ما بعد التصوير وقبل العرض!!! مهم جداً لكل مصورة

[جاي وحليب]

السلام عليكم..
موضوعي عباره عن موضوع متسلسل ان شالله..
وفيه خطوات ممكن تساعدكم كـ مصورات
خطوات تعلمتها بالفوتوشوب.. عباره عن
لمسات بسيطه لصورنا بعد تصويرها..
وقبل عرضها بالنت

كل مصور يحتاج الفوتوشوب حتى لو للمسات بسيطه..
لكن هاللمسات تطلّع صورنا بشكل افضل وانسب
شلون؟؟

بعض المرات نحس الصوره حلوه بس ناقصها شي!!
ومرات نحس ان الالوان باهته محتاجه لتشبّع لوني وتكون 100%
وفي لحظات ماتتكرر وصورنا، لكن في شغله بالصوره موعاجبتنا

شلون نشيلها.. شلون نضبطها.. شلون نطلعها بشكل افضل..
والاهم.. شلون نخلي الفوتوشوب يخدمنا كـ مصورات.....!!؟؟


المصور مو مهم يعرف كل شي بالفوتوشوب حق شنو
لكن الاهم يعرف شلون يخلي الفوتوشوب يخدمه بالتصوير
بعد التصوير.. وقبل العرض!

نقاط بسيطه راح اذكرها لكم مع شرح مبسط بالصور
وان شالله تستفيدون كلكم.. وتطبقونها...

ماعليكم الا انكم تتابعون الموضوع بين فتره وفتره
لاني اذا شفت تشجيع راح يكون الموضوع متجدد

ويعطيكم العافيه.....

 

[فراولة^فوشيا]

موضووووووووع مهم

وانا اول المتابعااااات

ناطرينج جايووونه :d

 

[جاي وحليب]

اول شي احب اقولكم .. ان احنا ماراح نغطي كل شي موجود بالفوتوشوب
لكن كل اللي راح اذكره لمسات تساعدكم باذن الله لنتيجة افضل...

- الجزء الاول -

^
نلاحظ الصورة قبل وبعد هالخطوه..

^
كثير منا بتصويره داخل المنزل..
يحس ان صورة الاضاءه فيها مايله للصفار
بهالخطوه تتصلح المشكله باذن الله

^
نفس هالخطوه نقدر نسويها للكونتراست لو ماعجبنا او حسيناه اوفر

^
والعكس لو اردنا تنعيم بشرة الوجه مثلا
نختار فلتر Blur

^
والعكس لو اردنا تنعيم بقعه معينة من الصوره
نختار اداة Blur tool

^
Dodge & Burn tools
جداً مفيدين ويضيفون لمسات حلوه للصور
اذا....
عرفنا كيفية استخدامهم بالشكل الصحيح

^
مع مراعاة قياسات الصوره الصحيحة
مانقص وايد ونظلم صورتنا
وبنفس الوقت مانبي نطلع بصوره قياساتها غلط
وبالتالي نزعج المشاهد ونقلل من قيمة الصوره...

^
حقوق المصور مهمه..
لان في ناس كثيره تتعب وتصور وتطلع بنتايج حلوه
وبالمقابل ناس ماعندها لا ذمة ولا ضمير
تاخذ الصور من غير اذن المصور..
وتتصرف فيها.. اما بتصميم.. باعلان.. حتى بمعارض!!!!
مهما كان التصرف.. لازم نرجع للمصور
وهذا الشي من الادب والاخلاق




واخيراً، لحفظ الصوره او تصغيرها هالموضوع يفيدكم..
الطريقة الافضل لتصغير صورنا مع المحافظه على جودتها بالفوتوشوب




وبعد ماقلنا هالخطوات الاساسيه ... لازم تعرفين ان..
ممكن تزيدين وتلعبين بالارقام والقياسات والخطوات اللي قلناها
انتي الحكم على صورتج وتشوفين ايهو الانسب عليها....








وبالنهاية....

^
نشوف الصوره اهني.. شلون كانت وشلون صارت
بعد اللمسات اللي ذكرناها....





هذا كان درسنا اليوم.. واحب اشكر الاخت Maneena Manaana
على موضوعها المفيد: صورنا قبل وبعد التعدبل
لانه منه استوحيت هالفكره.. وحبيت افيدكم باللي اعرفه
وتابعونا.. ان شالله في اجزاء قادمة..


** الصورة المستخدمه في المثال من تصويري

 

[جاي وحليب]

فراولة^فوشيا

اهلين.. شكراً على متابعتج
حطيت الدرس الاول.. وان شالله يعجبكم

 

[ملكة بيتها]

شكرا على الموضوع القيم والمفيد

 

[فراولة^فوشيا]

جاي حليب
تسلم ايدج شرح وايد حلو كفيتي ووفيتي
تسلم ايدج

وبالفعل خطوات وايد مهمه لابراز جمال الصوره وتعزيز الوانها

بالنسبه لي اووول خطوتين اسويهم لما افتح الصوره مثل ما ذكرتي الـ
auto levels & auto contrast
وبعدها تأتي بقية التعديلات

يعطيييج الف عافيه
شرحج ماشالله واضح

 

[miss_lavendar82]

تسلمييييييييييييييييييييييييين حبوبه

احلى درس وموضوع بالقسم الصراحه وفعلا يستاهل التثبيت

لاني ودي اتعلم على الفوتوشوب بس ما اعرفله

وانتي سهلتي عليه استخدامه واكيد ننتظر بقيه الدروس فعلا نحتاجها

ابليز لاتبخلين علينا

^_^

 

[ChOcoLaTe 'n MarShMaLlOw]

يعطيج العافيه على الشرح

و ننتظر المزيد ..

 

[طوق البنفسج]

جاي وحليب

يزاج الله خير ..

انا توني طالبه يديده بالفوتوشوب و التصوير ..

ماقصرتي و سجليني متابعه

 

[زيـنـه]

و منكم نستفيد

مشكووووره

 

[om3mar]

مشكوره على الشرح المبسط والمفيد جدامنا معارض ومشاركات راح نستفيد
بالنوفيق انشالله

 

[ZaNo0By]

وااااااااو حده نايس ,, ثانكس وايد لأنج فدتيني بهالشغله لأني توني مبتدأه على برنامج الفوتوشوب

 

[ام مهودي]

روعه تسلم ايدج وموضوعج وايد حلو ومفييد ونبي اشياء اكثر :")

بس احسن انج اخر شي تحطين الصوره اليديه والقديمه يم بعض عشان يبين الفرق عدل :")

ومشكوره على المجهوود الحلو

 

[dalprincess]

مشكووووره عاد بتعلم عالفوتوشوب :/ بسألج شغله في دائره الي تصفي الويه اشوفهم بالمصور يسوونها ... شلون طريقتها ابي اصفي الويه واشيل الاشياء البايخه

 

[جاي وحليب]

لكل من علق او اكتفى بالمتابعه ..
مشكوورين كلكم.. ردودكم فرحتني
وان شالله يكون في دروس قادمه
ونغطي كل اللي تبونه..

عاد ودنا نشوف صوركم بالقسم مع استخدام الشغلات اللي شرحناها
على صوركم ... اكيد بتطلع غير... لاتبخلون علينا.. ويعطيكم العافيه

 

[SabaQueen]

مساء الخير جويهه و اخيرا تحقق حلمنا و تم فتح قسم للتصوير
ألـــــــــف مبروووك للجميع الخوات المهتمات بالتصوير و ان شاء الله نستفيد من بعض

حبيبتي مشكورة و ما قصرتي كفيتي و وفيتي بالفوتوشوب و هذه النقاط اللي ذكرتيها اعتبرها خطوات مهمه للصورة
و ماشاء الله علي ذكرتيها بشرح مبسط و وافي
بالنسبة لي آنا قبل لا استخدم الفوتوشوب اعدل صوري باللايت روم و بعدين احولها للفوتوشوب حق التوقيع و الإطارات

و بالتوفيق

 

[ام حسوني]

و منكم نستفيييييد

موضوع رائع

يعطيج العافية

 

[SupeR-GirL]

وااااايد حلو الموضوع

انا من زماان اتمنى اني اتعلم شلون اضبط الصوره بالفوتوشوب

يعطييج العافيه

وننتظر الجديد

 

[جاي وحليب]

SabaQueen

اهلا اهلا.. نور القسم بهالطله الحلوه


اما اللايت روم شي ثاني.. له لمسات خياليه
يعني مرات احس صوره معينه ماراح يطلعها غير اللايت روم
بس بعدي ماتمكنت منه حيل.. فـ راح اكتفي بلمسات الفوتوشوب

شكراً لج اسعدني تواجدج والله


==

ام حسوني

الله يعافيج.. تسعدني متابعتج


==

SupeR-GirL

ان شالله من هالموضوع تعرفين كل اللي ودج تعرفينه واكثر
وانا راح احرص اني اشرح كل الشغلات اللي ممكن تساعدنا
كـ مصورين بتضبيط صورنا واخرجهم بشكل افضل

لان هدفنا الاساسي من الفوتوشوب كل ما يخص الصور وتعديلها

شكراً على مرورج

 

[فراولة^فوشيا]

تطبيق الخطوات

قبل

بعد



1- Auto level
2- Auto contrast
3- تضبيط الاضاءه شوي بال brightness
4- استخدام اداة ال blur على الخلفيه
5- استخدام اداة ال sharpen على جسم الوزه
6- تعزيز اللون الاخضر والاسود والرمادي من
Image > Adjesment > selective color