متزوجه واحد متزوج وعنده عياال!! راضيه تصيرين شريجه !!عاادي عندج !!

[أحترت أعبر]

والله اني اهون علي امشي بجنازته ولا اني اشوفه ماخذ وحده ثانيه ..​

 

[عهد الغرام]

بنات كل الي اعرسوا ع حريمهم من اهلنا الاولي مزيونة ومو مقصرة بشي تبوس الارض الي يمشي عليها ودايم تمدحة قدام الحريم وتجي وحدة حقيرا محد خطبها
وتاخذة من تعرف في مشكله صغيرة بينهم والله بنات ياخذها وهي لاجمال لا اخلاق لا نظافة دارها مزبله من بعد ما اخذها بس للاسف مايقدر يرد الاولي بعد ماطلقها لانه يفكر بكرامته ويصبر علي الثانيه وحتي اعياله مايروحلهم لاتثقون برجال لو شنو يصير*

 

[$ بنت علمي $]

عفووووووووووووووووووووووووووووووووووووووا


خواااااااااااااااااااااااااااااتي

مابي هوااااش

والفااااااااااااظ بذيئه ؟؟؟؟؟؟؟؟؟؟؟؟؟

 

[بنت الأجوااد]

$ بنت علمي $

لاتحاتين المشرفه قامت بالواجب بعد ماقدمت بقسم الشكوى موضوع هناك قامت بالرد مشكوره ماقصرت

 

[نوره 99]

المطلقه والأرمله بمجتمعنا مجبوره ترضى تاخذ واحد متزوج وعنده عيال
ولقب زوجه ثانيه ارحم من لقب مطلقه أو ارمله
وبنفس الوقت هي من حقها تكون لها اسره وبيت خصوصا لو كان زواجها السابق بدون عيال
دايما المجتمع يحط الزوجه الثانيه بقفص الاتهام وكأنها مجرمه مع أن الغالب الزوج هو اللي يدور ع زوجه ثانيه وهي مجبوره ترضى فيه لأن فرصتها بالزواج قليله
اتكلم من وجهة نظر عقلانيه واقعيه
بس لو جينا للعاطفه نظرتي العكس تماما

 

[أو عبوش]

احنا نتناقش



ونتعارض بالآرااااء


وشد وجذبّ



ونرفزه


وتفكير غير عن بعض



ونطرح حلول اخرى



وندخل في دهاليز ضيقه على امل ان نصل الى ثغره الحقيقه


^
^
^
^
^
^
^
^
^
^
^
^




والرجال حاط رجل على رجل يفكر ويرسم ويخطط بهدوء

ومتى ماوصل للهدف تزوج من غير لا يعلم حواء




والله الحريم مساكين

 

[nono93]

بنات ترى الرجال مو نفس المراه

الرجال يقدر يحب 4

قلبه يقدر ينقسم لاربع
عااادي

تفكيره اسلوبه حياته غير

مو نفسنا احنا حساسين عاطفين نغار

نحب الانانيه


اهم لاااا

سبحانه الله ربكم شرع له 4 لانه قااادر

يوفق بنهم


مستحيل ارضى اكوووون زوجه ثانيه >> لاسباب كرامتي

ومستحيل ارضى يتزوج علي >>>> لان ان شالله ماراح اقصر معاه


وبس
ثااانكسس لصاحبه الموضوووع


والبيووت اسرار

 

[$ بنت علمي $]

حياااكم الله وان شاءالله برد عليكم كلكم ..

 

[أكذب عليك]

يضحك هجوومكم ع بعض
انا امي كانت الثانيه وتزوجت ابوي ومرت ابوي اهي اللي خاطبتهااا وعادي
ابوي عادل معاهم ونحب بعض وعايشين باحلي حياة وماخربت حياتنا بالعكس
قعدنا ابيت واحد وتربينا مع بعض وامي ومرت ابوي جنهم خوات واكثر


انا ماتخيل زوجي يتزوج علي بس لافكر يتزوج مهو ناطرني ولاشرايكم
بعدين المرا يجي يخطبها رجال متزوج موذنبهااا اهي بتعيش وبتتزوج
ماسوت شي بالحرام كيفه

انا استحقر زوجي لو تزوج علي وانا ماقصرت بحقه بس ماستحقر وحده تزوجته علي
لان اذا زوجي اللي عشت معاه بيخون عشرتي وياخذ علي شكوو بنت الناس اسبهااا
مامفروض اسب زوجي واستحقره


لاتاخذكم العاطفه حيل وانتو الحريم تعرفون شنو الرياجيل مهما تعطينهم ماتضمنين
فيعني موذنب الزوجه الثانيه نصيبهاا وجاهااا

واللي متزوجه ومتهنيه بحياتها في بنات واجد تطلقوا ظلم او ترملوا بدري
اذا واحد جاي خاطبهاا ويبيهااا فالزوج اهو اللي يتحمل خراب بيته

وترى هجومكم حييل اوفر ..ترى الدعووه نقاش

 

[*درر*]

أولاااااا كل شيء قسمه ونصيب
أهيئييئيئي حدهاااااا صعبه أنااااا مطلقه ولاتمنى. متزووووج. أقول اقعد العمر كله ؤلاا أحررر. مره وبذاات لصاااار مو مقصره مع زوجهااااا
أولاااا وأخيرااااا أرزااااق.
بس ملاحظتي. ان المرره الثاانيه ترى مالهااا ذنب نصيبهاااا.الرجال متزوج أهي ولا غيرهااااا

 

["Om 3AzOoZ"]

من سابع المستحيلات اصلا الي تتزوج واحد متزوج وعنده عيال ارتكبت اكبر جريمه بحق نفسها وحق زوجته الاولى وعياله انا من المعارضين وبشده .

 

[ليان200]

تدرون شالقهر بالموضوع ان دايم كلمة الشرع حلل اربع وينسون كملة فان خفتم ان لاتعدلو فواحدة وبعدين يجلس يتفلسف اقدراعدل ومادري ايش واذا طاح الفاس بالراس شهر ولا شهرين وتعب من مسالة العدل يقول العدل موب في كل شي على حسب الي اقيمه وشوي شوي ينسى مسالة العدل بس يجلس يتفلسف
انا مايد الزواج من ثانيه بس تدرون شالي يقهر ان لمن يتزوج عليها واهي كبيره ماسترجل واهي صغيرة وياخذ عليها وحدة يضيع عمرها وبعدين ياخذ ثانيه
انا عندي اذا زوجي بيسترجل وبيتزوج يتزوج الحين لايتزوج بعدين رغم ان في الحالتين بتطلق منه بس عشان لااضيع دقيقه وحده معاه
والي يقولون احنا ندرس ونشتغل فا نبي نص رجال اذا رضيتو بنص تنازلو عن الباقي واذا انتي قد كلمتك تزوجي واحد مو متزوج بعدين انتي روحي خطبي له وشوفي القهر
وتدرون شنو الي يقهر ان الرجال لمن يكون موب قادر على هالبيت من مستشفيات ةمصرف وكل شي يطلع منه بالعزره ويطلع عيونج على مايطلع ويروح يفتح له بيت ثاني انت بالاول تعال تكفل بهالبيت عشان تفتح لك بيت ثاني
واحنا عندنا وحده كلة مشاكل مع زوجها وتزوج عليها تدرون ليش لان يبيها اهي ولا اهلها يودون العيال المستشفى والاكل يبي يجيب بالوقت الي يبيه ويبي على طول طلعات ومن ديوانيه لديوانيه واهو ومرته كل مشاكل بينهم بسب تقصيره في الحقوق بعدين لمن سنعته راح تزوج عليها ولا القهر انة مايطيح في الاخطاء الي طاح فيها مع الاولى من تقصير في المستشفيات ومصرف وبعدين يجي ويقول ذي مرتاح معها ماتسوي مشاكل اكيد انها موب تسوي مشاكل كل شي خذته جاهز مجهز <<<<<ماخذتك بقراطيسك الاولية علمتك المسؤليه
وانا في الي حولي متزوجين متعددين بس ولا واحد شفته يعدل بين حريمة ياتكون الاولى مضلومة وهذا في الغالب ولا الثانية مثل احنا عندنا جارنا متزوج ثنتين الاولى مايرضى يوديها بيت اهلها الا في الشهر مرة رغم انهم ساكنين بنفس المدينة والثانية كل اسبوع طاقة وجهها بيت اهلها رغم انهم بمدينة ثانية

الشرع صحيح حلل اربع بس ماخلاة واجب واوجب العدل
والعدل دايم ينسي بعد سنة بالكثير من الزواج
فاتجي تحكم الثانيه ان الأولى راعية مشاكل و اهو راعي مسؤليه ومادري ايش من هالكلام اكيد بيكون راعي مسؤلية الاخطاء الي طاح فيها مرة موب يطيح فيها ثانيه فالاتظلمينها
وانا اتمنى من كل وحدة تتزوج واحد متزوج يجي في وقت زوجها يتزوج عليها ولمن تجيب بنات بناتهم ينحط عليهم ضره

 

[$ بنت علمي $]

يضحك هجوومكم ع بعض
انا امي كانت الثانيه وتزوجت ابوي ومرت ابوي اهي اللي خاطبتهااا وعادي
ابوي عادل معاهم ونحب بعض وعايشين باحلي حياة وماخربت حياتنا بالعكس
قعدنا ابيت واحد وتربينا مع بعض وامي ومرت ابوي جنهم خوات واكثر


انا ماتخيل زوجي يتزوج علي بس لافكر يتزوج مهو ناطرني ولاشرايكم
بعدين المرا يجي يخطبها رجال متزوج موذنبهااا اهي بتعيش وبتتزوج
ماسوت شي بالحرام كيفه

انا استحقر زوجي لو تزوج علي وانا ماقصرت بحقه بس ماستحقر وحده تزوجته علي
لان اذا زوجي اللي عشت معاه بيخون عشرتي وياخذ علي شكوو بنت الناس اسبهااا
مامفروض اسب زوجي واستحقره


لاتاخذكم العاطفه حيل وانتو الحريم تعرفون شنو الرياجيل مهما تعطينهم ماتضمنين
فيعني موذنب الزوجه الثانيه نصيبهاا وجاهااا

واللي متزوجه ومتهنيه بحياتها في بنات واجد تطلقوا ظلم او ترملوا بدري
اذا واحد جاي خاطبهاا ويبيهااا فالزوج اهو اللي يتحمل خراب بيته

وترى هجومكم حييل اوفر ..ترى الدعووه نقاش

ماشاءالله

هاذي حاله نادره نلقى شريجتين يحبووون بعض

ادري مو ذنب الزوجه الثانيه

بس الزوجه الثانيه عندها عقل تفكككر فيه

ماتاخذ واحد متزوج

وتهدم بيته ؟؟؟؟

 

[$ بنت علمي $]

الرجال له حق يتزوج لو كانت زوجته مقصصصصصصصصصصصصصصره فيه

بس ماله حق يتزوج مادام زوجته ماقصرت معاه

وحتى الزوجه الثانيه تتحمل الذننننب.؟؟؟؟

لانها بالاصل واااااااااااافقت انها تتزوج واحد متزوج

اساسا فكره انها تتزوج واحد متزوج

بدايه الغباااء عند المراااه ؟؟؟؟؟؟؟؟؟؟؟؟؟؟

 

[ليان200]

ولا تنسون بعد ان مافية احد كامل الا وجهه
وبدال مايروح يتزوج على مرتة ويتكلم عنها عند بيوت الناس خل يروح يواجها باخطائها احسن لها ولة ويقول لها شنو الي بي وشنو الي مايبي موب يروح يتزوج ثانيه ويروح يقول لها انا مرتي كيت وكيت وكيت مابيك تسوين

 

[ام الزين2000]

بنات خل اقولكم قصتي مع بنت ابليس '' طبعا سنتين زوجي متغير علي مابي ادخل بالتفاصيل
طبعا من كثر ما دعيت ربي افرج همي ويكشفلي لعب زوجي مع بنت ابليس الله عطاني الدليل بيدي بأسهل الطرق .......طبعا طحت علي تلفونه الي كان اكلمها فيه وكانت صدمتي انها بنت بالجامعه حسبي الله عليها وتدري انه زوجي متزوج وعنده عيال وفي مسج من المسجااات اشكاتبه حق زوجي ببجي .......احسد زوجتك عليك ..... عسااااااج ابجهنم يابنت ابليس وعسي يرزقج زوج اخووووونج عدل لين تطلع روحج من البجي .......سامحوني بنات ذكرت قصتي بس من حرتي

 

[-_-Designer-_-]

انا ما أأيد الزواج بالزوجه الثانيه لان فيه هدم بيوت و تحطيم مشاعر الزوجه الاولى مع العيال , و لو شنو الريال يحاول يعدل بينهم ماراح يعدل وحتى مذكور بالقرآن : ( ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة وإن تصلحوا وتتقوا فإن الله كان غفورا رحيما ( 129 ) )

قوله تعالى : ( ولن تستطيعوا أن تعدلوا بين النساء ) , الزوجه الثانيه عمرها ما راخ ترتاح ولا الريال لان راح تكون الزوجه الثانيه مو مقبوله عند الكل حتى عند اهل الزوج و بمجتمعنا ينظرون لها بنظره استحقار لها , ولان الريال عنده عيال ومسؤوله في البيت الثاني راح يكون مشتت بين طلبات الزوجه الاولى مع عيالها وطلبات الثانيه وغير هذا الغيره تذبح من كلا الزوجتين , وساعات الريال يفكر ان بالزواج من الثانيه ان هذا شي واايد حلو وان راح يرتاح مره عند الاولى و مره عند الثانيه و عباله ان اثنينهم راح يتقبلون هالشي و يحط الزوجه الاولى بالامر الواقع ! و ينصد م من الحياه اقصد الجحيم الي سواه و نفس الشي الزوجه الثانيه عبالها الله انا الي فضلني على الاولى على طوول معاي و ايبله العيال و اكون انا الاولى والاخيره طبعا البعض يفكر جذي و لكن هم تنصدم من الواقع و تتحسف على قد شعر راسها , صج ان اباح الاسلام تعدد الزوجات بس اذا كان الريال مظطر ولظروف قاهره اما اذا كانت الزوجه الاولى ما عليها اي تقصير و اهو الي يفكر بأنانيته ورغباته قلعته الي يصير فيه .

مشكووووره على هالموضووع و سامحوني عالاطاله

 

[$ بنت علمي $]

بنات خل اقولكم قصتي مع بنت ابليس '' طبعا سنتين زوجي متغير علي مابي ادخل بالتفاصيل
طبعا من كثر ما دعيت ربي افرج همي ويكشفلي لعب زوجي مع بنت ابليس الله عطاني الدليل بيدي بأسهل الطرق .......طبعا طحت علي تلفونه الي كان اكلمها فيه وكانت صدمتي انها بنت بالجامعه حسبي الله عليها وتدري انه زوجي متزوج وعنده عيال وفي مسج من المسجااات اشكاتبه حق زوجي ببجي .......احسد زوجتك عليك ..... عسااااااج ابجهنم يابنت ابليس وعسي يرزقج زوج اخووووونج عدل لين تطلع روحج من البجي .......سامحوني بنات ذكرت قصتي بس من حرتي

حبيبتي الله يعينج


:yaaaaaarb:

 

[Angel-Lady]

انا بقول شغله بما ان الموضوع طلع عن مساره الاساسي

و من ناحية الاصل بالتعدد و بنية الزوج السليمه من التعدد... و مابي ادخل بالعدل و غيره لان المفروض الوحده قاريه و عارفه هذا الشي

لان الاسلام اباح و لم يرغب

الي ابي اتكلم عنه اهو...

بالنسبة الي قاعدين يعترضون و ينقهرون و غيره تدرون ان هذا ما يجوز؟ و ممكن يطلعكم من دينكم و انتو ما تدرون؟؟؟

انتو قاعدين تعارضون منو بالضبط؟ :]

الزوجه الثانية؟ و لا الزوج الي تزوج ؟ و لا الله سبحانه و تعالى الي حط هذا الشرع و الحكم؟؟؟

لا تقصون على عمركم راي ما راي... ترضين و لا لا... او تدعون على الزوجه الثانية و تحتسبون و كانهم مرتكبين معصيه

هذا حكم و شرع من الله سبحانه و البنت ما ارتكبت معصية و لا حتى الريال

(ذَلِكَ بِأَنَّهُمْ كَرِهُوا مَا أَنْزَلَ اللَّهُ فَأَحْبَطَ أَعْمَالَهُمْ )

(قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ . لا تَعْتَذِرُوا قَدْ كَفَرْتُمْ بَعْدَ إِيمَانِكُمْ)

في ناس يتكلمون بطريقة تدل ان عندهم ضعف ايمان و دين و قلة بصيرة !!

الله سبحانه و تعالى ما حط هذا الشرع الا لانه يعرف طبيعة الرجل و حاجاته و يعرف الامور كلها و الي اتقول ان ماله حق لو زوجته ما كانت مقصره

من وين طلع هذا الكلام؟ ممكن الي يعرف يعطيني ايه او حديث؟

لان فيه فئه من الرجال عندها طاقه اكبر من ان وحده تعفه فمن وين طلع هذا الكلام؟

اذا تزوج عليها و كان ظالم عندها المحاكم و تطلق و اذا كان زين معاها و عادل تصبر و تحتسب لكن ما تعترض على شرع الله سبحانه لان ممكن يكون خير لها في النهاية... مثلا يزداد حبه لها فيطلق الثانيه و يرجع لها و طبعا حلل لها ان تطلق منه اذا ما قدرت تصبر على زواجه فالخيار مفتوح لكلا الطرفين

في النهاية تعدد الزوجات موضوع طويل لما قريت عنه و المفروض احنا انثقف نفسنا فيه ما تدفعنا العاطفه بالتفكير

هذا شرع من الله سبحانه و تعالى و لا يجوز ان نعترض لان بالنهاية المسأله مسألة عفه* للرجل و المرأه

و الي بتقول ترضين ما ترضين زوجه ثانية و لا لا و من هذا الكلام الي ينم عن لقافه... انا وضحت و ما راح اعصي ربي و اضيع اخرتي بسبب شخص و لا كلام اقوله

انا الي علي ادعي ربي يحفظ لي زوجي و ما يشوف غيري و يجعلني قرة عينه و يجعله قرة عيني و بالضافه اني اقوم بما امرني الله سبحانه و تعالى من واجبات كزوجه و الي تعلمتها و تربيت عليه من اهلي الله يحفظهم و الباقي على الله سبحانه و تعالى و تقاديره و باذن الله يصبرنا عند المامل. المصايب

بين المتزوجين لا احد يتدخل لانهم كبار و المفروض عندهم مخ يفكرون و ما يلمون غيرهم او يعترضون على حكم ربهم او قضائه و قدره *

 

[Angel-Lady]

و أنـآ شـآيفه فتوى للشيخ عثمآن الخميس

قـآل لآ يجوز للمرأه طلب الطلآق من زوجها اذا اتزوج عليها وحده ثآنيـه

الآ اذا كانت كآتبة في عقد الزواج ان ما يتزوج عليها . .

انا قريت بفتوى بدور مصدرها و اتاكد ان ممكن تطلب الطلاق و لو كان مكروه

و السبب الاذى النفسي الي يصيب المرأة من غيره شديده و ضعف ممكن يدعوها الى ارتكاب معصية او عدم الاحساس بالحياة فتستحيل العشره معاه فيجوز تطلب الطلاق

بس بشوف و اتاكد :]