متحوره و صايمه و حيل تعبانه !!

[:: Diva ::]

السلام عليكم
خواتي رمضان الي طاف ما صمته لان جرح معدتي و الامعاء كان للحين طري
و الطبيب منعني عن الصيام
اليوم مرت سنه على التحوير
اعاني من فقر دم حاااااااااااااااااااااااااد
و كريات الدم صايره صغيره و البيضا اكثر من الحمرا و محتاجه كيس دم
لاني اهملت الفيتامينات و اكلي سيء وااااااااااايد

صمت اليوم
و على الفطور شربت 4 قفاش شوربه + 3 قفاش سلطه + 1 سبرنغ رول
و رحت التراويح نص الصلاة حسيت ضغطي نزل و قعدت على الكرسي تالي
ما قدرت امشي و لا ارد البيت ريولي ترجف و غصب شايلتني
مادري شلون وصلت روحي للبيت
و غبقت بس حلو ( نص قطايف + 1 زنود الست + رطب و قهوه ) لاني حاسه ان ما فيني طاقه
و اصلا اكلي خلال السنه الي طافت كانت بس سكريات و حلويات!!

المهم الحين مو قااااادر اتحرك
و معصبه لاني مرهقه و تعبانه
لدرجه ان فيني نوم و مو قادره انام
منسدحه و ضغطي نازل



شسوي ؟
شلون تتفطرون ؟
فطوري شوي ؟
شلون آكل و انا خايفه من التعب + الدانبغ + اللوعه + العوار؟

اذا استمر اكلي على هالطريقه
اعتقد اني راح احتاج جيسين دم مو جيس
و تزيد الانيميا و يتآكل الحديد اكثر
شنو الحل بنات ؟

 

[** رش رش **]

او لا .. حمد الله على سلامتج و ما تشوفين شر ان شاء الله
ثانيا من كلامج انتي عارفه دواج .... لازم تهتمين باكلج اكثر و تحرصين على فيتاميناتج
الانيميا ترا شغله مو سهله ابدا و لازم تهتمين بنفسج اكثر ... اكلج جدا قليل وما في اي بروتينات ... اذا تبين تقدرين تواصلين صيامج اهتمي باكلج و فيتاميناتج
و لا تستهينين بسالفه نقل الدم ... انا جربتها مره بعد عمليه شفط الدهون و كنت بشوف الموت منها لان تعب فقر الدم صعب حيييل
الله ان شاء الله يتمم عليج الشفا و يبلغج الي تبينه بالصحه و العافيه

 

[@ الرسامة @]

واي الله يعينج
رفيجتي متحورة بعد اشوفها تاكل على دفعات مو مرة وحدة وبالنسبة للصلاة صلي فبيتج اريحلج وعلى كيفج وماتشوفين شر

 

[ام عفاف الكويت]

حياتي
حاولي تجزئين على دفعات
ولاتهملين الفيتامينات ديري بالللللللللللللج
عاااد انا قلت بستفسر عن كل شي قبل وبعد العمليه
لاتزعليني وتهملين

 

[مظلومه ياناس]

ديفا حبيبتي انا صارلي الحين سنتين متحوره وعارفه سالفة الهبوط وليم الحين اخاف منها ومن زمااان مو مسويه تحاليل والهبوط ذابحني مع الحمل الله يستر
زوجي اتصل على دكتوري وقال الدكتور لاتكتفي بوجبة الفطور والسحور حاولي كل ساعتين تاكلين ويكون اكل مفيد حتى لو بكميه قليله بس المهم كل ساعتين تاكلين
وديري بالج من الحلا لاتكثرين والله انا لي اكلته احس تزيد دقات قلبي واشوف الموت واتشهد بس الحمدلله تعدي على خير
ولاتهملين ولاتستهينين بالفيتامينات والادويه ترا شي مهم جدا وماتشوفين شر ان شاءالله

 

[sheraZia_Q8]

اكلج غلط بغلط
نصيحه بسيطه اذا عندج فلوس
روحي اشتركي بدايت سنتر
منها اكل صحي وكله خضار ومشاوي
ومنها تتعافين شوي

 

[مكاييل]

ماقصرت الاخت رش رش نفس اللي بقوله

 

[كشموووشه]

بعدعمري والله ياريت اقدر اساعدج بس يعلم الله من قريت موضوعج وانا ادعيلج انتي وكل وحده مريضه الله يشافيج ويعطيج الصحه والعافيه ويخليج حق عيالج يارب....
وحطي بالج على روحج

 

[راعية الطويلة]

الله يشفيج و يعافيج

دايما اسمع اللي سووا تحوير ما ياكلون حلو يوميا مو زين لهم

و التحوير يلزمج دايما بالفيتامينات طول العمر

عساه في طاعة آمين

عليج بالفاكهة و الخضار الداكنة و الماي و الكالسيوم <<مصدر طبيعي

و خلي أكلج خفيف و متوازن

ما تشوفين شر يا الغلا

 

[غاده بنت وليد]

سلامتك

شوفي والدتي الله يطول عمرهااا ويخليها لي

كان مخزون الدم ناقص بشكل فظيع

المهم استمري اللي اقول لك عليه..

الشمندر او البنجر الاحمر هو خضار شكله مثل البطاط
بس احمر

اغسليه
وحطيه في قدر
علا نار الين يطبخ وحطي شوكه وشوفي اذا سار طري مررررره
طفي النار
وحطيها بماء بارد
وقشريه
وحطيه بالخلاط
وحطي معاه عصير توت تبع المراعي او اي شركه تحبين
واخلطيهم سوا
واشربيها كاس كبير مرتين في اليوم
هذا شي
ولا تقطعينه لمده شهر وشوفي بشرتك راح تبشرك
ان الدم رد في جسمك
هذي ترفع صفائح الدم ،،

والشي الثاني
عالريق
الزبيب كليه كثر ما تقدرين

والعنب الاسود بعد انتي اشتري عنب طازج
واخلطيه واشربيه بارد..

هذا بالنسبه للدم
وربي راح تدعين لي من قلب
بس داومي عليه داااااااااومي ولا تقطعين..


..والف سلامه عليك..

.,~

 

[غاده بنت وليد]

..~


الفطور الاغلبيه ما يفطر زين
لان البطن كل ماله وتصغير
وعاد انتي عامله عمليه ف تزيد الحاله اكثر..


الفطور

والله ما في احلا من شوربه الحب مع اللحم..
او الكويكر..

اشربي واكلي اللحمه اللي فيها لو جزء صغنون منه..

وارتاحي تالي
وخلي قدامك
سمبوسه وشويه سطله وعليها جرجير تراه ممتازه..

وبعد ساعتين
اشربي البنجر الين يخلص الكاااس..

..

وبعدها تعشي عادي
اللي تحبين


،،


وبعدها خذي حصه من الفاكهه لا تنسين لان مفيده حيل..
سوي خضار مسلوق وقطعيها وحطي فيها
بهار بصل وفلفل اسود ودجاج مسلوق
كوسا بطاي جزر كرفس بروكلي بصل ثوم كزبره

..


المهم لا تنسين العنب والزبيب والبنجر


وربي يشفي كل مسلم يارب

..~

 

[miss_Ba6oOo6a]

الدابنق عقب السنه يخف
والفيتامينات لازم ماتنقط ليه السنتين عشان الدم والدوخه و6 شهور تحاليل
اكلج كله غلط عشان جذي اتحوشج الرجفه وضغطج نازل لان كله سكر وماكو اكل عدل
وبداية الفطور لازم تمره وشوربه وسمبوسه ولا فطيره وبس وبعد الساعتين ردي اكلي علا دفعات
لان عقب السنه الاكل تقريبه طبيعي المعده تكبر شوي
انا الحين سنتين وقطعت الفيتامينات لان تحاليلي كله الحمدالله طبيعي لان التزمت عدل ومعدله اكلي وعارفه
ومن احس بدوخه ولا رجفه اكل الملح والسكر ويروح او انظم اكلي كل جم ساعه وارد علا ملت فيتامين

 

[بنت الاحلام]

الله يساعدج والله ماعندي خبره بس ادعي لج

 

[one two 3]

سلامتج الف سلامه

سويتيها عند اي دكتور انتي ؟؟

بعدين التكميم عدووووووها الوحيد الحلويات والكاكاو

حاولي تستبدلين الحلو والكاكاو بالفاكهه

وتقدرين تاكلين جيلي من دايت كير

واكلي شوربه و شيش طاووق و لحم مفروم مع بطااط مهروس او بطاط مشوي و سمج واكلي ما يصير جديه اكيد دام ماتاكلين شي طبيعي بدوخين

وماجوووره يا رب

 

[رحيل المرافيء]

عيل ليش مسوية تحوير اذا تاكلين حلووو
ماسوينا شي عيل
اخذي فيتامينات الشخص العادي يصير فيه فقر دم شلون حالتج وبهالنظام الغذائي الغلط

 

[ام شريفه]

سويلج سلطة سبانخ فرش ياقلبي اكليها كل يوم..سبانخ+طماط+زيتون+ملح+ليمون+زيت زيتون

والله انها زينه للدم

و يوم سويلج سلطة جبده..أو حميسه

وكلا اكلي فلفل اخضر

اكلي عالراحه و علا دفعات

والله يشفيج ان شالله

 

[..~Goolz]

ياحياتي ما تشوفين شر

انا ماا عندي خبره وايد بس اذا فيج فقر دم
حاولي تكثيرين طماااط ع الاكل واذا شيهيتج مسدوده خذي فاتح شهيه مثل سيبروفيتا وترى كلها فايتمين+انها تفتح الشهيه

وهذا نسختها من قوقل لج


وصفة الزبيب الأسود اليماني
ويمكن إضافة عصير الفيمتو لهـ بعد تصفيتهـ فهو يساهم في رفع نسبة الدم ويحسن طعمهـ ,
وأوصي أيضا مرضى فقر الدم بالإكثار من شرب عصير التوت المشكل خلال اليوم إلى جانب الزبيب
الأسود ,فهو يرفع نسبة الدم كذلكـ

++


يمكن خلط الطماطم بالخلاط مع كوب ماء وإضافة ربع ملعقة صغيرة حبة سوداء مطحونة
وتناولهـ مرتين يوميا فله دورهـ الكبير في رفع نسبة الدم ,

+++


على مريض الأنيميا أن يطبق هذهـ الوصفات وأن يحسن من عاداتهـ الغذائية وذلكـ
بالإكثار من تناول الحبوب السمراء والخضروات الورقية مثل الجرجير والخس

والخضروات مثل الطماطم ويتناول الفواكهـ مثل : الكرز والتفاح والبرتقال

ويتناول اللحوم الحمراء بإعتدال ,



الله يشافيج يارب ويرد لج عافيتج وصحتج حبيبتي