ما عدنا نفهم البشـــر..ولاّ البشــر ماعادوا يفهمونــا؟؟!!

[نهى الأحمد]

..{مدخل

ومازال مسلسل الحياة مستمراً في مواقفها والعبر المستفاده منها...​

الله يمسيكم بالخير يا خواتي


شخباركم


بصراحه

قعدت أتأمل في عنوان الموضوع فترة طويلة وبدأت بالكتابة وطلع وياي هذا الكلام....


طبعاً أكيد البشر أنــواع..

في منهم الطيب..الحاقد..الخبيث..المسالم..الأنانــي..و......و.......


وأكيد صادفنا أحد منهم في حياتنا

وفي الحياة تمر علينا مواقف كثيرة مع اشخاص صادفناهم وتعرفنا عليهم وتقربنا منهم

في مواقف ايجابية

ومواقف سلبية


بالنسبة للمواقف الايجابية مع بعض البشر ..


يتقربون منج لحبهم وتقديرهم لج ولوقفتج وياهم (هذي الصداقة الحقيقية)

عملتي خير وياهم مارح ينسوه لج (هذي الفئة من البشر معرفتهم كنز بالنسبة لنا )


بالنسبة للمواقف السلبية مع بعض البشر..


رح اركز عليها في موضوعي لانها صارت للأسف تتواجد في حياتنا

بعض البشر يتقربون منج حتى يوصلون لهدف معين (يعني صداقة مصلحة ومزيفه)

ولي خلصت مصلحتهم

مارح يفكرون فينا ابداً ،، وفي منهم يحسسونج انج غطلنه وياهم من كلمة أو موقف غير مقصود وانهم اهم الصح

ليش يسوون فينا جذي بالرغم من عدم تقصيرنا وياهم؟؟

ادري رح تقولون :
(سوي خير وقطيه في البحر) >>>> الله يعين البحر
شكثر سوينا خير للناس وممكن نلاقي خير ورد فعل زين وممكن نلاقي شر

وادري بعد رح تقولون ما عليج منهم عطيهم طااااف
انزين،،عطيناهم طاااف،،وآخرتها؟؟


من عقب هالكلام...

أحيانا تيجينا أوقات نفكر فيها بتصرفات البشر وأفعالهم تجاهنا وخاصة اللي لهم مواقف سلبية ويانا

ونقعد نقول :

ياترى ليش سووا جذي؟؟

احنا قدمنا لهم كل خير ليش نلاقي العكس؟؟

شلون نتعامل وياهم؟؟وشنو الحل؟؟

وأسئلة كثيرة رح تدور عندكم..


وأرجع واقول....

ياترى ماعدنا نفهم البشر..ولاّ البشر ماعادوا يفهمونا؟؟

أترك لكم المايك حبيباتي بالنسبة لهذا الموضوع
علّ وعسى نلاقي اجابة وحلّ


بقلمي الخاص

أختكم

نهى الأحمد

مخرج}...
مع استمرار الحياة يجب علينا التعلم من كل موقف
يحصل في حياتنا...​

 

[أشبـاهـ المطـر]

معاي بدوام انسانه اقل مايقال عنهـا متسلطـه !
وطبيعتي مـاتسمح لي أسوي لها خير واقطـه بحر !
أقوم بواجبي فقط ... !
ولاتهمني انتقاداتها ابداً وهي تتعمد ذلك ماتدري ان اعصابي فريرز
وانا مو مقصره بس انا اعرف قيمة نفسي ومحترمتها ولا اسمح لكـائن من كـان
يقيمني بطريقة مثل طريقتها !

والحمد الله الحين خف ضغطها علي ماعاد لها شغل فيني
حتى ماتسأل عني الباب الي يجيك منه الريح سده واستريح


الموضوع رائـع
يشرفـني أكون مـن أوائل مصافحيه
تحيه كبيره لج يانهى يعجبني تفانيج
بارك الله فيج

 

[أشبـاهـ المطـر]

حبيت أضيف اذا النوعيـه هذي
شافوا حزمج وصرامتج معاهم

بينسحبون بلمـح البصر
ماعليكم وجيهم عريضـة بيلقون احسن مننا

 

[ام مصعب السلفي]

نهى حبيبة قلبي هذا حال الناس والبشريه اجمع

اللي تغير اننا انضربنا من الدنيا وبدينا نفهما

موضوع رائع ويقع على الجرح جزيتي خير الجزاء غلاي

 

[فوفو22]

رد : ما عدنا نفهم البشـــر..ولاّ البشــر ماعادوا يفهمونــا؟؟!!

ياترى ليش سووا جذي؟؟

احنا قدمنا لهم كل خير ليش نلاقي العكس؟؟

شلون نتعامل وياهم؟؟وشنو الحل؟؟

وأسئلة كثيرة رح تدور عندكم..

موضوع حلو وعجبني

هالناس قبل ما اعرفهم الى ان انصدم فيهم

الحين اسم الله عليي اكشفهم من اول جلسه يمكن عندي الحاسة السادسه او خبرتي فايدتني

فوفو

 

[عمرى شقا]

هذى الدنيا وهذى الحياة ؟؟؟؟؟؟؟؟

االبشر يختلفون بالأخلاق وبالطبايع ,,والتربية ,, والمبادئ ,,, والشخصيات,,والسلوك

ومع هذة الأختلافات تتبلور شخصياتهم وتتكون أخلاقهم وترتسم من خلالها سماتهم الشخصية

ولذلك سنجد العديد من السلوكيات التى قد نختلف معها ,, ومع ماتؤمن بة من قيم !!!!!!!

وقد ننظر لأمر ما من زاوية وينظرون لها هم من زاوية أخرى ,,,,,,,

نرى شى ويرونه شى آخر .......

نحب ونؤمن بأمر قد لايضعون له إعتبار ......

وبالتالى على هذة الأسس يتعاملون معنا ..........

فلا تصدمى مما قد يمر عليك فى هذة الدنيا من تلك النوعيات البشرية

فكل يتعامل معك كما يقال على معدنة ,,,,,,

فهذا هو ديدنة وهذا نوعة وجنسة ,,,,,,

إن عاملك بطيب وأثمر معة ماقدمت لة فلأنة طيب وهذا مسلكة فى الحياة

وإن لم يثمر فية يحفظ لكى معروفك وجميلك ويعاملك كما عاملتة .......

فلأن هذة طينتة ومبدأة بالحياة ولن يغيرة مايراة من حولة من طيبة أو صفاء أو نقاء

وحكاية سوى خير وقطية البحر حكاية قديمة عفى عليها الزمن

أصبحت هذة النقطة ينظر لها كضعف شخصية أو غباء

لذلك عندما تريد عمل الخير لا تنتظر مقابل من أحد بل إجعلها لوجة اللة ,,,,,,,

عند ذلك سوف تجد الجزاء الذى تبحث عنة ....,,,...,,,.....

 

[نهى الأحمد]

معاي بدوام انسانه اقل مايقال عنهـا متسلطـه !
وطبيعتي مـاتسمح لي أسوي لها خير واقطـه بحر !
أقوم بواجبي فقط ... !
ولاتهمني انتقاداتها ابداً وهي تتعمد ذلك ماتدري ان اعصابي فريرز
وانا مو مقصره بس انا اعرف قيمة نفسي ومحترمتها ولا اسمح لكـائن من كـان
يقيمني بطريقة مثل طريقتها !

والحمد الله الحين خف ضغطها علي ماعاد لها شغل فيني
حتى ماتسأل عني الباب الي يجيك منه الريح سده واستريح


الموضوع رائـع
يشرفـني أكون مـن أوائل مصافحيه
تحيه كبيره لج يانهى يعجبني تفانيج
بارك الله فيج

هلا حبيبتي

الانسان دام عارف نفسه

ما يهمه اي شي من تصرفات الناس
المهم نسوي الشي اللي يريحنا

واللي عاجبه حياه الله

وبالفعل والله

الباب اللي يجيك منه الريح
سده واستريح

حياج الله ياقلبي
نورتي الموضوع

 

[P1nkish]

رد : ما عدنا نفهم البشـــر..ولاّ البشــر ماعادوا يفهمونــا؟؟!!

لأ مو "سوي خير وقطيه بحر"
ولا "عطيهم طاف"
ولا أي شي من هالنوع!!
بالعكس! انا اقولج سوي كل شي عشان نفسج بالأول وبعدين عشان الناس!! يعني لي سويتي خير، ليش تنطرين شي من الناس؟ سويه حق نفسج! انه انتي اب تستانسين لأنج سويتي شي حق أحد تحبينه أو حق أحد تهتمين لأمره.. ولاتنطرين رد فعل سواء زين أو شين من الناس!
هذا رايي !!

 

[نهى الأحمد]

حبيت أضيف اذا النوعيـه هذي
شافوا حزمج وصرامتج معاهم

بينسحبون بلمـح البصر
ماعليكم وجيهم عريضـة بيلقون احسن مننا

عدل كلامج ياقلبي

تسلمين حبيبتي للمشاركة الطيبه

 

[نهى الأحمد]

نهى حبيبة قلبي هذا حال الناس والبشريه اجمع

اللي تغير اننا انضربنا من الدنيا وبدينا نفهما

موضوع رائع ويقع على الجرح جزيتي خير الجزاء غلاي

صدقتي يا الغاليه ام مصعب


أسعدني تواجدج بموضوعي المتواضع

 

[نهى الأحمد]

رد: رد : ما عدنا نفهم البشـــر..ولاّ البشــر ماعادوا يفهمونــا؟؟!!

موضوع حلو وعجبني

هالناس قبل ما اعرفهم الى ان انصدم فيهم

الحين اسم الله عليي اكشفهم من اول جلسه يمكن عندي الحاسة السادسه او خبرتي فايدتني

فوفو

هلا ياقلبي

تسلمين لمشاركتج بالموضوع

وزين انج قادره تعرفين انواع الناس وشلون تتعاملين وياهم

 

[Miss-Madry]

:eh_s(22):


نهووي دووم مبدعه،،

بعض البشر يتقربون منج حتى يوصلون لهدف معين (يعني صداقة مصلحة ومزيفه)

ولي خلصت مصلحتهم

مارح يفكرون فينا ابداً ،، وفي منهم يحسسونج انج غطلنه وياهم من كلمة أو موقف غير مقصود وانهم اهم الصح

ليش يسوون فينا جذي بالرغم من عدم تقصيرنا وياهم؟؟

علطول تصير ويآي من اقرب النآس لي سواء رفيجآت ولا اهل ..


ماقول الا طنش تعش تنتعش والي مايعجبه شي بكل غرفه في 4 طوف ينقي ال تعجبه ويطق راسه فيها :23_asmilies-com:


ماقمت اهتم باحد مثل اول كل الي اهتميت فيهم انقرصت منهم ..!!

 

[كلنا عشاق لكن]

رد : ما عدنا نفهم البشـــر..ولاّ البشــر ماعادوا يفهمونــا؟؟!!

فيه ناس مايمشي حظهم الأ لما إتكون طبايعهم شينة خلقة ورددين حشاكم
عشان جذي مواصلين بهالشي ويشوفونة من مزاياهم ظلم أعراض خبث جذب ووو :eh_s(14):
وأهل الطيب أغلب عطاهم وين يروح 00على هذيلا فطبيعي مالة إثمرة ولايبين لأنهم جاحدين خلقة :tomato2:
فالطيبين لازمهم إشوية خبث عشان يعرفون من يعطون ومن يقهرون
يقولج إذا رأيت بأحد سئية فعندة إختها وإذا رأيت بأحد ميزة فعندة إختها
والجذب عموما أبو العيوب لأن الكاذب يسرق ويكذب ووو
يعني كل شي يهون الأ اللي فيهم هالصفة لأنها تكشف لج باجي هذيكــ الصفات
ويعطيج مليون عافية يالغالية

​

 

[جورجيت]

انا شخصيا اعتقد بأنه ليس من الضرورة أن نفهم البشر أو حتى ان يفهموننا ..


المهم أن نفهم أنفسنا جيداً ونعرف تماما لماذا فعلنا ولماذا قلنا .. فحينما نسدي لشخص ما معروف فيجب ان نفهم لماذا فعلنا ذلك ؟؟ الاجابه غالبا لأننا نحبه؟؟ فهنا حتى وان اخطأ فانه من السهل جدا مسامحته لنفس السبب !!

والعكس صحيح ..


يجب ان نُسبق كل تصرفاتنا الشخصية اسباب وتعليلات واضحه نفسرها لأنفسنا قبل كل شي ...


كثيره هي المواقف التي نسأل انفسنا بعدها ـــ


انا مدري ليه سويت كذا ؟؟


انا مو عارفه ليش سمعت كلام فلان وعلان ؟؟


حينما نتخلص من حيرتنا الذاتيه عندها سيسهل علينا تفسير أو حتى فهم المواقف الخارجه للناس والمستقبله منهم ...



اعتذر على الاطاله لكن دائما تستهويني متصفحاتكِ يا غالية ....

 

[نهى الأحمد]

هذى الدنيا وهذى الحياة ؟؟؟؟؟؟؟؟

االبشر يختلفون بالأخلاق وبالطبايع ,,والتربية ,, والمبادئ ,,, والشخصيات,,والسلوك

ومع هذة الأختلافات تتبلور شخصياتهم وتتكون أخلاقهم وترتسم من خلالها سماتهم الشخصية

ولذلك سنجد العديد من السلوكيات التى قد نختلف معها ,, ومع ماتؤمن بة من قيم !!!!!!!

وقد ننظر لأمر ما من زاوية وينظرون لها هم من زاوية أخرى ,,,,,,,

نرى شى ويرونه شى آخر .......

نحب ونؤمن بأمر قد لايضعون له إعتبار ......

وبالتالى على هذة الأسس يتعاملون معنا ..........

فلا تصدمى مما قد يمر عليك فى هذة الدنيا من تلك النوعيات البشرية

فكل يتعامل معك كما يقال على معدنة ,,,,,,

فهذا هو ديدنة وهذا نوعة وجنسة ,,,,,,

إن عاملك بطيب وأثمر معة ماقدمت لة فلأنة طيب وهذا مسلكة فى الحياة

وإن لم يثمر فية يحفظ لكى معروفك وجميلك ويعاملك كما عاملتة .......

فلأن هذة طينتة ومبدأة بالحياة ولن يغيرة مايراة من حولة من طيبة أو صفاء أو نقاء

وحكاية سوى خير وقطية البحر حكاية قديمة عفى عليها الزمن

أصبحت هذة النقطة ينظر لها كضعف شخصية أو غباء

لذلك عندما تريد عمل الخير لا تنتظر مقابل من أحد بل إجعلها لوجة اللة ,,,,,,,

عند ذلك سوف تجد الجزاء الذى تبحث عنة ....,,,...,,,.....

إن عاملك بطيب وأثمر معة ماقدمت لة فلأنة طيب وهذا مسلكة فى الحياة

وإن لم يثمر فية يحفظ لكى معروفك وجميلك ويعاملك كما عاملتة .......

هذا الكلام الصحيح يا الغاليه


أبدعتي بالرد فأصبتي


مشكووره :eh_s(22):

 

[محلله ماليــه]

رد : ما عدنا نفهم البشـــر..ولاّ البشــر ماعادوا يفهمونــا؟؟!!

لأ مو "سوي خير وقطيه بحر"
ولا "عطيهم طاف"
ولا أي شي من هالنوع!!
بالعكس! انا اقولج سوي كل شي عشان نفسج بالأول وبعدين عشان الناس!! يعني لي سويتي خير، ليش تنطرين شي من الناس؟ سويه حق نفسج! انه انتي اب تستانسين لأنج سويتي شي حق أحد تحبينه أو حق أحد تهتمين لأمره.. ولاتنطرين رد فعل سواء زين أو شين من الناس!
هذا رايي !!

انا مع الاخت p1nkish بكلامها

"إنما الاعمال بالنيات"

اذا بنسوي خير للناس فهالشي هم لصالحنا ولصالحهم..

(( إعمل لدنياك كأنك تعيش أبداً و إعمل لأخرتك كأنك تموت غداً ))

بس في ناس الصراحه ماينفع إنا نعطيهم ويه ونساعدهم لأنه من الاساس طريقه اسلوبهم وكلامهم مو شي .. إلاحترام قبل اي شي حتى لو اهي يايتني على مصلحه حياها بس بالاحترام.. نيتي اني اساعدها (بكسب اجر) , اما نيتها انها تتمصلح ^_^ بس المصلحه الزايده ماتنفع معاي كلشي له حدود

 

[RoWaIsHeDyA]

الغريب انه هالشريحه صارت على مختلف الاعمار والاشكال والاجناس
يعني اكبر مثال الحين بالجامعه معاج بمحاظره تتلزق وماادري شنو والكورس الي وراه ماتعرفج
هذولا الناس لازم تعاملينهم بالمثل يعني تاخذين منهم مثل ماياخذون وتحسسينهم بقيمه تصرفهم على طول يروحون لغيرج

 

[aṕriliå]

رد : ما عدنا نفهم البشـــر..ولاّ البشــر ماعادوا يفهمونــا؟؟!!

جد فئة بغيضة

عندي شخص مايعرفني ويجي يطلب مني مساعدة

او شغلة


اهووون من شخص مصااحبني جم سنة بس عشان المصالح



قد مايعطيني اعطيه

والمعاملة بخليها بالمثل


لان هالاشكال صراحة قامت تستغفلنا


مشكوووورة نهووووووووووي

 

[نهى الأحمد]

رد: رد : ما عدنا نفهم البشـــر..ولاّ البشــر ماعادوا يفهمونــا؟؟!!

لأ مو "سوي خير وقطيه بحر"
ولا "عطيهم طاف"
ولا أي شي من هالنوع!!
بالعكس! انا اقولج سوي كل شي عشان نفسج بالأول وبعدين عشان الناس!! يعني لي سويتي خير، ليش تنطرين شي من الناس؟ سويه حق نفسج! انه انتي اب تستانسين لأنج سويتي شي حق أحد تحبينه أو حق أحد تهتمين لأمره.. ولاتنطرين رد فعل سواء زين أو شين من الناس!
هذا رايي !!

هلا ياقلبي

اكيد انا رح اسوي كل شي علشاني انا بالأول

وانا عمري في حياتي نطرت شي من الناس للي عملت الواجب وياهم

وفي النهاية

الناس اجناس

تسلمين حبيبتي على المشاركه

 

[Um Turki]

:nbvppw:​

اصبح البشر في الوقت الحاضر التعامل على حسب المصلحه اذا هناك مصلحه لي مع هذا الشخص تكون المعامله
معامله اصدقاء اوفياء واذا خلصت المصلحه باي وحيا الله من زار وخفف واقع موجود ومن القريب قبل الغريب
الي درجه اصبحت بدون اصدقاء وفي عزله ومكتفيه بالمنتدى اطرح مايجول في خاطري من افكار ولا اريد مصلحه
فقط لتشاور والاستفادة من الأراء والتجارب وكل شخص على الي ربى عليه والمبادى الي غرست فيه