متحسفه مو مرضعه عيالي طبيعي

[عـــــروس]

السلام عليكم








بنات أنا دايما أحس بالندم اني ما رضعت عيالي طبيعي عدل
واحد 3 شهور وواحد 4 شهور وكان معاهم صناعي
وللي يزيد علي وحده ولدها كبر ولدي واهي للحين ترضعه عمره 10
شهور وتقعد تعطي نصائح وتسوي روحها ما في منها
مع انه باقي عيالها ما عطت الا 4 شهور وفي 5 شهور
أدري الندم ما منه فايده بس قلت افضفض معاكم


وأنا للحين فيني حليب وقطعت ٤ شهور مادري يصير أرجع
أرضع ولا خلاص ماكو أمل


وقريت عن حليب الماعز بديل لحليب الأم أقدر أستخدمه
ووين أحصله​

 

[أشبـاهـ المطـر]

ان شاء الله تعوضين بالجايات ماعندي خلفيه عن حليب الماعز

 

[الأميرة جوري]

أنا نفسج بس أنا لان حملي عزيز الا بعلاج يألله احمل وسنين الحمد الله اهم شي الصحة والعافيه

 

[أسرار الجمال]

حبيبتي لا تتحسفين الأمومة مؤ بس بالرضاعة عطائهم حنان وحب وكافي انا ما رضعت بنتي أبدا بس انا ما قطها على الخدم وكل النهار معاها هذي الأمومة مؤ بس بالرضاعة

 

[ريتاج_90]

ماعليه ان شاءالله تعوضينها
والله يخليهم لج

ويرزقج بالذرية الصصصالحة

 

[ملاك من الورد]

والله مادري ...والجايات اكثر الله يوفقك ...

 

[عـــــروس]

يعطيكم العافيه حبايبي ان شاءالله أعوضها
بس يغثني للي يسون روحهم مثاليات واهم ما رضعوا
الا ٤ او ٥ جاهل ويعطون مواعظ وعبر

 

[روعة خيال]

شوفي بنتي العوده ما رضعتها عدل كثر الثانيه عادي هالشعور غيرج ما يتحسف ف زين انج تحسفتي و هالشي اكيد راح يخليج ترضعين عدل المره اليايه

 

[.. Ro3a ..]

انا ما رضعت بنتي وكل ما اتذكر الموضوع يضيق صدري انا غصب عني ما عرفت وما نزل الحليب عدل تلعوزت حيل ،،
واكثر ما يكدرني اللي تجيج ان هي السنعه ورضعت وتقعد تنقد عليج وتقول ظلمتي البيبي وما عنده مناعه
عبالها بهذا الشي ينصحون ما يدرون انه يبجي والله ،، الله يعين

 

[امـ خــزامـى]

انت ليش تسمعين لهالاشكال انت ماافيك ثقه

كل وحده تربي عيالهها بالطريقه اللي تناسبها

 

[قَلبڪْ صًخرْ]

انا للحين نفاس ومارضعت
كلش
بموت قهر

مىقادره ارضع من حالتي نفسيه

 

[حبيبي مالكني]

السلام عليكم


بنات أنا دايما أحس بالندم اني ما رضعت عيالي طبيعي عدل
واحد 3 شهور وواحد 4 شهور وكان معاهم صناعي
وللي يزيد علي وحده ولدها كبر ولدي واهي للحين ترضعه عمره 10
شهور وتقعد تعطي نصائح وتسوي روحها ما في منها
مع انه باقي عيالها ما عطت الا 4 شهور وفي 5 شهور
أدري الندم ما منه فايده بس قلت افضفض معاكم


وأنا للحين فيني حليب وقطعت 4 شهور مادري يصير أرجع
أرضع ولا خلاص ماكو أمل


وقريت عن حليب الماعز بديل لحليب الأم أقدر أستخدمه
ووين أحصله​

اللحين الي صار صار
وولدج ماراح يتقبل ترضعينه طبيعي
ادري اهو شعور كريه بس ان شاء الله تعوضين هالشي بالحمال الياي

 

[خاشعة للرحمن]

حبيبتي المرة الثانية رضعي طبيعي وخلي مرة وحدة صناعي بس الاعتماد على الطبيعي انا بنتي هي الي فطمت عمرها بروحها وان شاء الله اولد ارضع الثاني طبيعي بس الله يهونها علي ويرفع مشيمتي ياارب ويهون على كل حامل ويرزق كل محرومة يارب

 

[mrs.abk]

انا ملاحظة إن ظاهرة عدم الرضاعة بدت تنتشر .. الغريب إن عايلتنا يرضعون لين سنة ونص وسنتين لو ما فيه حمل .. ولو صار حمل سنة أقل شيء ما يفطمون بسرعة ..

أشوف خواتي يرضعون طبيعي سنة ونص وفوووق .. ويدخلون الصناعي بعد 10 شهور تقريبا لأن النونو لو رضع صناعي يكبر بطريقة تخوف يتضخم أحس بس الطبيعي يخلي نموه حلو أكثر

الله يصلح الحريم يارب

 

[M!SS.LOBY]

الله يعوضج بالياي

 

[عـــــروس]

رفع








رفع

 

[همي رضى خالقي]

انا مافيني حليب و وابي ارضع بنتي شالحل ماشربت مني كلش

 

[عـــــروس]

حبيبتي رضعيها من صدرج كل اشوي عشان تتعود ويطلع الحليب
لازم ترضع عشان يطلع حليب

 

[sara 777]

رضعت من امي سنتين وشوي لا شفت الصحة ولا المناعة الا الحمدلله الامراض من كل جهة
لا تتندمين وتأكدي كل امر المؤمن له خير رضعتي طبيعي خير على خير اكيد حليب ربنا في فوايد ما رضعتي طبيعي هذا امر الله هالله هالله فيهم لما يكبرون التغذية الزينة وتركي الاشياء المضرة واكل برة الوصخ واهتمي بصحتهم بالرياضة او الحركة واللعب اقل شي وابتعدي عن المضر

 

[قلب زوجي وولدي]

حبيبتي عادي لا تتحسفين ولا شيء تعوضينها بالمرات الجايه
واذا انتي خايفه من سالفة المناعه ترى عادي وايد رضعوا من أمهاتهم من سنه لي سنتين
فيهم أمراض والمناعه عندهم ضعيفه وفي ما رضعوا طبيعي وشوفة عيني لا اله الا الله صحتهم
ومناعتهم ممتازه كل شيء بيد الله وربي له حكمه بكل شيء


​