متضــــــــــــــــــــــــــايقة موب عارفة ارقد..تعالو سولفو وياي اشوي

[فراشة الرغد]

هــــــاي
:eh_s(2):
ماعندي غيركم اسولف له ..في هالاشيا
ماحب اتكلم مع رفيجاتي عنها ..

بنات ..
ليش الريال لم تحتاجه زوجته يوخر عنه بالذات بفترة الحمل..
هم رضيت وقلت مو مشكلة..
حتى في البيت اواصل يومي عادي .. اهو يا نت يا تلفزيون
يا طالع يا تلفون.. وبس هاي عيشته وياي..

رضيت ما قلت شي..
بس المشكلة طول اليوم كل بين جم ساعة ايي يقعد معاي خمس
عشر دقايق..
وبس يبطل حلجه .. يبتدي يتطنز علي ..

:eh_s(2):

ماتم شي ماتطنز علي فيه ..
المشكلة ان انة احلى منه بالف مرة ومافي مقارنة..
اصلا حتى وانة حامل اهتم بنفسي واكشخ ..ز وملامحي صايرة
احلى والكل يقول..
كل يتطنز علي يقول لي درام صرتي .. يقارني بفلانة وعلانة من
التلفزيون والاسواق..
يقارن شعري بالهنديات .. ويتطنز على شعري.. انة طاح شعري بعد اول ولادة
بس الحين صار زين.. يقول لي حتى لا ولدو ما يطيح شعرهم ويتم يمدح
فيهم ويذم فيني..
يا ناس نفسيتي زفت .. بسبب اوضاعنا بالبحرين.. والحكرة ما نقدر نطلع واهو
يزيدها علي..
ليييييييش.؟؟ اكاني قاعدة بعيدة عنه .. بس يي خمس دقايق بس يفتح حلجه يقط
علي حجي نفس ا لسم .. ويبيني اضحك وياه ولا كان شي..

اسكت وايد عقب خلاص..
انفجر اصيح .. ولا يهتم ولا كان شي.. سيدة يقوم ويضحك وكان الي يبيه صار..
ليش يتعمد يضايقني.. كلمة حلوة مااسمع ..

:eh_s(2):باقي شهرين واسبوع عن ولادتي .. وطول فترة الحمل متعبني ..
على الاقل اخر الاشهر .. يصير زين..

يوم عصبت سيدة طقني.. يعني قاعدة في حالي واسكت واطوف واااايد..
مع ان محتاجته يمي ومحتاجة احس حد يهتم فيني .. او يدللني او شي..
مافي .. وبعد ما حاجيته
يقعد معاي بس يطفرني..
وكل يتطنز علي .. انة باقي اسبوع واكمل السابع .. بس بطني مو عود وايد بالنسبة
للحوامل.. بالعكس ظالعة كتكوتة.. بس اهو لانه يقارني بالممثلات ومادري من
انزين اهم مو حوامل .. انة بدون الحمل بعد جسمي مضبووووووط..
واذا شافني اكل شي يقول بسج متنتي.. بنات انة في السابع وزني صار من 43 الى
49 يعني مو وايد البطن والصدر والافخاذ .. صرت ماحب اكله يمه ..
مع ان انة ماكل وايد.. اكثر شي تمر وفواكه .. هاي اكلي..
بعدين دمي ناقص واحتااااج.. كرهني بنفسي .. تعب لي نفسيتي..
ماقدر اسكت صرت من الكلام الي يقطه .. شيستفيد لا مدح فلانة وعلاقة
وذمني..:eh_s(2):
اشيخسر اذا طيب خاطري بكلمة حلوة..
مع العلم ان اهو يقول لي لاولدتي مابيج ضعيفة.. متني متني .. واهو هالجم كيلو في
فترة الحمل يتطنز علي..
كل يفشلني ويقط علي كلام يجرحني..
قبل الحمل كان يطبخ لنا .. عااااااادي
ذاك اليوم رجعنا من السوق كنت حيل تعبانة وعطشانة ويوعانة ..
وموب قادرة اقوم خلاص.. اقول له ييب لي ماي وتفاحة.. عشان ارجع طاقتي..
قعد يطالعني بنضرات سخرية.. ويقول لي روحي انتي سوي لنا عشاااا
بتقومين زين ما بتقومين برقد..
وانة كلش موووووو قاااادرة.. ونام وخلاني وانة والله ماكنت قادرة اشيل عمري كللللللش
شوفو لاي درجة تغير..
ولا كانه يسوي شي ويقول لي انتي زبالة وانتي مادري شنو على شنو
بنات ادلعه .. واهتم فيه ماهملته بفترة الحمل كلش
لا من طباخ ولا تنظيف البيت ولا مساج ولا العلاقة الخاصة ومعاملتي حلوة ..
ادلله والله بس مايبين بعينه..
مغرقته بحناني.. بطريقة موب انة الي الصق فيه والاحقه لا .. اهو اييني يقول
لي ابي حنان او مسحي علي او جذي..
حتى حنة احني شعره .. وياي.. مع انه اجازة مااخليه يشوف حنة بشعري ابدااا
احطها واهو راقد واغسلها قبل ما يقعد..
مادري احس كلامي ملخبط وخربط واايد.. بس صج ضايج حالي
فوق ماقاعدة احاتي الولادة واييني الم وتعب اهو يتعبني..
:eh_s(2):اهو رقد من الساعة 10 وانة ليحين موب قادرة ارقد من القهر

 

[زينبو]

الله يقومج بالسلامه ان شاءالله ويستانس فيج وبالياهل

وعادي كلما يطنز اخذيها على ضحك وضحكي وياه

راح يحس انج عفوية وماتشيلين عليه

اعتبريه يتغشمر ولي ولدتي حافظي على اكلج والرياضه وتظلين كتكوته ان شاءالله لاتتضايقيين اوكيييه

 

[فراشة الرغد]

يا بعد عمري انتي والله..
تسلمين يا قلبي..كلمتج بردت على قلبي
اشوي والله..

 

[ايمان_مشرف]

:3lm1:

تدرين مو معقول اللي يسويه ريلج ..هذا مو متربي

اقصد محد قاله احترم نفسك ..عشان تحترمك الناس ..وتبادلهم الاحترام

انسان حقييير .."لان الكلام احياناا.. يجرح اشد من وقع الحسام ؟)

اقراء قصص بالمنتدى .. كل يووووم ..

وماني مصدق ان فيه انسان عايش عيشتج ...صج صج ..

مادري البنات يبالغوون .. قصصكم تبجي حتى اليهوووووودي

((انا هنيه .. بالمنتدى ..اراقب حبيبي .. او احب اراقب حبيبي

حتى لو ما يشارك الا كل عشرين يووم .. واحيانا شهر ..بس

اصبر وانتظر ..واستمتع وانا اراقب حبيبي ..

وما عندي الجراه اكلمه ..لان طبعي الحياء يغلب عليه ؟))

عفواا نرجع لموضوووعج
اللي بقوله .. بسبة ريلج .. واسلوبه الجاف .. كله تجريح ما له معنى

وما له داعي اصلا يتلفظ الفاظ حقيره ويضحك ويستمتع .. شنووووو كرهت المنتدى .. وما قمت اركز بسبة

معاناتكم كاني عايش وياكم .. انا املك قدرة التخيل والخيال واعيش قصصكم ..الله يعينج على حياتج الممله
انا لو تسالني عن رايي ... تطلقي وعيشي حره طليقه (شنوو الانسان عايش بدون كرامة كل يوم طنازه
وسب ؟؟؟؟ او اذا سبج وغلط عليج شيلي قشج وروحي اهلج بس خليه يعرف ان لسانه الزفر اهو السبب ؟

 

[ماركة انثى]

الله يعينج ياقلبي اهم شي صحتج وصحة البيبي

ماعليج من زوجج لو يجرب الحمل يوم واحد يموت بس خليها على ربج

وطنشي

 

[جنون زوجي]

ربي يهون عليك يتمم حملك على خير
وتطلعي بالسلامه حبيبتي ولايهمك خليك منه
وعلقي عليه مثل مايعلق عليك ولا رك الكلب سنه
طنشيه ولايهمك واهتمي بحالك وبشغل للنونو والله هذولا هم ماعندهم مشاعر تجهه زوجاتهم
لكن حسبنا الله ونعم الوكيل واكثري الاستغفار والدعاء وحاولي تلهين نفسك عنه
بطلعه مع اهلك ومع ربعك واسهجيه بالكلام
ولعل يفيد به وربي يسخره لك ويحنن قلبه عليك

 

[njoom1]

حبيبتي والله ضاق خلقي عليييييج

بس شتسوين بعد اللله يعينج ويحنن قلبه عليييج يمكن
اذا تطنز عليج ... ضحكي وياه قوليله اشدعوى انت نقصر تطنزي علييييه بس بالخفيف عاااااااااااااد مو تتعمقين يعني غشمره خفيفه
مادري والله

الله يهدييييييه ويصلحه

 

[زينبو]

Re: رد: متضــــــــــــــــــــــــــايقة موب عارفة ارقد..تعالو سولفو وياي اشوي

حياج الله وتشرفت فيج خلج ثقه دايما

 

[حبيبة سعيد]

حبيبتي عاد انتي حامل تكفين لا تتضايقين كافي خلاص

ترى والله صج طالعي فيه هذا الانسان مجرد مخلوق ضعيف حقير ولد من نطقه أتضايق أشيل واحد عشانه لييييييش. شوفي نفسج انتي غاليه غاليه عند نفسج

اهتمي اكلي كشخي نامي شوفي التلفزيون اتصلي بالوالده صلي حفظي سورة جديده حفظيها عدل واقريها بصلاتج وشوفي إحساسها

وصيري معاه مثل الصديقة مثلا اهوا يتجوز ضحكي وتطنزي عليه يقارن يعرج وشكلج بالممثلات والهنديات هم قارنيه ترى الهنود مو مقصرين أظن بينصدم ويغير اسلوبه

هو مستضعفج. وانا متأكدة اذا صرتي قوية وحس انج متقاعد تتضايقين منه بيغير اسلوبه وينتقد نفسه بنفسه.

اتمنى تكونين فاهمتني

لا تنسين انتي غاليه وحلوة وطيبه وأحسن منه والله يحبج

 

[shousha]

عادي عادي حبيبتي اغلب الرياييل جذيه لانه مايعرف هالشعور الي تمر فيه المراة الحامل بس عادي طوفي اهم شي حبيبتي صحتج وكل ماتتطنز عادي انتي بعد تتطنزي عليه بس بضحكه وخلج على كشحتج قولي لنفسج انا اكشخ غلشان نفسي مو له عادي يعني اسفهيه اهم شي صحتج انتي والبيبي

 

[حبيبة سعيد]

استغفر الله على هالبدليات كله من التج. الله يغربله

 

[*ريما*]

طوفي
ولا كنة حد يتكلم
والله يهدية

 

[مناير ...!]

تدرين شنو احسن حل؟
شفتي كلامج هني نسخيه ودزيه له مسج
اللهما غير الصيغه وجهي حجيج له
كلامج من قلبج ومبين تحبينه وشايله بخاطرج
جذي بيحس بتقصيره معاج

وعساج تولدين بالسلامه

 

[*الغاليه*]

صباااحج رااحه وسعة صدر

الغاليه انتي الحين منكده على روحج واهو نايم ماحس فيج

الزم ماعليج صحتج وصحة البيبي مو زين تتعب نفسيتج فترة الحمل

اخذي كلامه من باب الغشمره وحاولي تضحكين مره مرتين لين يمل

اهو شاايفج اتحسسين من الموضوع قاعد يضغطج

واذا بطل معاج اي مووضوع بينج وبين نفسج استغفري ربج لاتبينين له انج متضايقه

صح انه هالشي صعب بس مره ورى مره بتعودين وحطي ابالج انج حااااامل ومو زين لج التوتر والزعل

والله يسخره لج ويحنن قلبه عليج ويحطج بعيونه,,,,,وربي يقومج بالسلامه

الحين بياذن الفجر قومي صلي وادعي ربج يسخره لج






​

 

[زعنوفه]

شوفي حبيبتي حسب ما ذكرتي انج وايد احلى منه ... وانج حلوه ... ممكن يكون الريال سامع كلام من بره انكم مو لايقين على بعض او مرتك وايد احلى منك ؟؟ بعض الرياييل تصير عندهم ردة فعل ... ولا شعوريا يحسسج بالنقص وانه احسن منج ! علشان يغطي نقصه اهو!
المفروض يكون عندج ثقه في نفسج وما تتاثرين بكلامه ... يعني حتى لو قالج انتي مو حلوه او عيب عليج .. ردي عليه اصلا انا حلوه واينن .. ولا جان ما سحرتك بجمالي وتزوجتني ... لازم تبينين له انج واثقه بنفسج وان كلامه ما راح ياثر عليح بعدين تقولين وزنج 49 عليج الله هذا وزن وحده حامل؟؟؟؟ حتى الي مو حامل وهذا وزنها يقولون عنها عصله ... والفنانات الي يقولج عنهم .. قوليله انا وزني انا حامل اقل من اوزانهم بدون حمل ! شلون تشوفني متينه؟؟؟ وبعدين اذا انا حامل يعني المفروض بطني يكون يمي؟؟؟؟؟؟؟؟؟؟
شوفي حبيبتي حتى الشينه والي ريلها لايعه جبده منها ومو عاجبته .. اذا شافها واثقه من نفسها والله راح تحلي نفسها بعينه
خلي ثقتج بنفسج قويه وبعد فتره السلاح الي قاعد يحاربج فيه راح يشوف انه فاشل .... لا وراح تحلووين بعيونه
طيعي اخيتج وبتشوفين​

والله اعرف وحده ريلها من خذاها وهو يقول لها غشيتيني لمه شفتج ويهج كله مكياج عبالي حلوه خدعتيني ... وريلها جميل وهي سمره وعاديه ... كان يناديها السيلانيه .... وتحدت نفسها وقالت والله لا اخليه يحبني ... وشاف ان كلامه ما ياثر فيها ( جدامه طبعا) وشوي شوي الحين الريال يموت فيها ويتغزل فيها حتى وهي حاطه حنه على راسها يقول لها انتي حلوه بعيوني بكل اوضاعج حتى وانتي مبهذله تغسلين وتطبخين وريحتج طباخ هم ابيج واحبج
سوي مثلها وتعلمي ... هذي وهي مو حلوه .. عيل انتي شلون؟؟؟؟؟
ماتشوفين بالشارع بنات قمة الجكر ومعاها ريلها قطعه حلو .. ويركض وراها مثل الخروف​

الله يسخره لج حبيبتي ... علميه الثقه شلون قايله​

 

[أم توتو]

Re: رد: متضــــــــــــــــــــــــــايقة موب عارفة ارقد..تعالو سولفو وياي اشوي

شوفي حبيبتي حسب ما ذكرتي انج وايد احلى منه ... وانج حلوه ... ممكن يكون الريال سامع كلام من بره انكم مو لايقين على بعض او مرتك وايد احلى منك ؟؟ بعض الرياييل تصير عندهم ردة فعل ... ولا شعوريا يحسسج بالنقص وانه احسن منج ! علشان يغطي نقصه اهو!
المفروض يكون عندج ثقه في نفسج وما تتاثرين بكلامه ... يعني حتى لو قالج انتي مو حلوه او عيب عليج .. ردي عليه اصلا انا حلوه واينن .. ولا جان ما سحرتك بجمالي وتزوجتني ... لازم تبينين له انج واثقه بنفسج وان كلامه ما راح ياثر عليح بعدين تقولين وزنج 49 عليج الله هذا وزن وحده حامل؟؟؟؟ حتى الي مو حامل وهذا وزنها يقولون عنها عصله ... والفنانات الي يقولج عنهم .. قوليله انا وزني انا حامل اقل من اوزانهم بدون حمل ! شلون تشوفني متينه؟؟؟ وبعدين اذا انا حامل يعني المفروض بطني يكون يمي؟؟؟؟؟؟؟؟؟؟
شوفي حبيبتي حتى الشينه والي ريلها لايعه جبده منها ومو عاجبته .. اذا شافها واثقه من نفسها والله راح تحلي نفسها بعينه
خلي ثقتج بنفسج قويه وبعد فتره السلاح الي قاعد يحاربج فيه راح يشوف انه فاشل .... لا وراح تحلووين بعيونه
طيعي اخيتج وبتشوفين​

والله اعرف وحده ريلها من خذاها وهو يقول لها غشيتيني لمه شفتج ويهج كله مكياج عبالي حلوه خدعتيني ... وريلها جميل وهي سمره وعاديه ... كان يناديها السيلانيه .... وتحدت نفسها وقالت والله لا اخليه يحبني ... وشاف ان كلامه ما ياثر فيها ( جدامه طبعا) وشوي شوي الحين الريال يموت فيها ويتغزل فيها حتى وهي حاطه حنه على راسها يقول لها انتي حلوه بعيوني بكل اوضاعج حتى وانتي مبهذله تغسلين وتطبخين وريحتج طباخ هم ابيج واحبج
سوي مثلها وتعلمي ... هذي وهي مو حلوه .. عيل انتي شلون؟؟؟؟؟
ماتشوفين بالشارع بنات قمة الجكر ومعاها ريلها قطعه حلو .. ويركض وراها مثل الخروف​

الله يسخره لج حبيبتي ... علميه الثقه شلون قايله​

صاجه وانا من رايها :rerrerek::rerrerek:الله يسهل عليج ولاتدجج ويهديه لج

 

[FiOnKa]

استغفر الله العظيم .. شـ العيشة = ( .. والله يعينج ,, بس المفروض تردعينه من اول مرة ..

خلج دايما جذي الكلام اللي يضايقج لا تطوفينه من اول مرة بينيلة انه هالشي يزعجج و قوليله عيب و ما أرضه تكلمني جذي

و زعليّ عليه علشان لا يعيدها و يستوعب حجم الغلط اللي سواه .. و الله يهديـه لج .. لا تخلين الكلام بـ قلبج و تسكتين دزيله

مسج و كتبي كل اللي بخاطرج أو قعدو قعدة صراحه و فتحي قلبج ..

و قوليلة هالحجي :: ((لا تجرحني أكثر و تخليني أكرهك)) شنو الانسان بدون لسان حلو و كلام طيب ..

قوليله شراح تخسر لو خليت كلامك معاي راقي ؟! .. ما راح تخسر بالعكس إلا بتكسبني ,, لكن اذا كلمتني

بـ استحقار راح تخسرني .. حلي لسانك كل الناس خلانك .. و غيـر هذا قوليله ترى انا حامل و الحمال يتعب ..

اذا ما رحمتني و عنتني و انا بعز تعبيّ متى بتعيني ,, و قوليله كل تصرف طيب منك له وقع و أثر بنفسي بيصير

و كل جرح تجرحني ياه بيخلي فجوة بينه و يبعدنا عن بعض ,, انا قلت لك اللي بقلبي و انت اختار بـ أي طريقة تحب تعاملني

لانه اللي تزرعة بتحصده سواء خير كان وله شر

 

[زوجة عزيز]

بعد اسلوبه جاف وفهمنا بس التجريح ليش حبيبتي ماعليج منه شغلي نفسج عنه حاسه بحاجتج له ومحتاجته هالفتره بالذات يكون يمج والله يسخره لج ان شاء الله ويقومج بالسلامه ريلج شكله من النوع اللي يتغشمر وايد وفي غشمرته مايفرق بين الغشمره والكلام اللي يغث انتي لازم اتصارحينه ان اسلوبك يغثني عشان مايتغشمر معاج جذي والله يسهل عليج ان شاء الله

 

[ضايعة بدنيتي]

مابي اتكلم وايد عشان ما اغلط عليه .. بس قولي لي اي صوب بيتكم باييج ادوس في بطنه >>> حدها انقهرت

الله يهديه لج بس ترى للاسف انتي الي سامحة له يتطاول عليج جذي و واضح انه متعقد من موضوع الشكل .. عشان ما تشوفين نفسك عليه وتذمينه لازم يحسسك انك ولا شي وحمدي ربج اني معاج واحبج ومن هالكلام الغبي .... كل هذا لانه يبي يغطي على النقص والخوف الي فيه

تصرفي معاه صح وبتشوفين شلون بيعتدل غصبا عليه

الله يهديه لج ويهون عليج

 

[Beauty is Me]

تقومين بالسلامه حبوبه حطي بالج على روحج واكلي عدل مو زين تحرمين روحج والبيبي مو زين ترا واهوه طنشيه والله يسخركم لبعض