أنهم مو متعودين


مثلكم بالكويت بـــس شوفي عجبهم وصاروا يحبون الرياضيات يعني خوفكم حبووبات ما أحس له مبرر وبعدين الدراسة لازم تتعبون فيها

و بالنسبة للأخت القطرية أنا آسفه خرجت عن أطار الموضوع و مشكورة ع الموضوع الرائع

 

[ميمي القطريه]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

^^ لالا عاادي اختي والعفووااا

 

[ميمي القطريه]

رد : ما الفرق بين المدارس في قطر والكويت .. ابي اعرف شلون النظام وانا كبتب لكم نظامنا

احنا مايعطوونا موسيقى انا يوم كنت بسادس كانوا يدرسونا فرنسي بس بعدين رحت الاعداديه(المتوسط) وخلااص مافي فرنسي