ما سويت حفلة عرس وللحين بخاطري!!!

[** آية من الجمال **]

بنات منتداي الغالي ..... المكتوب يبين من عنوانه

متزوجة حمدالله من سنتين ونص تقريبا وسبحانه رزقني بأحلا بيبي

لما تزوجت ما سوينا حفلة وعزمنا الناس فقط مع أسرتي ولبست وصورت وشذي! الحمدالله استانست وقتها بس للحين لي شفت عرس أو حفلة حتى لو بمسلسل أقول ليتني مسويه أحس للحين بخاطري :eh_s(22):

يمكن البعض يعتبر موضوعي تافه وماله معنى وغير مهم ويمكن يستغرب البعض الآخر ويقول من صجها بعد سنتين وعندها ياهل تبي حفلة!!! ما استبعد أي انتقاد بس صدقوني لو أنه شذي كان ما ضطريت أكتب لكم بعد هل الوقت وآخذ آرآئكم لعلها تخفف عن خاطري أو تساعدوني بأفكاركم؟

ويمكن إللي ما سوت نفسي تحس بشعوري أكثر....!

 

[بنات حواء2]

بسيطه روحي اجريلج نفنوف عرس و سوي تسريحه ومكياج وصوري مع ريلج و تالي روخوا فندق سوو جو

 

[ملوكـه]

وايد بنات مثلج
حفله خاصه يسمونها

 

[أعشقه]

ليه ماسويتي عرس .. البنت تنتظر هالليله الي تكون فيها بفستان الزواج والطرحه
والكوشه والترتيبااات ..
بس اذا انتي شاريه الرجال و عنده ظروف تمنع هالشي خلااااص لاتفكرين بهالشي عشان مايضايقك
واذا احوالك المدايه زينه استاجري لك فستان زواج في ذكرى زواجكم
وسوي حفله والبسي وتعدلي وفاجئي زوجك عشااان ماتكون بنفسسك
والله ييسر امورك

 

[granted]

مادري يمكن ريلج مايتقبل الموضوع اعتقد اغلب الرياييل مايحبون هالسوالف
وبعدين بتعزمين الناس وهالسوالف وزفة ولا بتخلينها عائلية ولا شلون مو مستوعبة
دير بالج لاتفتحين عيون العالم عليج
الله يوفقج يارب

 

[انثى عاشقة]

البسي فستان عرس وسوي عروسة وعريس من جديد
انزفي معاه وسوي الي بخاطرك

=)​

 

[دلوعة أبوهآ]

طيب سوي كل اللي بخاطرك آلحين ..
آلعمر مافات

 

[لمى الهاجري]

يالله الحمد لله اهم شي حياتج مستقرة ومتزوجة اما الحفلة تروح

 

[غيرررر]

انا نفسك سويت عرس بس منزفيت انقهر مرررره اذا شفت زفة عروس انقهر من نفسي لاني كنت خايفه يوم العرس فقلت مابي زفه وامي ستانست خايفه من العين لوووووووول

 

[عن النسآ أفرق ~]

-





سوي ليله بينكم
اجري نفنوووف و روحي فندق ..
بس معازيم يمكن مآ يحب الفكرآ
ع العموم .. قولي الحمدلله ..

الله يهنييج

​

 

[سكرة هانم]

سوي حفله تنكريه وعزمي اهلج ورفيجاتج ولبسي عروس ودخلي بزفه

وحجزي فندق روحي بعد الحفله مع ريلج

<< شكلي بسويها بعيد ميلادي

 

[Perfume]

حبيبتي اهم شي اهلج وناسج كانوا معاج وصورتي
بس اذا حيل بخاطرج اجري فستان وروحوا صوروا وحجزوا بفندق

 

[دهورتني يازين]

اب اب اب

 

[** آية من الجمال **]

وآي بنات حبايبي ببجي من حلات ردودكم الطيبة

الحين بجاوب كل وحدة فيكم

:eh_s(7): وهذي وردة حق كل وحدة منكم

 

[** آية من الجمال **]

بسيطه روحي اجريلج نفنوف عرس و سوي تسريحه ومكياج وصوري مع ريلج و تالي روخوا فندق سوو جو

حبيبتي بنات حوا2

أنا لبست مع مسكة وصورت مع زوجي حمدالله ورحنا فندق بس خاطري يعنى الناس وعزيمة وشذي لأن نفس ما ذكرت كان بس ببيتنا فقط!!!

 

[** آية من الجمال **]

وايد بنات مثلج
حفله خاصه يسمونها

ملوكه شلون يعنى حفلة خاصة؟ يعزمون ناس وشذي؟

 

[حبيبي مالكني]

ماتوقع بتسوين عرس اللحين
لييييي فات الفوت ماينفع الصوت
خلاص هاي نصيبج
اصلا اذا تفكرين تسوين عرس الكل بتطنز عليج

 

[Gifts&Occaions]

ماادري شقولج ..

 

[قمورتي فطوم]

مثل ماقالوا البنات
سوي بينك وبين زوجج وروحوا فندق


انا سويت عرس وعزيمة وعشا

وبخاطري تنعاد ثاانيه


ليله الزوااج غير






استغفر الله ربي واتوب اليه

 

[غلاي رورو]

انا هاذا اللي خايفه منه اني مانزف او ماسوي حفلة حنا وتظل بخاطري طول عمري