ما هي للبيع الكويت

[كويتية بروما]

بنات اصواتكم امانه
الاختيار يكون ع اساس اختيار الاصلح والاكفئ ابتعدو عن القبليه الطائفيه والمحسوبيه والتعصب بس حرام والله الكويت ماتستاهل

النشيده اهداء لكم

http://www.youtube.com/watch?feature=player_detailpage&v=wqF_VEf1S4M

 

[دارسين]

فعلا التصويت للأكفأ
الله يجيب اللي فيه الخييير

 

[cuteya_85]

فعلاً

صــــوتـــج أمـــانــه

وخلي الله سبحانه بين عيونج وانتي تصوتين لانج بتتحاسبين يوم القيامه
اذا ظلم انتي محاسبه واذا ارتشى انتي محاسبه واذا باق هم انتي محاسبه
لانج اللي خليتيه يوصل ويسوي كل هذا وياكل حقوق الناس .

واذا كان شخص كفؤ واشتغل وخدم البلد والناس وساهم في تعمير هالأرض
الطيبه وتحسين معيشة الناس ورفع الظلم عن المظلوم لج الأجر لانج كنتي
سبب بكل هذا .

 

[مثايل الدوسري]

كل انتخابات نسمع الكوويت موو للبيع!!!!! صوووتك امااانه لكن .......

 

[BaRoOoRii]

تسلمين اختي عالموضوع و يعطيج العافيه والله صح كلامج نبي ناس تشرف *

 

[الجوريه الجوريه]

الكويت أولا الكويت أولا
تكفون ياأهل الكويت أحسنو الإختيار خلونا نرتاح إحنا ديرة عز والله يحفظلنا شيوخنا
الحين الدور علينا أحسنو الإختيار كلنا بدو وحضر شيعة وسنه كلنا كويتين ايد وحده عشان الكويت

 

[مناي@]

اي والله صاجه لا للقبليه اهم شي الاختيار الصح والموفق لان احنا محاسبين امام الله على هالصوت والاختيار وبنوقف بين ايدينه سبحانه يوم القيامه وقتها دوري المرشح يشفعلج فارجو التصويت لمن يستحق واذا انتي شايفه ما فيه احد يستحق احتفظي بصوتج ابركلج

 

[سمو]

الكويت أولا الكويت أولا
تكفون ياأهل الكويت أحسنو الإختيار خلونا نرتاح إحنا ديرة عز والله يحفظلنا شيوخنا
الحين الدور علينا أحسنو الإختيار كلنا بدو وحضر شيعة وسنه كلنا كويتين ايد وحده عشان الكويت

:icon30: