متزوجه واحد متزوج وعنده عياال!! راضيه تصيرين شريجه !!عاادي عندج !!

[يابختي في علاوي]

اي والله اشلون عندج قلب بعد
وييع عاد امي مسكينه ابوي حط فوق راسه شريجه بعد العشره انا كنت متزوجه ليما ابوي تزوج الثانيه وصج انهرنا بس فيها خير اتكلمنا واهي من جماعت ابوي من اول تبي ابوي حقيره
وسوري يعني كل الي تاخذ واحد متزوج اسميها حقيره لانه قلب ماعندها ولا حتى احساس

وشكرا ببجي :eh_s(11):

 

[بنت الأجوااد]

انا اذا حبيت واحد متزوج والله اتزوجه عادى عندى

اذا الله سبحانه حلل شي هذا حلال

اللى تشتغل وتبي تكمل دراسات وطموحه احسن شي تزوج واحد متزوج والله عشان ماتظلمه ولاتظلم نفسها

احسن تكونين زوجه ثانيه ولازوجه تزوج عليها لانه هالايام نادر من يتزوج وحده بس

هذا رايي يكل وضوح وصراحه

 

[زوجي توأم روحي]

الزواج قسمة ونصيب

دعوا الخلق للخالق:eh_s(8):

 

[$ بنت علمي $]

بنت الأجوااااد

صررراحه هيلو كاتي ماقصرررت


كنت برد عليج بس أهي كفت ووفت


وبعدين تعالي

مدام. تبين تكملين دراستج تأخذين رجال متزززوج ليش !

 

[Lemon Juice]

اذا انطرح هالموضوع دايماً تكون أغلب الآراء انه الزوجة الثانية خطافة الرياييل ، فرّت راس الريال ..الخ

احنا ما دشينا البيوت وما نعرف شاللي يدور فيها

الريال اللي ماخذ ثانية مو معناته العبت عليه وباقته

يمكن مو مرتاح من الأولى حتى لو مرّت سنين .. الظروف تتغير ، و هم بعد يمكن تكون الأولى مريضة والريال يداريها وواقف معاها وبنفس الوقت يبي اللي تريحه وتعطيه قوه ودافع للحياة ، فيكون مجابل الأولى ويحبها حتى في مرضها وبالجانب الثاني ياخذ ثانية يصون نفسه ويشبع غريزته ..

ابن آدم ضعيف والفتن منتشرة و دام الله سبحانه حلله الزواج شنو المانع انه ما يتزوج؟

طبعا رجل عن رجل يختلف بس حبيت أوضح الفكرة ..

مو دايماً الزوجة الثانية تكون سلبية ودخيلة

أما الريال المستقر بزواجه ومرتاح وتيي وحده تلعب براسه وتقص عليه وتعفس بيته اهني عاد محد يتمنى لها الخير ..

الله يسخر الأزواج لزوجاتهم ويبعد عنهم عيال السوء يا رب*

 

[مُخملْ]

احناْ مانْعَرفْ اللي دآخلْ البيوتْ ،
لَكْنْ الزوآج الثانيْ لآهو فَرْض وَلآْ انكتبْ الا لآنْ فيه حآلآتْ تتوَجّبْ هالشيْ ، لكنْ بعض
الرجآلْ اعتبَرْ هالتشريعْ ذَريعَةْ يتحججْ فيها لي ملْ وبغى يغيّرْ زوجْتهْ ولآزآغتْ عينه على غيرها!

أأيّد الزوآجْ الثانيْ لما يكونْ بِرضا الزوجة الاولىْ ، ولسبب قاهرْ يدفَعْ الزوجْ للزوآجْ مرّة ثانيةْ ، مَعَ
العَدِلْ بين الثنتينْ ، لويشوفْ انهْ مآرآحْ يقدرْ يعْدلْ لآ يتزَوَج من الاساسْ ويظلم بَناتْ النّآسْ . ،


لَكنْ والله الي تتزوجْ واحدْ متزوجْ ، بحجة آنها تشتغلْ او ماراحْ توَفّيه حقوقهْ كآملهْ ، لأآتتزوجْ
آحسنْ لها ! دآمها مبْ حِملْ زوآج ومسؤولية وبيتْ لآتخربْ بيوتْ الناسْ وتبني سعادتها على تعاسه غيرها


،

الله يعطيج العافية حبيبتي

وعساجْ عالقوةْ

 

[عن النسآ أفرق ~]

-



نصصصصيب وهالشي الله كاتبه لهآ
ولكن لو يرجعلي الرااي بقول لآ ..
و تسلمين ع الطرح

​

 

[$ بنت علمي $]

نووووووورتوا

 

[نوسه الشطي]

ماشوف فيها شي لما الريال يتزوج على مرتهـ ؟!

بالنسبه لي لو تزوجت وريلي بيتزوج علي مراح اعارضهـ ,,
بس بشـرط أكيد ,, بطلب اعرف شنو اللي انا مقصرهـ فيه عشان يبي يتزوج علي هل أهو شايف شي او مضايقهـ شي أو عشان قلبه متعلق فيها ؟!
ثاني شي أنا يمكن بكون زينه بس مادري شنو نظام مرته يعني شرطي الاول ما يسكنها معاي بنفس البيت ولا يوصل لها اخباري ,,

ولو قدر يوضح لي الموضوع ويقنعني بوجهة نظره مستحيل اعارض ولو أهل البنت طلبوا رايي بقولهم أنـي موافقهـ ,,
بس لو مافي سبب ولعانه او ردهـ ما اقنعني فناقر بره البيت ههه ,,

وبالنهايهـ هذي وجهة نظري

 

[نوسه الشطي]

على فكرهـ مثل ما بعض الحريم يستنكرون هالموضوع وبشدهـ في حريم اهم يبون رياييلهم يتزوجون ,,
بتسألون ليش ؟! لأن لما الريال ياخذ مرهـ ثانيه اولا اهـي بتاخذ راحتها أكثـر
ثانـي شـي الريال يرتاح وبتتعدل نفسيتهـ والله ,,
مو أحسـن من أنهـ يروح للحرام ؟!
لما يكون متزوج ثانيه بس لما يكون معاج يكون تفكيره وياج مو أحسن من ان انتي تمشين يمه وعينه تتلاقط على بنات خلق الله ؟!

<<< على فكره هذا رد وحده متزوجه وريلها متزوج عليها واهي قاعده يمي تقول انا انقهرت بالبدايهـ بس الحين عادي صاروا ربع

بس على فكره عمي اللي اهو ريل اللي يمي ما ينعطى ويه وما يستحي راح خذا الثالثه يمال السلال ههههه

 

[عالي مستواك]

هههههههه عجبتني ردود البعض

واستنكرت ردود البض

بس القرار بالاول وبالاخير للريال

وسامحوني عالاطالع

 

[زينانه]

شوفي صج اني مره متزوجه وارفض ان زوجي يتزوج علي من ناحيه الغيره فقط
لكن ان جينا للحق اولا هالشي حلال ميه بالميه
ثانيا لو كان اخوج مو مرتاح مع مرته لكن مجبور يتم معاها عشان عياله لكنه يبي يتزوج عليها وحده يعشقها بتقولين ليش لا ياخوي
ثالثا احنا الحريم اللي يقهرنا الحررره انها بتلبس له وتكشخ له وبس تفكيرنا محدود سخيف احيانا
رابعا اذا الرجال قادر يفتح بيتين وانتي مو منضره ليش تعصبين دامه يجيج ويصرف عليج ويضحك معاج
الزبده
لحد يقول الزوجه الثانيه وباء بالعكس هي اختي واختج ولها ضروفها
ولو ريلج ماتزوجها بالعلن والحلال تراه بيعاشر حبيبه بالحرام والا بيتزوج من وراج
فالوحده لازم اذا اتصدمت بخبر زواج ريلها
تتعوذ من ابليس وتقضب بيتها وتعيش حياتها
وتخلي ريلها يصرف على عياله ويشوفونه على طول
احسن من للطلاق والبهاذيل
بعدين هو تزوج ماكفر

 

[اطياب طيبه.أم عبدالله]

مالت على الرياييل اللي ياخذون علي حريمهم في حال الزوجه الاولي مكفيه وموفيه

 

[مزاااج]

والله النقاش بهالموضوع يطول
بس انا اشوف انه منتشر بالهبل بمجتمعنا
وبالنسبه للي استكنرت الموضوع وبحده
اقولها
افرضي معاي انج لاسمح الله تطلقتي وكانت في مشاكل بينج وبين طليقج ومحاكم
يعني الرجعه مستحيييييييله
هني منو بيتقدملج
لاتقولين لي ارمل والا مطلق
ماعتقد انج راح تتشرطين(وان حصلوا خير ونعمه)
يعني بيتقدملج واحد متزوج ويمكن عنده عيال
واذا انت ماوافقتي مبدئيا ومع ضغط امج واختج وخالتج بتوافقين​

هني شنو تتوقعين نظره الناس لج​

نفس نظرتج للزوجه الثانيه الحين​

يعني لكل زواج ظروفه الخاصه ونصيب بالاخير ​

ونقطه ثانيه
مثل ماكان للزوج حريه بأختياره لزواجه الثاني
هم بعد المرأه الجديده لها حريه الرفض او الموافقه​

هم بعد للزوجه الثانيه حق انها تقبل تقعد وياه والا تنفصل عنه​

وانا انصح اي وحده زوجها مقبل ع زواج
خل تقوله رأيها بكل صراحه
قوليله انا ماقعد عندك وراح اتطلق منك​

مو الي يبط الجبد بعد وهم ماودي اقولها
من يتزوج الرجال يصير غالي ع الثنتين
يقطعون اعمارهم باللبس والكشخه
تلقينه يفكر بالثالثه من هالتصرفات​

لازم تهديد لازم
عشان يمكن اذا فكر وتذكر كلامج يتنازل شوي لوموعشانج عشان العيال
موتتقضبين فيه بزياده بأيدينج واسنانج​

والواحد مايدري شنو خاش له الزمن
يمكن لوتزوج علي
يصير غالي واتقضب فيه ههههههههههه​

يبا تدرون دع الخلق للخاااااااالق سبحانه​

وتذكروا دايما ان كل الي يصير لكم خيره
ولو علمتم المستقبل لاخترتم الواقع​

وشكرا​

 

[انا لها شمس]

مستحيييييييييييييييييييل اتقبل الفكره حتى
ما الله حاد ع هالشقا

بس في حالات يبرر لها ظرفها الزواج ع شريجه
وبعضهم فوق غلطها تتسلط ع المرا وعيالهاااا

والله يكفينا شر الثانيه لاني اتوقع اني ممكن اقتلها
وخواتي يساعدوني ويشرحونها


ونبي مثال حي يشارك بامانه

 

[بنت الأجوااد]

انا مستغربه من بعض الردود اللى ترد على

صاحبة الموضوع اطرحت موضوع وكل وحده لها حرية الرد كيفها

انا ماعلقت على ردودكم لانها تخصكم وكيفكم فيها

لحد يهاجم

انا لو بتجوز واحد متزوج كيفي مزاجى انا حره محد له شي عندى لو جيت اخذت زوجج ياللى تهاجمينى تكلمى

×××××××××××××××××××××××××××
×××××××××××××××××××××××
×××××××××××××××××
×××××××××
××××××
××××
××
×


تم تعديل الرد وارجو الالتزام بأدب الحوار

 

[انصاريه قمره]

والله لو عندي منه 100 ياهل ما اقعد معاااه دقيقه يعقب شفيني انا علشان يتزوج علي مو انا اختياره يتحمل هههههههه جني دشيت بالمووود

 

[! هُوْ وِينِه !]

بنآت مو شرط آلمرآة آلثآنيه يكون فيهآ عيب :eh_s(4):
وحده من جمآعتنآ زوجهآ تزوج عليهآ
لآنهآ مآ تهتم فيه
وآلي تزوجهآ آلثآنيه مآ قآصرهآ شئ
جمآل وعلم ودين وآخلآق
هذآ نصيبهآ
إلي بوصله لكم
مو دآيم آلزوجة آلآولى آلضحيه
وهذآ حقه بآلشرع 3 غيرج
لكن لو جت لي إذآ آخذ علي زوجي بطلب آلطلآق :krkrkr:

موضوعج حلو بس تأكدي ماراح يدخلون الزوجات الثانيات لأنها تستحي تواجه الناس بانها زوجه ثانيه لأن تدري الكل ما يتقبلها ولا يرحب فيها ويستنكرها ويستحقرها بعد!!

تستحي من شنو
تستحي إنهآ آخذت وآحد بآلحلآل :eh_s(10):
لآ تحرمون مآ آحله الله

 

[بنت الأجوااد]

Hello_kitty
جزاج الله خير

 

[Diana *]

أنا أبداً ماني معا الزواج من واحد متزوج بس الزواج قسمه و نصيب
و أكيد مافيه و حده بترضى بنص ريال إلا و عندها ظروفها !

بس ليش هالهجوم !؟! ليش دايما نلوم الزوجه الثانيه !

1. الريال هوه إلي منه الخطوه الأولى .. يعني هي مالها ذنب إنه تقدم لها و لو رفضته بياخذ غيرها ( يعني المروض هوه إلي ينلام)
2.لو فيه حب و تفاهم بين الزوجين مستحيل يفكر الزوج بزوجه ثانيه.
3. إذا أنا ما أرضى إنه زوجي يتزوج علي و بموت من القهر لأنه خلاص قرر يتزوج ، ليش أضل معاه ؟