ما تلاحظون هالشي عند بعض الخالات؟

[فيفي الحلوة]

في عندنا ثنتين في عايلتنا عيالهم الكبار متزوجين من نفس العايلة واحد بنت خاله والثاني بنت خالته....اللي لاحظته انهم ثنتين علاقتهم مو ذاك الزود مع جناينهم مع انه يصيرون لبعض يعني على طول اسمعهم يتحلطمون عليهم واي شي يسوونه ما يعجبهم مع انهم طيوبات وحليوين ....حتى اليهال معاملتهم غير يعني يعاملون باقي اليهال غير عن عيال هالجنة ....لكن باقي حريم عيالهم اللي مو من العايلة اي شي تسويه حلو وينبهرون فيه ومسويينها يا دهينة لاتنكتين ويدارون خاطرها وعيالها معاملتهم غير وعادي لو نزلوا وقعدوا مع يدتهم با حلوهم ويا زينهم لكن اللي تصير لهم اذا نزلوا عيالها بدا التحلطم اكيد نايمة وما تبي ازعاج ....وهذي رفلة وما تطبخ (تطبخ كل يوم) حتى حمواتها دايما اسمعهم يتحلطمون عليها وعلى عيالها وعلى لبسهم مع انهم كشخة ....اذا راحت بيت اهلها تحلطموا وهم يوميا في بيت اهلهم ....اذا عرفوا انه اخوهم يايب شي لها قالوا ذابحة اخونا بالمصاريف واهم كاسرين ظهور ريايلهم واللي مستغربة منه انها كانت من اعز رفيجاتهم وقريبة وايد منهم بحكم القرابة بس من تزوجت قلبوا عليها والثانية بعد نفس الشي...

مستغربة اقول في نفسي المفروض هالقريبة المفروض تكون علاقتها اقوى من الغريبة ليش جذي؟؟؟؟ ومو بس هاللي قلت لكم عنهم ناس وايد اسمع انه يصير لهم هالشي ...حتى مرة اختي تقول وحدة وياهم في الجامعة تقول لرفيجتها تمزح معاها خطبيني لاخوج قالت لها مشي بوزج اخطب رفيجتي حق اخوي احنا الحين شحلاتنا بعدين وحدة فينا تقلب على الثانية ...

زمن غريب :eh_s(10):

 

[فرآبتشينوو]

اي حتى انا ملاحظه هالشغله بناس يصيرون لنا :eh_s(10):

كانوا يمووتون ع بنت خالهم و خطبوها لاخوهم و الحين مايواطنون بعض و كله حش فيها

ماكوو سبب غير الغيره و اكيد اخوهم يحبها و محترين الحمدلله و الشكر


و كاا عندج هالموضوع بعد نفس السالفه

http://www.q8yat.com/t874027.html

 

[اينااس]

اى صح كلامك اختى

دايما البعيده مو من الاهل اهيه الى تكوون محبوبه

وانا عاايشه هالو ضع وعاارفته

 

[{ الـزيـن }]

شوفي اعرف وحدة معزره بحريم عيالها لانهم من العايله يصيرون لها
ولما تزوج واحد من عيالها وحدة من برا العايله طيرتها فوق وهالوحدة طلع لها لسان وهم الخاله محترمتها
هذا اللي قاهرني اللي منج وفيج تعزرين فيه والغريب ترفعينه فوق

 

[جيكره(و)تتغلى25]

اي وااايد جذي الله يعينهم

 

[ستانلي]

ليش مايصيروون سنعات مع القريبه والبعيده وهذا اهو المفروض
ليش الغيره والحسد​

 

[•Brown•Sugar•]

والله قريب او بعيد الخاله تظل خاله
تقعدللج قعده
تتفرغلج
تفضالج اليوم كله
تنظملج جدول اعمالج
90% من الخالات جذي

 

[ريميه حلوه]

مدري وش يبن الوحده عبالها تغث المره وهي بالاصل تغث ولدها يمكن يحب مرته ومرتاح معها وهي تناشبهم لاما يهج ولدها عنها ثم عاد هذا الي كسبت

 

[MissChoco]

هالشي لازم يصير تدرون ليش!! لانه الجـنه تكون دخيله مهما سووت لازم يطلون فيها شي شين

 

[سوسن1980]

محد مرتاح

 

[وردة الجزائريه]

اااي كل الناس كذا
والله الخوات صاروا مايزوجون عيالهم لبعض يقولون نخاف من بعدين
اعرف وحده الا ولدها يبي بنت خالته هذي واصررر قالت ماعندي غير خيتي هذي اخاف عرسك يخرب بينا قالوا لا شدعوه
واخذها وماتوفقت هي وزوجها الامهات مالهم شغل لان الزواج شهرين وانفصلوا
عاد تعالي شوفيهم الحين مايكلمون بعض

مع انهم عارفين ومتفهمين الوضع

احس الدعوه فطره لازم الخاله تقلب ع الكنه لو هي عسل
هههههه
مع ان خالتي للان تمام معي لكن انا مااستثير غيرتها

 

[الفدنه]

المثل يقول
بنت الناس على الراس وبنت العم على الهم
ولكل قاعده شواذ
في ناس تموت على اللي منهم والغريبه يحقرونها

 

[حياتي تكنولوجيا]

صح كلامكم مليون بالميه يعني السالفه بالفطره وعشان جذي انا صممت على الغريب والله يخليه لي ياااااااااااارب​

 

[مولاي الفرج]

هذا انا اسمه جنون البقر

هههههههههههههههههههه عادي عادي الاقارب عقارب مع احترامي

 

[مولاي الفرج]

اسميه*

 

[butterfly-m]

يقولكم المثل: بعيد وسعيد
الخاله دايما اتحس انج ماخذه ولدها منها سواء كنتي من اهلهم ولا بره وعاد تعالي دوري هالايام الخالة السنعه مافي انقرضوا فبلا عوار راس وياهم خلج بعيد عشان ماتتأثرين بالي يصير​

 

[كتكات احمر]

تدرون ليش؟؟


لان الخالة على اساس انه تصير بنت اخوها

العيال تشيلهم على ظهرها
توكل وتنوم وتشرب وتراعي

والجنة طاقه خالتها بالطووووووووووووووفه على اساس خالتي وعمتي بنفس الوقت استفيد منها تشيل عني

الخالة مع الوقت تكره بنت اخوها لانها فاقدة للمسؤولية والجنة تكره خالتها على اساس ريلها لا تفقده مع انه الخالة مسوية خير وشايلة العيال

ولا يبين بالعييييييييييييين شيييييييييييييييي

سالوا مجررررررررررررررررررررررررررررررب

 

[غرور قلبى]

احسن شئ وحده تزوج واحد ما عند ام

 

[روعه 99k]

هذا انا اسمه جنون البقر

هههههههههههههههههههه عادي عادي الاقارب عقارب مع احترامي

:eh_s(15):

احلى صفه

عموما هذى غيرة حريم
وباجر انتم بنفسكم بتصيرون خالات وبتسوون جذي ويمكن اكثر
فطره بالمره
:eh_s(7):

 

[^^yasmina^^]

انزين من الي تشوفونه من خالاتكم او الي تسمعونه عن الخالات الباجي ما تقعدين بينج وبين نفسج تقولبن لا والله انا بصيررر خوش خاله اذا عيالي كبرو وتزوجو كل الي صارلي ما ودي جنتي تشووفه
؟!
ولا تحسين انج بتغارين من جناتج وبتصيرين قشرة ؟!


انا وايد افكر بهالموضوع حتي ودي انزله موضوع بالمنتدي
*