متضاااااايقه وقولولي شنو اسوي؟؟

[انار الحلوه]

مرحبا حبيباتي،،
بنات حدي متضايقه من خطيبي ومو عارفه شنو اسوي؟ قبل ايام صدمني بشغله حييل وهي انه راح يسمي ولده على اسم ابوه واسم ابوه مو حلوووووووووو كلش :eh_s(11): ولاوراح ينادوني بهالاسم ام........، بنات انا قلت له انسمي ثاني ولد بهالاسم بس مو اول ولد وهو مو راضي،وتدرون عاد احنا تونا مالجين وما حددنا العرس وهو اللي فتح معاي هالموضوع بنات اشلووووون اقنعه سااااااااااااعدوني تكفون والله مقهوره وما لي غيركم اشكيله همي وابيكم تردون علي مو تطنشون الموضوع على الاقل رفعوه.

ابي اقنعه شنو اقول؟؟؟

 

[يركدون]

اول شي الله يتمم علييج بخير

بعدين بسم الله اللي كاتبه الله بيصير

مو الحين تناقشون بالاسم بتتعبون

ان شاء الله باجر اذا الله رزقج بولد تحايلينه منى مناك تقوليله لك منى وعد الولد الثاني اسمه ع اسم ابوك

بس الاول مو حلوو توني انا صغيره وينادوني بهالاسم

واذا رفض بالمره آمرج لله الاسم لا يودي ولا ييب خخخ اهم شي الذريه الصالحه

وربي يووفقج

 

[الـــغـــلآ]

الله يحيينا و يرزقنا بالذريه الصالحه

ادعي بالاول بعدين فكرو

بعدين عادي من حقه و تقريبا اغلبهم جذي و بالعكس عادي وانتي بينيله انج عاجبج الاسم موو جنه مو عاجبج و تقولين لا ومادري شنو لانه يبقى اسم ابوه

 

[قاهره عذالي]

عادي حبيبتي
اعرف ناس سموا ولدهم الكبير
على ابوهم
عقب تحسفوا وغيروا اسم ولدهم
هذي مو سالفه
وعادي
ادعي ربج انه يوفقج وبس

 

[لوله الأموره]

حبيبتي قولي له مني لوقتها خير هذا اول شي
ثاني شي لما تكونين عنده انتي تقدرين تغيرين رايه
ثالث شي ادعي ربك انه يغير رايه
صدقيني ماتلقين احسن من ربك تشكين له همج وهو الي قادر ع كل شي سبحانه
اخيراً.. نصيحه
لا اتكلمينه وايد خاصة اذا العرس بعيد بيقعد يفرض رايه ويتدخل وانتي للحينك فبيت ابوك خير ان شاء الله
وتقبلي مروري
​

 

[انار الحلوه]

يعطيكم الف عافيه على ردودكم وانا قررت اسكر هالموضوع مره وحده معاه بخلي كل شي بوقته

 

[أسطورة الجمال]

شوفي حبيبتي انتي تقولين ما حددتو العرس صح يعني تو الناس ليلحين مو متعودين على بعض انتي تبين شيء و اهو يبي شيء ثاني و بهالفتره كل واحد يفرض شخصيته عالثاني وقفلي على هالموضوع لين يصير وقته ويحلها الف حلال لا تيبين المشاكل حق نفسج ترى الشيطان شاطر واذا حملتي انشالله والله يرزقج بالذريه الصالحه عاد اهني تحايلي بطريقتج تدلعي وسوي نفسج تعبانه ومنغثه من الحمال وتساحلي وتحايلي وتدلعي وكلمي بهدوء وقوليه ترا انا الي حملت وتعبت وراح اولد واتعب اكثر يعني سوي نفسج مسكيييينه وكل شيء بالهدوء يصير...​

 

[غنآآآتي]

لا تضايقين ولا شي لا جا وقته بتنحل ان شاء الله اهم شي ادعي ان الله يوفقج معاه
وعادي ترى لما تشوفين ضناج متعافي وتيشيلينه بيدج يهون عليج كل شي
والله يوفقكم ويهنيكم يارب

 

[أميـِـِره]

ششدعوااا من الحيين تتهاوشون ع الاسم

توكم ماقلتو بسم الله

حبيبتي طنششي وماتدريين شييصير بعدين علئ شنوو تتضايقين من الحين  اصلا اذا رزقكم الله بولد انشالله اسمه معاه مايحتاج تتهاوشون اللي كاتبه الله بيصير

 

[انار الحلوه]

مشكوووووووووريييييين على الردود فديتكم والله وراح اسوي كل اللي قلتولي عليه.:rerrerek:

 

[الدانه-]

ههههههههه والله ضحكتينييييي يامعوده انتو ادعوا ربكم بالاول يرزقكم الذريه ويتمم عليكم ولاحقه على الاسم وترا شنو ماكان اسم عمج تكبرون بعينه لو سميتوا عليه وترا يستاهل​

 

[مجنونه هواهـ]

حبيبتي اول شي خليه يتم العرس بخير وتبشرينا بانك حامل بعدين فكروا باسم الولد

 

[حطمۈكہ يآقلبي]

عادي مااشوف فيها مشكله​

 

[موج-البحر]

البنات كفوو ووفوو الله يوفقج ان شاءالله

 

[كلي لكـ]

ماقصرو البنات

 

[معلمة شيسمونه]

اقول حبيبتي تو النااااااااااااااس ترى

مني لهذاك الوقت يحلها الف حلااااااااااااااااااااال


من صجج تجادلين على شي بعد ما صار

وبعدين اذا سمى او ما سمى ترى بالنهايه اسم عادي ما يسوى تصير مشاكل على اسم

حطي حيلج بالاسامي الباقيه
وماعليج يمكن هو يبطل عن الاسم وان سماه ترى مو مشكله

 

[Q 8 Y A t]

ليش تييبين المشاكل لنفسج ؟

الله يسلمج انتي قولي ان شاء الله

وحزتها انتي راح تغيرين رايه لما يشوفج تعبانه

والعبي عليه باخر الاشهر



من الحين وانتي ما حملتي سويتي المشكلة

الله يهداج بس

 

[مربية المستقبل]

عاادي ياقلبي وتو الناس على تسميه العيال ويمكن مع الايام يقتنع بنفسه

وعادي اعرف بنات شكثر اسامي عيالهم على اسم ابووو زوجها واسمايهم قديمه حييييييييييييل

واذا جذي قوليله انا مستعده اسميه ولدي باسم ابوك وابوك يستاهل بس مايكون اول ولد

بالتووووووفيق

 

[فاطمه العلي]

الله يهدي سركم يا رب

 

[engnera]

تو الناس حملي بالاول