متعلقة بزوجي وأيد ............بس أحلامي

[خاتم ذهب]

السلام عليكم بنات




بدخل بالموضوع علي طول أحب زوجي ومتعلقه فيه وصارلي فتره كلها احلم انه يخوني وأصحي من النوم احس بموت من القهر وتطور هل الشي عندي قمت اتعب حتي من اي بنت بالتلفزيون أغار ما ابي يشوف وأهوا مره يضحك ومره يعصب علي تصرفاتي ويقولي انت ام أعيا لي وانا احبج بنفس اللحظة ارتاح بعدين أرد انقهر :eh_s(11):



تعبت ابي أشيله من بالي

 

[شادن33]

هههههههه
شكله تحبين زوجج وايد
شلون يخونج ف الحلم يعني قصدج يسوي علاقه مع بنت !!!
جنا قاريه ان اللي يجامع في المنام يعني فائده وشي زين والله اعلم
واللي يزوج ريلها عليها بالحلم هم زين يعني رزق للزوج

 

[نونه المنكوشه]

ماكواله العافيه تعوذي من أبليس يمكن أنتي تفكرين بهالشي فتخزن بعقلج الباطن وطلع بشكل حلم لاتوسوسين وكلي امورج لله ولاتفكرين ولوفي شي مصيره بيوم بينكشف لاسمح الله فريحي نفسج وعيشي حياتج

 

[3tebeya]

انتي من صجج منكده على عمرح عشان حلم ؟
طيب فسرتيه ؟ شفتي شالقصد ؟

ذكري ربج ووخري هالاشياء السلبيه منج وروحي لاي شيخ وفسري احلامج عشان ترتاحين


وتذكري كثر الدق يفج اللحام

وحطيها عدل باذونج ��

 

[نـعـومـه]

سمعت اللي تحلم ان زوجها يخونها تييب بنت

 

[فيلجاويه كيوت]

لاتعورين قلبج بوهم

توكلي على الله

 

[Pink_Roses]

لا تخربين حياتج بسبة حلم

 

[أم حسوون]

السلام عليكم
الله يهداج الغيرة مو بهالطريقة ، أنت قلبت عندج شك ، وقمت تحلمين فيها وهذا أضغاث أحلام الظاهر من كثر ما تفكرين بهالطريقه ، وبعدين راح تطفشين زوجج ، خلي عندج حسن ظن بالله ، واشغلي نفسج ببيتج بعيالج بنفسج ودوامج ، وادعي لنفسج دايما براحة البال ، والله يصلح حالج إن شا الله.

 

[جامعيه طموحه]

حرام تقهرين عمرج ع حلم ....

عيشي حياتج مع ريلج ووخري هالوساوس من بالج توكلي على الله وﻻ تشغلين راسج باحﻻم

 

[latkt7as]

حاسه فيج

عششت هالفتره سنين مع زوجي

لدرجه كنت اقوم حاقده واتهاوش واحلفه اهو مشوي شي ولالا

تعبت نفسيتي وتعب معاي

وهالشي احسه من ربي لاني قلبي تعلق بغيره

بعدها بديت اطنش اي احساس او حلم يخص الخيانه

احاول اقنع نفسي مهما سويت الامر بايد الله

اذا بيخليه يخوني او يوفي لي

الله يعينج حاسه فيج

بس ادعي اللهم لاتعلق قلبي بغيرك

اللهم استتودعتك قلبي فلاتجعل به احد سواك

اللهم اسالك رضاك والجنه

موفقه

 

[maha26]

انا جذي نفسج كنت اشك وانبش وراه من قهري لان كان يسوي اشياء تثبتلي ان في علاقه
وبعدها بعز النومه ( المعاشره قالي احبج يافلانه طبعا ماقال اسمي وعطول استوعب وقام يرقع لعمره )
بنات انتو تدرون شلوون الريال بعز نشوته اي كلام بقلبه يقوله مايكون مترتب او مجامله يكون باله مسحوب ومن هني بدا مشوار هالشك
ولين قمت اتحلم بان يخوني مع هالبنت اللي قال اسمها ولما افسر خيانه الزوج بالمنام يقول ان الزوج يكون وفي لج اذا خانج بالمنام والله اعلم
لان الشيطان احب ماعلى قلبه التفريق بين الزوجين والاخواااان وسلامتج

​

 

[latkt7as]

اللهم املكنا قلوب من ملكتهم امرنا

الله استودعناك انفسنا وازواجنا فاعصمنا عن الحرام وحببنا لحلالك

اللهم ياقوي بقدرتك التي وسعت كونك اصلح امورنا لما تحبه وترضاه

بنات ادعولي ان الله يصلح حالي انا و زوجي

 

[هيبة ملك]

لاتخربين بيتج بيدج. وحاولي تخففين من الغيره والشك

 

[اقماري]

معناته ياحلووووووووه انج بتحملين وبتجيبين بنوته قمر عسوله جميله مثل امها����


مووووووفقه خير حبيبتي


او هذي اضغاث احلام من الشيطان يوسوسلج عشان ينكد حياتج ويفقدج ثقتج بنفسج وزوجج<<زعزعة حياة المؤمن شغله الشاغل

ادعي بسجودج انه الله يسخركم لبعض ويبعد عنكم كل شر وكل هم وضيقه ولايريكم في بعض مكروه ولا في من تحبون

 

[خاتم ذهب]

حبايبي مشكورين وصج ماقصرتو
يارب لاتعلق قلبي بغيرك

 

[اهذريبك~]

بشارة حمل ان شاء الله هههه صارلي نفسج بالضبط عسى الله يرزقج بالذرية الصالحه

 

[أميرة-]

على حسب بعض الاحلام من الشيطان عشان يفرق بينج وبين زوجج

واذا رؤيا يعني بتجيبين بنت حلوه نفسج اعرف ثنتين حلموا نفس هالحلم وكلهم عقبه حملوا وجابوا بنات كوبي بيست من امهم حلااااتهم الله يخليهم لاهلهم