متدينه ,ملتزمه،تعالي ابيج

[ام البراء 2011]

السلام عليكم بنات ..شلونكم ؟؟

بداية الموضوع نفس باقي الخوات اللي كتبوا قبلي ..تدرون الحين فترة صيف والكل خاصه اللي بيزوجون عيالهم بيزوجونهم بهالفتره ..او حتى قاعدين يدورون والعروس اغلبها عقب رمضان ..الصراحه انا والوالده قاعدين ندور بنت الحلالحق اخوي وطبعا السيناريو المعروف ..مابي من بنات العايله (مع انه كل وحده تينن) مابي متينه مابي سمره ومابي تكون طويله وايد وحضريه وكويتيه..انزين هذه الشروط قلناها حق اهلنا وحوالينا ..طبعا الجيران محد يدري عن الثاني بطبيعة انه السكن يديد المهم اهالينا يامتزوجات ولا صغار يدرسون انزين لما دقينا على الخطابات ..ولا صدمه صج بعضهم ثقه وبعضهم ( الله بالخير ) وللاسف اللي ذكروهم لنا ياطويله حيل ولا متينه او ممكن 18 او يكونون مسافرين ومالهم رده الا قبل رمضان بجم يوم ...ماني مطوله اخوي ريال سيده ماعنده سوالف خير شر الحمدلله والله يتمم عليه ماكمل 30 بعد .........عفيه عفيه اللي تعرف صوبها حواليها وحده بهالمواصفات عفيه تقوللي وتكون راعية دروس او متدينه وملتزمه وتلبس عباة او منقبه عفيه قولولي خلاص انا والوالده مانبي ننحرج مع الخطابات وجزاكم الله خير حبيباتي:eh_s(8):

 

[ام البراء 2011]

شدعوه مافي رد ؟؟؟؟؟؟؟

 

[ام البراء 2011]

يالله يابنات همتكم وينكم

 

[حساسة مصر]

موفقة ام براء

و يارب تلقي عروسة كويسة لاخوكي

 

[ام البراء 2011]

ربنا يسمع منك

 

[كافي صمت]

ان شاءالله الله يسر لكم من امركم يارب ويسعد قلوبكم بزواجه وربي يرزقه الذريه الصالحه
وصي رفيجاتج يدورون له بنت الحلال او شوفي اللي معاج بالدوام واو وصي رفيجات خواتج
وصي اللي من قرايبكم اكيد بتلقونها

 

[ام البراء 2011]

الله يسّر ان شاء الله ، وانا وصيت رفيجاتي بالدوام وكلهم ثنتين وللحين محد لقاله

 

[طموحه بزياده]

صعبه هالسالفه تكون بالمنتدى


اطلبي من محيط صديقاتج يدرون لج عالبنت بهل مواصفات

 

[لمى الهاجري]

دخلي حملة عرايس 2012 و2013 الي هني بقسم اسلاميات هناك بنات يبون الستر

 

[رقـة الاحسـآس]

الله يوفقكم

 

[Queen B]

الله يوفقج وتلقين العروس اللي ببالج لأخوج

 

[^^ ǺГฬα]

يارب تلقون له الزوجه الصالحه

 

[ذات الهمة العالية]

سبحان شكثر بنات وإذا يتى تدورين يختفووووون ما ادرى سبحان الله بس ربى يسخر لكم ولنا اللى يصيرون مثل الخوات لنا واللى يخافون فينا