متزوجات ابي جواب بخصوص الالتهابات

[ميرين]

السلام عليكم ..


عقد قراني رح يتم بعد اسبوعين وانا اعاني من التهابات متكررة في المهبل
رحت المستشفى كذا مرة ويعطوني مرهم ومضاد ويرد يرجع والالم والحرقة ماتروح

هالشي وايد شاغلني ومخوفني وثقتي بنفسي مهزوزة ومو عارفة شنو مصير علاقتي الزوجية

سامحوني على الجرأة بس انا بموقف جدا محرج

ابيكم تطمنوني هل انا استعجلت بالموافقة او انه امر عاادي اقدر اتجاوزه بالعلاج المناسب ويرجع كلشي طبيعي

 

[ناتشوو]

الله يهديج
ع هالاسئلة
اكيد لها علاج باذن الله
الالتهاب مؤقت
روحي راجعي طبيبة زينة
وابحثي باسبابها وتجنبيها
بالتوفيق

 

[مولاي الفرج]

حتى لما تتزوجين ممكن تلتهبين

يعني هذا شي 90 بالمية ممكن يصير للمرة

عالجي والله يشافينا ويشافيج يارب

 

[بودي حبيبي]

عالجي حبيبتي وخليج منتظمه ع العلاجوانصحج نصيحه كثري سوائل قد ماتقدرين كثري
لان لما كانت فيني التهابات اول عرسي نصحتني الدكتوره بشرب السوائل بكثره يبعد الحرقه والحكه
وعسى ربي يوفقج ،،، ويتمم لكم على خير ،، موفقه

 

[Artq8]

استخدمي غسول طبي و كريم دكتاكورت وحدة بوحدة

 

[ام تركي 1]

كنت نفسج رحت لدكتوره مهجه عياده خاصه حلوه وشاطره تفحصج ب ١٠ دنانير ووحده بوحده علاجها بإذن الله وصارت دكتور تي الخاصه تلاقيت رقمها بقوقل بشرق عيادتها ألف مبروووك

 

[اذوب بكلامه]

مره مكبره الموضوع روحي عند دكتوره وتابعي
معاها وانتظمي بالعلاج وأكيد راح تعطيك مضاد
وغسول وان شاء الله ماعليك شر

 

[امـ خــزامـى]

البنات مااقصروووا

ربي يريح بالك

 

[Galb.sh]

شربي ماي وايد ،،،.
وروحي الطبيب يعطونج غسول ويعطونج حبوب مضاد وان شاءالله تصيرين زينه

 

[حكاية فرح]

أبحثي عن الشي الي مسبب لك التهاب ممكن انتي لما تغسلين المنطقة ما تتنشفين أو نوعية الملابس الداخلية مو صحيه ،،، او نوعية الفوط الصحيه اللي تستخدمين مؤ مناسبه لك ،، فيه سبب يخلي الالتهابات ترجع حاولي تنتبهين لتصرفاتك و الأشياء اللي تستخدمينها ،،، لأنك تقولين انك تتعالجين و ترجع لازم تعرفين ايش اللي يرجعها

 

[فرزاشيهـ]

اصلا بعد الزوااج لازم تجيج التهابات بعد خصوصا بسهر العسل ف لاتحاتين و حاولي تروحين لدكتوره

 

[ميرين]

اعتقد الالتهاب من البنطلونات انا مالبس دشاديش ولا تنورات يمكن من هالسبب
وحاليا ماقدر اتعالج بخااص ومستحية اتزوج وانا بهالحال
الالم مايروح وعلى طول حاسة روحي مو مرتاحة
هالشي وايد مضايقني

تسلمون ع المشاركات
​

 

[منيرة@]

على قد ماخذ من مراهم لالتهاب

مافادني مثل الملح والمويه الدافيه

منجد ترررريحونشفي المنطقه زي ن زين

بمنشفه ناااعمه ونظيف

 

[عزيز قلبي]

البنات كفوا ووفوا

 

[ميرين]

شكرا على اقتراحتكم ..

​

 

[M!SS.LOBY]

بالتوووفيق

كل مشكلة ولها حل .

 

[جيلاان]

استخدمي المره تلقينها عند العطار
و البنات ما قصروا

و الله يشافيج و يوفقج بحياتج الجديدة ❤❤❤❤

 

[تبيني آرضى عليك]

آآآآآآآآآآآآآآآآآآآآآآب

 

[فراشة الرغد]

حبيبتي بقولج جم شغلة لا تستهينين فيهم
وحطيهم ابالج عدل ..

النفسية لها دور كبير لاتحاتين الشغلة بسيطة وتروح بسهول
قلة الاكل لها دور كبير في الالتهابات .. اكلي عدل حبيبتي
والسوائل واااايد مهمة .. شربي ماي وعصاير ..
اكلي كل يوم روبة تعادل حموضة المهبل فيطيب الالتهاب..
اخذي مسك الاسود الطبيعي .. اهو غالي شوي
اخذي علبة بخاخ حطي فيها ماي ورد ونقطتين او 3 مسك
رجيها واستخدميها بعد كل حمام .. وانتي بكرامة
تغسلين تنشفين ترشين منه على المنطقة و تردين تنشفين
وتاكدي ان ملابس الداخلية قطن امية بالامية ..
واذا تستخدمين اولويز ايام الدورة اقولج اهو سبب الاتهاب
غيريه يا قلبي .. ياما اذاني ما ارىحت الا على نانا
ولا تحاتين ولا شي سوي الي قلت لج عليه بتصيرين احسن مايكون
اذا تبين اسرع روحي الطبيب خل يوصف لج غسول خارجي
الافضل يكون بيتادين مع حبوب مضاد .. بالاضافة للي قلت
لج عليه

 

[فراشة الرغد]

حبيبتي نصيحة لج من اخت ..
استخدمي طريقة العناية الي قلت لج عليها
عشان حتى بعد الزواج والحمل والولادة
ماتعانين من اي التهاب
اعتمديها على طول الحجي وايد بس
بالفعل سهلة .. والله يوفقج حبيبتي