متفشله حدي منه ..

[ياناس هنوني]

السلام عليكم


خواااتي انا اكلمكم وانا ماااايسه

ولااايعه جبدي


زهههقت من شي اسمه طبااااخ

ما اعرف وربي ما اعرف


لاعت جبدي :eh_s(2): :eh_s(2): :eh_s(2):

مع اني اعرف للحلويات والكيك

بس ما اعرف للعيوش وهالسووااالف


وقبل كتبت لكم ان خطيبي يبيني اطبخ له وانه امه طباااااااااااااخه درجه اولى ودرجة اولى شوي عليها
تخيلوا امس اشتطيت قلت ابي افاجئه بطبخ له

رحت المكتبه شريت كتاب اطباااق النخبه

وحددت لي ثلاث طبخااات


وحده عيش

وثنتين حركات حلوه وحشو للتوست

ورحت شريت مقاديرهم

كلللللللل شي جديد

حتى االبهااارات مع انها عندنا شريت جدد

والصحون اللي بطبخ فيها واقدم الاكل


دفعت 50 دينار



واخر شي فشلت الطبخه


حمدت ربي اني ما قلتله بطبخ لك اليووووم


مع اني وربي مشيت ع التعليمااات بالضبط


ومستعده اقووولها لكم

واصور كل شي


من كثر ما احبطني الموضوع :eh_s(14):


ماكملت الطبقين قطيت الاكل وانخمدت :eh_s(16):


سااعدوووني ابو الشباااب ماياكل من ايد خدااامه كللللللللش

لدرجة اذا امه مو هنيه وماعنده فلوس لمطعم

يسوي اندومي

مع انه اكل خداامتهم لذيذ

 

[يحلموؤوؤن]

خطيبج يعني للحين ماتزوجتو؟ خلي أمج تطبخ لج وطرشيه لووول أنا الحين صارلي أربع شهور متزوجه وماعرف أسوي شيء والاكل كل يوم تطرشه لنا أمه لأن ساكنين عندهم

 

[روحي وجروحي]

وه ياحلوج والله لو اقولج شي ما تصدقيني
اول ماتزوجت الشغله الوحيده اللي اعرفها البيض لا ومره يضبط وعشره لآ لوووووووول
بس بعدين شوي شوي تعلمت والحين الحمدالله اكلي حلو بشهادة زجي واللي ذاقه
لاتيأسين محد طلع من بطن امه متعلم

 

[الدلوعه2008]

اقول هذي مشكلتج والله يعينج مفروض يا حياتي قبل لا تروحين بيت زوجج جن تعلمتي من امج طبخ وطبختي ببيتكم جذي كسبتي اخباار بس انتو مادري شفيكم شبعتوو دلع ببيت اهلكم وتزوجتو وفكرتو زواج بس وناسه وطلعه

اجل رجل شحقه متزوج يبي زوجته تطبخ وتهتم فيه وكل شيء

ومن الحين تعلمي شوراج وبعدين لا تحطين نفس المقادير انتي وشاطرتج حطي المقادير من ايدج وقراء سورة الاخلاص
وانتي ركذي وذوقي طعم بلسانج مالج شغل بالمقادير اهم شيء تعرفين اذا طلع حلوو ولا لاء

وسلامتج والله يسخر لج زوجج ​

 

[زينبو]

انزين ابتدي من التدريج يعني باستا مثلا هالسوالف وتالي عيوش

وشوفي الاكلات اللي يحطونها البنات بالصور راح تفهمين اكثر

وان شاءالله يعجبه اهم شي يشوفج مهتمه اتوقع

 

[بولندية]

الحمدالله ريلي ما يهمه الطبح

خواتي ما كاتنو يعرفون و تعلمو عقب الزواج والطبخ يبيله ممارسة مو بس انج تشترين كتب طبخ تعلمي الحين شوي شوي وان شاءالله تصيرين نفس خالتج و احسن. وموفقة

 

[Miss Chanel]

الله يعيييين

 

[iLLuMinaTion]

upppppppppppppp

 

[شموسة كيوت]

والله مثلك ماعرف للطبخ طريق

بس الحمدلله لان يوميا اطبخ زوجي مايحب اكل المطاعم كثير

اول ايام الزواج كلة يفشل يفشل لان وصلت فيي قمة الاحباط

وبعدين شوي شوي تعلمت

المهم هو دائم يشجعني يقول لذيذ هههههههههه وانا شايفته انة خربان

انتي سوي كذا يخرب اليوم وبكرة وبعدو لكن الا مايصلح يوم من الايام

 

[MiSS B.K]

كل شي بالصبر
نطري وكل شي بتتعلمينه مع الوقت

 

[المرتاحة]

اشوي اشوي راح تتعلمين

لا تكبرين المشكله و اهو اكيد راح بيتفهم وضعج

 

[عبير العنزي]

دامج عند اهلج الحين

كل يوم دشي للمطبخ وسوي بروفات

يعني اطبخي وتعلمي عادي بالبدايه كل يوم تخرب قطيهاا وسوي غيرهاا

وكل يوم جي وبتتعلمين مع الايام ان شاااء الله واهم شي تكون امج معاج بالمطبخ واسئليها كل شوي شحط وشسوي

ومتى احط العيش ومتى الدياي وكمية الابهارات والملح واسئليها عن كل التفاصيل

وبعد وانتي تطبخين قبل كل شي قولي بسم الله الرحمن الرحيم

و اقضي وقتج تسبيح واستغفار وصلاة على محمد واله ..اثناء الطباخ

وهذي طريقه مجربه سبحان الله الاكله بروحها تصير اتهبل


الله يوفقج

 

[تفداج روحي]

حبيبتي اذا ما طبختي اليوم تطبخين باجر
يعني اذا لج خلق وحابه الشغله مع الوقت راح تتعلمين ونصيحه قولي حق خالتج والا امج توقف معاج وتعلمج مو بالتلفوون لاااا عملي جدامها

على فكره انا سنتين متزوجه ولا طبخت الا جم مره لاني فااااشله بسوالف عيوش يا لين يا محترق يا مادري شلون بس اول كان يتنرفز ريلي بس الحين لا لان شافني شاده حيلي واحاول كسرت خاطره
وبعدين انا وراي دوام ودراسه وبيبي وما عندي خدامه فطاااااف والله ماني معذبه عمرب عشان بس يشوف طباخي يكفي مضغوطه

 

[" ام حمود "]

عااادي اصلاا اناا مثلج قبل ماعرف اطبخ شي واذا اطبخ شي ع سهل حيل يعني معكرونيه عيش وجذي بس مجابيس كلش لا تسئليني .. انا ماعندي احد يعلمني ...
والله تعلمت بروحي اخذ كتب او ادش منتدى اتعلم منهم شوي شوي لما صرت اعرف اطبخ عدل ..
كلمي اممج قولي لهاا علميني لا تتكيسلين ..
وريلج يحب اكل بيت مو مطاعم بعد .
صبري حبووبه

 

[بنت ذآك الأمير!]

ههههههههه جنج تتكلمين عني المصيبه كل البيت ياكل من الخدامه الا زوجي ..الله يوفقنا ونعرف نطبخ

 

[آهديت لك قلبى]

ههههههههههههههههههه ذكرتيني بنفسي يؤؤؤؤ ياااكثر ما اشتريت كتب

واطبق نفس اللي مكتوب وخطوه خطوه واخر شئ يلوووووع الجبد والله حتي ماينوكل لا طعم ولا لون ولا رائحه

وحراام مايقدر حتي يجاملني وياكل منه يفششششششششششل

لا تحاتيين مع الايام بتعلمين اهم شئ استمري ولآ تفقدين الامل

​

 

[حرمه المصون]

اي والله مشكله الطبخ بس والله انا استمتع وانا اطبخ وبالاخير يخترب بس الحين عندي امل بالحياة

 

[قلبي سلومي]

عادي ربعه واجد


مرده بتعلمين

انا كان زوجي جذي بس لمن يشوفني تعبانة يرضى ان الخدامة تسويله

 

[اميره1980]

نفس مشكلتي اول ما تزوجنا
بس انا كنت اعرف على الخفيف و اعرف نظري بس عملي مو ذاك الزود

شوي شوي بديت اتعلم و اصلا يوم الخميس و الجمعة و السبت عندنا زوارات ماكو طباخ يعني بس 4 ايام بالاسبوع اطبخ و ساعات يكون عند ريلي خفارة على الغدا و ما اطبخ

الحل : دام للحين انتي في فترة الملجة دشي المطبخ مع امج و تعلمي على ايدها عمــــــلـــــــــي لا تعتمدين على كتب الطبخ تعلمج من اول مره يعني خلي الكتب بعدين و شوي شوي تتعلمين و سهالات ان شاء الله

 

[يكفيني حنانك..]

خلي امك اوخالتك او مره كبيره تحشرك بالمطبخ وتعلمك كل يوم حاجه
وصدقيني حبيبتي اذا ماحبيتي الطبخ ماراح تتعلمين