مبارك عليكم الشهر ... اقدر ادعي باللي اتمناه برمضان

[الجوهره الثمينه]

هلا خواتي شخباركم



الله يبلغنا العشر الاواخر وليلة القدر يارب:yaaaaaarb:


انا الحمد لله تبت لله من فتره وقلعت عن ذنوبي اللي كنت اسويها الحمد لله


وفي خاطري انسان اتمناه زوج لي بالحلال والله وما اريد غير الحلال :eh_s(22): مابيني وبينه اي شي


لا مكالمات ولا مسجات ولا غيره اللهم بس اخته تعرف وهو بعد يباني:eh_s(22):


بس المشكله ان هو من دوله ثانيه بس عايش ومتربي بالبلاد وماعليه قصور



اقدر ادعي فيه برمضان ان الله يجمعني به :bbbiu:


والله بنات ماعندي خبره اتمنى تساعدوني وتخبروني تجاربكم


وماراح انساكم من دعايه باذن الله:eh_s(7):

 

[الجوهره الثمينه]

لا اله الا الله

 

[هيبة فتاه]

يعني امانه تكفين هذا سؤال ؟!
احنا نعلم الغيب مثلا
توجهي لربج بنية صادقة وشوفي شنو يصير

 

[الجوهره الثمينه]

اختي لو ماعندج جواب لا تجاوبين بس مافي داعي لهالاسلوب

يعني انا اقولج

توني تايبه من فتره قريبه يعني ما اعرف عادي ادعي بشخص محدد ولالا

حبيتكم تنصحوني واستفيد منكم

اعتقد ما ارتكبت جريمه

 

[ĆŭŧΣ Ḟầсe ㋡]

حبوووبه اي ادعي والحي بالدعاء ورمضااان فيه مواطن كثيره لاستجابه الدعووه​

منهااا طول فترة الصوم دعوة الصايم مستجابه ودعاء الصايم عند الفطر وانتي تاكلين تمرتج​

ادعي وبين الاذان والاقامه لكل صلاه ( الدعاء بين الاذان والاقامه لا يرد )​

ووانتي بالسجووود اطيلي السجود وادعي والحي بالدعاء لان​

السجود حلقة وصل بين العبد وربه وكذلك الدعاء بالسحر وهو قبل اذان الفجر بنص ساعه​

مستجاب استغليه وبعد صلاة الفجر ايضا وفي احاديث تدل ع ذلك ولكن ما تحضرني ​

وبعد صلاة التراويح سمعت خالد جبير يقول الملائكة تستاذن الله بالنزول لرويه صلاة التراويح​

والمكان اللي فيه ملائكة يستجاب فيه الدعاء . ​

وبعد صلاة القيام بالعشر الاواخر وليلة القدر اللي فيها​

الدعاء لا يرد ووبعد ختمتج للقران اقري دعاء الختمة والدعاء وراها مستجاب ​

وبعد عليج بالاستغفار واقري اثارهااا استغفري باليووم 500 مررره ...​

واكثري قول ربي اني لما انزلت من خير فقير 100 مرة وفووق ​

رحمة الله واسعه اجمعيها كلها ودعاءج بيستجاب باذن واحد احد ​

والله يووفقج ويجعل العيد عندج عيدين ملكتج وعيد المسلمين ي رب​

ويتمم توبتج :eh_s(7):​

.​

 

[الجوهره الثمينه]

مشكوووووووووووووووووووووووووووووره اختي

والله كلامج فرحني

فهمتيني اشيا ماكنت فاهمتنها وغافله عنها الصراحه

ماكنت اعرف هذي الاوقات اللي يستجاب فيها الدعاء

والله ماتقصرين سجلت كلامج عندي عشان دوم اذكره

ماتعرفين اشقد فرحتيني وحمستيني الله يفرح قلبج يارب