متى أحسن وقت لزيارة الكويت أفيدوني ؟؟

[أم سدومة]

مرحبا بأحلى كويتيات

أنا ابغى أزور الكويت و محتارة بين عطلة الحج أو شهر فبراير وش أحسن ؟؟

شي ثاني أبي نصيحتكم حول السكن وش أحسن الفنادق و وين مواقعها ؟؟

آخر سؤال حبيباتي كم تقريباً يكفيني ميزانية في الكويت إذا جلست اسبوع أنا و زوجي و بنتي .

مشكورين ..

 

[~*الزين الاصيل*~]

حيااج الله بااي وقت حبيبتي

 

[~*الزين الاصيل*~]

ربي يخلي لج سدوومه ويحفظها لكم

 

[بمبة المفترسة]

هالايام الجووو وايد حلوووووووووو
وبعطلة الحج اكيد الجوووووووو حلووووووووو وفبراير بعد
وعموما الكويت من شهر 11 الي شهر 4 الجوو وايد حلووووووووو

 

[tolay]

على حسب رغبتج

اذا تحبين سوالف المسيره وهالسوالف تعالي فبراير

يصادفج 25_2 26_2 مسيرة بكل مكان وخصوصا بالمخيمات وشارع الخليج .... يعني اذا تحبين هالأجواء تعالي هالحزه

عطلة الحج تصادفج زحمه اتوقع لانها مع العيد

وعموما الجو بالكويت يكون حلو شهر 2 و3 احلى شي

11 بداية البرد 12 و1 برد حييييييل يعني شهر 2 و3 حلووو

والكويت موغاليه حيل اسعارها عاديه وسط

الفنادق مالي خبره فيهم

واذا تبينا ندليج عن الأماكن الترفيهية بالكويت حاضرين

 

[برميت]

بعد عمري حياج الله ..هذي الساعه المباركه
انا من رايي تعالي شهر 2 و 3 و4 دفى اشوي
بس اذا مشتهيه برد تعالي شهر 12 و1 ..بس برد مووت

و بصراحه الكويت غاليه اشوي ..اذا كان ودج تشترين ملابس فيبيلج ميزانيه كبيره
في فنادق رخيصه ليلتها ب 50 و اذا خذيتي ليلتين يعطونج ليله فري مع ريوق حق 3 ايام ..يعني حسابج 100 حق 3 ايام
و لو نقول كل يوم بتروحين و تتغدين بمطاعم
اذا مطاعم وجبات سريعه مثل بيتزا هوت و كنتاكي و برجر كنج و ماكدونالدز فميزانيه الشخص دينار و نص لي دينارين
و اذا بتروحيم مطاعم لبنانيه و انصحج فيها وايد مثل ميجانا ، صبح و مسا، فيلا فيروز، شيراتون الطربوش، عبدالوهاب، كروان بلازا ايام زمان ..فبتكون الفاتورة 15-25 دك على حسب الطلب .
و اذا بتروحين فنادق و تاكلين فيهم مثل شيراتون القاعه الحمرا ، فندق ساس مطعم بيكوك ، و غيرهم فبيكون الشخص 10-15 لانه بوفيه .
و اذا بتروحين المطاعم الي داخل المجمعات مثل لنوتر و جونيرروكيت و نينو و واتير ليمون و غيرهم فبتكون الفاتورة 15- 20 .
و اذا مفكره تشترين ملابس ..مجمع الصالحيه و الرايه و زهره و مريم و بعض محلات بمجمع 360 و بعض محلات الافنيوز تحديدا بالتوسعه ..اسعاره غاليه و كله ماركات
و اذا رحتي مرينا مول و سوق شرق و 360 و الافنيوز اسعاره معقوله نسبيا ..يعني تقريبا القمصان الطويله تحصلين من 6- 25 دك
و اذا رحتي النقرة الشمالي و النقرة الجنوبي في محلات تبيع كل شي ب 5 دك و في محلات تبيع بأسعار معقوله ب 15 و 20 .
و بالنسبه للاماكن السياحيه غير البلعه و السوقه ..في سينمات ..و سينما 3d ، اسعارعم 3 السينما العاديه و يوم الاثنين سعر التذكره 1ونص ماادري ليش لوول و في المركز العلمي تودين بنتج و تستانس بقاعه الاستكشاف او تدخلون الاكوريوم و تشوف الاسماك و في بره قعده حلوه ..و سعر تذكرة الاكوريوم 3 للشخص و بنتج اذا صغيره حيل ماياخذون عليها و اذا كبيره يخذون اقل من 3 بس ماادري جم بالضبط ..و قاعه الاستكشاف ماادري والله جم سعرها بس مو اكثر من 3 بس لازم احد يدخل معاها ...تقدرون تدخلون المركز العلمي و بس تتمشون و تشربون قهوه و تطلعون بره و تتمشون بدون لا تدفعون و لا فلس ..بس بتدفعون سعر المواقف ..بس اذا دخلتوا الاكوريوم او الاستكشاف او السينما اي ماكس راح يعطونكم تذكرة حق المواقف علشان ما يحسبون عليكم فلوس..و تصير دخلتكم مجانيه .
ادري انا وايد قرقه ..بس حبيت افيدج ..يالله نكمل
تقدرين بعد تروحين منتزة الشعب الترفيهي ..هذا ملاهي ..و فيه ألعاب حقج انتي و ريلج و ألعاب حق بنتج ..و بعد تقدرين تروحين المدينه الترفيهيه ..عاد هذي صج لازم تروحين لها لانه صج راح تستانسون فيها .
اممم بعد وين بعد وين ...ايي في مكان رومنسي ووايد انصحج فيه ...بس حلاته بدون بنتج ..لانها بتمل ..فندق هيلتون المنقف ..الله يسلمج في بره قعده على البحر حلوه ..و تطلبين عشا او جاي و فيه شيشه اذا ريلج يشيش ..بس صج القعده حلوه ..تكون مثل خيام و قعده ارضيه مطارح و كل خيمه بروحها ..يعني انتي و ريلج خيمه بروحكم ..و نسايم الهوا و بريدات ..حده الجو رومنسي ..
بعد بعد وين فيه امممم ...في صاله تزلج ..بس ترى خبري فيها من 11 سنه لووول
ايي في مكان ألعاب بشرق كرتون نتوورك ..اذا تعرفين حق البابايات ..عليه صورة الفتيات الخارقات لووول اختي علمتني عليهم ..حده عجيب و يونس حق اليهال و حق الكبار بعد ..بصراحه انا فيني طفوله متأخره ..ريلي يوديني و اقعد العب لين اتعب لووول
و في بعد نفس طقته ..ديسكفري ..ايي بعد في بروي بالافنيوز ..تقدرين تحطين بنتج فيه و تروحين تتسوقين و يدقون عليج اذا بنتج ملت و لا تبيج ..عاد صج بنتج اذا كبيره اشوي راح تستانس حدها ..

و ان شاءالله بس اتذكر شي ايي اقولج

اهم شي لا تنسين شالج و كوت بنتج و ملابس دافيه اشوي

و ان شاءالله تستانسين و تكون احلا رحله بحياتج
ايي صح نسيت اقولج ..عندنا بعد جزيره فيلجا ..>>> المالديف مو احسن منا لوووول
تقدرين تروحين المرينا و تشوفين يخت كبير اسمه ام الخير ..يوديج فيلجا يوم كامل و يردج من الصبح لي بليل ..بس اذا بتروحين لازم تسألين شنو فيها فيلجا علشان تعرفين شنو تودين و وين بتروحين ..
و عندنا بعد منتزهات وايد ..في منتزه الخيران ..حده وناسه ..بس ماراح تلقين حجز شاليهات لانه زحمه ...الناس حاجيزن حق فبراير من الحين و فل مشاءالله ...بس تقدرين تزورينه ..هم لازم تسألين وين تروحين و شنو تسوين علشان يكون عندج خلفيه عنه

وبس تعبت لووول

 

[أم سدومة]

الزين 2004

الله يحفظك و مشكورة حبيبتي على الرد

بمبة المفترسة

يسلموو حبيبتي على الرد


تولي

لا ما أحب المسيرات بس كنت اتوقع يكون فيه عروض على الفنادق و الأماكن الترفيهيية في فبراير ..

برميت

مشكووووووووووووووووووووووووووووووووووووووووووووووووووووووووووووورة ياعسل كفيتي و وفيتي عطيتيني كل المعلومات اللي احتاجها بس طمعتيني فيك انتي كريمة و أنا استاهل أنا بزور الكويت إن شاء الله و بتكون زيارتي الأولى يعني أختك في الله ماتعرف شي عن الكويت غير اللي قريته بمنتدى العرب المسافرون و اللي كتبتيه هنا و تحمست أجي الكويت بس ابي في أسبوع أزور أهم الأماكن في الكويت أنا أعرف الأسواق قريت عنها و لازم أزورها بس لو مريتي هنا مرة ثانية اكتبي لي أهم الأماكن السياحية اللي تحسين مهم زيارتها و تونس بصراحة أهم شي و أنا و زوجي نحب الأماكن اللي توسع الصدر يعني مو مره نحب الأماكن التاريخية و المتاحف و بنتي عمرها سنتين و 3 شهور بس تحب الملاهي وين برايك اوديها ؟؟..

ألف ألف شكر لك و ماقصرتي ..​

 

[GA GA]

بالنسبه للسوق والتسوق:-
المارينا مول
سوق شرق
المهلب
الفنار
كويت مجك
العثمان
السندس
النقره الجنوبي والشمالي
ليلى غاليري
غاليريا 2002
البستان
مجمع تاله
الثريا
مجمع مريم
لاند مارك بالسالميه
المثنى
مجمع الرايا
الصالحيه
الاوقاف
البلوكات للاقمشه(مخصص للقماش)
الصيفي بلاس
المناور
الدبوس
حمره مول
العربيد غاليريا
مترو
النمران (مخصص للعبي والملافع)
مجمع طيور الجنه
سوق المباركيه



الاماكن الترفيهيه والسياحيه:-
ابراج الكويت
المدينه الترفيهيه
حديقه الشعب
شوبيز
الاكوابارك (للالعاب المائيه)
صاله التزلج
شاطئ المسيله
حديقه الحيوان
الخيران
منتجع شيك
يوم البحار ( البحاره)
حديقه جليب الشيوخ



السينمات:-
سينما الفنار
سينما شرق
سينما المهلب
سينما مترو
سينما السيارات
سينما بلازا
سينما ليلى
سينما المارينا
سينما السالميه
سينما الشعب
سينما غرناطه
سينما اجيال

وان شاءالله المره اليايه بييب لج معلومات اكثر

 

[GA GA]

الأماكن التاريخية والقديمه:
أبراج الكويت - المسجد الكبير - برج الاتصالات - قصر السيف الحديث - مبنى مقر الدائم للمنظمات العربية - مركب الهاشمي الثاني - قرية يوم البحار - نوادي اليخوت - محميات جابر الكويت البحرية - القصر الأحمر - بيت ديكسون - قصر السيف العامر - بيت البدر - بيت السدو - بيت لوذان - بوم المهلب - جزيرة فيلكا - متحف الكويت الوطني - دار الآثار الاسلامية - متحف طارق رجب - المتحف البحري - متحف شركة النفط - متحف محمد الشيباني - بيت الكويت للأعمال الوطنية - بيت القرين - متحف الفن الحديث - المدرسة الشرقية للبنات - متحف التراث الشعبي . ويوجد بعضهم خانتني بهم الذاكره .

الأماكن العلمية :
المرسم الحر- مكتبة البابطين - المركز العلمي .

الأماكن الترفيهية:
حولي بارك - منتزه الشعب الترفيهي - صدق أو لاتصدق - منتزه مرح لاند - المدينه الترفيهية - صالة التزلج على الجليد - حديقة الحيوانات - النافورة الموسيقية - الغابة الصغيرة - الأطراف لسباق الهجن - الأكوابارك - نادي الصيد والفروسية - المرح في البر - قرية المسيلة المائية

المنتجعات :
منتجع هيلتون الكويت بالمنقف - منتجع كيمبينسكي الجليعة - منتزة الخيران - منتجع شيك - منتجع الدانه - منتجع جون - منتجع الوطنية

المجمعات التجارية:
سوق الجمعة - سوق الحريم - سوق الذهب - سوق الزل - سوق السمك - سوق غربللي - سوق واجف - سوق الخضرة - سوق التمور -سوق البشوت -الكوت -مجمعات الجهراء (الوافي-سليل الجهراء-العالميه مول -المنار مول -العالميه مول -مجمع الحرمين - ) مركز سلطان . (ويوجد بمحافظات الكويت الكثير من المجمعات ليست هذه فقط .

والكثير





إن شالله الكل يستفيد من هالأماكن - يمكن البعض يعرفها بس ما تخطر على باله ان يروح هناك .

 

[GA GA]

امممم دخلي الموقع هاذا وبتعرفين عن كل الفناادق ولا بعد في حجز عبر الانترنت

يعني ان شاءالله سهلت عليج انتي وزوجج الله يوفقكم ويخليلكم لبعض يااارب
http://www.booking.com/city/kw/kuwa...=kuwait-wDKBUvCnF9Rpf0Ido*7ZDgS4021550718;ws=

 

[GA GA]

وهاذا فندق
شيرااتون الي بالكوويت

السلام عليكم ورحمة الله وبركاته

اولا فندق شيراتون الكويت ينقسم الي ثلاث مباني فندق الشيراتون من فئة الخمس نجوم و الفور بوينتس وهو عباره عن برج من فئة الاربع نجوم واليكم صور لهذا الفندق العريق الموجود في دولو الكويت علي دوار الجهراء الذي درجت تسميته بدوار الشيراتون لوجود الفندق عليه ....

http://www.starwoodhotels.com/en_US...ction/Properties/406/images/aime406ex6_lg.jpg


http://www.starwoodhotels.com/en_US...ction/Properties/406/images/aime406ex7_lg.jpg


نظره للغرف والاجنحه الموجوده بالفندق

http://www.starwoodhotels.com/en_US...ction/Properties/406/images/aime406gr9_md.jpg

http://www.starwoodhotels.com/en_US...tion/Properties/406/images/aime406gr10_md.jpg

http://www.starwoodhotels.com/en_US...tion/Properties/406/images/aime406gr11_md.jpg


http://www.starwoodhotels.com/en_US...tion/Properties/406/images/aime406gr12_md.jpg


نظره لخدمات الفندق

http://www.starwoodhotels.com/en_US...ction/Properties/406/images/aime406po4_md.jpg

http://www.starwoodhotels.com/en_US...lection/Properties/406/images/eu406po1_md.jpg

http://www.starwoodhotels.com/en_US...lection/Properties/406/images/eu406fc1_md.jpg

قاعات الاحتفالات

http://www.starwoodhotels.com/en_US...ction/Properties/406/images/aime406br6_md.jpg

http://www.starwoodhotels.com/en_US...ction/Properties/406/images/aime406br5_md.jpg

قاعات المؤتمرات

http://www.starwoodhotels.com/en_US...lection/Properties/406/images/eu406mf1_md.jpg

http://www.starwoodhotels.com/en_US...lection/Properties/406/images/eu406mf2_md.jpg

مطاعم الفندق

مطعم الحمرا

http://www.starwoodhotels.com/en_US...tion/Properties/406/images/aime406re12_md.jpg

http://www.starwoodhotels.com/en_US...tion/Properties/406/images/aime406re10_md.jpg

الشاي الانجليزي

http://www.starwoodhotels.com/en_US...tion/Properties/406/images/aime406re16_md.jpg



وهذا موقع الفندق الجغرافي

http://www.starwoodhotels.com/Media...y_Collection/Properties/406/images/406map.gif


وهذا موقع الفندق علي شبكة الانترنت

http://www.starwoodhotels.com/luxur...edGuest=&rcdi=&propertyID=406&fromSearch=44AA

 

[GA GA]

جوله في فندق ومنتجع كيمبنسكي الكويت

يقع هذا الفندق في منطقة الجليعه جنوب الكويت


اولا هذا الرابط يحتوي علي فيلم دعائي للمنتجع

http://www.kempinski-kuwait.com/shared/nps/start/kuwait.wmv


كيفية الوصول للمنتجع من مدينة الكويت

http://www.kempinski-kuwait.com/shared/nps/kontakt/karte_gross.jpg


وهذه خريطة المنتجع

http://www.kempinski-kuwait.com/shared/nps/hotel/hotel_gross.jpg

وهذا المدخل الرئيسي للمنتجع

http://www.kempinski-kuwait.com/shared/nps/start/hotel.jpg


صوره عامه للمنتجع

http://www.kempinski-kuwait.com/shared/nps/hotel/hotel2.jpg


صور داخليه للمنتجع

http://www.kempinski-kuwait.com/shared/nps/zimmer/bedroom.jpg

http://www.kempinski-kuwait.com/shared/nps/zimmer/bedroom2.jpg

المطاعم الموجوده بالمنتجع

http://www.kempinski-kuwait.com/shared/nps/bars/logo_avenue.gif

http://www.kempinski-kuwait.com/shared/nps/bars/avenue.jpg

http://www.kempinski-kuwait.com/shared/nps/bars/logo_sama.jpg

http://www.kempinski-kuwait.com/shared/nps/bars/sama.jpg


http://www.kempinski-kuwait.com/shared/nps/bars/logo_seashell.gif

http://www.kempinski-kuwait.com/shared/nps/bars/seashell.jpg

http://www.kempinski-kuwait.com/shared/nps/bars/logo_gazebo.jpg

http://www.kempinski-kuwait.com/shared/nps/bars/gazebo.jpg

http://www.kempinski-kuwait.com/shared/nps/bars/logo_secondcup.jpg
http://www.kempinski-kuwait.com/shared/nps/bars/secondcup.jpg

ويوجد ايضا بالمنتجع مركز Softouch للعلاج بالاعشاب علي الطريقه الهنديه

http://www.kempinski-kuwait.com/shared/nps/leisure/soft_logo.jpg

وهذا موقع المنتجع علي شبكة الانترنت

http://www.kempinski-kuwait.com/en/index.php

واتمنى اني افدتج يا قلبي بالفناادق اما الاماكن السياحيه ان شاءالله بالطرييج

 

[برميت]

والله يا قلبي البنات ماقصروا اذكروا كل شي
بس اذا زيارتج اسبوع بسويلج جدول اذا كنتي بتيين بشهر 2 او 3 ..علشان البريدات و الجو الحلوو
تقومين الصبح تروحين مرينا كرسنت ." مرينا مول فيه محلات و فوق فيه مطاعم سريعه و سينما و مجابله على البحر مرينا كريسنت..يتصل بمرينا مول بجسر ..يعني تدخلين مرينا مول و تاخذين فره فيه و بعدين تركبين الدرج المتحرك و توصلين هناك ..او العكس ..تروحين مرينا كريسنت و اهناك بس مطاعم و كفيهات على البحر ..وتتفطرون او تتغدون و بعدين تروحين الجسر و تروحين تتسوقين بمرينا مول ..وهذي صورة حقهم

هذا مرينا كريسنت ..الي فيه كفيهات و مطاعم بس لازم الجو يكون حلوو علشان تقعدين بره ..و انصحج اذا كنتي من عشاق الحلوو و الكاكاو تروحين كافيه اسمه جوكليت بار ..نم نم يم يم و عندهم بعد باستات لذيذه

يالله نكمل المشوار ..يعني من الصبح لي العصر بمرينا مول الي موقعه بالسالميه

هم بخليج بالسالميه علشان ما اضيعج ...عندج سوق السالميه ..هذا في هدوم و قمصان نوم و بجامات و فيه مركز سلطان و فوق فيه مكان حق ألعاب الاطفال و فيه بولنج ..ويصلح انج تشترين منه سوقه و هديه حق اهلج لانه اسعاره مناسبه

و علشان اخذ فيكم اجر ..ترى مافيه مصلى ..بس فيه مسجد بمواقف السيارات ..

يالله ركبي السياره خل نروح الفندق نرتاح و نحط الاغراض الي شريتيها و خسرتي ريلج لوول ..يالله كني الحين يوعانه و ابي نم نم
تعالي ناكل اليوم من ميس الغانم ..صج انه زحمه عند الباب ..بس اكله نم نم يم يم و سعره ألذ لووول حده سعره مناسب

اذا الجو يساعد خلينا نقعد بره

و اذا زحمه تعالي نقعد داخل

و قبل لا تاكلين ..فيه صاله ألعاب حق بنتج تلعب علشان تاخذين راحتج مع ابو العيال :gathering:

يالله عليج بالف عافيه
خل نرجع الفندق انام ورانا طلعه باجر

 

[أم سدومة]

GA GA
:e3:

ألف ألف ألف شكررررررررررررررررررررر لك ياقلبي على تعاونك كلك ذوووووووووووووووق مرررررررررررره ونسني ردك عطيتيني كل المعلومات اللي ابيها ..

اللله يحفظ الكويت و أهلها قولوا آمين ..

:q8:

 

[أم سدومة]

برميت

يالبا قلبك كملي حبيبتي متابعة

بس حسيت إني ما انعطى وجه تعبتكم معي و الله اخجلتوني بطيبكم عساااكم ع القوة ..​

 

[برميت]

صباح الخير

اليوم الثاني ..
اممم وين نروح وين نروح ...اشرايج نروح حديقه الحيوانات بما انه الجو يساعد ..و علشان بنتج تستانس ..بس لازم الصبح لانه المغرب الحيوانات تنام و مانقدر نشوفها
احم بقولج شي ممنوع بس احنا نسويه لوول ..اخذي معاج كيس توست و خبزه و حطيها بجنطتج ..بعدين اقولج ليش

يالله نشتري التذكره

طبعا ماابي احطلج صور حديقه الحيوانات علشان ما احرق عليج متعه المشاهده ..و سالفه التوست علشان توكلين القرد ..لانه شكلهم يونس و يضحك
عقب ما نخلص من حديقه الحيوانات ..يبيلنا ناكل لانه الجوع راح ياكلنا
اما نروح الافنيوز و ناكل هناك و نتمشى ..او نروح وجبات سريعه ناكل و نرتاح بالفندق اشوي و بعدين نطلع
على حسب مزاجكم
و اعطيج فكره عن مجمع الافنيوز
هذا يهد الحيل ..لا تفكرين تلبسين كعب ..لازم فلات او رياضي ..وبنتج تكون بعربانه لانها راح تتعب من المشي
اول ما توصلين روحي بروي عالم الخيال دنيا للاطفال بروووي برووووي ..لووول قاعده اغني اغنيتهم المهم
هذي صورة عنهم

يالله ناخذ تذكره حق بنتج

و يسوين مسرح عرايس و مسابقات حق الاطفال و انتي تقدرين تتسوقين فيه هدون تشوق حق بنتج
و انتي تسوقي بالافنيوز

شوفي اشكبره هذا جزء منه علشان جذي اقولج لبسي فلات لانه صبع ريلج الصغير راح يشتكي عليج لوول
و فيه مطاعم وايد بالافنيوز و في قعدات بره و في جوكليت بار اذا اشتهيتيه مره ثانيه

و عقبها ماراح تقدرين تروحين الا مكان واحد الي اهو الفراش لوول
احلام سعيده

 

[برميت]

يا قلبي قلبج ..انا ودي اخذج و افتر فيج الكويت كلها بعد عمري
يالله اليوم الثالث خلينا نكمل مشوارنا
اليوم خلينا نتريق بالفندق نجرب اكلهم ...و يالله خلينا نلبس سبورت و نروح المدينه الترفيهيه
حاولي ماتروحين يوم اليمعه او السبت او الخميس ..لانها بتكون زحمه وايد
و سعر التذكرة 3 دك شامله كل الالعاب ماعدا بعض الالعاب الخطره
و فيها مكانه اسمه القبه ..فيه ألعاب فيديو قيمز هذا مو شامل التذكره
و تنقسم مدينه الترفيهيه الي اكثر من قسم :العـالم الــغربي، عـالم المسـتقبل، نمـاذج مـن عـجائب الدنـيا، وأقسـام ثانيه

هذي لعبه الدردور مو شامل سعرها التذكره ..بس سعرها بدينار ...و افضل انها تكون اخر لعبه ..لانج راح تتسبحين
و في ألعاب وايد ..و صدقيني راح تسنانسون مررررررررررره
و في وجبات سريعه ماكدونالدز و برجركنج و بيتزاهت و غيرها
وفي قطار و مركب و حنطور يتحنطر لووولز
و مدينه الترفيهيه تاخذ يوم كامل
و بعيده عن الديره
اخلص شغل المدير و ارجع نكمل رحلتنا

 

[برميت]

صباح الخير
اليوم الرابع

يالله كشخي خل نطلع
انا ما اعرف اي فندق بتاخذين علشان ماابي اطول عليج المشاوير
خل نروح المجمعات الصغيره علشان ما نتعب ..الصبح او الظهر نروح مجمع المهلب بحولي
المهلب يعني بوم امم يعني مركب ان صح التعبير
و هذا المجمع على شكل البوم

هذا الطابق اخر طابق فيه سبا و عيادات تجميليه و عياده اسنان

و فيه سينما و فيه مكان للالعاب حق بنتج الحلوه :*
او تقدرين ما تروحين المهلب نروح مكان بعيد اشوي بفحيحيل
مجمع الكوت و المنشر
http://vb.wearab.net/imgcache2/5792.gif
اهو مجمع صغير ..بس بقولج شنو يميزة عن غيره ...اهو فيه سينما و سوق و مطاعم بس الي غير عن غيره
فيه قعده بره اتينن ..نافورة تهبل و تشرح الصدر و تشربين قهوه و تسمعين صوت الموسيقى الي على صوتها ترقص النافورة

و فيه مطهم اسمه ميجانا ..هذا مطعم لبناني قعدته حلوه و اكله حلوو و استقبالهم حلو و كل شي فيه حلوو
و فيه بعد هناك مركز سلطان اذا فيه شي ناقصج تقدرين تاخذينه
و يم الكوت في مجمع المنشر و عباره عن فندق روتانا و اشويه محلات و فيه مطاعم بعد

و بعدين اذا صار الليل تروحين فندق هيلتون المنقف ..وااو واو واااو ..ماادري ليش اموت عليه ..يمكن علشان ايام الملجه انا على طول هناك مع ريلي ..ماادري علشان القعده رومنسيه و تخليج ودج تبجين من الوناسه ..طبعا هالمكان حق الرومنسيين ..قعده على البحر ..

واذا كنتي مو متعشيه ..فيه مطاعم بالفندق ..بلو إليفنت ..و فيه بره بيتزا اكسبريس و في كفيهات داخل الفندق
و تردين البيت عقبها و ترتاحين

 

[برميت]

قبل لا نكمل رحلتنا لليوم الخامس
هذه صورة جسر المرينا

يالله الحين وين نروح
اشرايج ناخذ فره على شارع الخليج ( الكورنيش)..هذا شارع معروف بالكويت ..الناس رايحين و رادين عليه
و يطلع على اكثر من مجمع و مطعم و على البحر مثل

و وايد مطاعم
راح تستغربين ان الكويت اغلب الاماكن فيها مطاعم ..لانه الكويتيين يحبون الكل و ذويقه ..و مو اي شي يعجبهم
لدرجه انه في شارع اسمه شارع المطاعم ..على يمينج و يسارج مطاعم ..يفتح لي وقت متأخر
و على طول زحمه
و لا تنسين تروحين ابراج الكويت

:ada:
و اليوم السادس
اشرايج نروح سوق المباركيه
هذا سوق شعبي و رخيص و يونس
اذا رحتي سألي عن سرداب الشايع ..فيه مكياج رخيص و سوالف حلوه حق هدايا
و فيه سوق الخضار و سوق السمج و سوق التمور
و في محلات تبيع كل شي بو 100 فلس

وفي محلات يبيعون البشوت و محلات يبيعون العبي
و فيه سوق الذهب
كل شي فيه
و اذا تحبين الدرابيل و البقصم و الحلويات الكويتيه القديمه في حلويات الوطن وحلويات الشمالي

 

[برميت]

اخر يوم
المركز العلمي
الاكوريوم

سينما اي ماكس

قاعة الاستكشاف

و قعده حلوة بره تتمشين و تستانسين و في مطعم برجركنج و بيتزاهت

و ان شاءالله ياااربي تستانسين بالكويت
و يا الف هلا و مرحبا فيج
و سامحيني اذا قصرت بنقل الصورة

ابي منج دعوة حلوة ان ربي يرزقني بالذرية الصالحة
و اي خدمه انا حاضرة