متكله على الله ثم عليكم

[حور24]

السلام عليكم ورحمه الله وبركاته


بنات والله محتااااااره ... وين اراجع ووين اولد!!


من كثر التفكير انا الحين بالشهر الثالث ولا راجعت!!!!! كل ما اقول عند هالدكتوره اغير زهقت


اول شي عزمت على فوزيه القطان قالولي زحمممممه وتوديج عند غيرها ومادري شنو سوالف!!

بعدين مادري قلت اروح المستشفى اللي ابي اولد فيه واراجع جم مراجعه وبس!!!

انتي اشرايكم ...؟؟

المشكله مادري اي مستشفى ولا اعرف دكتورات : )

ماكو خبره بالمره ... انا اول وحده بخواتي تحمل : ) وامي ماعندها خبره بهالسوالف

فقلت مالي الا كويتيات ... اللي بيشيرونه علي بسويه

انا على الله ثم عليكم ... لا تخلوني بروووحي : (

دارا الشفا والا الهادي والا المواساه...!!!؟؟؟

اراجع مره وحده بنفس المستشفى احسن؟؟

عند منو اراجع؟؟؟


متكله على الله ثم عليكم

 

[Daleela]

بالنسبه لي ما افضل الهادي

عندج دار الشفا او المواساة

وبالنسبة للدكتوره او الدكتور

لازم انتي ترتاحين لها

انا احب دكتوره ليلى اشكناني

والدكتور عمر الصياد

واثنيناتهم بعيادات مو مستشفى

انتي جربي وشوفي

يعني انتي لازم تقررين وكل عضوه راح تمدح دكتوره معينه

ومبروك عالحمال

 

[حور24]

رد : متكله على الله ثم عليكم

الله يبارك فيج


ليش ماتفضلين الهادي....؟


دار الشفا ... شلون ولادتهم ما احس بشي؟؟!!! << انا ما ابي احس بش بمووووت من الخوف !!!

انزين عادي انتي تشوفين اراجع بالمستشفى اللي بولد فيها!!؟؟

اسمحيلي ثقلت عليج

 

[حور24]

رد : متكله على الله ثم عليكم

بنات متوكله على الله ثم عليكم لاتخلوني

 

[_Pure_]

والله عيل انا شقولج

فبجري ماراجعت الين دشيت الرابع لووول من كثر ما سأالت عن الدكاتره و كلن يمدح و يذم
انا منزمااااان حاطه فبالي د.دلال السالم ليش وايد ناس يمدحون اخلاقها و نفسيتها
بس طلع ان عندها نوعا ما زحمه يعني فا مابغيت جذي ابي وحدة متفرغة لي

و مدحولي دكتوره سلوى الرفاعي و ان ماعليها زحمة و انها متدينه و نفسيتها وايد حلوه جان استخير و اروحلها و الله وفقني بالمراجعات و الولاده سهالات

و بالنسبه للمستشفى ولدت برويال حياة لان انا يهمني الفخامة و الكشخة و بنفس الوقت دكتورتي وايد تمدح المستشفى فا استخرت و ولدت فيه

والحين بحملي هذا نفس الدكتوره و نفس المستشفى و الله يسهل عليي و عليج و كل الحوامل

واي استفسار دزيلي عالخاص

 

[حور24]

رد : متكله على الله ثم عليكم

مشكوره حياتي

مادري والله ...

ماتعرفين احد جرب دار الشفا والا المواساه شلون مراجعاتهم


ومشكوره ياقلبي

 

[الريشة]

مستشفى رويال حياة وايد زين
و إذا تبين دكاترة حريم عندهم دكاترة حريم مثل:
ايمان المجيبل - أمل عبدالعزيز اسماعيل
بس عندهم دكتور شاطر اسمه سامر الريس..... اذا تبين دكتور.
بس لازم تراجعين الحين لا تتأخرين عشان تحتاجين تاكلين فيتامينات

 

[حور24]

رد : متكله على الله ثم عليكم

جم الولاده عندهم والغرف؟؟


والمراجعات بجم؟؟

 

[سموره 87]

عندج رويال حياة والدكتورة نداء بوخضور رووووعه

 

[miss-winter]

انا اراجع عند المواسات عند فرجينيا وايد زينه مشااءالله واله يتمم عليج يارب

 

[fofowa_q8]

انا اراجع عند امل عبدالعزيز الراشد وايد زينه ومريحه وتهبل

واهي بالسلام

بس الصراحه ماجربت ولادتها لي الحين

 

[ابتسمامه]

انا ولاداتي بالهادي عند رشمي وبهواني وفي انيتا بعد يمدحونها بس عيبهم زحمه حيييييل
وما افكر اغيره لانه اول مستشفى ولدت فيه واخاف اغيره
واختي اول ولاده لها بالسلام وما تفكر تغيره واختي الثانيه بدار الشفا وهم ماتفكر تغيره .......يعني كل وحده والمسشفى اللي ارتاحت له

 

[عيش و ملاس]

هلا حبيبتي والله كسرتي خاطري ، شوفي أنا أفضل كونج بجر دكتوره من نفس المستشفى تراجعين عندها وتولدج ، عندج نداء بوخضور رويال حياة أو أمل الراشد بالسلام والأثتين دكاتره كويتيات خبره في المستشفيات الحكوميه والحالات الصعبه

 

[نرجس 85]

رد : متكله على الله ثم عليكم

والله انا اراجع عند الدكتوره ناهده العلي
صج انسانه قمت الاخلاق وحدها رحوووووووووومه وشاطره وتعاملج نفس ما تعامل الام بنتها
صج ان عندها زحمه وايد بس تستاهل النطره حدي احبها
وبالنسبه للمستشفى ولدت في بجري بالمواساة عزروا فيني وبهدلوني واخرتها طاح ولدي بالعنايه المركزه
وباقي عيالي ولدتهم بالهادي سستراتهم اللي بالولاده وايد زينين واول ما ادخل يتصلون بدكتورتي ناهده وتييلي على طول
انتي شوفي شنو ترتاحين له وسويه والله يتمم عليج ويرزقج الذريه الصالحه يارب

 

[حور24]

رد : متكله على الله ثم عليكم

مشكووووووووووورين للي ردوا كلهم


انا تقريبا بروح المواساة وبتوكل على الله ... منو في دكتوره زينه غير فرجينيا مابقى احد ماسبها!!!!!

 

[جبنة بيضة]

انا في بجري راجعت عند فوزية القطان على قولتج زحمة و مستعيلة الي يشفعلها انها شاطرة و دقيقة

رفيجتي امدحت الدكتورة امل يوم كانت برويال و الحين راححت السلام شاطرة وايد يحبونها البنات

استخيري و شوفي الله يسهلج يارب

 

[حرم يوسف بيك]

رد : متكله على الله ثم عليكم

انا كل ولاداتيً بالمواساة ولا افكر اغير المستشفى باول حمل لي كنت اراجع عندً الافغاني بس عقب ماولدت حرمت اول عنده مره ثانيه انسان عجول وايي بطلعت الراس اخر شي لا وحتى مو اهوا الي خيطني وعقب يبت دكتوره من بره نداء بوخضور وماعجبتني كلش والحين بحمالي هذا من اول ماحللت وانا افكر عند منو اراجع عقب البحث والتسأل والسيرج بقوقل خخخخ استقريت على الدكتور حيان الاحمد بالمواساه واول مادخلت الثالث راجعت عنده وارتحتله حيييييل ومدحوا ولادته وخياطه طبعا اهوا. دكتور بالمواساة وانا واختي الحين انراجع عنده وكان دكتور بلندن مدة ٢٠ سنه بسً شكله صغير

 

[الحلوه الأموره]

بصراحه .. سالفة الولادة والمراجعات الله يعينج عليها

انا ثاني حمال .. وكأني ماحملت قبل وهم قاعده أسأل

أنا كنت عند ناهده العلي .. وبصراحه لا يعلى عليها ... قمة في الاخلاق وحتى ولادتها الحمدلله سهالات

بس مشكلتها العيادة زحمه .. بس تستاهل

 

[غنوة ستايل]

اول شي فتحي ملف بمستشفى السلام
واهناك دشي على دكتورة ( نزهت ) او دكتور ( عمرو عصام )
وكل مراجعه تسوين سونار . والمراجعه تكون بالشهر مره ( اهي تحدد لج الموعد )
وبالشهر الاخير تصير كل اسبوع مره .

 

[حور24]

رد : متكله على الله ثم عليكم

مشكورين بنات


بنات انا ابي دكتوره ... مادري انا خايفه افضل دكتوره نفس المستشفى اللي بولد فيه

يعني انتوا اتأيدون اولد بالمواساه... الحين مافي الا لينا وفرجينيا!!!؟؟

مادري اخاف اوصل حدي حدي ويودوني طواري ... وانا عندي مشكله اني اذاحطيت ببالي مثلا اني بجيب دكتوره من برا خلاص تلقوني اتوتر اذا تأخرت او ولدني غيرها مادري


بلييييييييييييييز ابي ارتاح زهقت

قاعده اقول اروح المواساة واللي قدامي يولدني؟؟! بس اخاف يلعبون فيني