ما عليه إستحملوني .. أبي أشتري بلاك بيري ... خبيرات البلاك بيري

[رويال ديزاين]

قوه بنات ...


شلونكم عساكم بخير ...


بنات ...

آنا بشتري بلاك بيري ...

بس مو عارفه فيه ولا شي ....

و من كثر أنواعه مو عارفه الفرق بينهم ...

شنو الاحسن .. بالإستخدام و بالمميزات ...


الحين يقولون ان اللي عنده بلاك بيري .. تقدرين تتواصلين معاه بكذا طريقه يعني انا زوجي وايد يسافر ...
و قاعده أحاول أقنعه ناخذ إثنينا بلاك بيري ...

صج يوفر علينا المكالمات الدوليه ...
وصج نقدر نشبك بالمسن و نسولف لايف يعني اشوفه و يشوفني ... ( خياليه حيل يقولولي مثل الاب توب )

عاد إنتو فهموني .. ماشالله عليكم تبارك الرحمن على صغر سن بعضكم بس ماشالله فنانات بالتكنلوجياو آنا حدي عليميه ...

 

[++MesK++]

؛

؛


هلا حياتي اهو فعلا" جنّه لاب توب صغير

و ينفعكم دام زوجج يسافر وايد

تقدرين تشبكين فيه و تدخلين مواقع و منتديات و يوتيوب

و تقدرين تسولفين بالهوتميل و الياهو و اي سي كيو و بلاك بيري مسنجر

بس طبعا لازم تكون عندج الخدمه

لان بدون الخدمه يصير جهاز عادي جدا حاله حال غيره

انواعه

عندج الكيرف و البولد

الكيرف حلو و ناعم و الكيبورد صغيرون وناعم حق بنوته

البولد كبير و عريض و الكيبورد ماله اكبر من الكيرف

؛
؛

 

[رويال ديزاين]

حبيبتي مسك ما قصرتي ...

شدعوه بنات 27 مشاهده ولا وحده ردت و لا وحده على الاقل رفعت الموضوع؟

بنات الخدمه هاذي كم بالشهر أدفع عليها ؟

و اذا شبكت بالنت مع زوجي شكثر ياخذون علي ...

و زوجي غذا كان مسافر و عنده بلاك بيري ... لازم يشترك بخمه بعد .. و هالخدمه بره ياخذون منه فلوس ؟

و غذا في واير لس .. اقدر اشبك فيه بدون خدمه ؟

يعني ... ( ادري دوختكم بس إستحملوني ) :
زوجي عنده بلاك بيري .. و بيحط خط فرنسا... بس ما يبي يشترك ب خدمتهم إهناك .. يصير يشبك بالوايرلس اللي يكون متوفر بالمجمعات و بالكافيهات ؟
و الصيني .... شلونه .. زوجي يبي صيني لسببين الاول إن يتركب فيه خطين ..
الثاني انه ارخص...
و قالولي بلاك بيري 9800 إهو احسن شي...

ترا المعلومه من زوجي .. اللي إهو أغشم مني بهالسوالف...

تحيااتي

 

[نـس ـونئ غ ـلآهـم]

لووووول

انا مثلج رويال

ابى بلاك بيري بس غشيمه بهالسوالف

انشالله يفيدونا البنات

 

[ام فوااز]

البولد والكيرف أحسن شيء أنا عندي البولد بصراحه عجيب
وأهو مثل لابتوب صغير بس لازم تشغلين الخدمة واذا ماشعلتيها بصير تليفووون عادي مو حلو
والخدمة ?? دينار

 

[spanish-girl]

ما قصرو البنات اهو فعلا لاب توب صغير وتقدرين تتواصلين معاه ويوفر لج وايد نصيحة تخذيه لانه استعماله حلو وايد

 

[cat .]

اذا تبين تشوفين ريلج يعني مكاملة فيديو اخذي بولد واشتركي مع زين لان الخدمه تشتغل بره وبنفس السعر

 

[..كوكو شانيل..]

لازم تشتركون بالخدمه بس مادري كم عندكم بالكويت .. احنا في البحرين 11 دينار شهرياً

واذا هو يبي يستفيد من الخدمه برى بدون ما يركب شريحة البلد اللى رايح لها

خليه يستخدم البلاك بيري كموبايل ثاني على شريحة الكويت اللى حاط عليها الخدمه

ويقدر يسولف بالبلاك بيري مسنجر عادي بدون ما يحسب عليه اي فواتير ثانيه لانها خدمه شهريه ثابته

والموبايل الثاني يحط فيه شريحة فرنسا مثلا ويتصل ويستقبل عادي .. والبلاك بيري يخليه لج 24 ساعه ههههههه

\\

والحين موبايلات نوكيا الجديده فيها خدمة ovi ومجانيه وهي مشابهه للبلاك بيري مسنجر

كل اللى عليكم تسجلون (تسوون لكم ايميل بطريقه عاديه) وتضيفينه وتسولفين معاه بدون أي اشتراك ويشتغل في كل بلد

بس لازم اثنينكم موبايلاتكم فيها ovi وهالخدمه موجوده في الموبايلات الجديده ..

وعندج E72 حلوو وفيه كيبورد يشبه البلاك بيري .. توه نازل وسعره عندكم يقولون حدود 130 دينار

 

[سمراء حضرموت]

والله اختي جنج انا ابي اشتري ومو عارفة له كلش
بنات بسألكم بالنسبة e72 من ورا ما تحسونه حار لما تتكلمون بالتليفون انا عندي e66 يصلخ نار لما اتكلم جم دقيقة لأنه استيل ياريت تفيدونا بعد اذن صاحبة الموضوع

 

[jod.q8]

انا اقول لج اخذي بلاك بيري بولد + خدمة بلاك بيري كل شهر 14 دينار ثابت بدون اي اضافه على هالمبلغ ..

بس هالـ 14 مو للمكالمات + .. ,

اذا بتشترينه بدون خدمه اقول لج اشتري نوكيا احسن !!

تقدرين تدخلين مواقع + منتديات + يوتيوب + مسن + مسن بلاك بيري ....

تقدرين تتواصلين مع اي شخص بـ ايميلج ( ويندوز لابف ) او مسن بلاك بيري ,

 

[رويال ديزاين]

ماشالله عليكم عيني عليكم بارده لاإله غلا الله ما قصرتو و الله يابنات صج صج نفعتوني ....

بالنسبه للنوكيا آنا عندي اللمس ... 8000 وشي نسيت والله ...

بس ما ادري إشفيه ما يرسل مسجات ؟!؟!

رديت للنظام القديم ...

عاد آنا ودي بالبلاك بيري...

و على قولتكم الخدمه تكون ثابته لو خذاه زوجي لفرنسا و شغل خطه الكويتي ما ياخذون عليه زياده فلوس صح ؟