متزوجه صارلي اقل من سنه و معامله زوجي !!!!!!!!!!!!

[Sportiya.cute]

السلام عليكم
انا متزوجه صارلي اقل من سنه حدود 6 اشهر
و ريلي طقني 3 مرات من اول ما اتزوجنا للحين
و اول مره كنت بثااني شهر تونا مالجين طقني بالسياره عقبها قتله مابيك و راضاني
ثاني مره صار نقاش بيننا جان يطقني وثالث مره قبل يومين طقني طق الي احسه موطبيعي
لما يتنرفز يصير شخص ثاني و من وقتها اتصلت علا ابوي عشان ياخذني و قفلت علا
نفسي الباب و قالي ان جستي التلفون بكسر ايدج المهم ابوي يا و كلمه جان اييلي فوق
و اعتذر مني سامحته بس بداخلي احس ان هالشي طبع فيه ماراح يروح من كلمه وحده
و اعتذار اتخيل نفسي بعدين اذا يبت عيال بيطقني جدام عيالي اذا تنرفز ! و لما اعتذر
مني قالي ليش قلتي حق ابوج اهوا ليش يتدخل بمشاكلنا ؟ قتله لان الي سويته مو شويه
اهوا طقني حيل وخنقني و غير الطراقات بتكرمون النعال !!!! ليش كل هذا بش عشان اختلفنا بنقاش
و الي بتقول مو معقوله يطقني هالكثر عشان نقاش لا ترد مالي خلق اسمع شي يغث اكثر
هاليوم نمت ونص نومي اتفزز و ابجي و اهوا يمي يسوي نفسه مو شايف ونايم تحسفت ليش تزوجت
و انا للحين ما حملت و ماجله عشان دراستي بس اهوا يبي باسرع وقت احمل و عقب الي صار احس
تمسكت بكلامي اني ما احمل احس ماله امان احس اني ماراح اظل وياه اسلوبه كلش اكس معاي
شايف نفسه مادري علا شنو اكلمه واهوا طالع يقولي شفيج وايد مستانس اقوله ان شاءالله دوم يقول
يلا يلا ترا مالي خلقج !!! ليش يحاجيني جذي انا شمسويتله لاعت جبدي مو قادره اتحمله جنه متزوجين
من 20 سنه كارهته اجامله و اسويله كل شي بس ابي كلمه وحده بالمقابل ماكو احس مالي نفس
اغسل هدومه مالي نفس اسويله شي مو كفو و كله طالع نادي قهوه مادري شنو و انا بالبيت محكوره
كله ماله خلق ويع متحسفه ليش تزوجت انا عمري 20 و اهوا 27 يعني جريب يطق ال 30 معقوله
مايقدر يمسك اعصابه اذا عصب ؟ وبعدين احنا باي عصر الي اذا ماعجبه شي يطق؟
احس مغموته و حرمني من وايد اشياء لما تزوجنا و رضيت بس متحسفه لانه مو كفو التضحيه

بس ابي احد ينصحني لاعت جبدي مفكره اتطلق دام اني مو حامل انا قايله اذا مد ايده علي بس س
بتطلق والله حياتي قبل وايد ارحم شنو جحيم مو زوج و الشي الي مخليني اصبر اهله وايد زينين معاي
ومومقصرين بشي

 

[shmooo_332]

الله يعينك

استشيري المختصين لأني مااعرف الوضع بالضبط

بس نصيحتي لا تسامحينه على طقه لك هو تمادى حتى صارت ثلاث مرات لأنك سكتي عنه وما اتخذتي موقف منه.
بالنسبة لتنازلك عن أشياء تخصك ليه تتنازلين دام ما تعارض حياتك وماهي حرام اعتقد زوجك من النوع الي مايحب المرأة ضعيفة شخصية حاولي تقوي شخصيتك وحتى لما تناقشيه لا تناقشيه برفع الصوت أو الصراخ وإذا وصل النقاش لصراخ على طول انسحبي ووضحي له أن هذا مو نقاش.

والله يهنيك ويسخره لك

 

[ام غازي 2012]

استخيري
وكثري استغفارر ودعي له بسجود
انه الله يهديه ويسخره لج
فيه ريايل جذي وايد بس مع العشرره
والعيال يتغيررررون ١٨٠ درجه
المره كم مره بتزوج
انتي اذا شفتيه عصب خلاص وخري عنه
لا تنقشينه والله يهدي يارررب

 

[فراشه بيضا]

نصيحه لا ترضين على نفسج الطق كله الا الاهانه
علميه درس لكن لا تطلقين

 

[سيدة الذوق]

اغلب الطق يكون سببه الرجل العصبي
يعني ابشرج زوجج من النوع اللي اذا شفتيه حمق اسكتي عنه ولاتناقشينه

اذا هدي كلميه وحاولي اكثر نقاشاتكم تكون هاديه


الانه من النوع اذا عصب مايشوف احد قدامه

 

[مناير ...!]

حبيبتي الله يعينج
المفروض لما علمتي ابوج ماقعد اهو مع ابوج وانتي بس راضج
المفروض قعدتي يم ابوج وقلتي كل الي بقلبج وبيني له انه لهني وبس
ابوج مامد ايده اهو منو علشان يرفع ايده عليج؟؟!
وخليت ابوج يوقف له وقفه اتبين ان وراج ظهر
مو كلمتين وخلصنا !
جذي يهاب ويعرف انه وراج ظهر

الله يعينج ومالومج
واحس الاعتذار مايكفي
لازم يكون بينكم حوار ووعد قاطع واتحطين اباله لو مد ايده مستحيل تقعدين له لو شيصير !

 

[هويتك]

الله يهدي سرج

ماعندي شي اقوله

غير الله يسهل امورج ويكتب لج الخيره

 

[كويتيه فرنسيه]

انا اعلمج شنو تسوين خليه يتادب لاتطلقين ولاشي الحين بنات في بيوتهم مولاقين رياييل هالدور مطلقه والله بتندمين لو تطلقتي

اسمعيها مني اذا زعلج حتى لو بكلمه شيلي اغراضج وروحي لبيت اهلج ولاتردين الا برضاوه يعني مبلغ والا هديه غاليه ذهب او الماس عشان يتادب جذي احسن نظام للرجل عشان يعرف قدر البنت ويحترمها

 

[احلا المزايين]

دام ماعندج منه لا ولد ولا تلدادبيه
ترا العيال اهم يكسرون المرة
والله جان من اول طقه رايحة بيت اهلج
انتي ليش سلبية
شنو اللي جابرج اتحملين الذل والمهانة
بالله قوليلي
رجال اخلاق زفت لا ويمد ايده
شمتحسفة عليه
شناطرة
انا مااقول تطلقي
اقول ازعلي عند اهلج لين اهو يجي يردج
واشرطي مايمد ايده عليج ويحترمج
ياخي هاذي ابسط الحقوق
ليش حارمة روحج منها

 

[Tom ♥ Jerry]

,

آمبيه مو صج مآ آتخيل ريلي يختلف وياي بالنقاش و يقوم يطقني
و لااااااا ماصارلنا 7 شهور متزوجين بعد !

توكم مآلجين شهرين يطقج بالسياره :/ وين قاعدين
ريلج لا ادب لا احترام لا ذوق صراحه
شكثر ريايييل مايمسكون اعصابهم بس مآتوصل آنه يطقون حريم ؛×

 

[Japanese]

غلطانه لاتسكتين عليه!!! :/

كل شي ولا ريال يمد ايده علي :/ ابوي ماسواها واحد مابيني وبينه الا كمن شهر يسوي فيني جي @@

مب القصد اشيشج ولا شي جي بس لاترضين على نفسج

الريال اذا تعود ع شي صعب انه تعدلين طبعه بعدين فبآقرب وقت تصرفي معاه بخصوص هالموضوع!!

الله يكتب لج اللي فيه الخير

:<<< آآخييييه راااحوو رياييل العازه راحووووو

 

[مصممهــ]

الله يعينج ويسخر لج زوجج

ابصراحه ماقدر اقولج شي>> لو تقعدين بيت اهلج يكون احسن بس انج تتطلقين لا قلبي ما انصح بهل شي

وبعدين الحين البنات مو لاقين ريل هل دور مطلقه؟ لا ياروحي لا انصحج بطلي هل حجي ولاتفكرين فيه

بس حبيت اسألج سؤال؟

اهو يوم يهاوشج او قبل لايمد ايده عليج انتي كنت تلاسنينه يعني تردين عليه<< يزيد عصبيه من كلامج مثلا؟

او انج تقطين نغزه من سالفه ويهاوشج عليها؟

وربي يوفقج ويسهل امورج <<​

 

[granted]

جابينيز صاجه اكره الريال الي يمد ايده احسه همجي عقله على قدة ويطق قطع
يما شلون بتاخذين راحتج معاه هذا وشلون بتقولين رايج اذا من النقاش مايعرف يتحجى بلسانه يتحجى بيده
انا اقول الفترة اليايه انشغلي بروحج وحاولي انج تحطين له فترة اختبار وقوليله ايدك ماتمدها على لو مهما كان انا مو مقطوطه عندك
ان مد ايدة عليج لو دزة بس طيري بيت ابوج اشرف لج

 

[امـ خــزامـى]

بالنسبه لي مستحيل اجلس عنده ولا دقييييييييييقه

ومن قال المطلقه يعني خلاص تموووت احسن لها
انا اشووف بهالوقت المطلقه مااشي سوووقها
لان مهرها ارخص وماتبي عرس ولا شي

لاتفكرين بهالهمجيه
الزواج حب وتقدير واحترام
مو رعب وطراااقات وتفزز من النوم ولا فوق كل هذا نفسيه خايسه
زوجك شين وقوي عيييييييييييييييييين

لازم تاخذين موقف قووووووووووووووووي

انت بهالفتره ناااقشيه وتمسكي برااايك ان ماااضربك ومسك اعصابه زين
وان ضربك شيلي عفشك وعلى بيت اهلك واستخيييييييييييييري
ولو حبيتي ترجعين له لازم اهله هم اللي يجوون ويعتذرووون ويوعدوونكم

الله يكون بعونك

 

[ماردك لي]

عن جد الله يعينك
مستحيل اجلس عنده دقيقه الطلاق اريح لي
الله يعوضك برجال يستاهلك

 

[Um Tuki]

شحادج عالمر توج ٢٠ سنة
صغيرة و الحياة جدامج
و الدراسة اهم شي

قبل ماتقررين شلون تتصرفين معاه مسكي نفسج عن الحمال لا تظلمين ياهل
باجر يكفخه والا شي اصلا هلاشكال مو كفو عيال

 

[Mjnont '3lay]

طق و بالنعل مكرمه عن هالشي
الله كرمج و عزج و على من شانج و يكفي في سورة بالقران عن النساء الله ياكبر مكانتنا و قدرنا عند رب العباد
يجي هذا و يعاملج مثل الحمير تكرمين
لا هالشي مايرضي لا الله ولا رسوله اساسا الطق شرعا مايجووووز
و قانونيا فيها ضبط و احضار وسجن و قضيه و سين وجيم
مو فوضى السالفه
لا تتطلقين بس خلي الرياجيل عزوتج يوقفون له عدل و يعلمونه قدرج عندهم
خل يعرف انه وراج رياجيل عشاان يهاابج
الظاهر ماجرب حكة الخشم هههه ولا جان ما تجرأ و مد ايده انا اخواني لو رجلي يمد ايده علي طبعاا اذااا على سبب تافهه مثل جذي يدفنونه بمكانه اما اذا معاه الحق يصير العكس يدفنوني بمكاني
وبعدين انا رجلي ناااااااار اذا عصب مايعرف امه من ابوه الحل الوحيد اللي امتص فيه غضبه السكووووت اخليه يصرخ ويقول اللي يقول حتى لو يغلط و يجرح تعلمت اصير في هالوقت طررمه ولا كلمه ولا حرف زياده واذا سكت اطنششه بعد ساعتين ثلاث اشوف المود اووك ابدى اعاتب و اتشرهه اذا مو اوك اخليها ثاني يوم
بس ايااااج و المرادد مع العصبي لو يدفنج مايحس بنفسه ماعليه شرهه وخاصتن وقتها شيطان داش براسه خليج بهالامور شوي حكيمه الله يرضى عليج
والله يسخره لج ياارب

 

[Artq8]

ليش رديتي دام من داخلج مو راضيه ...طقج طق اليهد اخنقج يعني مو طق عادي انتي مجروحه حاسه بالاهانه ريلج يبيله الشي الي يوقفه عند حدة لان راح يطقج بعد طبع فيه اذا طقج بعد اخذي تقرير طبي و اشتكي عليه عشان لي بغيتي تنفصلين عندج سبب موثق و الي تقول لا تطلقتي ما راح تحصلين ريل ترى الرزق على اللله مو على البشر ياما مطلقات تزوجو الي احسن من البنت انتي استخيري و ربي ما راح يخليج سواء الخيرة بالاستمرار مع الزوج او الانفصال و الانفصال مبجر افضل من الانفصال متاخر بعد سنين الله يوفقج و يكتب لج الي في خير لج

 

[ميمي..]

تفكيرك بتأجيل الحمل صح واستمري لين تشووفينه بيتعدل ولا لا بعدين فكري بالحمل
ولو تكرر ضربه لك روحي لهلك ولاترضين بسهووله عشان يحررررم عقبها يمد ايده
وبنفس الوقت حاول تشوفين وتعرفين شلون تكسبينه وتخلين حياتكم احسن
انا ادري بتولين شنو العيشه ووانا توني عروس اقولك كل الرياجيل فيهم عيووووب اللي رجلها يخونها واللي اهله منكدين عيشتها واللي ربي مارزقها عيال واللي بخيل يعني مافي حيااااه كامله بس المره بصبرها وذكائها واهم شي لجؤها لربهاااا تنحل مشااكلها
وانتي توك صغيره اكيد ناقصتك الخبره حاولي تثقفين نفسك بالامور الزوجيه وان شالله حياااتك بتصير تمااام
واهم شي الاستغفاااار صدقيني اذا داومتي عليه تلقين نفسك هدت وربي بيرزقك كل خير

 

[منال $]

انتي غلطانة من البداية انك سكتيلة من اول طقة لا وبعد بفترة الملكة ( احلى ايام يعني)
عند حلين ياتعطية درس مدري بس كيف حسب نوعية زوجك
او وقت روقانة تقعدي معة وتتفاهموا بهدوء عاوضعكم
والله يخترلك الخير