السلام عليكم ورحمة الله وبركاته
شلونكم حبيبات قلبي شخباركم؟
في البداية حبيت أكلمكم بشغلة
حبيبتي ريريز كلمتني وقالتلي انكم زعلانين مني عشان ما نزلت اللي صار حق ناصر زوج نقاء
حبايبي أول شي ما كانت عندي كل التفاصيل عشان أنزلها بالكامل
لأن نقاء صارتلها ظروف .. دخلت المستشفى وسوت عملية
وطلعة ناصر والتهت مع بيتها وزوجها وعيالها
ثاني شي انا بعد لي بيتي وزوجي وبنتي
والمنتدى بعد ماقصر..مطلع روحي
صحيح تلقوني أرد على القصة اللي أقراها بس بعد ما تطلع روووووحي من المنتدى
وهذا عتب صغيروووون مني لكم
والحين تفضلو اللي صار
بعد ما كان المفروض ان ناصر يطلع في شهر فبراير
صارت شوي شغلات أخرت طلعته
ونقاء وكلت محامي كبييير عشان تطلع ناصر
وخلال اسبوعين ناصر مادق عليها ولا قدرت تشوفه
وبيوم كانت نايمة وحاطه تليفونها سايلنت
قعدت من النوم لقت 14 مس كوول من رقم غريب
قلبها نغزها وحست ان ناصر طلع من السجن
ردت تدق على الرقم ومحد يشيله
من التدوده ما درت شيتسوي! دشت الحمام تكرمون خذت شاور
بعد ما خلصت لبست وكشخت وطلعت من البيت ما تدري وين تروح!
قامت تفتر بالشارع وتدق على الرقم وقلبها تزيد دقاته بس هم مافي رد
وتذكرت عيالها اللي في البيت.. رجعت بدلتهم وخذتهم معاها
وكانت مستمرة تدق على الرقم.. لييين شاله واحد
---: ألو التنفيذ معاكم تفضل!!
نقاء: ألو .. لو سمحت عطني ناصر
---: نعم؟
نقاء: سفة.. انتو داقين علي 14 مرة.. واعتقد ريلي اللي داق علي
---: ريلج ناصر؟
نقاء: اي
---: لحظة شوي.. وخر السماعة عنه وقام ينادي بصوت عالي : ناصر نااااصر
نقاء قلبها قام يطق حيييييييل
ناصر: ألووو
نقاء: واااااااااااااااااااااااي آنا يايتلك بالطريييييج
ناصر: انتي وينج؟ والله حسيت انج ما تبين تردين علي
نقاء: لا والله كنت نايمة وحاطته سايلنت.. المهم بيطلعونك؟
ناصر: اي الحين.. آنا ناطرج
نقاء: كاني قريبة منك حيييييل
لما وصلت نقاء.. شافت زوله من بعيد.. وجم شرطي واقفين يمه.. وجم واحد بعد يايهم افراج
نزلت من السيارة ما تدري تركضله.. والا تمسك عيالها
بالأخير شالت بنتها ومسكت ولدها بايدها ووقفت تطالعه
وطبعا ناصر مو قادر يمشي مو قادر يتحرك.. عينه بس على بنته...أول مرة يشوفها
وشوي شوي كانو يمشون صوب بعض
لين وصلو حق بعض.. على طول شال فهد وباسه.. ولم نقاء وهي بيدها سدن
نقاء لمته حييييييييييييييييييل
وسدن قطت راسها على أبوها.. تهبل اسم الله عليها
ناصر (لامهم.. ويحاجي بنته): بابا
سدن (أمها معلمتها لما تشوف صورة ناصر تقول بابا): با با با با
ناصر (قام يضحك): هههههههههههههه اي اي حبيبة بابا انتي
وقفو ربع ساعة .. وناصر بين يبوس سدن ويلعب مع فهيدان
شكله صج كان يعور القلب
ناصر (باس راس نقاء): من هاللحظة كل شي بيتغير
نقاء: آنا مابي شي الا انك تبعد عن المشاكل
وركبو السيارة.. نقاء: أكيد يوعان
ناصر: ميت من اليوووع صارلي يومين مو ماكل من التفكير
نقاء: وااي فديتك.. الحين تاكل احلى أكله
ووقفت بالخط السريع.. نزلت من الدبة جنطة ملابس كانت شاريتله
وبدل تي شيرته بالسيارة
وراحو الأفنيوز.. تعشو وتمشو
يومها نقاء حست انهم توهم مالجين.. حتى أكل كانت تستحي تاكل جدامه
ودقت على اهلها بشرتهم ان ناصر طلع
نقاء: ناصر دق على أمك.. قولها انك طلعت
ناصر: مو الحين خل أشبع منج
نقاء: لا حبيبي ما يصير حرام
ناصر: ان شاء الله بس مو الحين خليها بعد شوي
والوضع للحين كل شي اوكي والحمدلله وقريب ناصر بيشتغل
وناصر يحن على نقاء انها تحمل.. بس اهي تبي تتأكد ان الوضع بيتم زيييييين وان ناصر ما يرد حق المخدرات
وهاذي كل قصة نقاء.. ادعولها يا بنات ان الله يحميها ويحفظها مع عيالها وريلها
وسامحوني اذا تأخرت عليكم
أحبكم لاتنسوني .. وانتظروني بقصتي اليديييييييدة
