متزوجه بس عايشه جني لحالي

[شهد العسل ومر]

شخباركم بنات

زوجي انسان وايد زين معاي بس مشكلتي مو معاه
مشكلتي مع الب نفسه حمواتي متزوجات كلهم البيت كله صبيان
اعمارهمطقةال20
ام زوجي ماتقعد دايم برا
المشكله انها حاطتني مو شي مهمشه وجودي بالبيت
تخيلو اخبارها وطلعاتها مادري عنها بشي الا من الناس
دايم اقول لها لاطلعتي اخذيني وياج
ترئ يضيق صدري لحالي م رزقني ربي للحين بعيال لي سنتين وشوي والله كريم
ماتهتم ولاتعلمني بشي مع انها ماعمري تهاوشت معها ماذكر غلطت عليها بشي ابد بس انا صرت استحي من الناس ماعرف عن خالتي شي اذا احد سالني وفوق هذا ماتعبرني ولاتقول لي ترئ في عشا عندنا تخيلو هذاك اليوم بنت الجيران تسالني شعندكم شحقه العشا قلت اي عشا قالت سوه اليوم عندكم عشا تو خالتج داقه تعزم تخيلو وانا تو كنت عندها ماعلمتني بشي مادري ليش تسوي جذيه معي زوجي يدري ان امه غلطانه بس قال لي مالج شغل فيها سةي اللي عليج وهي بكيفها مايبي يتدخل يقول لو السالفه جايده اي بتدخل

 

[M!SS.LOBY]

الله يعينج معناته للحين مو داخله قلبها مو مرتاحه حقج حاولي تتقربين منه
نوعيتها صعبة ما توثق بأي احد

 

[قاهره عذالي]

الله يعينج حاولي مع زوجج لو طلعه اسبوعيه باي مكان او يقعد معاج يوم كامل يخصصه لج
يمكن يخفف عليج الوحده

 

[صداف]

امممممم ، جربي تهدينها شي بالعيد ..
لا تصيرين كله مقابلتها وتنتظرين منها الطلعة ، خليها ع راحتها وانتي تمشي مع صديقاتج او تزاوري مع بنت الجيران اذا ماعندج احد

اذا انها كذا ، الله يغنيج عنها ويرزقج الذرية الصالحة ان شاء الله

 

[شهد العسل ومر]

اي حتى زوجي يقول شكل امي ماحبتج بس مو معقوله ماتحبني وانا عمري ماسويت لها شي كذا مره اجيب لها هديه ماطلع لاهلي الا ابوس راسها
وانا طبعي هاديه ومالي بالمشاكل لو اغيب اسبوع ماسالت عني ..
مو هاضمتني لي سنتين وماني مرتاحه بهالبيت
تسلمون بنات عالردود
صداف مشكوره حبيبتي عالدعوه الله يسمع منج

 

[مني يغارون]

يا عمري قولي الحمدلله غيرك عايشين حروب مع ام الزوج
دامها كذا براحتها سوي الواجب عليك وخلاص
يمكن مع الوقت تشوفك سكتي وتضير هي تناديك
وأحسن شيء تشغلين نفسك سجلي بدورات او نادي
اي شيء بس لا تجلسين فاضيه ؤتهتمين للأمور هذي