ما في جامعة برة بلندن ولا امريكا ولا كندا ما تتطلب حضور دائم ويكون معترف فيها بالكويت

[كعيب الضبي]

الله يوفقج
طيب فيه طلبه فائقين وايد ودهم يكملون لكن برامج الدكتوراه بالكويت قليله
ليه مايفتحون برامج اكثر تشرف عليها الجامعه احسن من الطلبه الي يتغربون وتصرف عليهم الجامعه شي وشويات واحسن من الي يدرسون على حسابهم ويتخسورون ومايندرى عن مستوى الجامعه
الله يوفقج اختي بس برد على الشقين بسؤالج اكو جامعات ببريطانيا تتبع نظام البحث سواء بالماستر او الدكتوراه عندهم نظام اسمه overseas research only
اوكي وممكن تختارين بارت تايم لكن السنوات اطول وممكن فل تايم بسنوات اقل بس لازم تتفقين مع الدكتور نفسه او المشرف نفسه وتنسقين وياه وتصير تواصل بينكم
ولكن نصيحتي اذاا تقدرين تاخذين بعثه راح يبعثون زوجج معاج وتضمنين مكانج بالجامعه او التطبيقي كدكتوره ان ان رحتي على حسابج اتوقع مايعينونج لانهم بس يعينون الطلبه الي مرسلينهم اتوقع جذي
الفرق بين الايلتز والتوفل فيه نوعين توفل القديم والا اي بي تي الي على كمبيوتر
الايلتز فيه استماع وقراءه وكتابه ومحادثه تقعدين مع واحد ويسالج اسئله وتجاوبين
احسن مكان لليلتز البريتش كانسل السفاره البريطانيه بالكويت يعطونج كتيب جدا ممتاز وسي دي وتحجزين عندهم والله يوفقج يااختي ويوفق كل طالب علم ويفتح لج درب للعلم يارب

 

[Wa7shni ShoF eLq8]

والله لو في من هالجامعات اللي تسإلين عنها وما تبي حضور جان ما تغربنا


الله يوفقج