متوهقة مع الخدامة !!

[أسماء]

السلام عليكم ..

أنا بدخل بالموضوع بدون مقدمات ..

خدامتي و ما أدراك ما خدامتي ( ما شفت أسوء منها ) هل اليومين مطنقرة و بترد المكتب لها 6 أشهر عندي و انا أصلا ما خذتها مرتجع بمبلغ و قدره 450

و أنا ألحين حدي متوهقة أبي خدامة على كفالة المكتب بس مو عارفة شلون طريقتهم ؟ و هل إذا رحت المكتب ألقاهم زاهبين و أخذ على طول ؟ و إلا لازم أطلب و بعدين تجي ؟ و شنو المكاتب اللي تنصحوني فيها حق و حدة هندية أو فلبينية ؟

 

[الأميرة جوري]

رد : متوهقة مع الخدامة !!

ليش ماتطلبين يديده مااشتغلت من قبل تربينها علي ايدج اشلج بالمسترجعات متعودات عالبيوت من بيت لي بيت

 

[ام الدرر]

انا نفس الاميرة جوري اطلبها اول مرة تطلع من ديرتها ماتعرف كوعها من بوعها واعلمها على راحتي
وترى سمعة المكتب مو ضمان ان كل الخدم اللي يطلبهم زينين
الخدم حظ ياقلبي
ياتصيب ياتخيب
<<<<قامت تغني
والله يعينج ​

 

[عيووونه]

رد : متوهقة مع الخدامة !!

انتي وحظج دقي عالمكاتب وشوفي مسترجعات يمكن يعجبونج او طلبي وممكن تحصلين عندهم جدد على كفاله المكتب مسكي الوسيد ودقي على المكاتب

 

[الام الحنونه]

هلا اختي انا كنت من شهر بمجمع رميح للخدم,شقول شخلي مقططين هناك تقطط,وطبعا المسترجع ما يقولون السبب الرئيسي في رجوعهم,بس خلي بالج من المكاتب لان انغشيت في مكتبين منهم عطوني مسترجع وخلال يومين الخدامه تقول اي سبب تافه وتبي ترجع المكتب,طبعا متفقه مع المكتب انها تاخذ يوميتها الي اهي 3 دنانير خلال يومين والثالث تقول انا برجع المكتب,طبعا انا اهني شلون فهمتها؟؟
لما الخدامه الثانيه اخذتها من مكتب ثاني وسوت نفس الموال والسكرتاريه هناك بدال ما يزفونها يضحكون في ويهاها فهمت القصه وزفيتهم وتحسبت عليهم الله واهما ولااااااا كلمه منزلين راسهم ,قلت اي اشلون يقعدون معاكم بالمكتب اشهر لا شغل ولا مشغله ويبون مكان للنوم والاكل؟؟عاد تطلعون معاشاتهم من ظهورنا احنا ياالمساكين,واحنا ياغافلين لكم الله,بس هذه اخر زياراتي لهم بعد ما خذيت اخيرا وحده نيباليه على كفالة المكتب,واذا عندج مكتب مضمون تعرفينه يكون افضل لان الحين صارت سالفة تجاره والله يوفقج ياااارب بخدامه زينه

 

[أسماء]

رد: رد : متوهقة مع الخدامة !!

ليش ماتطلبين يديده مااشتغلت من قبل تربينها علي ايدج اشلج بالمسترجعات متعودات عالبيوت من بيت لي بيت

و الله مو ضابطة معاي طلبت مرتين يديدة و ينطروني شهرين و بعدين يقولون لي إنها كبيرة بالعمر و السفارة مو سامحة لها
و الثانية ما أذكر شنو قالولولي عنها بعد نطرة طويله
يعني قعدت أكثر من 6 أشهر بدون خدامة و اضطريت أخذ هذي المرتجع

 

[أسماء]

انا نفس الاميرة جوري اطلبها اول مرة تطلع من ديرتها ماتعرف كوعها من بوعها واعلمها على راحتي
وترى سمعة المكتب مو ضمان ان كل الخدم اللي يطلبهم زينين
الخدم حظ ياقلبي
ياتصيب ياتخيب
<<<<قامت تغني
والله يعينج ​

ودي أطلب يديدة بس مو قادرة و ما يمديني أنا ألحين على وش ولادة الله يسهل علي و على الحوامل ,
و انتي صاجة هالخدم انتي و حظج ..

 

[أسماء]

رد: رد : متوهقة مع الخدامة !!

انتي وحظج دقي عالمكاتب وشوفي مسترجعات يمكن يعجبونج او طلبي وممكن تحصلين عندهم جدد على كفاله المكتب مسكي الوسيد ودقي على المكاتب

اي أنا أبي وحدة جديدة بس على كفالة المكتب ؟ بس مو عارفة طريقتهم ؟ يعني تكون موجودة بالمكتب و أنا أخذها على طول و إلا شلون ؟

 

[أسماء]

هلا اختي انا كنت من شهر بمجمع رميح للخدم,شقول شخلي مقططين هناك تقطط,وطبعا المسترجع ما يقولون السبب الرئيسي في رجوعهم,بس خلي بالج من المكاتب لان انغشيت في مكتبين منهم عطوني مسترجع وخلال يومين الخدامه تقول اي سبب تافه وتبي ترجع المكتب,طبعا متفقه مع المكتب انها تاخذ يوميتها الي اهي 3 دنانير خلال يومين والثالث تقول انا برجع المكتب,طبعا انا اهني شلون فهمتها؟؟
لما الخدامه الثانيه اخذتها من مكتب ثاني وسوت نفس الموال والسكرتاريه هناك بدال ما يزفونها يضحكون في ويهاها فهمت القصه وزفيتهم وتحسبت عليهم الله واهما ولااااااا كلمه منزلين راسهم ,قلت اي اشلون يقعدون معاكم بالمكتب اشهر لا شغل ولا مشغله ويبون مكان للنوم والاكل؟؟عاد تطلعون معاشاتهم من ظهورنا احنا ياالمساكين,واحنا ياغافلين لكم الله,بس هذه اخر زياراتي لهم بعد ما خذيت اخيرا وحده نيباليه على كفالة المكتب,واذا عندج مكتب مضمون تعرفينه يكون افضل لان الحين صارت سالفة تجاره والله يوفقج ياااارب بخدامه زينه

و الله بلوة هالمكاتب , أنا الصراحة عقب ما جربت هذي قلت توبه أخذ مرتجع , أخر مرة أسويها بس أنا محتاجة وحدة بسرعة تجي عندي , فأتوقع اللي على كفالة المكتب أحسن , بس مدري شلون طريقتهم ..

 

[أسماء]

بنات ساعدوني

أبي وحدة جديدة بس على كفالة المكتب ؟ بس مو عارفة طريقتهم ؟ يعني تكون موجودة بالمكتب و أنا أخذها على طول و إلا شلون ؟

 

[RoOoz]

حبيبتي فيه الحين يكونون جاهزين بس بسرعه يطيرون اللي اهم على كفالة المكتب
يبيلج تروحين المكاتب وتسألينهم عندك كفالة المكتب تكون جديدة بس المكتب اييبها بأسمه ويبيعها بأكثر تقريبا 100 دك من السعر الاصلي

الله يساعدج وانا معاج ونلقى اللي نبيه انا نفس حالتج وعندي 5 عيال وحامل

الله يهونها علينا

 

[{هتًان}]

رد : متوهقة مع الخدامة !!

يبيعها لج المكتب

ودوريلج وحده خبره وبشروطج

امانه منو يتحمل الجدد يعلون القلب ومايتعلمون

وعموما الخدم الحين ولا ابيــزه بشتى الجناســـي ترى

 

[أسماء]

الله المستعان بروح أسعارهم غالية و هم أزيد 100

بس المحتاج شيسوي يالله أمرنا لله

بس بعد خوفج ينحاشون و الا شي ؟

 

[RoOoz]

كل شي جايز حبيبتي ممكن ينحاشون
الله المستعان والله مضطرين لهم لا حول ولا قوة الا بالله

 

[أسماء]

اي ودي و حدة مشتغلة من قبل بس مو بالكويت

 

[RoOoz]

تخيلي امس لقيت لي وحده سيلانية كفالة دقت علي راعية المكتب وتقولي ردي علي بسرعه اذا تبينها او لا ؟
سيلانية توها واصلة كفالة المكتب ومربية وتمدحها كانت مشتغله بالامارات

طولت عليها نص ساعة والله وبعدين صار الوقت متاخر وادق عالمكتب ما يردون
قلت خلاص باجر الصبح ادق
وقمت دقيت الساعه 10 تقولي خلاص طارت خذوها

قلت خيره مالي نصيب فيها

 

[أسماء]

وي يالله خيرة , الله يرزقج أحسن منها إنشاء الله ..

أنا مشكلتي إني باخذها أسفرها معاي , عاد مايندرى إذا على كفالة المكتب أقدر اسافر فيها اولا , و اللي عندي حسبي الله عليها مو راضية كلش تيي معاي لأنها جربت حكرة السعودية شهرين , مع اني قايلة لها من المكتب , بس الحين متنحرة و خوفي تسوي شي ببنتي برجعها و أمري لله