مبارك عليكم الشهر ..شنو تقترحون اخذ صواني لحمولتي وشنو بتاخذوون؟!

[Miss ksh5h]

السلام عليكم

اقبل شهر الخير ربي يجعلنا مة صوامه وقوامه

ويبلغنا فيه لافاقدين ولا مفقووووودين ااامين يااارب

يالغاليات اغلبنا اول فطور بالذات لازم فبيت الحموووله

وانا محتاره شنو اخذ معاي كل شغلي صار مكرر مافي يديد

شنو عندكم اكلات يديده نكشخ فيها قدام الحموووله

وانتوو و. شنو بتاخذووووون. سواااء صواني او حلووويات

 

[جيكره(و)تتغلى25]

وانا بعد نفسج


بسوي التوست والحشوه بينهم تجنن طبقته على اهلي وعجينه سمبوسه تحشينها وتحتها بطاط وفلفل بارد طريقة شمحوووطه


واكثر شي بسوي الحلو لان افنتك فيه

 

[مشغوله و محتاسه]

زين شنو المكرر اللي تسوينه ؟ عشان ما نكرره لج

و عشان تعطينا افكار بعد



انا اول يوم بسوي كبة باللبن و سمبوسه و سلطة باذنجان و بربير و اعتقد اني ماراح اكتفي .. اكيد بسوي شي بعد


الله لا يغير علينا و يديم يمعة رمضان

 

[فلافل الكويت]

اب
اب
اب

 

[جارة القمر]

مبارك عليكم الشهر


هالموضوع متنوع



http://www.q8yat.com/t365877.html


http://www.q8yat.com/t824791.html

أنا بسوي شوربة وسلطة وورق عنب وبقلي سمبوسة متنوعه سويت من المنتدى والحلو جيلي وكريم كرميل وطلبت حلو قهوة


أنا ساكنة مع حموله

 

[خوااااطر]

هلا حبيباتي كل عام وانتم بخير

انا بسوي بيبي برجر اخذت طريقته من النت

ورق عنب

وساندوتشات بخبز التورتلاء

وحلاء كاسات

وكلها طرقها من النت

الله يسهل اول يوم يارب وباقي الايام ماحب اتفشل بااي طبخه تصير موظابطه معي

 

[Tom ♥ Jerry]

,


انا ميمعه آكثر من موضوع و كلآ صواني .،
لآني مآ آحب اسوي حلوو وآيد آحب اسوي هالصواني الدياي بالتوست و اللزآنيا التوست مع البيديان (=
انا قاعده مع حمولتي و طول السنه مآ آطبخ الا برمضان .،
نتشآرك .، لانه عندنآ طباخه و اهيه الي تطبخ .، بس برمضان آحب اسوي .، : )

 

[dnyay_mll]

انا بتفطر مع عيالي اول يوم ماني رايحه مكان
بسوي قبوط ولقيمات وتشريبه وجلي وبقلي سمبوسه وكبه

هذا احلى طبق اسويه والعايله كلها تطلبه مني لسان العصفور بالسبانخ :
سلقي كيس معكرونة لسان العصفور وشخليها

حمسي بصله مقطعه صغار بشوية زيت ولما تذبل ضيفي شوية ثوم مهروس ولما يطبخ الثوم
ضيفي صدرين دجاج يكونون مقطعين صغار وشوية بهارات دجاج وكمون وفلفل اسود ومكعب ماجي
ونص كوب ماي وحركي لما ينضج الدجاج تقريبا 10 دقايق
بعدها ضيفي كيس سبانخ المثلجه طبعا تكون ذايبه
وحركي السبانخ بس عشر دقايق
وحطي عليها علبة كريمه مخفوقه كي دي دي والمعكرونه دقيقتين وسكري النار
وحطي الخلطه ببايركس مدهون
حضري البشاميل :
4 اكواب حليب سائل
6 ملاعق طحين ابيض
4 ملاعق جبن كرافت
بيضه ونص مكعب ماجي
نص صبع زبده و3 قفاش زيت

حطي الزيت والزبده والطحين عالنار دقيقه بس وضيفي الحليب وحركي شوي
ومن تحسينه ثقل شوي ضيفي باجي المقادير
وخليه لما يثقل عدل
طبعا لازم تحركينه على طول عشان مايحترق القاع

حطي البشاميل فوق المعكرونه ورشي عالوجه جبن موزاريلا مبشور
ودخليها فرن حرارته 140 درجه من تحت وفوق اقل درجة حراره
وخليه على مايتحمر الوجه
وبالعافيه

 

[استاهل الصيت]

up
up
up

 

[Zen&7ala]

كنت بنزل الموضوع انا ساكنه مع حموله


باجر بسوي ورق عنب و حلو

 

[nazek_q8]

اي والله يا ريت تحطون اطباق سهله وخفيفه ناخذها معانا لبيت الحموله


انا افضل صواني بالفرن لاني مو مع الحلو وايد ولا اعرف اتفنن فيه

 

[ليان]

هريس حق العجوز والعود ​