متزوجه زواج تقليدي مو عن حب دشي بسألج سؤال

[emiemi]

موحبا كويتيات
بدش علا طوال بلموضوع
انا ما تزوجت عن حب اوك
سؤالي الحين لكم
متى حسيتي انج تحبين ريلج متى عرفتي هشي الحب
عن نفسي
انا تزوجته ولا اعرفه ولا كلمته قبل الزواج ولاشي
كنت اسميه عرييس الغفله
سافرنا بعد اسبوع من زواجنا لامريكا لانه كان يدرس هناك
عرفت اني احبه لمن يبت اول بيبي لنا بعد سنه من زواجنا
حسيت بهشي من معاملته لولده
كنت جني اول مره اشوفه واعرفه
واعترفتله بهشي تدرون متى بعد 8 سنوات
الحين دوركم يلا لكم المايك

 

[امـ خــزامـى]

تصدقيييييين ماادري متى ؟؟؟

بس تاخررررررت على بال ماحبيته بس كنت متقبلته اهم شي
وبعد العشره وبعد السنه الاولى اللي كلها بلاوي ومشاكل
اتوقع حبيته

 

[فطووومة]

هههههه الله يديم عليكم الحب

انا زوجي ولد خالتي لكن ما كان بيننا علاقة واهو ماكنا نشوفه كلش

ملجنا وتزوجنا بعد جم شهر وعادي ما كان بين الملجة والعرس طلعات ولا شفته الا مرة يمكن بالصدفة ههههه

لكن الحمدلله حبيته على طول يوم شفت اخلاقه وحنانه مع اهله وكان معاي بعد جذي


الله يخليهم لنا يارب

ويقولون الحب يأتي مع العشرة ويا ما حب قبل الزواج اختفي بعده

 

[نوانيات]

من اول مابديت اتواصل معاه حبيته

من قبل الزواج يعني..

من فترة الخطوبة

الله يرده لي ردا جميلا عاجل غير اجل يارب :"(

 

[Reelax]

انا بعد الزوااج

 

[ام الحلوااات]

انـــا زووواجـــي تــقــلـــيــدي بــقـــوووة
ولا شــفــتــه ولا شـــــافــنــي الا بــلــيـــه الـــعـــرس
ومـــع هـــــذ الــحــمـــدللـــه حــبــيــنــا بــعــض
هـــو مـــن كـــثـــرمــا حــبــنــي اعــتــرف بــســرعـــه
بــس انــا ثــقــلــت جــم شــهــر
مــع انــي حــبـيــتــه مــن اوول ايــااام زواااجـــــي
والــحـــيــن هــــوثـــقــــيــل وانــا اللــه اعـــلــم بــحـــاااالـــــــــي؟؟؟

 

[emiemi]

الله يدووم المحبه بس صج انا ما كنت اعرفه وكنت احس انه ريلي وكنت حدي ما اسولف وهاديه وم اطلب حتن استحي اطلب منه اي شي وكله اصرف من حسابي ولا اخذ منه ليمن اكتشفت ان حسابي يزيد ماينقص لمن انروح السوق ادفع بلفيزا اهوا يرجع الفلووس تخيلو ههه شفيها قالت قصة حياتها

 

[مسز بسبوس]

بعد سنتين على ما فهمت طبعه واسلوبه

 

[qswa]

ارتحت له حييل ومن كثر مايحبني غصبن عني حبيته :$

 

[am faisal]

ما فية حب هالايام
عشرة يمكن

 

[ابدا يالغالي مانساك]

زوااااااج تقليدي
وعن الحب مع العشررره
يجي الحب ​

 

[ليه الجفآ]

.....

 

[رانس]

ردي مثل رد ام الحلوات هههههههههههههه

 

[emiemi]

يارب تكون ايامكم وايامنا كلها حب الله لا يغير علينا

 

[أكذب عليك]

انا تقليدي وماشفته الا بالعرس
من اول الايام كنت حيل مرتاحه له وعزيته
وبعد شهرين سافر عشان امتحاناته هني حسيت اني احبه صجججج لاني حسيت بشعور قريب
والله يديم المحبه ويخليه لي

 

[mokato]

زواجي تقليدي و ترا الحب فيه درجات ومنها العشق و الهوى
وانا حبيته من حبه لي لأن كان يحبني غصبن علي و اعترف لي بحبه لي بعد شهرين من الملجه لان كنا نطلع مع بعض وايد
ولكن بعد سنتين صرت اعشقه و ما اقدر استغني عنه مع انه طبعه صعب و عصبي
و 100% بال100 الزواج التقليدي بالعشره يتحول إلى حب لأن ما يفرق عن التعارف قبل الزواج و المواعد نفس الشي راح تتعرفون ع بعض و تتواعدون بفترة الملجه او بدايه الزواج لين تتفاهمون و تعرفون لبعض ماكو فرق غير انه هذا حلال و هذاك حرام و ما تضمنين الزواج من العلاقات قبل الزواج

 

[وردة الدوحه]

b3d awal baby

 

[emiemi]

وردة الدوحه انتي مثلي هههههه انا ماحسيت اني احبه الحب لمن تزوجنا كان يعاملني بطريقه حلوه وذربه بس كنت ما احس بلحب الحب بس صج لمن شفت فرحته باول بيبي ومعاملته له ولي عرفت اني احبه وانه اهلي وانه حبيبي وخاصتن بلغربه عرفته عدل كنا مع بعض علطول لدرجة انه نفسني هناك لووول
حبيبي عساني ما انحرم منه والله يديم المحبه علكل

 

[Belle de Jour]

مع اني تزوجت عن حب بس بصير ملقوفه واكتب رد...لووول
صدق صدق حبي لزوجي زااااااااد بعد الزواج والعشره...احس صرت اشوفه بعيون ثانيه..
وحبي له صار شي ثاني..
سبحان الله مع العشره وخصوصا اني حامل الحين بطفلنا الأول

 

[دلوعة أبوهآ]

آلله يديم المحبه بينكم يآرب