متوهقه ...

[][][ غـــرك زمـــانك ][][]

السلا عليكم ..

مرحبا بنات

عندي باجر درس والمشرفه قالت بدش علي تكفون اللي تعرف تساعدني ابي منبه حلو

الاهداف
____

- يربط بين العضو وحاسة اللمس
- يحرص على سلامة يده
- يطبع يده على ورقه


اللي تعرف لا تبخل بليييز .. من كثر ما انا احاتي مو قادره اريح الحين مع اني تعبانه

وشكرا

 

[لوميه]

حبوبة حياج الله بين خواتج
بالمنتدى


لا تحاتين


تييبين اظرف ملون مختلفه عن بعضها يعني احمر / اخضر / اصفر / ازرق او اكياس ملونه عددهم 4
توزعينهم عالاركان
تحطين بالجيس الاول قطن / الثاني جلد / الثالث خيش او ليفه / الرابع فرو او ريش ...

تييبين بطاقات ملونه مثل لون الاجياس
تختارين 4 اطفال ....
كل طفل يختار لون ... ويدور عالجيس بالفصل ....

بعد ما يطلعون اللي بالجيس تستثيرينهم بالاسئله الاستنتاجيه لين توصلين لحاسة اللمس المرتبطه باليد و الجلد ....



حبوبة حبيت اعدل لج الهدف العقلي : يربط بين اليد وحاسة اللمس ...


خلصنا من الهدف العقلي نيي حق الوجداني : اشلون تسوينه من خلال مسرح عرايس ....


الحسي حركي : وزعي لكل طفل ورقه وقلم خليه بنهاية الدرس يحط ايده و يحدد بالقلم... احس من الطباعه بالوان الاصابع احس تلعوز بالحلقه ...

واي شي ترا احنه خواتج وماراح نقصر معاج
​

 

[عبق الورد]

كان ودي اساعدج بس انا مدرسه جديده بقراطيسي << يعني عليميه وداااجه

بس لوميه حبيبتي والله ... ماقصرت
لوميه جزاج الله خير ويعطيج العافيه

 

[:: SeCRetS ::]

لوومية ماشاالله عليج


درس الحواس 3 حواس قدمته درس ريادي لمعلمات التربية العملية


يمكن اقدر افيدج بمسابقة اذا حابه

سويت مثل علاقات الاركان الباجات


بس اشكال اييد اربع الوان


وبعدين لعبنا لعبة الملمس


مجموعة الاييد الحمرا

مجموعة الاييد الصفرا

مجموعة الاييد الخضرا

والزرقا


ومسويةعالصبورة من قص ولزق شكل ابواب 4 ابواب

مع الموسيقى يلمسون مجموعة الاييد الاكياس اللي عندهم

يعني مثلا حطي ببالج 4 اكياس فيهم خيش

يلا لمستوا من غير لاتشوفون طقوا باب الخيش


وبعد القطن يلمسون الاجياس وتطلع وحدة من الاييد الصفرا مثلا

تدور باب القطن


يعني يكون ملمس وتصحيح لصحة هالملمس

مادري احس ماشرحتها عدل!


طبعا درس الحواس قدمته عن طريق حفلة عيد ميلاد واايد استانسوا عليها


ان عيدميلاد المدرسة اللي معاي

اشرايكم نزهم لها اوكي شنو نحتاج

يابوا البالونات بس اهيا تحب اللون الاحمر والاصفر بس شنسوي

قالوا كاهوا موجود

اشلون اعرفوه من حاسة النظر

خلصنا

قلنا لازم نعطر لها الصف وصار حاسة الشم

عقب لازم ندخل لها الكيكة

دخلت الكيكة على اغنية قرقيعان

قلت لهم اطفااال ماتلاحظون في غلط قالوا امبله توصلوا ان مواغنية عيد ميلاد


اشلون عرفوا

من حاسة السمع


آخر شي يبناها

وقلت يلا بس ناكل قالوا لا نشرب وانا يايبه لهم عصير ومغطى

وقلت اوو نسيت اي واحد عصير المنقا وايهو الكوكتيل منو يساعدني

ذاقه ياهل وقالي اشلون عرف من التذوق

شبينا الشمعة ونطفيناها

بحطها بكرتونها اشلون اعرف اذا اهيا حارة ولا باردة من اللمس


=============


طبعا سوري هذا مايفيد درسج بس اذا قدرتي اخذي منه شغلات


وللإفااادة العامة

: )



:: Secrets ::​

 

[][][ غـــرك زمـــانك ][][]

تسلمون خواتي والله ماقصرتوا وجزاكم الله الف خير

ونردها لكم بالافراح انشالله

اختكم : غرك زمانك