ما هقيتكم كذا يا أهل الكويت ..!!!

[عروقي شماليه]

السلام عليكم ورحمة الله وبركاته ..

>>ترى العنوان ماله دخل .. بس بشدّكم .. وإلا إنتم نآس طيبين .. وديرتكم غآليه علي .. :eh_s(15)::eh_s(21):

بسألكم يا صبايا ويا ستات .. :eh_s(1):

إن شاء الله أنا والأهل رآح نقضّي إجازة عيد الأضحى عندكم ..

طآلبتكم تسآعدوني .. وأكيد ما تقصرون .. :eh_s(21):

أبغى إسم وموقع ( وإذا ممكن رقم ) لشقق بالكويت ..

وياليت ما تكون من الغآليات .. لأن حآلتنا الماديه متوسطه ..

وأكيد عآرفين إن الدينار الكويتي غآلي .. و12 ريال تعادل دينار كويتي .. :eh_s(12):

عشآن كذا أتمنى اللي يعرف ما يبخل علينا ..

:::::

وطلب ثآني ..

ياليت تدلوني على مشغل .. قص الشعر عندهم يكون حلو .. ومو غالي ..

وأكيد الموقع والرقم ..


ولكم ألف ألف شكر .. :33_1185028183:

 

[عرش الأنوثه]

ان شالله البنات يفيدووووونج

 

[عروقي شماليه]

بلييييز .. وينكم ؟؟

معقوله ما أحد يعرف ..

 

[tolay]

اول شي حياج بديرتج الكويت

وثاني شي عملتنا قويه بس ماتفرق يعني الدينار يعادل 12 دينار بس لما تشترين شي يطلع نفس الشي

مثلا تشترين فستان عرس ب 70 دينار كويتي يطلع بالسعودي 750 ريال مثلا

واذا عن شقق المفروشات ماعندي خبره بس شوفي المواقع المثبته بقسم السياحية في الكويت هنيه تحصلين اغلب الامور اللي تخص الكويت او جربي قوقل

واذا عن مشغل قص شعر اللي اهوه نسميه الصالون بالكويتي

عندج صالون جاك بمنطقة السالمية قصه حلو بس السعر مورخيص لانه اللي يقص قصات حلوه لازم غالي شوي

عندج صالون الشرقية بخيطان قصه حلو وسعره معقول شوي رخيص

واذا محتاجه اي خدمه او تبي تعرفين الاماكن السياحة والمطاعم اللي عندنا انا حاضره

 

[عروقي شماليه]

tolay

ألف شكر على تعاونك ..

بس بسألك .. بكم يعني يقصون الشعر بالعاده .. ؟؟ >> أخاف يضحكون علي بالسعر =)

 

[زيــنه]

حياج الله حبيبتي بديرتج الثانيه

انا عن نفسي احب صالون هناء موري بمنطقة الشعب ..هناء واختها قصهم حلو
وبالنسبه للاسعار 6دنانير

وعطله سعيده

 

[alb7ranya17]

قص الشعر روحي مكان معروف لا تروحين اي مكان يعني فنادق رشا شيك وهالسوالف واما بالنسبه للشقق ماعرف بس اعرف ببنيد القار وايد شقق مفروشه لم اروح مراجعه المستشفى اشوفهم يا كثرهم وحياج الله بينه

 

[أم مشموش]

حياج الله بديرتج الثانيه الكويت وان شاءالله تقضون فيها اجازه سعيده انا ما عندي خبره عن الشقق الفندقيه بالكويت بس بالكويت ما انصحج بالشقق الفندقيه في فنادق حلوه ورخيصه ياريت اذا اكون فدنج اول شي بقولج عن فندق آي بيز بالسالميه والشارع لي في الفندق وايد حلو وبالذات هالايام لأنه الجو اينن فماراح تحتاجين سياره يعني راح يكون يمك سوبر ماركت كبيره ينقالها عندنه مركز سلطان لي مو موجود بالجمعيات عندنا احنا انلاقس بمركز سلطان وعندج بنقس الشارع مجمع الفنار ولاند مارك والبستان وليلى جاليري وعندكم بالسالميه سوق المعلم الكبير اينن واسعاره ممتازهوفي العاب اذا معاكم اطفال وبنفس هالشارع لي في الفندق مطاعم اتينن غاليه ورخيصه وسينمات بالفناروبليلى جاليري وسعر الفندق رخيص مو غالي اليله تقريبا ب22او 24دينار يعني سعره حلو والتكاسي الجواله الله ماكثرها بالكويت الحين الصالونات عندج صالون اسمه لابلوبيل روحي عند وحده اسمها صفاء قص واستشوار تقريبا ب12دينار بس ماشاءالله قصها اينن اينن اينن وان شاءالله اكون فدتج وتيين وتستمتعين برحلتج بديرتج الثانيه واي استفسار حياج الله احنا بالخدمه على فكره صالون لابلوبيل يكون بمنطقة السالميه مقابل حديقة الشعب

 

[" أضـــــوى "]

حياج الله ياقلبي وتنووور الكويت فييييييييييييييييييكم واهم شي روحو الافنيوووز << :eh_s(6):

عندج صالون لابلوبيل عند صفاء قصها موطبيببببببببببببببببببببببببببعي فنااااااااااااااااااااااااااااااااااااااااااااااااااااااااااااااااااانه فنااااااااااااااااااانه

 

[bano0ta]

لابلوبيل عند صفاء =)

حياج الله .. حبيبتي

 

[برميت]

انا بعد اقولج حياج الله
و لا تروحين غير لابلوبيل و عند صفاء بس لازم حجز 25635572
يعني اول ما توصلين الكويت بالسلامه دقي عليهم و اخذي حجز عند صفاء